泰好記

營業中

休息中

在旺角女人街揾食，見到呢間泰菜價錢唔貴，而且幾多人食，所幾就同朋友入去食個晚飯。泰式生蝦刺身真係好正！個味道好鮮甜，仲有一啲微微嘅辣味，好開胃！口感好彈牙，蝦肉好鮮嫩好滋味！食落去，就好似喺口中咬住一隻新鮮嘅蝦嘅感覺，加上醬汁夠惹味。呢個細既小食拼盤簡而精有炸蝦球等等，搭配嘅醬料更加加分！炸物金黃香脆，好鬆脆好好食，加上有香料香茅，更有泰式風味。炸蝦餅外層酥脆，內裡嘅蝦肉鮮甜多汁。胡椒粉絲花甲煲幾正！啲花甲新鮮彈牙，個胡椒味濃郁香辣，好開胃！而粉絲夠多又入味，吸收咗啲花甲同胡椒嘅鮮香味，口感滑嫩，令人食得好過癮！啲粉絲仲有啲微微彈牙嘅口感，同胡椒嘅香辣味完美結合。

我今日放工後，順道約同好友去位於旺角通菜街75-77號地舖的泰好記食泰式晚餐，環境舒適開揚，好有泰國風情，坐得舒服。我點左個2人套餐$299，另外點左個燒牛肉$98。2人套餐有泰式木瓜絲沙律、椰汁雞湯、泰式炒椰菜菜苗、菠蘿炒飯、泰式甜品（椰汁香芋西米糕）2件、飲品係熱柚子蜜及泰式奶茶沙冰。牛肉燒得外香內嫩，牛肉味濃，好咬口又好味；泰式木瓜絲沙津好清爽；椰汁雞湯材料豐富，好好飲；椰菜菜苗好特別，炒得青綠又有咬囗；菠蘿炒飯（無用菠蘿殼，較為衛生）好香菠蘿味，配菜豐富；甜品好味，奶茶沙冰好清爽，柚子蜜清甜。

朋友介紹新開泰國🇹🇭菜好味😋👍🏻店員很nice 😊點了蒜蓉通菜🥙泰式炒金邊粉🥘生蝦🦐豬頸肉沙律🥗黃咖喱豬🐷蒜蓉包🍞性價比高👍🏻會再次光顧😊

今日食既一家係位於旺角既泰菜，原本以為冇咩人食，點知越食越多人，先知原來呢間都幾出名既冬蔭公河粉冬蔭公湯底好濃郁，酸酸辣辣，好開胃，河粉好滑，配料都好豐富。泰式生蝦生蝦好新鮮，肉質爽口彈牙，配埋酸辣醬汁，好惹味。烤蒜蓉包蒜蓉包烤得好香脆，蒜蓉味好香，好適合配湯食。泰式生菜包生菜包好新鮮，配料好豐富，有肉碎、花生、辣椒等等，包埋一齊食，口感好豐富。超地道嘅泰國菜，無意中知道係一家泰國人主理嘅泰式餐廳，食物嘅質素非常高

呢間餐廳環境好靚入到去好似去左泰國甘，叫泰好記，個名都真係"太好記"haha,位於通菜街75號，地點方便易揾，入面既職員友善，而且服飾都著埋泰國衫好有地道feel,我地叫左一碟大蝦蛋炒金邊粉，雞蛋成個網甘包住熱辣辣炒好左既金邊粉配埋青檸汁調味好開胃。芒果糯米飯必食推介糯米飯超軟綿綿，紫米同白糯米飯加埋椰汁好正，芒果唔會好酸。燒牛肉：牛肉軟淋唔會鞋口，配埋bbq辣醬好惹味。海南雞叫左半隻份量相當多同抵食，而且雞肉去晒骨同好軟淋。

耶子雞湯出色，擺上枱時陣香味已經感覺到係濃郁而且外觀望落係足料，真係見到有耶子係入面！試第一口湯時，陣陣清香耶子味，而且唔會完全蓋過雞既鮮味到咬落雞肉時，又會感受到喺肉質入面有番個耶子味慢慢浮面，值得一試！！心

新開旺角泰菜，地點方便，推介金邊粉、柚子沙律、燒豬頸肉👍🏻👍🏻👍🏻金邊粉味道不錯，有豆乾、花生粉、大蝦等等，材料豐富！🥰蛋包金邊粉的蛋皮有不規則洞洞，富有美感！😻咖哩和柚子沙律很有泰國的味道 讚！🫶🏻老闆超級好人，請我哋食特特特大芒果糯米飯🙏🏻🙏🏻

平時食泰國菜通常去九龍城，但最近發現旺角新開左間泰菜館，一樣係泰國廚師主理，重點係座位舒適，價錢仲好抵食！我地午市時間點左馬拉盞豬頸肉炒粉絲$62、冬陰功湯河$54，加埋跟餐小食泰式鳳爪同蝦餅只係加$12😍一定要叫埋！另外再點左生菜包同馬拉盞炒椰菜苗，放假食飽D😂最先上枱係泰式鳳爪同蝦餅，鳳爪好爽口，配埋個夠晒酸辣泰式汁非常惹味！蝦餅熱辣辣好彈牙，只係加$12嘅小食都好有水準！👍🏻之後到冬陰功湯河同馬拉盞豬頸肉炒粉絲，冬陰功湯好濃味，令河粉好入味，馬拉盞豬頸肉炒粉絲，粉絲炒得夠哂乾身，而且食到底都仲有煙出，證明夠鑊，豬頸肉厚切而且有好多件，份量十足👍🏻馬拉盞炒椰菜苗同樣鑊氣十足，最後嘅生菜包上枱已經聞到超香，拿起生菜，將香辣嘅肉碎放到新鮮生菜，清新又惹味😍大愛🫶🏻

