波士冰室

營業中

休息中

在炎熱的夏天，最好是嘆杯咸檸七消暑又開胃。乾炒牛河上檯見到出晒煙，香噴噴又夠色水炒得條條分明，夠鍋氣，不會太油膩，牛肉份量適中，味道又不錯，少有茶餐廳的高水準乾炒牛河！！吉列特大豬扒漩渦蛋包飯賣相吸引，炸豬扒確實巨大厚切，外皮鬆脆，內裡肉質仍然保持嫩滑，點惹味咖哩汁一流。奶油多士可以選擇多牛油、多煉奶，麵包脆中帶鬆軟，而且夠多醬好滿足。在銅鑼灣難得有間高質茶餐廳，不過營業時間到晚上6時半，所以要下午光顧吧。

☕特色葡式咖啡 | 🥩巨型扒餐 食一份豐富嘅西式早餐，迎接美好今次我就嚟到位於銅鑼灣波士冰室鄰近利舞臺及利園商場早餐試段已經好多上班一族食客聽講皇牌全日沙律餐好豐富青蘋果雜錦沙律十一件扒類、奶油脆脆豬(必吃)另配香腸/雞蛋/餐肉/火腿 平時我叫快餐都唔叫牛扒因為怕縮水，而呢度嘅牛扒好抵食🥩🤟真係有我成隻手咁大所以我朋友都跟住我叫另一牛扒餐牛扒好「軟嫩」及「有嚼勁」切開仲有嫩粉紅，亦唔會煮得太硬太老而青蘋果沙律亦好新鮮我亦好鍾意食酥脆香口嘅🐷🥯奶油脆脆豬當吃個全日的早餐，給我整天嘅力量我飽到午餐都可以食少啲，做斷食 我咖啡飲得多，有冇飲過葡式咖啡呢？今次我就一次過試左冷熱版我覺得佢嘅咖啡味夠哂濃郁完全滿足我身為咖啡控

好耐冇一早出黎銅鑼灣啦，以前銅鑼灣返工都會食下呢間冰室嘅早餐架！餐廳佈置富有懷舊嘅感覺，座位唔算太多，但都座得舒服！餐牌上有幾款早餐可以揀，今次就揀左經典麵餐！沙嗲鮮牛肉公仔麵，呢款早餐有牛肉麵、炒蛋、麵包同飲品！麵底可以加錢轉出前一丁，麻油係俾我自己落嘅，食嘅時候好香麻油味，麵嘅軟硬度適中！牛肉鬆軟，唔會好多筋，沙嗲味都幾香濃！炒蛋幾滑，麵包加錢轉左做丹麥多士，多士鬆軟又香脆，我就加左炒蛋一齊食，夠哂惹味！最後仲有凍檸茶作結，茶底夠澀，係一杯正宗香港茶餐廳飲到嘅檸茶！

之前同friend行街肚餓餓誤打誤撞入咗呢間「波士冰室」😍 點知有驚喜喎！ 劉媽👩🏻鍾意佢懷舊得嚟又乾淨嘅裝修 🎞️卡位闊落到可以攤唞👍冷氣又夠勁💨 大熱天時入到去即刻爽晒！今次我哋order咗🍴西冷牛扒拼腸仔配香草蒜蓉多士🥩牛扒唔係求其貨色！咬落juicy又夠淋🍳腸仔煎到脆皮 仲有滑蛋勁有蛋香🥚🧄重點係塊香草蒜蓉多士！脆到”索索“聲🍴手打牛肉煎蛋漢堡包🍔 漢堡扒超厚又唔乾爭爭一啖咬落去肉汁爆出嚟 💦加埋流心煎蛋 邪惡到極點 😈🍴西多士🍞 即叫即炸 外脆內軟最正係中間嘅花生醬同牛油夾到爆 🤤🧋 紅豆冰紅豆煮到起沙 奶味又濃飲完成個人涼浸浸 ❄️

今日去咗銅鑼灣波士冰室吃午餐，間冰室都幾受街坊和遊客歡迎，午市坐滿晒客人。手打牛肉煎蛋漢堡伴薯條牛肉餡是現打的，肉質鮮嫩多汁，口感彈牙。煎蛋的蛋黃流心，搭配牛肉同芝士真係好好味！另外薯條外脆內軟，鹹香可口，難怪係波士推介嘅食物。瑞士汁乾炒牛河牛河口感滑順，牛肉鮮嫩，炒得好出色。更重要係呢個乾炒牛河係用瑞士汁去炒，讓整體更加醇厚。懷舊紅豆冰紅豆綿密，甜度適中，味道有兒時的回憶。自家製蛋白杏仁茶杏仁茶滑順細膩，杏仁香味濃郁，飲用後令人感到暖心，讓人感到滿足。

