泰利斯餐廳

男朋友很喜歡吃肉 特別是牛肉每餐都要有肉才會滿足今次帶他去吃牛扒放題 他一定喜歡而且餐廳環境舒適 可以一邊吃一邊談天✨頂級牛扒放題✨有多款牛扒選擇 威靈頓牛柳也有還有日本熊本霜降和牛、美國安格斯牛柳、美國安格斯牛仔骨、紐西蘭草飼西冷、澳洲純血和牛腿眼肉、美國SRF和牛後腿肉、美國SRF和牛腹肉，牛魔王一定要試一試 🐮除了牛扒還有餐湯、沙律、小食、肉類、意粉、飲品、甜品等多款選擇✨海鮮龍蝦湯 必點之選味道濃郁鮮味，湯裏面有很多海鮮配料✨前菜和沙律都有很多選擇我選了凱撒沙律、蕃茄配水牛芝士片，另外選了香草田螺、凍蝦配雞尾汁、黑白半熟吞拿魚每款份量不算多，可以每款都試一試✨主菜除了牛肉還可以選擇法式香草燒羊架、特色桂花糖燒雞扒、西班牙豬梅花扒、香前銀鱈魚柳各樣食物味道也不錯✨飲品也許是無限量供應選擇了果汁 中和了肉類的油膩感用餐時間有90分鐘最後不要忘記下單甜品啊 ❤️…查看更多

今晚小編同老婆嚟到呢一間位於尖沙咀嘅半自助餐形式嘅西餐廳，印象中香港都好少有呢一類型嘅餐廳，所以小編同老婆決定試一試。主菜方面，小編order咗安格斯牛肉配龍蝦，而老婆就order咗燒春雞配龍蝦，安格斯牛肉配上金箔，直程可以用完美來形容，牛肉相當鮮嫩，燒春雞，亦都得相當出色。話明半自助餐，佢有相當多嘅配菜可以俾大家選擇，龍蝦湯同忌廉湯任飲，亦都有牛舌，青口，威靈頓牛柳，林林總總大概有30至40款嘅食物俾大家選擇，飲品方面亦都係任飲總括來講，係相當滿足嘅一餐…查看更多

୨୧┈┈┈┈┈┈┈┈┈┈┈┈┈┈┈┈┈┈┈┈ ୨୧好耐之前呢已經去過尖沙咀間泰利斯餐廳食牛扒同埋威靈頓牛扒，佢哋啲牛扒真係唔錯㗎，冇諗到呢佢而家呢出咗兩個牛扒放題，分別係安格斯牛扒放題，另外一個呢就係頂級和牛放題，一次過可以試勻多款牛扒，真係好有新意！不過呢原來七月開始呢餐廳又有另外一個新推廣，就係海陸空半自助晚餐！主菜又多款唔同類型嘅扒類配搭龍蝦，例如牛柳，鱈魚，羊架，豬肉扒，燒雞等！價錢都係$258一位！同樣都有無限添加小食，頭盤，甜品，飲品！真係好抵食！而且可以加$98海鮮任食！仲可以加$28升級紅白酒無限添飲！超級正！今日食頂級和牛放題，試咗多款牛肉之一特別推薦澳洲純血和牛腿眼肉同美國STF和牛腹肉！令我感到驚喜嘅係佢地嘅頭盤選擇真係好多而且好多都好吸引，例如有沙律，蕃茄配水牛芝士，黑白半熟呑拿魚，香蒜田螺，香辣雞翼，白酒煮青口，法國紐倫堡腸，凍蝦配雞尾酒汁，一口威靈頓牛柳！飲品方面呢選擇都好多！除咗有果汁同埋平時飲開嘅飲品之外，仲有果汁同啤酒！如果唔想錯過其他好介紹，記得follow我呀😘多謝大家！！！你嘅支持就係我嘅動力！記得點讚❤️୨୧┈┈┈┈┈┈┈┈┈┈┈┈┈┈┈┈┈┈┈┈ ୨୧泰利斯餐廳 (尖沙咀)尖沙咀寶勒巷22-24號雲龍商業大廈地下A號舖୨୧┈┈┈┈┈┈┈┈┈┈┈┈┈┈┈┈┈┈┈┈୨୧…查看更多

我同我男朋友有日ig 見到呢間餐廳嘅giveaway，望落啲牛好正咁，好似嗰個威靈頓，和牛粒嗰啲，點知現實係差咁遠！！其實我平時唔會寫食評，不過我覺得今次真係差到想投訴。佢將和牛煮到變成炭。。。真心嬲，嬲唔係個廚師，而係佢真係糟蹋咗食物！口感就係食緊柴、樹皮。已經唔係擦子膠可以形容🙂呢個係合格，口感唔差，不過冇特別，有啲騷。其實好想講粗口，佢個肉丸係冇味，而且入邊全部都係水！佢出面嘅蕃茄汁係蕃茄水，唔知食緊乜。合格，嗰邊邊有啲老，不過可以接受，佢嘅蕃茄汁唔同肉丸嘅蕃茄水。首先有黑松露薯條，黑松露汁合格，但薯條普通。之後係雞翼，我認為喺超市買氣炸鍋雞翼仲好食過佢。洋蔥圈，冇洋蔥，只有洋蔥味，洋蔥同埋入邊嘅嗰啲粉黐埋咗一齊，好似食緊粉咁。最後係三文魚扒，個醬冇乜味，三文魚扒煮得有啲老。…查看更多

通常去食牛扒都係食一兩款，係座落鬧市中寶勒巷較清幽的一段就有間價格親民既扒房可以一個價錢就試到七款牛扒既牛扒放題，連威靈頓牛柳都有得食，牛魔王既我，又點可以唔去試一次餐廳裝修雅致舒適，設有大量梳化座位，不論情侶用餐定一大班朋友去吃到飽都非常合適食物方面 :頂級和牛放題有餐湯、沙律、小食、牛扒、肉類、意粉、飲品、甜品，每款都有多項選擇SOUP -有海鮮龍蝦湯及忌廉湯，當中既龍蝦湯必飲之過，龍蝦味濃郁、有多款海鮮做配料，非常有驚喜Salad - 有凱撒沙律、田園沙律、蕃茄配水牛芝士片，夠曬 freshAppitizer -有十多款選擇，當中香草田螺、凍蝦配雞尾汁、黑白半熟吞拿魚係必試之過Beef -牛扒當然係重點，除左必食既招牌威靈頓牛柳、仲有日本熊本霜降和牛、美國安格斯牛柳、美國安格斯牛仔骨、紐西蘭草飼西冷、澳洲純血和牛腿眼肉、美國SRF和牛後腿肉、美國SRF和牛腹肉，牛魔王一定要試曬，當中最推介紐西蘭草飼西冷，美國SRF和牛腹肉Meat -有齊豬肉、雞肉、羊肉、豬手、魚肉，岩曬食肉獸，法式香草燒羊架、特色桂花糖燒雞扒、西班牙豬梅花扒、香前銀鱈魚柳，樣樣高質，食過不停Pasta -如果覺得食肉唔夠飽，仲有白汁明太子意粉、辣茄肉丸意粉、白汁黑松露意粉可以選擇Drink -有齊啤酒汽水果汁任飲，連紅莓汁都有，酸酸甜甜，夠曬開胃Dessert -不定期會轉換款式，今次就有朱古力慕絲撻、木糠布甸，宇治綠茶紅豆杯Ours Tips : 放題用餐時間為 90 分鐘，截單時間為最後 15 分鐘…查看更多