泰國路邊街美食

營業中

休息中

聽聞幾好食，於是晚上去試左芒果炒飯，冬蔭公湯，炒菜，蝦餅，柚子沙律。環境絕不豪華，有點Thailand 大排擋feel,但十分清潔柚子沙律落左蘋果，不是常見的青芒，幾特別．我朋友超喜歡個炒菜，我只係食左一兩條．　冬蔭公湯味剛好，有好多蝦，入口時唔辣，去到喉嚨先辣，都幾"過引".我最鍾意個蝦餅，有ｄ食堅炸蟹鉗的感覺，超好味．芒果炒飯幾清新，食得出無味精食完飯並無口渴的感覺，我鍾意

看到食評推介湯河，話河粉係用闊河粉，故特來試試。三個人叫了:1)酸辣無骨鳳爪($30)：都幾辣，一碟都有十多隻，但味道不算特出。一味得個辣字，鳳爪唔入味。2) 木瓜絲沙律($20)：食一啖就知唔夠同心好味。木瓜絲一D都唔入味，個酸辣汁一d都唔惹味。同心o個sauce 好過呢間好多囉。食多幾啖都唔想食喇，無味嘅！3) 豬什河($20)：河粉確實抵讚，用闊河粉ge口感真係好好多，d河粉捲埋一條條咁，食落口感層次感都好好多。不過，河粉份量真係少得可憐，夾兩夾都無咗啦！豬什有豬皮、豬腩肉、豬肺、豬紅、豬肚，其實唔係多款，而且每款都係得一、兩舊。以$20 一碗來說，不可說是很抵。4) 咸魚炒芥蘭($35)：咸魚味濃，菜嫩，夠熱我地食完都係覺得同心好食好多(唔怪得同心時時都人頭湧湧啦！)，即使呢度用正宗闊河粉，但都唔會吸引到我再去了！

無論去邊間泰國食店,一定會叫濕炒河,最鍾意這主菜這間的濕炒河用闊河粉,落左好多胡椒粉係面,故不太喜歡鹵豬手則好稔好入味看到食評推介湯河,便試下鴨肉湯河$20雖然碗粉不多,但鴨肉份量ok,肉身夠稔,碗內有芽菜及豬紅,熱辣辣的豬紅滲入濃濃黑黑的湯底,好惹味不過好多味精,食完會好口乾

今日試左個船河湯底一流眼看份量較少加埋一杯凍奶茶就fit哂!奶茶不同平時茶記個d好好味!不妨一試!

在北潭涌跑畢15K，突然很有興致吃泰菜，特別是泰式湯河，便相約友人來九龍城覓食。走進城南道，左面是昌發，右邊是這裡，友人請我選擇，因為上次巳跟專兄等人吃過昌發，就決定試試這間。舖子不算少，但裝置很簡單，全是摺檯膠椅。我一身運動裝束，當然坐立自如，友人則要屈就一點。坐在大雪櫃前的角落位，又算是「睇晒個場」。這裡供應的菜式頗地道，隨便點幾款相信也不會有何差池。先來一客青木瓜沙律，友人戲言要辣一點的，阿姐便帶挑戰的口昒笑問：「5隻辣椒夠了沒有？」，我們「唔拋得」，就接了「椒」。又點了船河及豬手乾撈。本身吃泰菜很多時也會叫個青木瓜或柚子沙律。這裡的青木瓜沙律，除了青木瓜，還有泰式豆角、車厘茄、花生碎等等，當然少不了那5粒「切碎」的紅尖椒。最初的幾口，辣度還可接受；吃到底的部份，因為巳浸透了充滿辣椒籽的魚露及醋，是辣得教人冒汗。友人吃完更要立即召來救「冰」~~可樂加冰！當然吃泰菜，來一味辣辣的涼菜才對頭。這個沙律雖比不上隆姐的加鹹蟹版本(個人認為這道隆姐是這一帶做得最好的)，但用料及做法也算正宗，是蠻滿意的了。想吃地道一點的泰河，來碗船河錯不了；上次在昌發忘了叫，今次當然不會錯過。湯底是用豬骨、

