影片
岩岩叫咗個海南雞飯食，得一隻雞髀一隻雞鎚一隻雞翼仲有一隻雞翼尖，唔知係咪我食得多其他海南雞，覺得一份海南雞一定有¼隻雞左右，雖然開頭覺得$50係唔錯，但又冇湯之餘，仲要雞嘅份量咁少，我自己個人就唔太合格。味道唔錯，都算幾滑，啲飯唔會好似出面嗰啲咁好爛，如果雞嘅份量有些少調整就好了。張圖 - 我食咗一嚿雞加個雞翼，份量夠唔夠自己衡量🙋🏻亦有可能係我唔太了解市場，$50應該唔好咁高要求🥲食米唔知米貴。
繼續閱讀
真心同泰籍老闆娘講聲多謝您每天新鮮製造海南雞好滑有味絕對唔係預製菜價錢$50至$55已經有交易抵食到爆燈份量好夠食糧尾福音恩物冇味精！冇辣椒！全家老少都放心啱食
繼續閱讀
呢間嘢又平又好食 喺天水圍好難搵到一啲低價格高質素嘅lunch 而且份量亦都好足夠 味道亦都非常之好 材料亦都非常之新鮮 值得一試！個老闆同埋啲員工對人都好Nice 好識氹啲學生同埋啲客開心
繼續閱讀
見呢個profile同埋間舖好似開咗一段時間 但係好似冇人幫手整理 所以想幫手俾第一個食評😋👍🏻當然要好食先俾到啦菜式款式唔係好多 始終鋪面都幾細 一眼就望得清楚 買咗個香葉碎肉蛋飯 上面個蛋雖然唔係流心但係都半熟 而且好香蛋味啲飯都好香 軟硬適中個肉碎有肥有瘦 而且好多汁 唔會好乾硬有少少酸豆角但係又唔會令到整體好酸 有少少辣椒但係連我食唔到辣嘅人都接受到已經食到停唔到口店面好整潔同埋乾淨🥹見到好多海南雞擺係門面 好吸引🤤有機會都想試吓佢嘅海南雞飯！
繼續閱讀
您可能會有興趣的...