- 瑞士汁雞翼（3隻） 呢個雞翼真係唔錯，瑞士汁甜甜地超惹味！咖喱牛筋腩飯 呢個咖喱夠香又冇太辣，啲香料味層次分明，配飯一流！🍛🔥 牛腩夠腍，牛筋啖啖膠質！咖喱汁滲晒入飯度，真係停唔到口～😋🍲- 熱鴛鴦 鴛鴦比例剛剛好，咖啡唔苦奶茶唔澀☕🥛- 星州炒米 炒得乾身！有蝦、有叉燒，仲帶有陣陣椰香味，份量十足，CP值超高～🍤🍜- 自家製蛋白杏仁茶 杏仁味香濃得黎唔嗆喉，蛋白滑溜溜，飲完感覺健康咗，完美收尾！🥣🌟- 忌廉溝鮮奶 哇，呢杯真係滑到不得了！奶味香濃，仲有忌廉嘅幼滑口感，飲完滿足感爆棚！🥛✨

.今日同朋友去做嘢之前，特登去咗波士冰室食個豐盛早餐！😋 呢間冰室嘅懷舊氛圍好濃厚，座位闊落，坐得舒服，啱晒朝早慢慢嘆～ 🍞 西多士經典港式邪惡之選！🔥 外皮炸到金黃酥脆，內裡軟綿綿，淋上糖漿同牛油，一啖咬落去… 罪惡感滿分但滿足感爆燈！💛 🥩 西冷牛扒拼腸仔＋香草蒜蓉多士牛扒煎得啱啱好，肉質唔會韌，仲有肉汁！腸仔脆皮爆汁，最驚喜係塊香草蒜蓉多士～蒜香濃郁，烘到脆卜卜，食完想encore！👏 🍔 手打牛肉煎蛋漢堡包漢堡控必試！🍔 手打牛肉厚身又多汁，煎蛋仲係流心㗎～包身烘得微脆，夾埋醬汁一啖咬落去，層次感超正！ 🧋 紅豆冰懷舊飲品之選！紅豆煮到起沙，甜度適中，奶香順喉，飲完透心涼～❄️ 波士冰室早餐選擇多，份量足，性價比高！尤其推薦西多士同蒜蓉多士，邪惡但值得！💯 下次再嚟試埋其他招牌菜～ 📍 波士冰室銅鑼灣利園山道73號寶榮大廈地下E號舖#波士冰室 #港式早餐 #西多士 #紅豆冰 #銅鑼灣美食

今日喺銅鑼灣行街比較攰想食個Lunch🌤️見到呢間冰室都好受歡迎❤️食落果然質素唔錯👍🏻特別鍾意懷舊嘅小食好有風味🥹位置方便值得一試🤣⭐️ 吉列深海魚柳漩渦蛋包飯 🍳漩渦造型嘅蛋包飯入口幼滑🌊金黃酥脆嘅魚柳配上咖喱汁配飯食一流🐟⭐️ 手打牛肉煎蛋漢堡 🍔手打牛肉口感特別Juicy 🥩配上鬆軟嘅漢堡包同流心既蛋黃🥯調味啱啱好唔會太鹹值得一讚🧡⭐️ 粒粒花生醬西多士 🥞西多士炸得金黃色真係好邪惡😈 食到粒粒花生碎口味非常濃郁🥜⭐️ 生炸雞髀 🍗雞髀特別用上生炸特別保持肉質嘅嫩滑💪🏻 香口但係唔會太重油膩感🔥⭐️ 波士瑞士雞翼 🇨🇭瑞士雞翼招牌嘅醬汁帶絲絲嘅甜味🐔每一啖都非常入味有種經典的感覺🪭⭐️ 自家製生磨蛋白杏仁茶 🤍身為甜品控既我一定要試吓🥹 杏仁味清潤配上蛋白口感好幼滑🤪⭐️ 葡式咖啡 🇵🇹⭐️ 鹹檸七喜 🥤咖啡帶點焦糖香濃得黎好有特色 🍬 鹹檸七嘅口味就老少咸宜🍋

【今日中午食咩】今日中午去咗波士冰室醫肚，點咗一客鹹蛋蒸肉餅飯配熱奶茶，一共 $64。蒸肉餅夠厚身，肉質結實唔鬆散，鹹蛋鋪面，鹹香味道滲入肉餅中間，每一啖都非常惹味，送飯一流。飯粒偏硬身，啱晒鍾意煙韌口感嘅人。熱奶茶茶味濃郁，奶味適中，係傳統港式茶餐廳水準。餐廳裝修簡潔實用，冇乜花巧，感覺非常地道。中午時段人流不少，幾乎全場都坐滿，大部分顧客都係中年男士，感覺好似返到80、90年代嘅冰室氣氛，帶點懷舊味道。整體而言，波士冰室係一間穩陣、夠地道嘅港式飯堂，食物簡單但夠味，價錢亦算合理，適合返工一族快快醫飽肚。

呢間茶餐廳超好服務，叫咗常餐，要改動嘅都做到，服務員仲要好細心，要奶油豬走油，係嚟咗走油，但係跟埋支煉奶，話唔知我要唔要奶，要可以自己加，真係超細心，設想周到。出品好味，服務態度勁超班（好幾個員工都係）。一定會再嚟。

