泰北風味

【灣仔區】【泰北風味】公司附近嗰幾間餐廳成日經過都冇機會食，今次同美女朋友 lunch time 過去食，睇吓佢哋點解會咁旺。因為午市成日都見到坐到爆晒，但一次都未食過，都係叫「午餐餐牌」。美女朋友叫咗 $60 嘅「泰式老雞豬骨清湯粉」，配「手打墨魚卷」同「扎肉」。麵底佢就要「泰河」，幾粗嘅河粉，好似一塊布咁，幾特別，而味道上佢覺得都可以。我就食 $62 嘅「泰北豬手湯粉」，肉量偏少，唔係好多舊豬手。味道就好一般，冇乜感覺，呢個價錢喺銅鑼灣係咁上下。惠顧午市套餐可以加 $14 配小食，我哋都有加。我哋分別加咗「蝦餅」同「泰式雞粒」，前者正常，冇特別，後者反而幾好食，打咗雞茸咁再整，我都係第一次食。嘢飲方面佢加 $12 飲泰式飲品「泰式奶茶」，佢話一般。我就加 $17 要泰式特飲「生薑香茅水」，好特別，幾好。埋單 $189，唔貴喎。。。（地址：銅鑼灣信德街20號地下B號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am灣仔區 #銅鑼灣 #天后 #泰北風味 #午餐餐牌 #泰式老雞豬骨清湯粉 #泰北豬手湯粉 #蝦餅 #泰式雞粒 #泰式飲品 #泰式奶茶 #泰式特飲 #生薑香茅水 #1am1804 #1ambackup…查看更多

本來係朝住信德街一間日本料理餐廳進發，但走著走著又搵唔到，路過呢間泰北風味，誤打誤撞就食呢間。當時12點，時間尚早， 所以唔使等位，午餐有湯粉面，飯選擇。加12蚊已經有泰式茶，仲有幾款小食可以追加。今日我同朋友都係食湯米，加14蚊轉酸辣清湯肉碎湯底，配料分別嗌左雞扒同豬扒。 兩款肉類比較之下雞扒較好，豬扒略乾。 湯底同米粉好夾，自己加D調味架調味，真係十足泰國風味。 如果飲品味道再濃一D就好啦。整體唔錯，轉湯加埋飲品$90一位，分量又充足，難怪地點雖遠離熱鬧地段，但都人客不絕。…查看更多

今日嚟到呢間位於銅鑼灣信德街既泰北風味，屬於一間隱世食店，仲有我最愛既冬蔭功湯飯。店員友善親切，座位算係舒適。一坐低就望下個餐牌，都冇乜大變化，有我鍾意既冬蔭功湯，有d肚餓，咁呢餐就一於食飯啦。不一會就上餐，即試一啖湯，唔...甜甜酸酸，仲有少少辣，好夠味，仲好啱我既口味添。冬蔭功湯裡有蕃茄，菇同埋蝦，淨係個湯已經值回票價。[米饭]口味：🥚🥚🥚🥚🥚[薄荷]环境：🥚🥚🥚🥚[服务铃]服务：🥚🥚🥚🥚[糖果]性价比：🥚🥚🥚…查看更多

呢個豬頸肉飯既豬頸肉都幾好味，容易入口，個醬會幫呢啲豬頸肉提鮮。配菜青瓜都好清新，整體來講感覺唔錯。熱檸水味道也不錯，但整體價錢偏貴。…查看更多

舖頭不張揚不起眼沒有大招牌神隱於銅記窄巷有緣食客自來也老闆娘好客推介食套餐有齊五大碟碟碟有名堂海鮮冬陰湯醒胃酸酸甜甜微微辣青芒沙律助開胃刨成幼絲添爽脆咖哩龍蝦是主菜香濃惹味確好味生炒鮮魷金邊粉落埋韮芽有鑊氣椰青芒果糯米飯雪糕加持確驚艷個黃咖喱的確很出色，最後加左碗白飯黎撈埋個咖喱汁，充分配襯出咖喱嘅香、椰汁嘅濃。另外，地方乾淨衛生企理。待應姐姐招呼好，勤換餐具又添水。確係滿足嘅一餐，期待下次試新菜😃…查看更多