泰原味

營業中

休息中

可唔可以加返豬手飯？早幾個月裝修，等咗好耐終於等到開返，但係竟然冇咗我最愛嘅豬手飯，好唔開心，作為一間泰國餐廳，竟然冇豬手飯，咁同其他茶餐廳有咩分別，我同我啲同事都好鍾意嚟呢度食豬手飯，而家冇咗都唔知食乜好，希望老細可以睇到呢個食評，然後快啲加返個豬手飯啦，唔該😢😢😢

泰原味 南昌越式美食又親民又優惠，街坊生意，越南餐廳蠔仔肉碎泡飯 $55👍👍👍蠔仔肉碎泡飯不是太多地方有得吃了。而這間的蠔仔肉碎泡飯巳吃多次，蠔仔有大有細，有蠔本質鮮味和肉質也好新鮮。湯清甜併上肉碎和泡飯。好味直得打介。馬拉盞炒通菜 $74馬拉盞炒通菜，炒得好香有鑊氣，菜也很新鮮，跟白飯一流坐位寬敞， 歐聯式裝修📍深水埗西邨路19號富昌邨 南昌薈 1樓 F117-F118舖

叫咗個T1冬蔭雞肉拼扎肉湯金邊粉，送到上枱扎肉變咗火腿，舉手問阿姐，等咗10分鐘先過黎，我問完佢又行開咗去送餐，冇視咗我跟住第二位阿姐過黎，我又問多次，佢就大大聲係我隔離問廚房係咪冇晒扎肉？廚房話係我就話喇：冇晒扎肉唔係應該同我講聲先咩？呢位阿姐先講聲唔好意思，問我洗唔洗換過？我梗係唔洗喇，都唔知會拎啲咩比我。心諗我呢家去咗食omakase咩食評：冬蔭功淡味，水咁，雞肉有雪味，火腿冇特別，金邊粉正常。重點：冇下次

南昌站附近搵食，想平靚正，我諗得海達邨同南昌薈比較經濟，一上Vwalk就全部都係連鎖店同價錢貴少少（以午餐及下午茶計）。泰原味既炒粉麵，即炒午市碟頭飯及咖喱都唔錯，夠獲氣，重味。唔知係咪我咁好彩，海南雞飯兩次都瀨野，一次油飯唔熱，一次就油飯生米，雞就非常一般。星洲豬頸肉炒河炒得乾身，少油，獲氣夠，豬頸肉亦都唔錯，做得比商場內茶餐廳好食，價錢實惠。同事就次次都乾食乾炒牛河，話好得。泰式咖喱雞扒飯椰汁咖喱，極少辣少少甜，份量足味正常，成件大雞扒比晒你，冇呃秤。呢度食午餐仲有碗足味精例湯你嘆下（好重味/但好飲）加$10-$13蚊仲有椰汁冰，珍多冰等等，都幾爽㗎！見到隔離枱，馬拉棧肉碎炒通菜，肉碎炒茄子，豆腐等等都係熱辣辣又靚仔，可以試下，係海南雞飯唔推介，焗豬又係普通。溫提：如果比較大食，就唔好叫下午茶餐，爭幾蚊，份量少成四份一。（午餐＋少食）串燒沙嗲豬肉-$22/兩串，又平又好食。

海南雞飯雞胸同雞翼，冇味道⋯⋯雞肉扎肉冬蔭公湯聞到味，飲又係冇味 。星期日1:00 都有咁多位係有原因，唯一好處係坐得幾舒服，不過可能因為冇人 。冇乜必要，情願食麥記或大快活，洗錢洗得開心啲 。

tea time叫左豬頸肉湯河加凍奶茶。得杯凍奶茶飲晒，碗湯河冇食過咁滯，豬頸肉，正常都係叫貨黎嘎姐，點解可以咁難食，完全冇肉味，唔知係咪轉左供應商！？係完全冇味可言。其實咁難食可以唔洗俾咁多河粉都得😅

成日都去呢間南昌嘅泰原味的，之前食泰式干炒牛河，炒到偏黑，但食材對版，我没什麼投訴，但咁嘅樣係泰式干炒牛河，加兩條似菜干嘅菜仔話係泰式干炒牛河會唔會過份咗呢，一次比一次差，真係無言了

食過3次海南雞飯，有2次某幾舊雞都有酸醙味。同返經理講，佢只係話冇可能，因為做左成朝都冇人話有問題。咁姐係第一個人講出有問題既就係果個人嘅問題？冇提出可以換餐，但唔肯換返海南雞飯。試過佢既豬手飯，唔要汁都好鹹。