平時通常去開灣仔分店呢間波士冰室食下午茶，今日喺銅鑼灣有嘢整，未食過銅鑼灣分店就嚟試吓！有卡位坐得都幾舒服，樓面侍應都係好有禮貌！常餐都好豐富，一碗麵再有小食同埋飲品！瑞士雞翼撈公仔麵：都有三隻雞翼，而且瑞士汁好入味，用嚟撈公仔麵真係一流！好食到另外再加兩隻雞翼😍炒滑蛋夾埋丹麥多士一齊食，簡直係完美嘅配搭，多士又鬆脆又香！台式蜜糖波波腸 ，平時食開台灣腸係比較瘦長啲，今次第一次食圓轆轆覺得好搞笑😂口感又覺得唔錯，啱啱好一口咬落去，充滿蜜糖香味的腸！柚子熱情果梳打：夏天解暑一流，酸酸甜甜，加埋有氣梳打，好暢飲有幾款當日黑板寫的茶餐，可能每日唔同！今日揀咗一款乾炒叉燒河，我覺得又唔算太油，非常好，唔會食到成口都係油！加埋叉燒和蔥去炒，更加美極可口凍葡式咖啡 ：奶比較多，好香滑，夠醒神~

咖喱豬扒蛋包飯超大塊豬扒炸得好香脆~~咬下去 好juicy 蛋皮好嫩滑 裡面仲加咗d味素 ！配上咖喱汁濃到撈飯可以食兩碗啊!! 香草肉醬螺螄意粉：意粉夠彈牙，肉醬好足料，香草味好出，但食得多有啲鹹，飲啖凍檸茶就啱啱好。奶醬西多士：外皮脆到「咔嚓」聲，入面軟綿綿，煉奶同花生醬漏晒出嚟，邪惡但好滿足！奶茶紅豆冰：奶茶夠香滑，紅豆煮到起沙，凍冰冰咁飲，夏天飲真係爽到震！凍檸茶：茶底夠濃，檸檬夠酸，飲之前篤吓檸檬，酸酸甜甜，解膩一流！最愛係西多士同凍檸茶，食完仲想再encore！

今日同朋友去左銅鑼灣shopping路徑利園山道附近見到有一間懷舊冰室入去食咗個下午茶🤣這裡提供多種經典港式美食，如撈公仔麵、吉列豬扒飯和西多士等等~吉列深海魚🐟柳漩渦🥚蛋包飯 $70這道菜的特色在於其獨特的漩渦造型，搭配外酥內嫩的炸魚柳和滑嫩的蛋包，口感豐富且美味。顧客普遍反映這道菜色香味俱佳，特別適合喜愛日式蛋包飯的人士👍🏻香煎豬扒拼超力銀絲米粉$57這道菜以香煎的豬扒搭配超力銀絲米粉，米粉口感滑順，🐷豬扒外酥內嫩，風味獨特，深受食客喜愛。乾炒牛河🐮$64乾炒牛河的口感豐富，河粉韌性十足，滑爽不黏，搭配牛肉的鮮嫩和豆芽的脆爽，形成獨特的層次感

位於銅鑼灣❣︎波士冰室❣︎係一間港式茶餐廳🍴招牌同外圍設計得好有懷舊風格，裝修簡約舒服，有多款冰室必有食品系列及懷舊小食，價錢合理，呢到經常full場架。❣︎厚切餐肉雙蛋公仔麵❣︎$36鍾意食餐肉要試下呢個，真係堅厚切😋👍🏻啖啖肉。❣︎常餐C沙嗲牛肉公仔麵➕炒滑蛋➕奶油脆脆豬$57🌟必食推介😋👍🏻沙嗲汁微甜鹹香，牛肉稔滑入味，➕$6轉出前一丁，炒滑蛋嫩滑，配埋奶油脆脆豬外脆內軟，超滿足👍🏻❣︎生炸雞髀伴沙律❣︎$40大大隻炸雞髀🍗😋酥脆多汁，無雪藏味，連埋沙律一齊食減低油膩感。❣︎粒粒花生醬西多士❣︎$30西多士口感鬆脆，入面有大量粗粒花生醬😋加埋牛油同蜜糖🍯來食，經典茶記滋味。❣︎招牌奶茶❣︎跟餐➕$3茶奶比例岩岩好😋👍🏻香滑濃郁。

大約2點15分, 趕時間又肚餓, 附近真係冇乜餐廳可以吃, 第一次嚟試下原來兩點半先下午茶時間ordered常餐, 應該穩陣掛多士正常, 炒蛋有啲水, 即刻出餐即刻食都唔係好夠熱😑瑞士汁雞翼撈公（公仔麵）, 唔夠瑞士汁😑, 雞翼有三隻, 尚算肥美, 但係瑞士汁只係響雞翼外皮, 入面啲雞肉仍然白曬曬！！未至於有雪藏味但係冇乜味道😑. 公仔麵稍為硬,僅僅煮得熟嗰隻..😶咖啡唔係即磨嗰隻, 有啲苦澀.有一個比較年長嘅女侍應態度幾好不過有個男侍應就真係麻麻地掉嘢（落單簿仔, 碗公仔麵）落我張枱😑😑食完都唔夠飽57蚊🙄🙄🙄