泰作

營業中

休息中

泰作餐廳餐廳好有泰國嘅特色清新雅致，好適合一家大細或者係朋友聚餐讓人感受到濃厚的異國情調菜單上的選擇相當豐富，從經典的冬蔭功湯到香辣的青木瓜沙拉，咖哩海鮮🦞等每一道菜都能讓人垂涎欲滴。我哋今日點了泰式香辣肉碎生菜包$98泰式炭燒豬頸肉$ 8 5椰奶冰沙餐廳的服務生熱情友善，對於菜品的介紹詳細周到。價格也相對合理，特別是考慮到食材的新鮮度和口味的正宗性。唯一的小缺點是，某些菜品的辣度可能對於不太能吃辣的客人來說稍顯強烈。整體而言，這是一個值得再訪的泰式餐廳，無論是聚餐還是約會，都是不錯的選擇

間中都有幫襯，一直質素都ok，但今日食到好嬲！去食下午茶，等超過半過小時都未有野食，其間追左一輪，最後個水吧姐姐自己入廚房煮，話廚師可能去左洗手間，最後碗粉味道怪怪地。另外仲叫左個$78蚊芒果糯米飯，d糯米飯硬到一個點，呢個價錢，最後只食半個芒果⋯⋯⋯間舖一大班年輕侍應，除左帶位個小姐同水吧姐姐肯做野，其唔知係度做乜。唔止我一個客係度追，已經無乜客，等咁耐等到個失望！係青衣城餐廳仲有好多選擇，無下次！

店內只有四張枱有客人，當時係6點，不算是繁忙時間。咁我叫左個當日既外賣飯後，等待了整整30分鐘，就去詢問情況，店員無跟單情況下同我講包裝中。結果，我等了50分鐘才拿到外賣，這樣的效率讓人難以理解。而我等待既時候，店員對著其他外賣客人都話“包緊”，但根本就沒有任何人進去跟單，這是明顯的推卸責任。如果真係無餐出，點解唔坦誠告訴顧客？咁樣浪費人的時間，欺騙人。 誠實對待顧客， 而不是用敷衍的方式對待來店的客人最後個飯 仲要係凍既 暖都唔係 個白飯底好硬 懷疑佢一係放左好耐 / 一係就未好好解凍Terrible restaurant

2025年5月22日週四傍晚和 BF 來到青衣城1期頂層暫時只此一家的「泰作」，作獵奇式一試。我們點了一份兩人套餐。包括排骨火山、海南雞飯、紅燒雞翼槌、酸杧果沙律、辣炒蕹菜 (俗稱通菜)，連餐飲兩杯。酸杧果沙律酸酸甜甜，開胃惹味，杧果雖然未熟透，但也不至帶酸味，所有酸味皆來自調味料 (白醋)。紅燒雞翼燒得恰到好處，外面乍看燒成深褐色，令一向怕乾、怕熱氣的小弟有點卻步。但一咬之下，內裏仍然嫩滑多汁，一讚！不過，兩人餐竟提供五隻 (單數) 翼槌，怪怪的。青菜只有兩種選擇：蕹菜和芥蘭。炒蕹菜其實是 BF 的提議，可惜沒有菜心、菠菜、生菜等等。橢圓形碟裝得滿滿，巨型分量。蕹菜和芥蘭因為莖部那硬硬脆脆的口感，並不合我口味，因此從來不會是首選。但這大碟蕹菜，連莖部也不脆硬，出奇地嫩口，為我們帶來十足驚喜，只嫌略鹹一點而已。海南雞飯，雞非常嫩滑，份量充足。我們兩人也叫了雞油飯。飯不但雞油香氣十足，甚至有椰子香味，大概是用了椰汁煮成喔！排骨火山是最驚天動地之作。酸辣湯底，共六大塊幾乎手掌般尺寸的排骨！火候也剛好，不太老火。餐飲，我們分別叫了一杯港式奶茶和一杯元青汁 (其實是日本「大麥若葉」青汁)。唯一

今日假期難得同媽咪去青衣城嘅Twinkle Elephant 泰式餐廳。今日諗住去食下午茶嘅 但係佢下午茶係兩點半先開始，大家要記住時間喇。 下午茶呢佢有個泰假日下午茶，禮拜六日呢都有，呢個下午茶餐嘅 ，而家好多餐廳都冇咗個下午茶餐。我就嗌咗一個迷你海南雞飯$62 同埋一個唔辣嘅泰式古法馬沙文咖哩飯配雞排$58， 份量呢都相當唔錯。咖哩飯幾好食，入面有薯仔，飯又多。迷你海南雞，都幾多雞肉同飯，都唔迷你，配餐湯。可選油飯咁佢都係配餐茶，咖啡奶茶檸茶咁， 如果其他就要另外加錢，我幫媽咪嗌咗一杯呢柑枯蜜加$8坐得舒服又食得飽，之後行下商場，夏天舒適之選，價錢唔好同大陸比，同返香港餐廳比，希望支持返有良心食市，講真睇價錢你大概都知，邊D劏客嘅，懶靚嘅...杯飲品同個飯差唔多價錢，好文青果D其實好少去了。

