泰國大城船麵

營業中

休息中

見到價錢合理，包椰子湯，也包埋飲品，平過茶餐廳，所以入店食，食過幾次，豬頸肉唔錯，海南雞飯唔夠滑。見新推出牛脷飯，馬上試下，個汁味道唔錯，牛脷正常椰子湯夠熱，味道挺好味熱咖啡用碗上，幾特別😳我覺得乾炒河粉最好食，因為D粉好特別，好煙韌

和同事來，中午都要排少少隊🌟泰國金邊粉（豬）+椰奶雞湯 58豬肉丸筋道，豬潤粉（不好我喜歡脆的），粉細細，香葉的味道清晰，搭配豬皮尤其好食！很脆，泡一會兒吸滿湯汁仲勁。桌面還有豬皮罐子可以加。是我在泰國吃過的味道椰奶雞湯是送的，很特別🌟配龍眼冰 8龍眼有比較多顆，甜🌟冬陰功雪糕 28同同事分食，辣、酸的味道，很難形容。配的果仁太多，更多的是到果仁的口感和味道我覺得我會來很多次欸，因為便宜，無加一。東西也好吃😋好喜歡這個豬皮

海南雞好「鞋」，完全冇雞味，木瓜沙律食左一啖已經放棄左成碟。極度失望臺灣腸都勉強食左兩條。未試過呢間船麵就唔評價了，不過以上講嘅幾款嘢真係應該檢討下。但係泰式熱奶茶OK，茶味好濃

經過見到諗住試下呢間，叫咗個外賣試吓，外賣都好快ready幾分鐘就拎到。送嘅椰子雞湯幾好味，不過份量就好少，幾啖就飲完。個炒河一打開係炒到一pat pat😔同埋好燶好冧，將個炒河放入個汁到成個汁都燶曬😟成個粉一陣燶味。同埋濕炒d汁好快就好似水咁希，超油好似成碗燶咗嘅湯🥶仲要食食下仲要見到個碗入面有粒發泡膠粒😩感覺好差仲要唔平，又唔好食，以後唔會再食😅！！！！！！！！！！！！！！！！！！！！

二人精選晚餐 $198Course A（三選一）: 泰北烤肉腸/ 碎肉生菜包(豬/雞) / 泰式燒豬頸肉 + Course B（三選一）: 泰式炒通菜/ 青木瓜沙律/ 芒果白糯米飯 + Course C（三選一）: 菠蘿海鮮炒飯/ 鮮蝦炒金邊粉/ 泰式遊船濃湯河(豬/牛) +飲品買一送一我同朋友揀左豬肉生菜包、芒果糯米飯同埋泰式牛肉遊船濃湯河🐖🥬豬肉生菜包比想像中大碟 豬肉同生菜嘅份量都合理 味道正正常常 不過不失🐄🍜泰式牛肉遊船濃湯河湯底好濃郁 牛肉都唔會話得果一兩塊好少 仲有肉丸係入面 河粉都幾掛湯好入味 面頭仲有啲炸豬皮 就咁食好脆好香口 浸左湯汁食又係另一種享受🥭🍚芒果糯米飯芒果都幾甜 再加糯米飯配埋椰汁係一絕！🫶🏼🥥🍨泰式椰皇椰子雪糕 $58好適合打卡用 除左雪糕杯靚之外 雪糕仲用左個椰皇殼裝住 食完雪糕仲可以刮啲椰肉食🥥🤍椰子雪糕不過不失 不過面頭仲有啲花生同埋粟米 有啲野咬下多兩種口感 都幾得意😛冬蔭功雪糕 $28因為平時冇見過就想以身試伏一下 其實都唔算太伏 食落真係有淡淡嘅冬蔭功味 甜甜地有啲奶味同時又帶啲咸咸地 仲有少許辣味 值得一試🤣仲有飯後甜品送 應該每日都唔同