Yahoo曾有此店食評所以特地走去一試. 一入去見食客不算多大部份更是泰國人, 感覺有如置身泰國小店一樣, 環境尚算企理.和男友各自叫了泰式雞肉&泰式鴨肉河粉, 小小的一碗但好足料, 尤其是我吃的鴨肉河粉湯底好甜又夠味, 反而男友說雞肉河粉就略為失色.特別一讚的是每碗不多不少的兩塊豬血~正~~一人一碗粉, 各廿蚊雞, 又平又好味~

又想吃船河,上次在昌發吃過.今次到對面的路邊街.之前吃過其乾撈,感覺不錯.豬血湯底,沒有河粉轉成金邊粉.一眾豬什,肉丸,面頭的炸豬皮,金不換等等.幾樣材料加埋就開始其船河旅程.很多人香港人受不了豬血作湯底,但豬血湯底又濃又甜.包你一試愛上.豬潤,瘦肉爽口.肉丸味濃,面頭的炸豬皮夠脆,不過口感比較空泛,除非用來送酒,否則等同吃空氣.當外面的泰國菜館爆到七彩之際,這間粉麵店仍然得兩三個客人,難道香港人吃泰國菜,一定要吃咖喱,同冬蔭功?不是嘛?

星期天走入九龍城食晏，諗唔到都幾旺，有D鋪頭仲有人龍添，可喜可賀...本來想去陳南記，但又未開門，慘...退而求其次，嚟呢度食mei heung，即係泰式撈麵...記得上次嚟都係食呢味，既好味，又夠快...配料只有肉丸、魚片、豬肉碎、花生碎及雲吞皮。主角當然係自己加落去嘅醬汁--- 辣椒碎、魚露、砂糖...大羹大羮倒落去，吃得不亦樂乎...確實係亷價享受...

最近愛上吃泰式粉麵。上次吃過城南道的昌發﹐出門口時望到對面有一家叫"路邊街"的﹐念念不忘。剛巧今晚放工後有點事要去九龍城﹐又怎會輕易錯過這個機會?店鋪面積不算大﹐但拜高樓底所賜﹐總算感覺開揚。裝修欠缺﹐論包裝不及對麵的昌發﹐但多了幾分地道的泰食小店風味。我個人而言﹐是比較喜歡這裡的感覺。還有晚飯吃﹐故不可貪心﹐只要了一個豬雜河。五分鐘就有得吃﹐份量不算很大﹐但豬雜絕對足料﹐多得把全部河粉都蓋過了。先喝一口湯﹐也算鮮甜﹐配河粉是不錯的﹐但相信還是有一點點"師傅" 在其中。豬雜款式甚多﹐說得出的有肚﹑腸﹑皮﹑肺﹑紅﹑軟骨等﹐還有一些叫不出名堂的就不知道是甚麼了﹔而味道算出色﹐沒有半點臭味﹐吃下去只是覺得香﹑軟﹐當中最好味的是豆卜及豬紅﹐這兩味真是絕品﹐水準很高。而河粉則是地道泰式闊河粉﹐不能稱為一條條﹐而要稱為一塊塊﹐相信就足以令各位明白。這碗豬雜河﹐不設加一只賣$20﹐雖不算飽肚﹐但吃過後的滿足感比一般店舖吃一碗牛雜河更高。或許有人會說豬雜比不上牛雜﹐我卻不以為然﹐好吃就行。而這裡賣的﹐絕對不只合格分數。

