泓一拉麵

小店位置有啲隱蔽，但係絕對值得專程去試 ꒰,,꒪ ᐞ ꒪,,꒱店內氣氛似日本路邊拉麵小店，全部都係 ʙᴀʀ 枱坐位，一邊食可以望到師傅一邊煮麵，真係幾有 ғᴇᴇʟ 呢 ~○ 白 雞 湯 拉 麵 // $102湯頭呈現奶白色澤，用豬骨配雞骨雞殼長時間熬製而成，飲落好濃郁順口，雞味特別突出，完全唔會覺得油膩，仲有陣陣香濃嘅忌廉味，真係好出色 (๑´ ڡ `๑)最特別嘅係佢哋會根據不同湯底配搭唔同麵條 .ᐟ.ᐟ呢款白湯配上低加水全麥粒麵，30% 含水量，咬落去紮實有彈性，有濃郁麥香味，掛湯能力極強，完美襯托湯底嘅厚重感 ꒰ ´ ᯅ `꒱配料方面都好豐富，雞胸非常嫩滑，慢煮豚肉叉燒薄薄一片，肉質好鮮嫩。溏心蛋熟度剛剛好，咬開係完美流心狀態，濃郁醬油香完全滲晒入去。另外仲有京蔥絲、筍、木耳、蔥花等，增加爽脆口感，層次真係好豐富 ꒰ # ’ ω `# ꒱𝐓𝐈𝐏𝐒：呢間店嘅白雞湯麵令好多人慕名而來，加上店內座位唔多，所以食飯時間真係要早啲去排隊 𖤐 ˊ˗黃埔店依家暫時裝修緊，可以去試試太子分店先 ~⸜♡⸝ 心 水 拉 麵 排 名 :🏅 沾麵：黑龍 ➜ 阿久根 ➜ 一燈 ➜ 豚王 ➜ 金田家🏅 白湯：座銀 ➜ ○𝐝𝐞▽ ➜ 泓一 ➜ 野見 ➜ 一生懸麵 ➜                  金鶴 ➜ 立體派 ➜ 大叔🏅 醬油湯：多賀野 ➜ 霸嗎🙅🏻 𝑵𝒐 𝑬𝒏𝒄𝒐𝒓𝒆：富士山55 / 麵匠 / 風雲丸 / 蔦 / 鬼金棒 / 火夫ꕀ…查看更多