今日過銅鑼灣食lunch，唔知食咩好，見到呢間泰國嘢好似幾吸引就入咗去試Lunch menu好抵食！我哋嗌咗一人一個餐，不過泰式船麵，要金邊粉$58 本身餐已經包咗一碗椰子雞湯，我加錢轉左泰式奶茶 +$2同男朋友嗌咗豬手飯$58，都係包咗一碗椰子雞湯，佢就加錢轉咗茉莉雪芽綠茶 +$8一嚟到，份量都真係幾驚人，尤其是係個豬手飯，完全冇俾lunch份量你既意思，一個女仔都幾難食得晒，豬手份量都好多 船麵都幾大碗，湯底好濃郁，唔錯唔錯

朋友之前試過幾次，覺得他們這家泰式餐廳味道都幾正宗，所以今晚特別來試一試我們兩個人點了一個二人套餐，但是擔心可能不夠食，所以加了一個海南雞飯，而海南雞飯都係我朋友的喜愛二人套餐$198，而且餐飲買一送一，價錢都算優惠我們點了豬頸肉，味道不錯，份量可能因為是套餐，所以不是特別多通菜強調了小辣，但結果都幾辣，雖然辣，味道都不錯我叫了一個牛肉船麵，味道都幾正宗，朋友話旁邊的炸豬皮，原來可以隨便食，值得加分飲品都好正常整體都唔錯

銅鑼灣附近行街，見到有呢間泰式餐廳，已經好耐都冇食過泰式嘢就諗住入嚟試吓。1️⃣招牌泰式船麵船麵味道偏鹹，麵係幼身嘅面，加咗豬肉丸，黃色係有啲脆口嘅炸物，配上少少蔥花點綴，令個面賣相睇落更好2️⃣牛腩船麵牛腩份量適中，依然係湯底偏鹹3️⃣蒜蓉包蒜蓉包炸得脆口，表面金黃，睇落好有食慾，端上嚟嘅時候熱辣辣，等咗大概15分鐘到。不過份量唔多，小食嚟講係幾適合餐牌環境OK重新嚟講，對於呢間嘅評價還可以，味道OK，如果想食泰式餐廳可以考慮嚟呢間，坐得舒服之餘服務態度都幾好👍🏻

服務員態度非常冷淡，三不問不答，都算，年三十晚有霄夜餐算係咁。我諗佢老細想賺埋呢個旺季時段既錢。但佢根本吾知道啲員工幫佢趕客走，我叫左最貴既船面餐 原價98霄夜88諗住個餐話有安格斯牛想試吓。嘩黎到個餐每樣餸比2舊你，我望多望個安格斯呢，佢另外有肥牛既餸無理由肥牛係佢啦。我問個侍應，侍應吾知問個經理既物體，又吾知走左去廚房問。最後個廚房走出黎講話賣哂安格斯牛，轉左肥牛。我火起上黎反問佢，你呢個餐98，安格斯牛無左點會係呢個價錢其一。其二係你地跟本無同個客講無呢隻，如果知無我會想轉其他餐，激死我仲要無所謂咁講可以轉其他，我話吾使啦，哦完我聲就走超級敷衍。衰啲上黎我可以告佢商品說明條例，新年流流流真係廢事同人嘈。呢間如果唔係咁岩年三十夜收工經過都吾會試，平時都吾會食到，呢野食好一般又貴。

試吓佢哋個set，泰式咖喱雞金邊粉+ 熱泰式奶茶 $58點餐嘅時候, 我say Hello , 個waiter完全唔回應又唔望我, 亦都冇笑容, 同機械人點都有禮貌過佢泰式奶茶嚟嘅時候唔係非常熱， 但味道非常正宗，亦唔會好似其他嗰啲咁死甜泰式咖喱雞金邊粉得一隻雞鎚，咖喱湯底濃郁，但又係唔係非常熱， 金邊粉份量好少（我已經係女士）其實成碗嘢好味嘅，但係最大鑊嗰下就係嗰啲脆脆過晒期走晒氣淋晒，真係食唔落口 因為唔夠飽，所以睇吓個餐牌有咩其他嗌，發現跟餐原來應該有個椰汁雞湯， 我就問另外一個侍應係咪有，係自己要問呀嗱，又係黑面的。 唔使講個椰汁雞湯又係唔夠熱㗎啦😂

