泫居酒屋

營業中

休息中

蟹膏豆腐真係將蟹膏融入左落豆腐食落好有鮮味/海膽蔥吞拿魚腩蓉卷海膽既甜同吞拿魚蓉既油香互相配合不過略嫌卷物中既腌蘿蔔有少少搶戲/原條金線鯛刺身食落偏爽口，配埋酸汁食味道好夾唔算好大條兩個人食啱啱好/牛舌芯燒得Juicy調味適中/鹽燒雞心咬落好爽口又唔會好似雞腎咁難咬/煙肉蕃茄卷蕃茄中和左煙肉既油膩感食既時候小心蕃茄會爆汁/野菜天婦羅有蕃薯、南瓜、日本菇炸粉夠薄又脆，食落好香口/溫泉玉子冷蕎麥麵冷蕎麥麵配埋天婦羅脆脆撈埋溫泉蛋食，層次更豐富

九龍城唔一定要食泰國菜嘅，早排經過呢間居酒屋比佢吸引左入去試下。特選七品盛刺身 有中拖羅 油甘魚 深海池魚 牡丹蝦 海膽 帆立貝等，一上枱好吸精，超豐富😍 款款都鮮甜肥美，有omakase level，食完已經無憾🤣 蟹膏豆腐🦀豆腐嫩滑，食到蟹嘅鮮味，好少地方有呢款食物🤔 幾特別！溫泉玉子冷蕎麥麵超多天婦羅碎同蔥，拮穿溫泉蛋撈埋一齊食100分😋串燒重點推介牛舌，翠玉瓜，雞翼，全部都keep 到juicy🤤店內有vip房，不過好似有min charge 同預約，啱晒一大班朋友聚會!

發現極高質日本料理宋皇臺站行出黎1分鐘門口勁大個燈籠一入去木質感既裝修加埋柔和既燈光令人感覺舒服門口左手邊係包廂岩晒見客慢慢傾不過好似會有低消🌟雜錦魚生沙律魚生同沙律菜比例差唔到1:1角切既魚生勁大粒所以食落飽滿有口感醬汁味道同份量都適中調味之餘又保留到魚生既鮮同沙律既清爽🌟壽司十貫成盒深海池魚、珍寶帶子、中拖羅、赤身、赤海蝦、油甘魚、真鯛、海膽、魚子、三文魚腩想講食完呢十貫我無憾了海膽份量超乎肉眼所見一咬即爆餡！！😍其他款肥美又鮮甜無憾了MUST ORDER ITEM!🌟日本象拔蚌仔飛機貨所以係時價黑板上每日都有寫返左咩貨同價錢今次既象拔蚌仔外表望落已極新鮮有光澤一咬落去鮮甜爽口🌟牛舌芯表面撒上微量胡椒黑椒燒到7、8成熟所以食落稔身兼彈牙牛味香濃想感覺light D可以擠少量檸檬汁視乎個人喜好🌟免治雞肉棒想當之有份量既雞肉棒表面淋滿照燒汁另附有生雞蛋🥚建議先食一啖原味先再試沾生雞蛋除左份量好足之外入面既雞肉棒有軟骨所以就算係免治雞肉都有口感的！😋🌟鵝肝玉子丼厚身既鵝肝配上珍珠米連埋玉子加上紫菜同蔥花點綴呢個飯趁熱辣辣食極之和味食到蛋既滑身、鵝肝既creamy 入口即溶記住一上菜就要即

九龍城除咗泰國菜，其實仲有好多唔同國家嘅餐廳可以去下。今次就揀咗呢間下午都有開嘅居酒屋食個Lunch，貪佢新同埋少人靜靜地。Lunch有生有熟，為$100-$200蚊到，點咗份極上魚生丼，已經包埋沙律、前菜、味噌湯、甜品。個極上魚生丼都幾足料，足足有八款魚料，海膽、三文魚籽、赤蝦、帶子、拖羅、三文魚腩、鯛魚、鰤魚，絕對對得著個價錢。佢哋仲有個VIP room坐到6-8人, 話星期一至四冇最底消費，下次多人食lunch試吓book呢到先。