在香港吃泰國菜,有如恆河沙數,單係一個九龍城,已有大把選擇,求其講已有小曼谷,黃珍珍,隆姐等等.如果去過曼谷,對乾撈麵念念不忘的話,又似乎有點難度.月前在城南道,發現此店有泰式撈麵供應,即刻捉住友人前往.店內格局,唔多似做本地人生意,所有食客,差不多係泰國人,店員當然亦係同鄉,略懂廣東話.點菜方面不成問題.要個乾撈,炸雲吞皮,魚片,肉丸,連花生碎,荵,莧茜,撈埋一起,加點魚露,吃得很過癮.泰式海南雞飯,雞肉一般,油飯也對辦,比隆姐或土瓜灣黃金海,又差少少.友人之泰式雜麵,其實都係車仔麵,一般貨色.下次來,再試多幾款撈麵,對我這個麵迷,實在不可多得.

今日一行出個門口，直頭好似個火爐咁，決定晏晝要食D刺激開胃嘅食物。泰式撈麵自然係不二之選la..未嚟過呢度食，知道呢度老闆就係金麥泰嘅事頭婆，對佢嘅水準有信心。一坐低即叫一碗鴨撈麵加凍奶茶。叫完之後有少少後悔:"點解要叫凍奶茶而唔叫其他特式飲品呢?"..再望吓牆上嘅餐牌，發覺佢哋標榜"泰式凍奶茶"..Haha，食咗咁多年泰國菜，都未曾聽過呢樣嘢。杯茶送嚟後一睇，原來佢哋係杯嘢入面加咗好多花奶及煉奶响入面，不禁失笑，不過杯嘢確實又幾好飲，同傳统茶餐廳嘅奶茶味道好唔同，各有各好la..碗撈麵一睇就知對路，麵份量只係得幾啖，但呢個正正係泰式麵食嘅特式(因泰國人係鐘意少食多餐嘅)；鴨肉份量算足，鋪面嘅花生碎夠多，香菜亦有不少。食泰式撈麵最重要當然係可以攪"混醬" la，毫不吝嗇地落咗好多指天椒碎、魚露、辣椒乾碎及糖，跟住撈勻後大吃一口--- 甜、酸及辣味道兼備，醒胃不已。味道比以前係隆姐食嘅更好更正宗。最特別嘅係麵附上一碗湯，應該係用嚟撈落D麵度，但因為我鍾意食乾撈，所以只係撈咗好少落去，呷咗兩啖湯，甜甜地，有好重魚露香味，好特別。若果各位係泰式撈麵嘅fans，好應該去試一下...

這間店其實是我經常去吃的但之前還沒上openrice，就沒想到要說第一次來是在大約半年前見他們人不太多，貼在門上的介紹又不錯(有蔡生推薦)就進來吃了食物選擇不多，但確實是相當地道的風味顧客也多是住在附近的泰國人主打各式河粉和小吃價錢不貴，份量不多感覺就如店名所說-- "泰國路邊街美食"(確實是沒騙人喔！)雖說是小買賣格局但老闆娘、她的孩子們以及其他員工都非常落力裝修簡單但地方乾淨，連洗手間都洗得白白的而且一有空就會跟客人溝通，看看有甚麼可以改進這一點實在是超讚近日再去時，看見人多了不少原來是忽周也來採訪過做介紹，所以大家都來試連我最喜歡吃的鹵豬手也賣光了老闆娘的千金說"不是沒有，但還沒鹵得夠軟熟，所以情願不拿出來賣了"就這一句，就可知他們對開店的態度今次吃不到不要緊，因為我一定會再來！

今日去開kowloon city睇醫生,咁我就去0左依間食喇,..平日行開都見到幾多人食...今次終於可以試下...一行到入去..好簡單既裝修,不過都算clean and tidy....牆上寫0左好多泰文..中文都有既..選擇唔多..我就叫0左泰式雞金邊粉...$20...好快有得食..個粉幾幼細,湯幾鮮,幾地道,有幾多芽菜,芫茜,炸蒜做伴,至於d雞絲都幾好..因為佢係一絲絲,唔係大大舊咁,都幾滑...後來見到d人叫冬蔭公..好似幾正咁喎...