泰好記是一家位於香港旺角女人街的正宗高质泰國菜餐廳。菜式物美价廉，餐廳环境好，灯光明亮，装潢舒适，别有泰式风味。讓你可以放鬆享受美食。侍應服務態度也很好，讓你感受到親切的用餐氛圍。//燒雞（半隻)$85燒雞分量足，每块都好大块，烧鸡外焦里嫩，配上泰式甜辣酱，一口下去好满足這道美味的泰國菜，獨特的風味.新鮮的雞肉，搭配泰式香料和調味料，經過炭火燒烤，外皮酥脆，內部多汁。泰國燒雞的味道帶有一些酸辣和微甜的滋味。

話說今日同朋友行經旺角，又想食泰國嘢，見到open rice顯示有間新開嘅泰國菜，一於貢入嚟試下😋菠蘿炒飯勁香菠蘿同黃薑味，正牛河牛肉夠腍，加咗炒蛋，我第一次見，不過幾好食好耐冇飲過咁夠青檸味嘅青檸梳打，嚟食嘢請叫‼️其實仲有個海南雞飯同鰂魚，唔記得咗影，但係都好好食😋同埋都好好服務，讚😻😻會再幫襯的‼️‼️‼️

依加星期六行旺角係比較少人咗，行得舒服咗，要幫手振興一下本地消費，係附近食埋晚飯先。 呢間新開張嘅泰菜店，被門口嘅菜式照片吸引住。望入去見店內卡位佔大多數，應該坐得幾舒服。套餐要直接同侍應落單，散叫嘅就可以掃二維碼。有兩款二人套餐，呢款 ($299)比較岩食。送埋兩杯飲品，除咗椰青/啤酒唔叫得，沙冰類都可以。分別叫咗食泰菜必飲嘅青檸梳打及泰式凍檸檬茶，份量足夠成餐飲用，行到有D熱， 一飲爽晒。呢客泰式木瓜絲沙律，主要材料係木瓜絲，口感爽脆，伴以甘荀絲及車厘茄，再淋上酸辣汁 (辣度都唔可以睇小)，酸辣味道令人開了胃口。同行友人可以食辣，咁就可以選冬蔭公湯 (小)，每人至少可以飲2碗。滿滿嘅菇菇同蝦隻，加埋香茅，南薑片，入口酸辣度唔會嗆喉又唔會過濃，係碗”斯文”版嘅冬蔭公湯。炒通菜就好多地方有得食，黎泰菜店梗要選擇泰式炒椰菜苗。以豆醬，辣椒炒，惹味十足，苗真係苗，入口無渣的。要飽肚感，炒飯/河類當然唔少得，二選一要泰式乾炒河 (豬/牛/雞)中嘅鷄肉炒。炒得乾身之餘但唔會一口油，加埋蛋塊炒就仲香D。另外散叫泰式燒鷄 ($85/半隻)，超抵食，半隻份量相當對眼。燒得鷄皮香脆; 鷄肉即使係鷄胸位

今日4月20號雨天，喺旺角亂咁行為咗避雨經過呢間泰國菜見到好似幾吸引就就入咗嚟食 亂咁嗌啲嘢發覺都幾好食 侍應們好地道 有禮貌有服務 小食串燒都好好食 椰子雞湯都唔錯 舖頭比較隱蔽，不過值得一試

行行下街見到入咗去估唔到好有驚喜冬陰功湯勁正宗！勁好味 酸酸地 值得叫！係香港好難得飲到咁好味嘅冬陰功湯！整體野食好好味 份量都好夠性價比都好高！老闆好好人值得一試既新店 下次會再食😋

出開旺角行街，知道旺角新開了正宗泰國菜，就去打卡食吓泰國菜。😀「泰好記」位於通菜街近銀行中心，交通方便，位置方便。👭入舖頭內見餐廳裝修座位寬闊，燈光明亮👍👍，還播放着輕柔的音樂令人感覺很舒適。「泰好記」菜式多樣化，使月QR Code 落單，清晰易用👍✅泰式青咖喱（豬肉）✅薄餅✅泰式濕炒海鮮河✅拼盤（小）-炸蝦、餅炸、魚餅，炸春卷（各2件）✅泰式甜品拼盤（細）-西米糕、千層糕、椰汁芒果糯米飯✅泰國椰青總括：今晚可以食到美味泰菜，食得很愉快，服務員上菜又快，價錢超值,真係食泰國菜必選地方👍～～～～～～～～～～～～～～～旺角通菜街75-77號地舖港鐵旺角站出口，步行約3分

勢都估唔到泰國菜有咁好食嘅牛腩，第二次去食，晏晝咁樣食法都唔駛＄100蚊，性價比高之餘食物亦都非常之出色。試過其他菜式，都非常之到位，不過唔記得影相。😢樓面小姐態度非常之好，十分親切。同老闆傾咗一陣，原來係全泰國人班底。唔怪之得咁正宗。。。大部分人都以為泰國得奶茶好飲嘅時候，原來佢地嘅檸檬茶亦都非常之出色。非常值得推介嘅一間餐廳。相信對於喺附近居住，返工嘅朋友嚟講，絕對係一個非常之唔錯嘅選擇。會再返轉頭🥰👍🏼