發現九龍城都唔少居酒屋呢間好近地鐵站～今日同朋友嚟試一試 無論環境同食物嘅質素都唔錯Waiter服務仲好好 推介大家嚟💖深海池雨 $438師傅手勢好好～每塊非常薄切魚肉好新鮮好嫩 一大條好多肉一啲都唔腥！魚骨魚頭仲可以拎去炸～松葉蟹肉蟹子沙律 $88沙律勁大碗～蟹子分量超多撈埋一齊好有咬口！牛舌心 $68串燒價錢唔平 但絕對係值個價！燒起來香脆 以鹽和黑椒調味～口感爽彈 肉香juicy❤️雞掌肉 $58好特別嘅一道串燒～個口感有啲似雞軟骨 好脆口！個汁幾特別～翠玉瓜 $22非常推介！翠玉瓜煎到好香好鮮甜😋金菠蘿🍍$30呢個都係大推！好新鮮～菠蘿肉面仲有一層焦糖 好似食緊甜品咁 好特別！銀鱈魚湯飯 $246魚湯非常濃郁🐟可以自己控制湯分量想濃味啲可以全部到晒落去💖銀鱈魚煎到好甘香 肉質好嫩😆

九龍城食好西，日本野日本午餐，今次就推介炫居酒屋。想有個又舒適岩談情談生意談心事的居酒屋，炫居酒屋絕對係一個好地方。日式午市抵食又好味1. 極上魚生飯2. 滑蛋吉列豬扒飯有麵豉湯，有小食沙拉，全部滴色得來，正宗體驗到日本居酒屋文化，試小小好滋味。首先極上魚生飯，超多新鮮的魚生真係好吸引，好好味，可以看到魚生大大塊，紋路靚又厚切，有絕對的水準。再來滑蛋吉列豬扒飯的豬扒最重要是脆，外表炸至金黃，裡面還是嫩嫩的口感，外脆內嫩就啱曬送飯啦。最後還送了兩顆芝麻麻糬做飯後甜品，服務周到，午餐環境舒適，九龍城不二之選。

今日約左舊同學慶生，佢話想食日本野，記得之前係九龍城食過呢間性價比好高既日本菜，就Book定位同佢一齊黎食。。呢度環境好好又靜啲，好適合傾下計，望著個bar有刺身魚，我地擇左條「魴弗 $268」先食刺身，之後再將魚骨魚頭煮麵豉湯。呢個季節係魴弗係時令魚，粉紅與白色交集的魚身肉質紮實，味道清甜👍🏼呢個價好抵食。煮埋個麵豉湯好香濃又鮮味。。前菜叫左「松葉蟹肉蟹子沙律 $88」鮮甜多肉既松葉蟹拆肉，配上清新青瓜、蟹籽、吃時加入特製醬汁，清新又惹味。。串燒類價錢幾抵，叫左以下幾款：秋葵 $32翠肉瓜 $22牛舌芯 $68雞中翼 $36雞掌肉 $58特別喜歡個牛舌芯 ，超厚又唔會靭，鹽燒岩岩好；雞掌肉好特別，入口索索聲好爽。。最後叫多兩個飽肚野食，「雜錦天婦羅 $128」同「牛肉炒烏冬 $118」，天婦羅炸粉幾薄唔錯，炒烏冬好正好Q彈。。朋友好滿意呢餐生日dinner 👍🏼重點係真係唔貴又大份，正呀！

