泰亭

營業中

休息中

朝早係上水食咗一個唔好食㗎早餐。同朋友行完蓮麻坑同紅花嶺，已經餓到飄住落萊洞，好不容易苛存一點力氣去到聯和墟。之前經過呢間泰國嘢冇特別諗住試，但係上網見到佢下午茶有船麵食就即刻爬過嚟食碗麵。三個人叫咗三個餐，本身諗緊牛腩定雞扒再加海南雞，但係個朋友話全部雞怪怪地。咁就我叫牛腩船河湯配海南雞，佢又嗌牛腩配炸雞扒，跟住share嚟食。個海南雞其實幾滑，但係有骨就破壞咗個口感。牛腩好腍又好大舊仲有啲筋膜咬下係正。個船河湯底係幾正宗，不過可以再濃少少。事實上呢個牛腩配埋個船河湯絕配，而個檬粉份量差不多等同其他泰式店兩碗嘅份量。件雞扒有用胡椒粉醃過，又無違和感。龍眼冰對於我就甜咗少少，但最正係好多龍眼肉。食完呢餐真心彌補左早餐㗎失落感！

今次嚟到粉嶺搵泰國菜 🇹🇭，聽講呢區有唔少高質之選，仲有CP值極高嘅Lunch！終於俾我搵到 泰亭，味道同份量都誠意十足 💯，即刻試試佢哋嘅 泰式船麵！泰式船麵（配料：豬頸肉）$52 🍜✅ 湯底：顏色深沉，味道清甜中帶少少藥材香 🌿，但相對傳統泰國船麵湯底，濃郁度略嫌唔夠，鍾意濃味嘅可以要求再調整。✅ 配料：加入香葉增添獨特香氣 🍃，芽菜爽脆，炸豬皮吸收湯底後變得濕潤又帶點嚼勁，食感豐富！✅ 豬頸肉：燒得好香，帶少少燶邊 🔥，肉質肥瘦適中 🥩，仲有泰式酸辣醬汁配搭 🌶️，惹味度大提升！✅ 其他細節：湯粉搭配得宜 🍜，份量足夠，一碗夠哂飽肚 😋。正宗泰國船麵通常會加入豬或牛血 🐮，令湯底更醇厚濃郁，但香港版本通常都唔會咁做，取而代之會用大量肉骨熬製湯底補足風味 🍖。而 泰亭 嘅湯底雖然未至於100%還原，但都算做得不錯 💪，加上Lunch價錢只係$52 💰，喺粉嶺算係超值選擇！鐘意泰國菜嘅朋友一定要試試，推介！🔥🔥🔥

📌粉嶺粉嶺聯和墟有好幾間泰菜，今次同大家介紹其中一間有水準既街坊泰菜 一 泰亭 🐥無骨海南雞飯 $60雞肉份量大方，肉質嫩滑仲去埋骨啖啖肉，泰式醬汁酸酸辣辣幾惹味，水準絕對可以話同附近既泰菜平分秋色📍泰亭地址：粉嶺聯和墟聯和道11號地舖#粉嶺 #泰亭 #泰菜 #撐小店 #街坊小店 #海南雞飯 #粉嶺揾食 #平民食堂 #平民美食 #無骨海南雞飯 #星星帶你食#foodie #hkfood #hkfoodie #foodiehk

成日都係呢個小區活動經過好多次都未入去試，今日終於的起心肝去試下。叫咗一碗泰式船麵，配料揀咗牛肉片同牛肉丸、麵就揀咗金邊粉湯底就要傳統船湯。等咗一陣個麵就到，份量也不錯，有三粒丸、牛肉片就碎上，有些芽菜，葱等等⋯船湯色澤都似一般船麵嘅啡色湯底，質地中等不是杰身濃郁嗰種但又未算稀，先試啖湯，味道未係預期咁濃，但都可以，牛丸幾好食，有牛味亦彈牙，牛肉片碎上肉質亦不錯，有咬口少彈係略嫌切得碎咗啲，但份量都夠，至於麵身都煮得火喉不錯，不硬又不會過淋，但就未係泰國嗰種煙煙韌韌嘅質地。食哂成碗都夠飽，跟餐加$10要咗一杯餐飲凍檸檬茶，正常飲品水平冇乜特別嘢好講，呢度都幾多飲品選擇，泰式奶茶望落去都好濃郁不過店員話冇得揀甜度，所以冇叫。碗粉$52連飲品合共$62，整體都ok，職員有禮貌又有效率又整潔，門口又可以停車，可以再幫襯。