《泓一拉麵（紅磡店）》背脂醬油拉麵 🍜📍紅磡民泰街29號德民大廈地下F4號舖以下係一篇長文，如果覺得眼花又有興趣睇結論就飛到最尾啦。最後一次幫襯已經係3-4年前嘅事，自從上年啟動左認真模式食拉麵之後，我一直都冇返轉頭，原因好簡單，因為以前試過雞白同背脂醬油，都覺得唔啱口味，所以就算呢一年幾食左150碗以上嘅拉麵都好，都冇諗過再去。不過咁，唔少麵友都對呢間店推崇備至，過左咁多年都仲咁受人愛戴，我就開始諗，當時我覺得唔啱食，係我未夠識食，定間店當時一時失手，定佢一路以來口味有進化所以迎合到大部分人口味呢？自從開左太子店之後，我就一直都係幫襯佢，始終都係近一步，我又鍾情佢嘅出品。今日咁啱有兩個鐘自由時間，又諗起紅磡店，就試返佢啦。泡系雞白湯我就真心麻麻地，最怕d泡嘅口感，虛虛的，又冇味，所以既然冇食咁多年了，就先試返背脂醬油拉麵 🍜啦。未講食評前，先講吓我今日响店內觀察到嘅無聊事 (係，所以篇文真心長)。我對呢間店嘅營運有少少意見，有好有壞。好嘅，唔知由幾時開始 (裝修後？)，食客要响門口揀好食乜並比埋錢先入座。咁樣可以幫店家慳返時間處理落單收錢，食客食完就拍拍羅友走人，我覺得咁非常好。未夠好嘅係，我一直認為邊個先 order 就應該要先食，咁諗係咪好理所當然呢？今日我11:50am到排第4， 可以頭輪入閘。因為每個人要先 order 比好錢先入得，所以肯定係先排嘅先 order。我咁啱8卦到夾左响個架嘅飛仔 (見下圖)，由左至右排，左邊係最早 order 的。由於頭輪一共有 5 個人點左雞白湯，分別係第 1, 3, 5, 6 同 7 個客，但基於店家一次過只能煮 4 個麵，所以只能同時間上4碗。重點來了，有趣嘅係，店家竟然先上比第 3, 5, 6 同 7 個客，而第 1 個客就未有得食。雖然真心唔太關我事，而第一個客都冇特別表示不悅 (表面上)，不過都想講講，營運流程係有呢個問題存在。講返關我事嘅問題，咁，因為我排第4， 但我唔係點雞白湯。店家應該為左節省時間，一炮過煮4個雞白，我嘅麵就第二輪先有。我理解咁做都無可厚非，始終咁多人排隊，煮得快上得快比起順序係緊要d，所以只係小問題。入正題，講返碗麵 😂香味 (3.5/5)香味唔算撲鼻而來，主要都係聞到醬油嘅香味為主，其次係面頭嘅白蔥。湯 (3.5/5)可能因為有豬背脂嘅關係，湯底相當的油潤，亦好順喉。背脂，醬油同雞骨湯產生嘅效果都算好。醬油味道都醇厚，不過鹹度同甜度都偏高，對我來講係鹹左d。整體係幾討好，可惜湯嘅溫度唔夠熱，背脂嘅香味未完全發揮得夠好，呢下扣左唔少分。麵條 (4/5)中細直、全粒粉造嘅麵，中至低加水率，質感較為扎實，麵味都夠香，幾啱口味。配料 (3.5/5)好嘅係豬叉燒同溏心蛋，高質。未夠好嘅係雞叉燒，雖然質地夠軟，但雞味可以話接近冇。白蔥同紫洋蔥碎正常發揮。整體來講，口味偏濃偏鹹，所以食到中後段會膩，見到有沙甸魚乾醋，加左少少，解膩效果都唔錯。其實成碗麵係幾好食，最大致命傷係唔夠熱，令豬背脂香味未能夠充分發揮，另外就係雞叉燒真係差，其他範疇全數中上水平啦。比起3年前食，確實整體質素係比我記憶中好左，我決定下一次食會試鰹魚🐟拉麵。順帶一提，唔肯定係咪裝修後嘅產物，店入面多左條捲曲嘅膠光管，唔知响各麵友眼中佢嘅藝術成分有幾高呢？🤣(見下圖)…查看更多

聽聞呢間雞白湯好出名，今日5:50就嚟到，前面有三至四個人排隊，第一輪入到去。叫咗招牌嘅雞白湯拉麵，先飲一啖湯，係好濃厚順滑嘅雞白湯，好飲嘅，唔會話太過鹹。溏心蛋都做得好好，入味，片肉嘅口感依然保持到嫩。整體嚟講的確係一碗幾唔錯嘅雞白湯拉麵。小店環境就普通，座位大概得6-8個，食食吓都會幾熱。…查看更多

成日都聽黃埔人介紹弘一拉麵，今日終於一試，weekend中午嚟到，等咗大約45分鐘，主要因為鋪頭座位比較少，得6-7個位叫咗一個雞白湯拉麵，湯底濃郁，但係唔係鹹，同埋少少杰身，令每條麵都掛到湯，忍唔住飲多幾啖湯🤣另一個係蝦湯沾麵，蝦湯又係好濃郁，同埋都好多蝦湯麵嘅係幼麵，沾麵就係粗麵，無得揀，同埋可惜嘅係叉燒相對比較鞋身仲叫咗份日式餃子，不過唔係重點，都好普通😂總結而言，首推雞白湯拉麵，必試！…查看更多

食第5次啦😌每次都係因為掛住雞白湯拉麵！！！黃埔真係好多野食不過每次都比尼間吸引左😂今次拉左個為食朋友過尼都係讚唔停個雞白湯好濃郁嗰種雞湯膠口嘅感覺超正🥰我見住個廚房一大煲雞湯(見到雞腳堆伸晒出尼😂)就明點解個湯咁得平時都唔會飲得晒碗湯尼碗係唔飲晒對唔住自己同啲雞飲落去係好舒服…唯一仲要進步就係希望可以間鋪大啲冷氣位吹正嘅話男仔應該幾舒服女仔會吹住好難避~有無人仲食過其他味？可以話我知其他味值唔值得我放棄食雞白湯？🤣…查看更多

