波記燒臘粉麵店

營業中

休息中

#lunch燒鵝脾瀨粉🍗睇相都覺得正啦٩(˃̶͈̀௰˂̶͈́)و皮薄又脆叉燒燒肉飯🍖叉燒肥瘦剛剛好，仲聽到隔離檯靚女要食肥叉添(*^_^*)呢間舖頭長期出面都有條人龍，但係都唔洗搭台ε-(´∀｀; )安心好多呢～

之前在銅鑼灣食過非常好嘅燒味跟住又想再試下港島區其他出名嘅。睇完食評專程去食，以為好出名，在門口排隊等咗大概五分鐘就有位又唔係想像中等咁耐，點知入到去坐低但好似唔想招呼你，我開聲叫鵝肶飯，眼見燒臘檔有幾隻燒鵝係啩喺櫥窗度，但佢竟然同我講冇鵝肶，噉都可以，算啦照叫燒鵝叉燒雙拼飯，但佢地冇心做仲要俾下欄位你食，以前燒臘檔所有燒鵝頸同埋燒鵝翼全部係做下欄，放喺鋪頭前邊賣畀人買返去煲粥又好做雞仔餅又好。點知呢度叫碟燒鵝飯雙拼，燒鵝已經冇乜仲要你俾個翼位你，全部都係骨又冇肉! 真係咁都得! 叉燒分量正常但食落竟然有豬肉騷味......即係人地成日講有啲豬肉佢哋係唔會食嘅臭豬味 ! 竟然做完叉燒都有呢啲味可想而知幾咁唔得 ! 飯底冇問題但嗰啲豉油唔似中式燒臘檔嘅豉油，竟然係好濃好傑撻撻，似食日本鰻魚飯嗰種甜醬豉油，令到嗰碟飯都唔知佢係似日式定係本地港式。仲要價錢唔係平，算喇以後都唔會再去，100%中伏!

呢間係西環屹立多年既老字號燒味店，相信好多人都聽過，仲連續多年榮獲米芝蓮推介，今次終於有機會試下啦為左食燒鵝，我真係睇住佢開門時間去食🤭閒日又早既關係，等一陣就有位，店舖好細同唔多位，真係食完即刻下位入個隻燒鵝瀨粉個皮既色澤燒得又靚又均勻，食落雖然唔係脆但都食到鵝油既甘香，燒鵝唔算係好肥個種，所以唔會有好油膩既感覺，件數亦都係滿滿咁覆蓋住成碗瀨粉，真係一d都唔吝嗇，想要酸梅醬既朋友記住係要問伙記攞的我地叫普通燒鵝瀨粉，但竟然其中一碗卑左隻燒鵝脾，真係開心到彈起，$53又平又大碗又好味，平民米芝蓮既美譽真係當之無愧

我食過咁多間燒味飯，好多間水準都OK。不過，講叉燒同燒鵝，呢間真係正到冇朋友，當然唔計嗰啲高級食府丶收你百幾蚊碟嗰啲啦。平民價錢燒臘舖，我覺得最正嘅係呢間嘅叉鵝飯雖然鋪頭細細，但係整潔丶唔算好迫，好多中學生丶大學生都會嚟食，我每次黎親都要排隊。老闆娘又好好人，實幹型。溫馨提示，星期日唔開嘅。叉燒好林、燒鵝嘅味好濃丶好香。當然燒味好食，其實個薑蓉都好正、本人極力推介，唔會好油、又唔會鹹，送飯一流。記住要加呀

西環友已經對呢間燒味店唔會陌生每次經過無論係平日定星期六都有人龍仲要燒鵝好早就售罄今次同朋友中午黎買外賣終於食到燒鵝同叉燒啦 -燒鵝（下裝）$155 唔知係咪期望太高 所以失望愈大呢 我覺得一般 鵝皮一d都唔脆 好薄 皮與肉之間缺少一層脂肪 唔係少 係近符零 😅😅 鵝肉味濃 肉質唔算韌 但都唔係juicy 反而之前試過燒鴨 覺得仲好味 下次試下燒鴨燒鵝一齊食 直接比較一下😍😍-燒叉燒（例）$95叉燒反而幾好味 肥瘦均呈 肉口鬆化 不足既地方係蜜糖甜味不出