肚餓諗住求其搵啲野食醫肚。記得呢間野啱啱開張食過麻麻地，過左幾年決定俾多次機會佢。叫左蠔仔湯飯同4串沙嗲，估唔到都係失望，連預期正常既味道都未到。蠔仔湯飯個湯一般食開果啲係有鮮味，呢度個湯係普通有味水咁，無海鮮味或者魚味，又無肉既甜味，但又唔似雞粉味，完全唔識形容。沙嗲有豬同雞揀，我分別揀左2豬2雞。啲肉係大舊啊，但一啲沙嗲味都無， 都算了，直頭無味嘅？！個沙嗲汁稀到水咁又係無味…而個沙嗲睇得出係成支掉落炸爐炸既，煎都無煎過，又乾又油…真係唔好話唔俾機會，第一次我已經覺得唔多掂，諗住過左幾年未執應該會有啲轉變，點知又無，真係唔知點解仲可以生存到

二人套餐价錢便宜，食物和种類份量頗算充足，可足夠3个人食用，有4款餸菜或飯，4串燒物(鸡肉或豬肉)，2杯饮品。餸菜等食品皆夠熱度，海南鸡及菠蘿海鮮炒飯夠好味，只可惜涼瓜燜倉魚肉質太霉爛，味道不夠濃郁而只有涼瓜尚算可口; 馬拉盞炒菜落不夠馬拉盞故不夠味道，菜質太老不夠嫩滑，怪不得客人不多。若此等食物質数肯大為改善，客户人數必有所增長。衛生程度不錯，服務態度也好，环境也可接受，不失為一个普通質素要求及格的落脚地方。

馬拉𦾟肉碎炆米粉冬蔭雞肉拼扎肉湯金邊粉香茅雞中翼路過是但搵d嘢食，本身都無期望🤦🏻‍♂️🤦🏻‍♂️但出品真喺差到一個極點！個馬拉𦾟肉碎炆粉仲衰過平時茶記d鴨絲炒米，仲要唔多覺有肉碎，寡到一個點！個冬蔭湯金邊粉唔講以為喺公仔麵湯底🤦🏻‍♂️🤦🏻‍♂️🤦🏻‍♂️🤦🏻‍♂️不過叫做仲見到有d雞肉同札肉。個香茅雞中翼比較好，外脆內嫩，仲有肉汁。食完再search下原來喺翠X旗下，唔怪得水準咁差。

之前經過見到都幾多人入面食 價錢又唔貴 諗住下次過來試下 今日第一次食 好失望😵我都好食得鹹 點知佢鹹到我嚇親 好似飲緊豉油水咁 啲湯一啖都唔敢飲🥲 應該下次都未必會再幫襯

迎合防疫政策餐廳十點就會閂門今日九點十分入餐廳好趕急咁叫嘢食餐廳環境 8/10 夠光猛 坐得都算舒服食物方面 6/10豆比較生 雖然個豆可以生食 但感覺一般煎蛋有脆邊係加分 但係唔知點解冇咗個蛋黃但唔知點解隻蛋好似冇乜蛋黃飯一睇就知係底到拎出黎....連個飯型都見唔到其實個飯嚟都都只不過9:25分左右距離10點都仲有段時間要收工既心情我明但我又唔係9:30後入感覺有點差 之後大約9:40分已經用漂白水清潔....即刻飲埋杯嘢 打包走順帶一提 嗰度既奶茶真係唔好飲茶味太苦 總結一下真係未必再去 其實之前已經去過一次 食物方面真係唔太出色 但又未去到差

其實到這餐廳巳很多次，早，午，下午茶，晚餐都有試過。祇是一向不慣影相，也懶於寫食評，衹在此揾食，現回饋一下大家。早餐 - 有港式及泰式，伹泰式不似是泰式，唯一是有個香脆朱仔包，好吸引。午餐 - 海南雞飯是最好味，菠蘿炒飯ok。下午茶餐 - 同樣是港泰兩式。冬蔭公湯底海鮮金邊粉並沒有驚喜，椰汁紅豆冰很香椰汁味。公司三文治，及各種食物，朋友們都滿意。晚餐 - 3人要了一個2人餐，再加併盤，炒菜等。串燒味道可以，竟忘了其他是甚麼菜，但我自己就覺得不錯，家人則覺得麻麻。環境 - 也算乾淨，清理盤碟也很快。工作態度 - 一直都很好，好客氣，有禮貌，也會同客人講笑，唯一是明顯不夠人手。

今日工人姐姐話想去呢間餐廳試下因為聽人講個海南雞飯有佢家鄉嘅味道😂一聽到咁樣搞到我都想試吓正宗印尼嘅味道😂即管帶佢去試，佢之前睇過食評話呢間餐廳態度一般，但係我去嘅時候我覺得服務非常好。叫咗幾個唔同嘅菜，今次嘅目標一定要點海南雞飯，果然個飯好香好食，個咖喱都好好食，充滿椰汁味，配左印度飛餅簡直係絕配。唯獨是係個馬拉盞通菜就淡咗少少。椰汁冰係正常泰式餐廳幾好味道。埋單350几蚊三大一細都不貴喎，叫左咁多野食又特色飲品