行過見到冇人排隊，所以就諗住去試吓呢間拉麵店。聽講過去好多人排隊食，就諗住期望會好好食。入到去間舖頭好細，只可以容納六名食客。坐低就嗌咗一碗雞白湯拉麵同埋鰹魚拉麵，仲加配咗一份餃子。兩碗拉麵好快就上枱，首先講咗個鰹魚拉麵。可能我問題啦，真係一啲鰹魚味道都食唔岀，同醬油拉麵冇分別。個面底又唔係特別好食，叉燒仲要好鬼好鬼薄，仲搭配咗一舊雞胸肉同埋個流心蛋，係嘅都算夠飽嘅。然後講另一個雞白湯拉麵的，的而且確雞白湯係幾濃厚，大致上嘅餸同埋個麵都係同個鰹魚拉麵一樣，多咗洋蔥同青菜。開頭以為個雞白湯拉麵係滾住上所以有泡，之後先發覺原來係個職員攞個攪拌機打到有泡，唔知係咪我見識少，未見過係咁樣打泡。不過個湯都算幾好就算啦。個餃子就普普通通，最後埋單就220幾蚊，心諗啲人點解要排咁長龍去食一個咁普通嘅拉麵，我諗其他食評都係買返嚟？我唔知嚕。…查看更多

每次經過已經好大條人龍，今次特登兩點半左右過嚟食！等咗唔夠15分鐘就入得！呢碗白雞湯拉麵湯底濃郁滑溜，帶有少少氣泡顯得新鮮滾熱辣。有薄魚板、嫩肉片、青菜同溏心蛋，葱花點綴另外日式餃子值得一試餃子皮薄，雖然唔係太脆又比較細隻，但肉汁豐富，咬落去相當滿足，一啖食晒反而有啲唔夠喉 😂…查看更多

被譽為香港必食拉麵頭三甲的泓一，今天終於來朝聖😌可能長假期關係，只需等20分鐘便有座位，很幸運🍀店內只有7個座位，難怪常常排長龍。我們分別點了兩碗不同湯底的拉麵：雞白湯拉麵 $98: 湯底是拉麵的靈魂，泓一果然不負眾望，湯頭散發濃厚的雞味道，奶白起泡，口感creamy 、順滑。不過，如果能稍微淡一點點較理想，略嫌咸了點，吃完整碗蠻‘漏’。但配撘他們首創的「低水麵」一起吃，味道剛好取得平衡，不過小編個人還是較喜歡普通的拉麵。至於雞肉，略嫌乾了點，不太重雞味，有點失色。而半熟蛋不錯，有流心，能夠在糖心蛋的調味中吃到師傅的心機，不得不讚，但味道稍稍甜了一點點。特製醬油拉麵 $82：湯底偏適合重口味既人，熱度適中、湯底香濃、有點層次感，整體不錯。而這碗是使用「高水面」，麵質偏軟，如果喜歡食硬身一點拉麵的人，這麵質絕對不如你所想。其他的配料口感與雞白湯的感覺差不多。兩款拉麵之中個人比較喜雞白湯拉麵，無論湯底還是麵質，都比較接近小編口味。——味道：👍🏽👍🏽👍🏽👍🏽環境：👍🏽👍🏽 👍🏽 價錢：💡 💡 💡 💡服務：⭐️ ⭐️ ⭐️…查看更多

而喺呢間紅磡黃埔嘅日式拉麵店，佢哋嘅雞白湯拉麵特別好吸引。湯底濃郁豐富，經過攪拌機處理後更加滑順，帶出雞白湯嘅香濃風味，令人回味無窮。麵條煮得剛剛好，al dente。半熟叉燒肉質鮮嫩多汁，每一口都散發著誘人的香氣。店內還搭配糖心蛋，蛋黃流動，為整碗拉麵增添了豐富的口感和風味。7:00嚟到，前面大概10人排隊，餐廳仲好溫馨提示禁止解壓縮收費很合理，不用$100一碗，亦都唔需要加一服務費，性價比不錯，值得一試…查看更多