這家泰國菜船面真是一絕！首先，它的味道非常濃郁，香料的使用恰到好處，讓人一吃就感受到泰國的獨特風味。特別是那碗船面，湯底熬製得甜辣適中，帶有淡淡的酸味，令人胃口大開。而那牛肉丸和豬肉片也非常嫩滑，入口即化。豆芽和空心菜更是爽口美味，為整個菜餚增添了一抹清新的口感。不過，最令我印象深刻的還是那自帶的調味粉和調味油。撒上一些調味粉，淋上一點調味油，瞬間整個船面的味道昇華了！吃起來更是美味無比，簡直停不下來。總體來說，這家泰國菜船面真是一絕！不僅味道好，而且食材新鮮，烹飪技巧更是精湛。如果你也是泰國菜的愛好者，不妨來試試這家店的船面，一定會讓你愛不釋手！

✨冬蔭公湯粗麵（雞/👉🏻牛👈🏻）呢種冬蔭公湯同平時嗰啲好唔同，除咗外表上，仲有呢間湯底相對冇咁流質，好濃郁嘅湯底嚟🧡味道上，聞落就固然好香冬蔭公味，食落好有香料(eg.🍋)同埋椰奶(?)嘅香🥥，有適當嘅辣度，牛肉同麵都好掛湯🌶️。牛肉方面🐮，冇諗過係肥牛，仲要好多塊😳😍😋質地一啲都唔韌，有微微軟熟感，比湯底搶咗味🤣。本來我以為粗麵係一條條勁粗嘅麵條，點知原來係河粉形狀嘅麵，好薄身，食每一啖都掛曬啲湯汁。最後，佢有落唔少菇🍄🤍，可惜嘅係啲菇已過時(?)，又酸又硬😭😭✨泰式遊船金邊粉with牛丸&肥牛呢個湯底好濃郁，好有越泰風味，即係好多香料🙈😂金邊粉質地較淋身，但又唔會難食，係幾掛湯同埋有一種特別嘅口感。牛丸就普通幾粒啦，肥牛又有唔少份量又好食🐮，同冬蔭牛肉一樣質地，一啲都唔韌，有微微軟熟感。可能湯底不一，食得出呢碗嘅肥牛幾清甜，脂肪有淡淡嘅香，肥牛幾好👍🏻

去過依間野2次，但唔會再去！野食唔錯幾好味，豬油渣撈落d麵度食，味道同口感都好正。好評講完講差評！服務真心好差！第2次去時，問個拎豬油渣，佢話無曬，過左陣隔離枱都問佢拎，奇蹟既一刻出現la！同一個侍應但唔同既答案！佢拎左成樽豬油渣出黎比個客！今日行過想再去，去到門口佢叫拎飛排隊，我2位排第2，後面仲有2組2位第1組入左去之後過左陣，有個女侍應出黎用泰文同第3組講左2句就比左第3組入！我同第4組都呆左！入去問佢地，佢話係張枱漏水，但好奇既係第3組嗰2個客唔係入漏水位！服務真心好！

船麵湯底好濃……好有泰國既味道豬頸肉都好食😋但性價比唔高因為價錢都偏貴、份量唔多兩個炒飯都炒到粒粒分明，不錯👍🏼飯後有甜品送但味道就一般般服務態度就幾好👍🏼

下午餐（2：30 - 6：00）包椰奶雞湯、餐飲。T611 香辣海鮮炒河（$58）凍泰式青檸茶（+$2）椰奶雞湯，椰奶味有，帶少少酸微微辣，開胃。凍泰式青檸茶，偏甜及帶有少少“香水”味。香辣海鮮炒河，即炒，鑊氣一般，但味濃，辣度足，配料十足，除咗蝦、帶子仔、魷魚鬚，仲有大量蔬菜（洋蔥、黃紅椒、紅蘿蔔、粟米芯、豆角、秀珍菇、香葉，生菜絲墊底）。河粉偏闊但闊度不一，超煙韌加軟滑，幾好食，如果份量可以多啲更好。