喺九龍城做完嘢，見到新開嘅一間餐廳，一於試吓佢🤗 壽司烏冬定食($238) 🍣🍜🍱呢個set 非常豐富，包咗沙律菜🥗，滑蛋🥚，麵豉湯🥣，烏冬🍜同埋壽司🍣滑蛋材料十足， 有好多獅子狗同日式魚蛋喺裏面壽司方面擺得靚靚上碟😚，有八款壽司：油甘魚、鯛魚、魚籽、吞拿魚、赤蝦、吞拿魚蓉、帶子同埋三文魚腩。超鐘意佢哋嘅三文魚腩壽司，油脂比例啱啱好，食完之後口腔仲有三文魚腩嘅魚香味🥰 同埋佢嘅帶子壽司好大粒，食落好creamy ，好有滿足感👍🏻👍🏻👍🏻鐘意食海膽嘅朋友可以加30蚊升級其中一款壽司做海膽壽司食完主食之後，仲有兩粒糯米糍做甜品😋新張期間星期一至五午市套餐有八五折，不過想試嘅朋友要留意，餐廳逢星期三休息!!!!!!⚠️⚠️⚠️꧁☬小編食左咩☬꧂✅ 鰻魚朴葉飯🥢✅野菜牛肉鍋✅温泉蛋天婦羅🍤✅加洲手卷(◔◡◔) ♥ 人均傷害💰： $140♥

最近比較喜歡到九龍城這間日本菜餐廳午餐，這裏木質裝修令人感覺很舒服、平靜。有時被安排到餐廳入口旁邊的小廂房就坐，跟朋友一起高談闊論，氣氛特別輕鬆。而工作人員亦會不時過來查看顧客需要，服務很貼心。我們點了午市定食角切雜錦魚生飯（$118）和汁燒牛肉飯（$92）。今次的角切魚生有三文魚、油甘魚、三文魚腩、三文魚子和蛋。魚生份量豐富，而且醋飯的酸甜調得相當好。汁燒牛肉飯的味道亦令人滿足。除了前菜小食、味噌湯和蒸蛋，餐後還送上甜品，性價比相當高。

📍泫居酒屋 (九龍城)九龍城一間交通勁方便嘅居酒屋🏮喺正mtr出口隔離 距離巴士站都好近環境行日式木系風格 播住日文歌很有feel✨坐得寬敞舒適 另外都有吧枱位置.♡ 蟹膏豆腐 $58豆腐睇落平平無奇 不過有驚喜蟹香味濃厚 同魚子好夾 大推！🤤✨.♡ 雜錦魚生沙律 $98魚生足料新鮮 調味好適中.♡ 三文魚刺身 $38三文魚雖然厚切 未到好新鮮 性價比低.♡ 牛舌芯 $68牛舌調味啱啱好唔會太鹹入口軟硬適中燒得好入味.♡ 雞軟骨 $33呢個唔係好抵食 都好細件🥲.♡ 蒲燒鰻魚飯 $148飯粒粒粒分明 鰻魚汁送飯一流.♡ 牛肉壽喜燒 $198壽喜燒鍋湯底超鮮甜 忍唔住飲咗幾啖牛肉好新鮮 加埋蛋漿更香口🥚🤍粉絲吸晒啲湯汁好正🤤.♡ 西山小鼓梅酒 $68/杯梅酒味道甜中帶酸 好易入口🥰🍹.💁🏻‍♀️服務不愧係居酒屋 店員服務態度十分殷勤好好禮貌 亦會留意住需唔需要收碟/refill茶為用餐體驗加咗唔少分～.♥️回頭度：9.5/ 10定價較高 但服務同質素值回票價🥹尤其適合放工後舒舒服服咁食返餐.#泫居酒屋📌九龍城太子道西426號地舖.#九龍城美食 #居酒屋 #app

去親九龍城多數都係食泰國野但九龍城其實仲有好多好野食，今次就試試呢間居酒屋先🍻午市黎到，見到都有唔少款式既午市定食，最後揀左呢個蟹肉蟹膏丼定食入面有前菜、蒸蛋、湯同甜品蟹肉同蟹膏既份量都好足，食唒成碗飯勁滿足呀！