相信大家都聽過/睇過唔少人介紹呢間西環老字號，多數都會推薦食燒鵝脾，因為相對出面真係抵食，亦都好食，我已經食過波記好多次，但始終最喜歡既都係叉燒。Ø  燒鵝脾抵食，大大隻啖啖肉，一百蚊左右有全脾，燒得好香，外皮脆，不過如果跟粉面，燒鵝汁比湯沖淡左就會無咁濃，睇下你個人鍾意咩。佢燒鵝脾可以切開亦可原隻上，比你拎住食，夠哂風味。Ø  叉燒有燶邊，的確燒得好好食，肥瘦亦適中，肉質唔岩岩好，份量都算多，但同樣因為跟粉面就食唔到叉燒味，我諗要飯會好野味。但每次黎都忍唔住跟瀨粉，叉燒瀨燒鵝瀨始終係香港人至愛之一，佢既瀨粉都係好好食，唔會”鞋”口，好掛湯，叫阿姐多青亦都唔姑寒。已經咁出名但都係平民價錢真係難得，當日見到都不少街坊客，絕對係良心既米芝蓮。

好難得有一間又黃又好食嘅燒臘舖，呢間燒臘舖深受附近港大學生同埋街坊嘅歡迎，一到食飯時間就一定有一條好長嘅人龍😗而且小店喺疫情時期間都堅守兩人一台同埋唔做晚市，所以堂食都唔使填紙仔或者用安心出行，包你食得安心💛呢度嘅雙拼飯都只係$45但係就非常之足料，唔會話得嗰幾舊仔，學生仲有得平$5添🤣-半肥瘦叉雞飯 $45食叉燒就梗係要叫半肥瘦啦，食落一啖肥肉一啖瘦肉咁先過癮🤣呢度嘅燒味飯非常之足料，叉燒足足有六大嚿，每啖食落都非常之滋味🥰呢度嘅叉燒肉質非常之鬆軟，仲充滿着蜜汁味，每次嚟食雙拼飯都一定會拼叉燒！而雞肉都一如既往非常之嫩滑，每次嚟食都會叫佢比多蔥油，啱晒撈飯食啊！呢度嘅姐姐仲好貼心，如果嗌燒味飯冇拼雞嘅話，都會問你使唔使加蔥油，非常之好服務🤩

真係一間唔錯嘅燒味店，雖然老闆娘嘅態度就有啲性格，但係心地應該係OK嘅叫咗燒鵝叉燒米粉，同燒鵝叉燒瀨，瀨粉比米粉好食好多，嚟到，滿滿嘅燒味，嵌着粉面，叉燒，可能浸住啲湯，超級Juice，加埋個燒鵝，又係浸住啲湯，咬落非常Juice，又唔油膩，連鵝胸，都一樣滑身，笑得好好，係皮同肉中間唔好一層口口嘅肥膏，叉燒，黑毛豬叉燒口感，軟滑可口，超級好味就係因為咁，我再打包左半隻燒鵝，同叉燒外賣返屋企食，相比起堂食，真係有少少遜色，識落比較乾身，冇浸住啲湯咁好味，叉燒好彩佢淋咗啲汁，都OK嘅，反而燒鵝，返到去，已經有少少柴所以，都係燒味連同碟頭飯，或者湯粉穩陣

一早聽聞呢一間燒味店極具質素👍🏻，有見及此，作為燒味愛好者既我梗係要黎試吓佢嘅真偽。燒鵝切雞瀨粉 $53望落去已經見到燒鵝🐦嘅油份佈滿外皮，皮肉肥瘦適中，外皮仍然保留脆身，肉質香濃結實。切雞仍然保留雞肉🐤嘅原汁原味，肉質好嫩滑仲啖啖肉🍖。瀨粉都唔差，滑得黎唔會過爛同散。鴨髀米粉 $50個人就鍾意食燒鴨多啲，皮薄肉厚，外皮色澤均勻燒得啱啱好。雖然肉質就冇燒鵝咁香，但依然肉嫩💦。油香落入米粉度令人垂涎三尺，最欣賞佢嘅粗蔥粒，令到成碗粉更加香氣四射🤤。雖然環境裝潢平民化，但食到酒樓甚至以上級數嘅燒味，真係令人食過返尋味😋。下次一定要試埋佢嘅叉燒，咁就最滿足！

聽HKU朋友介紹 話呢間燒味店好好食😆 呢日去開附近就去試吓~~🦢燒鵝髀瀨粉 $98去到好好彩 仲有燒鵝髀食🤩大大隻燒鵝髀上枱 外皮燒得好有光澤😆食落口充滿油香 鵝肉香 肉質鮮嫩🤤 不過個皮就唔太脆🥲瀨粉份量正常 質感爽滑😋價錢方面 其他燒味都多數係$30-40 只不過係燒鵝髀相對上貴價啲 所以整體都算係抵食嘅😌~~評分📈味道 7/10環境 6.5/10性價比 7.5/10—Rating 📈Taste 7/10Environment 6.5/10Worthiness 7.5/10~~🏠波記燒臘粉麵店📍西環石塘咀皇后大道西425號P舖地舖

