泰好味

營業中

休息中

有朋友晌外國返嚟，第二時間約埋一齊行山，但估唔到，佢話嗰邊地大，草地多，公園多，但就無咩山可以行，今次返嚟兩個多月，就行返夠本。故此，一行3人，由荃灣經元荃古道行到嚟深井，方便離開，而到達深井，就嚟到深井臨時街市內嘅熟食檔「泰好味」，簡單食番碗泰式粉麵。呢個臨時街市都臨時咗好耐，裡面等同美食廣場咁樣，有好幾間餐廳，供應唔同地方菜，而座位就好似啲舊式快餐位，依家賣少見少，冷氣就唔好期望喇，靠晒幾把大牛角扇。食物選擇及價錢，一張A4紙餐牌睇晒，簡單4行嘢：泰式湯粉、泰國香葉油飯、小食、飲品，而嗌咗粉飯，飲品有半價優惠。呢度都跟上潮流，落單後俾部傳呼機仔你等通知，唔晒企晌門口等。泰式海南雞泰粉 $38、泰式椰汁冰 +$9啲海南雞雖然無話排到好靚仔，但味道確喺好唔錯，雞肉非常之嫩滑，有雞鮮味，雞皮好爽口，皮下脂肪少；泰粉就即喺金邊粉，幾滑溜。原本想飲龍眼冰，但賣晒，椰汁冰我都OK，最緊要喺行完山有杯凍飲爽吓嘛！行完山，食碗湯粉就啱啱好，墊到肚又唔會太飽。難得知心友人一齊行山、食晏、吹水。

自從上次去過深井臨時街市飲咖啡之後，今次決定假期再來一次試吓其他美食 (其實上次已經好想食，不過一個人食唔到兩個餐 😵‍💫)香茅炸雞扒飯$46，份量大，配芽菜湯，如果加特別飲品可半價，其實都唔算貴～雞扒外皮炸得香脆，肉有少乾，整體還可；油飯味道正常 (沒有油益味、不油膩、都沒有特別加其他香料, 普通油飯 🤣)；芽菜湯很多芽菜，淡胡椒味👍🏻 因整碟飯都沒有菜，沒有汁，所以配上芽菜湯幾好，無咁 dry~小店始終都係人情味重，同老闆呀姨&叔叔傾計，佢地都會分享下啲經歷～ ♥️ 好佩服兩位銀髮族，住好遠都堅持到深井為附近居民/行山人士準備美食～所以大家都可以去支持一下 ☺️溫馨提提，這個臨時街市環境是food court 模式任坐，乾淨但是沒有冷氣，風扇都不是每個位都吹到～如不喜歡邊食邊感受「泰式熱浪」的朋友就建議天氣涼少少先去了 🔥

行完山入到深井區以為淨係得燒鵝食、飲茶、行行下搵到個熟食街市、令我喜出望外、完全感受到泰國嘅氣氛、講番食物先泰好味係泰國本土嘅味道簡單而又泰好味呢、雞扒恰到好處佢個飯值得一提50蚊居然畀個油飯、值得再食