颱風下享受零靜的一夜，突然很想吃日本🇯🇵菜，於是來到這小店試試☺️☺️叉燒烏冬有驚喜😋叉燒做得很好，肉質口感啱啱好 🥰 令我想起我在東京時念念不忘的叉燒🤩🤩另外必食推介- 唐揚雞軟骨。只是$48客，外層超脆x內裡超彈牙的軟骨，我覺得它比起串燒雞軟骨更美味，於是吃完再encore 🤣牛油果軟殼蟹卷卻略嫌太多醬，蓋過了牛油果軟殼蟹的味道。另外叫了蘆筍豚肉卷，味道不錯👌🏻，至於日式海蝦炒烏冬，我不會推介，覺得太多汁太濕😅埋單$500 有找😋CP值⭐️⭐️⭐️⭐️下次會再光顧吃其他燒物☺️

放工後，與友人在九龍城一帶覓食，行過日本餐廳可Walk in，於是進去了。一進去，充滿和式風味，亦有一些裝飾品。最後，點了海膽呑拿魚卷物，食材新鮮，海膽鮮味。炙燒左口魚裙邊，本人至愛❤️❤️，左口魚的油脂平均分布在每個味蕾，魚脂的鮮味，令人十分回味。玉子燒，面層佈上半溶芝士，玉子燒不但看得到的層次，亦吃得岀一層一層的蛋香，伴隨著芝士的香濃，yummy！

🌃 餐廳位於九龍城，鄰近於港鐵宋王臺站， 以日式簡約風設計， 以木系為主調， 座位空間寬闊， 設有吧檯及普通座位所選擇.🐠🐟 三文魚腩、帆立貝、深海池魚💲 48，48，88👉 三文魚腩厚切幾肥美， 帆立貝係一分為二，幾鮮甜但係價錢略貴 ， 深海池魚咁厚切係第一次食， 通常之前都係食薄切， 厚切嘅魚味覺得仲重咗。.🦑 螢光魷魚沖漬💲 58👉 一份有五大件， 加上醃漬嘅醬料， 口味有點重， 但係都唔算好咸， 不過伴酒或者伴飯會好.🍢 大蔥日本雞肉、 厚燒牛舌、鹽燒雞腎、 牛油粟米、鮮冬菇💲 36，60，36，28，20👉 餐廳嘅串燒都幾出色， 調味同埋火候都控制得宜， 肉類都帶有肉汁， 都唔會燒得太乾， 重點要讚讚牛油粟米， 粟米加上香草牛油， 十分之惹味， 而冬菇仲保留到水分.🍙 梅子飯糰💲 58👉 一份有兩件， 燒得幾香口， 表面有滿滿嘅飯焦。.🐠 鮭魚茶漬飯💲 82👉 茶漬飯可以喺茶壺自己加高湯， 碗蓋帶有wasabi， 茶漬飯配有鮭魚、紫菜同埋香蔥， 加埋高湯落去， 米飯都吸收咗湯汁嘅精華， 食完幾滿足，另外仲有一份蒜頭漬物嘅前菜㖭。.📍泫居酒屋九龍城太子道西426號地舖.====

屯馬線通車左咁耐，我都係第一次在宋皇臺站下車，再行一條長長的地底隊道去九龍城。在九龍城無限咁多間泰菜之中，一間日式居酒屋顯得獨特珍貴，店面唔算好大，但門口位置有一間廂房，餐廳亦設幾個大卡位，用來做4-6人聚會都不錯，環境日式簡約，食物種類選擇多。前菜方面，第一次食這個萤光魷魚冲漬（Hk$58），濃烈的咸香，質感滑。刺身正常發揮，而且都算厚身，赤身（$88 ）甘香無筋、油甘魚（ $58 ）邊位有咬口，北海道帆立貝（$48 ）爽甜。煎餃子🥟（$65 ）值得一試，一客5粒，夠熱，大件飽滿，帶少少甜味 。試了幾款串試，最喜歡的是厚切牛舌（ $50），肉質嫩；鹽燒雞腎（$36）送酒幾好，配黃芥辣；蔬菜有燒翠肉瓜（$22）及冬菇（$20），兩者都燒得唔乾。最後主食是牛肩胛肉湯烏冬（$108），牛肉份量不少，簡簡單單很有家的味道。