母親節, 入座1個鐘, 嚟咗兩碟嘢, 廚房十分混亂, 不斷出外賣, 不停話因為多人, 其實多人即係生意好, 但係廚房又做唔掂, 價錢不是便宜, 質素又不是好, 人多又做唔到, 人少又怨生意難做, 好難怪人北上消費！冇下次！

去到青衣城隨便食一間，嚟到呢間泰國菜食午餐，啲嘢好好味。椰子雞湯飯，好好味，好香椰子味，好濃郁，第一次食呢一種湯飯，落咗少少紅棗杞子，味道配搭很好。無骨豬手軟滑，豬手夠晒林，好正。雖然好肥。但忍唔住食咗好多舊。而且佢個酸甜汁好惹味。一邊食一邊送飯真係不得了。船麵嘅湯底都好好食，河粉嫩滑，雞翼脹卜卜，好多肉好大隻。啲肥牛都幾靚。一啲都唔頹。侍應服務員都好有耐性，因為個QR code落單嗰度short short地，服務員都好有耐心過嚟幫手落單。唔錯唔錯。

2個人嗌左2個下午茶餐（套餐包一杯熱飲）一個係香葉肉碎煎蛋飯 $65另外加左個甜品~斑斕椰汁西米露 $28一個係咖哩雜菜飯（無影到相）$58食物味道正常價錢合理可以一試最重要係環境坐得舒服👍假期下午茶時間都唔算多人🤗

全程漏單 ，其中一個餐只來飲品沒有來食物。最後埋單因飲了飲品，要收回正價，卻沒有因一個餐沒有送來而道歉，態度服務食物質素惡劣，完全不能接受。當時晚市，全場只坐約一半枱。

咁啱經過見到就試下， 點知又比想像中好食，個椰子雞湯好濃。另外，仲叫咗個雞翼扎肉米粉， 啲雞翼幾好味又脆，之後應該都會再嚟試。價錢實惠又抵食，啲嘢食又好味，成間餐廳個環境都好靚👍🏻

早上0935落單，苦等到1017先拎到外賣！足足47分鐘先拎到外賣！！過程樓面睇住你喺出面等，話知你等幾耐，總之你唔催，佢就唔理你。最攪笑我37號飛，最後係42同38號飛可以拎外賣先，係唔係攪笑？叫個女樓面跟一跟，佢望一望無張飛號就粒聲唔出行入廚房，出返嚟又唔會同你講攪成點。目測約10枱客，連堂食客都有啲等到唔耐煩。我前面得兩張外賣單都攪咁耐，熱飲都變凍野，唔需要加錢👍🏼感覺員工幫老細倒米，基本效率同禮貌都冇。呢間野真係唔好幫襯，除非你鍾意貼錢買難受🤣

早餐款式多，味道好👍價錢亦都合理。9:00就已經錯咗半間舖頭嘅人，喺青衣城來講係不錯的選擇。今次試咗冬陰功雞扒檬粉，已經諗定咗，下次要試埋椰子雞湯手撕雞湯麵👍

我第一次嚟，店員招呼好，態度好，泰國野食野味，喺其他國家都一定食到，將來有機會再食過啦，下次我都會幫襯今日試左個飯，第日會試埋湯麵，以後我都嚟幫襯有緣再見👋。

該店環境舒適，職員態度有禮貌，熱情招待，也不會限制客人用餐的時間。這兒的早餐選擇很多，差不多10款，價錢實惠，味道可口，性價比高。套餐的飲品選擇也不少，其他店飲品選擇一般都只提供咖啡或茶，這裏可以多些選擇，他們有一系列花茶，適合女士享用，最特別的是他們會用上不到款式的水杯，幾乎每次也不一樣，所花的小心思下一都會感受得到，每朝都可以有Good morning ！Very nice！你們也可以來試一試啊😉

朱古力飲品非常有特色，隻杯又美麗。雖然喺室內但環境優美，周圍嘅花草怡人，令人有鳥語花香的幻想。您好我最欣賞就係泰作的白飯非常大碗，只係食一碗已經好滿足，值得再黎食。