粉嶺真係越黎越多泰國菜🇹🇭近日就見到聯和墟開左大概幾個月嘅泰國餐廳😋 雖然佢冇精美嘅𝕄𝕖𝕟𝕦，但人流都滔滔不絕👯‍♂️👯‍♂️睇價錢原來一啲都唔貴❤️ 午市同夜晚都係一樣價錢，$48起，主食有5款飯🍚同船麵⛵️🍜船麵仲有可以揀海南雞🐔、豬頸肉🐷、雞扒同豬扒等等，全部都係$48咋😍 ➪海南雞船麵 🐔⛵️🍜 | $48雖然我冇加$10升級做雞髀，但佢都可俾左啲翼同髀俾我😍仲要啲雞份量都唔算少👍雞肉都好滑，唔會鞋👍船麵湯底好濃，真係算幾接近泰國食嘅味道😃枱面仲有泰國船麵調味4寶，但我覺得都夠濃味，所以冇落到🤣再加埋有幾條炸豬皮，真係幾有泰國風味 ➪豬頸肉飯 | $48豬頸肉份量都唔少，燒得都幾香，但如果再燒得焦香少少會好啲🤣點埋個辣醬都唔錯👍➪炸蝦餅🦐 | $38(S) $98(L)蝦餅真係必食‼️❤️我地得兩個人，所以叫左份細嘅試下，佢係一件大嘅剪開4件，一咬好多蝦🦐係入面‼️外面好脆👍非常之好食👍 我地跟餐叫左杯椰汁珍多冰🥤🧊(+$10)，好大杯🤩好香椰汁味👍 最後埋單人均都係$7×‼️已經食都好飽‼️性價比好高👍

呢間泰國菜真係大件夾抵食👍🏻$48有大大碗船麵，仲可以配海南雞！而且海南雞嘅份量麵唔少🤰🏻 最重要係船麵同海南雞都好好食🤤船麵嘅湯底有好強嘅香料味，真材實料仲配左炸豬皮，同埋唔同嘅配料，例如醋、辣椒乾等等，感覺非常正宗👍🏻海南雞就算冇加錢轉髀，但肉質都非常之滑👍🏻仲要就算係跟麵，都配埋個酸辣醬俾我哋不過個酸辣醬就真係好辣，唔食得辣嘅就唔好點咁多🥵 味道：🤤🤤🤤🤤🤤/5性價比：🤤🤤🤤🤤🤤/5 菜式：- 海南雞泰式船麵：$48

聽人講聯和墟開咗間新嘅泰式船麵店～晚上嚟試下 ，星期六大概夜晚七點零鐘返枱都算快等咗唔係好耐一碗船只係48蚊，几抵加特飲都係10蚊(⁠✯⁠ᴗ⁠✯⁠)我哋叫咗生牛肉船粉絲同埋墨魚丸水魷金邊粉粉啲餸都多，好大碗，水魷墨丸佢另外畀咗兜辣汁有啲似元朗肥姐點蠔餅嗰個汁幾好味另外叫咗小食蝦餅超級真材實料仲有個薄餅加黃咖哩呢個就普普通通咖哩有啲偏甜，應該唔會再嗌😆但絕對值得回訪(⁠ ⁠╹⁠▽⁠╹⁠ ⁠)

新開係聯和食墟既一間泰國菜，總體而言好味抵食。餐牌非常簡單，主食係哂度。但冇得食菠蘿炒飯，炒金邊粉係有d怪怪地。兩個都係冬陰公湯底。夠香，小小酸辣但我偏好再濃d。各$58一碗無骨海南雞雞肉有些少韌，油飯有香氣但粒粒分明會好d。呢個只需$58生菜包唔錯，豬肉好有香氣，生菜好新鮮。呢個蝦餅要讚一讚，唔係用左好多粉但做到外脆內彈牙，推薦必食。最後講一講服務，班後生仔/女都幾勤力反應夠快，加唔少分。食到咁好，埋單都係$362，幾抵食。

試業到而家食左三次今次食豬頸巾冬陰公米粉 飲椰汁冰冬陰公湯底好濃&少少辣餸另外用碟上 價錢合理 份量大份 又好味地方寬敞 又乾淨大部分日子路過晚市都好多人食睇嚟好多聯和墟街坊都幾滿意

聯和墟其實已經有幾間泰菜，仲要幾間味道都唔差，見到突然又開多間，呢晚終於要去try try佢！#海南雞飯 $48雞肉唔鞋，都幾滑幾夠味，唔錯牛丸+牛肉片 #粉絲 #傳統船湯 $48個船湯幾出色，夠晒濃，配粉絲索晒啲湯，正～個牛丸都唔錯，幾彈牙，牛肉唔韌～#咸檸檸甘桔檸檬蜜 跟餐+$10呢個稍微有啲淡，如果甜+濃返少少會好啲聽到隔離檯問：無炒嘢嘅？望一望menu，又真係無喎，係有碟頭飯有麵有小食，係無炒粉麵🤣 不過見到佢啲船麵都幾多選擇，搵日再試吓先～