叉燒燒鴨飯 Char Siu and Roast Duck RiceCP值：4/5價錢Price: $45環境Environment：2.5/5 Comment: 尼間燒味拎過米之蓮推介，但價錢都算抵嘅，雙拼只係45蚊，中上環一間普通茶餐廳都唔只啦。買個外賣返去中環食，計埋車費都唔洗60蚊😂但質素真係唔係好穩定， 第一次食個叉燒係好食，又juicy又稔，但第二次去食就勁硬，硬過我條命。相對上燒鴨就質素穩定啲。 This restaurant was recommended by Michelin but the price is relatively reasonable as compared with the cha chaan teng in Central. If you take mtr or tram to buy takeaway there and return back to your office in Central, it costs you less than $60😂However, the quality of cha siu is not so stab

波記燒臘粉麵店, 石塘咀🍜我相信西環既街坊對波記一D都唔陌生。呢到既叉燒、雞、燒鴨無論係味道同份量方面，以呢個價錢都相當抵食。睇相都睇得出叉燒同燒鴨係相當靚，"令立立"咁。一定會再幫襯。瀨粉份量唔算特別多，肚餓的話叫飯就會感覺會再抵食D。早排係YOUTUBE睇飲食男女，發現做燒味既工序其實係非常繁複，但多數都只係收你30，40蚊，真係物超所價。下次去埋係灣仔好出名既再興(都係黃店)試下先，物色一間我最喜愛既燒味店。 .叉燒豉油雞瀨粉 $45叉燒燒鴨瀨粉 $45.📍西環石塘咀皇后大道西425號P舖地舖🌟Rating: 8/10💰Price: $40-50 pp #黃店推介

難得今日放假就決定同男朋友仔去西環半日遊🥳波記燒臘原來係西環已經屹立了四十多年，完全係老字號既店舖啊👍🏻😳-🎈燒鴨瀨粉 $32燒鴨同瀨粉真係絕配❤️鴨皮好脆口配埋必點既酸梅醬～最正最正一定係每一啖都係肉🤤岩哂我呢啲勁懶唔鐘意啃骨既人🤣而瀨粉就煮得唔會好碎配埋清湯底都幾正～-這裏吃的不只是一種味道，更是一份傳統老店獨有的人情味。-🔸波記燒臘粉麵店📍西環石塘咀皇后大道西425號P舖地舖

星期六經過西環都知呢間燒味出名抵食，見到都有7-8個人排緊，難得黎到就照排喇。等咗大約半個鐘左右就入得。燒鴨瀨粉$35 雙拼就再加$8 (燒鴨叉燒瀨粉$43)份量都滿意，不過略嫌今次嗌既燒鴨同叉燒都偏瘦，食落冇燒味果種油脂香。如果燒鴨同叉燒可以肥小小就仲好食，瀨粉唔會太碎，正常水準。以呢個價位食燒味瀨，我覺得幾唔錯。不過要留意既係坐既位置真係唔太舒服，圓枱要同人搭枱既，我覺得最大問題係當日安排我同友人既位置係條渠隔離，條渠就充斥住大家食完既湯汁，感覺真係唔好。所以我建議住附近既不妨嗌外賣翻屋企，坐得舒服慢慢嘆。

今年秋天天氣特別好，天晴又乾爽，特登放假去港島西一日遊。出發之前梗係醫左肚仔先，今次揀左一間位於西環相當有名氣的燒味店，12點半到達都要等一陣先有得入座，全個lunch time都會不時聽到有人買外賣，以叉燒、燒鴨為主。聽聞小店既燒味全部都係自己即場燒，加上去貨去得快，所以特別新鮮。必食推介有燒鵝全脾，但真係好睇運氣，今次壽星朋友幸運地食到，之後果枱已經無得食。燒鵝全脾瀨 $98一枝長骨既上枱方法，相當令人喜悅，配埋閃令令既焦啡顏色，非常吸睛，令人垂涎三尺!! 期待已耐既友人表示有少許失望，第一燒鵝皮唔脆，第二食唔出同燒鴨有咩分別，不過油膩感唔重，肉質彈牙。叉燒燒鴨瀨 $45而我就揀左雙併，叉燒同燒鴨既份量都係出面餐廳既1.5倍，有一種食極都有既感覺，所以食完好飽。唔知係咪越無期望，就越有驚喜呢，三款燒味內面，我同友人都覺得叉燒最好味。我碗粉入面有兩款叉燒，一款係半肥瘦，另一款係瘦叉；前者固然好味，入口有油香、香甜；後者見佢好似鞋颯颯，但原來一d都唔痴牙、亦唔韌，仲幾鬆添!!燒鴨係胸位，肉質少少鞋，但浸湯既關係，唔會覺得好乾；不過同燒鵝皮一樣唔脆。叉燒同燒鴨油滲哂落個清湯度，加埋少許蔥