話說黃埔嘅拉麵店，除咗拉麵天王重有間弘一拉麵，which其實比較出名&成日都有人排隊（火夫個蝦拉麵都幾好，但我覺得佢主打串物，就唔計拉麵店啦）弘一啱啱開張時我有食過一次佢個招牌雞白湯拉麵，但可能雞白湯&慢煮雞胸/慢煮豬肉叉燒都唔係我杯茶，食完唔覺佢特別好味，所以多年來都冇再幫襯最近想係香港食好味嘅醬油系拉麵，見openrice啲人話佢個醬油湯ok，於是膽粗粗去試多佢一次結論而言：今次嘅體驗重衰過上次今次叫左呢兩年新出嘅？鰹魚拉麵+日式餃子（唔好問我個醬油拉麵去左邊😂）餃子都係正常日式餃子，新鮮煎起熱辣辣，皮同餡都比較軟身，不過不失，唔錯（所以係碗麵到之前已經比我清左）碗麵一上嚟就見到滿滿嘅鰹魚花，望落都幾靚仔不過可能期望愈大失望愈大，成個拉麵食落就有啲差少少，以下係按照我當時食嘅次序排嘅感想湯問題唔大，撥開鰹魚花飲啖湯，以淡麗系嚟講鹹淡適中，但鰹魚味唔係好濃，反而係甜味比較突出（唔知係唔係雞+昆布+味醂嘅甜味），將鰹魚花浸一陣&同埋拉麵一齊食嘅話會好啲但鰹魚花同拉麵嘅口感其實唔係咁夾，而且食到最後啲鰹魚花浸耐左，搞到個湯有少少酸，所以我冇飲哂個湯食啖拉麵，直身幼麵，有少少全粒粉，入口順滑掛湯，有少少麵香，唔錯但最大嘅問題係叉燒度佢 個 雞 叉 燒 中 間 係 唔 熟 架日式慢煮肉類半生熟係常見嘅，但食用生肉不嬲都講求鮮度，半熟肉唔夠新鮮就好易出事，例如今次咁唔知佢用乜野雞肉，但最基本最重要嘅溫度控制都做唔好，最厚身嗰部分嘅中間係粉紅色嘅我原先諗住慢煮中間淡粉紅好正常，於是夾起嚟放入口咬落去佢 粉 紅 色 嗰 度 係 微 凍 架佢連咬落去都完全係生肉嘅口感，嚇到老娘一野lur返啖肉出嚟算，浸返舊肉落湯度，可能食到最後佢會變熟於是我夾起薄切豬肉叉燒放入口嗯，中間有一啲啲啲啲粉紅色，但同個雞胸比唔算啲咩個口感幾嫩，係豬肉，有啲鹹...冇啦，係咁多作為一個鐘意食肥肉嘅人，呢片又薄又瘦嘅叉燒完全滿足唔到我放佢落個subway包夾嚟食可能會開心啲粒半熟蛋做得幾好，蛋白緊緻而嫩，蛋黃溏心有蛋漿，醬油浸得好入味，連蛋黃漿都有醬油味，鐘意濃味嘅人會好滿足荀片食落冇渣，不過不失白蔥絲切得夠幼，同啲麵幾夾食下食下就嚟食完，啲鰹魚花開始搞到個湯有啲酸，於是我夾返起一開始浸返落湯嗰片半熟雞胸叉燒...嗯，都係唔熟嘅口感雞叉燒調味都係偏清淡，有啲似減肥/健身會食嘅白烚雞肉嘅嫩滑版結果個雞叉燒我淨係食左兩啖外層肯定唔係生嘅部分就放棄左其實整體食落都唔錯，合格有餘但係食到熟唔透嘅雞肉對我太大衝擊加上睇返其他食評，都見到間中有人食完肚痾就更加唔敢食完嗰片雞叉燒如果叫我下次再去食嘅話，我可能會叫佢走叉燒…查看更多

平時唔多食拉麵係因為絕大部分既拉麵湯底我都覺得偏咸今次去黃埔搵食，試試呢間湯白湯好出名既拉麵店😋我地一行2人去到，時間大約係17：55左右，鋪頭晚市開18：00，門口已經有2-3位食客等候緊等左一陣就開門啦🥳店舖係日式風格bar枱設計，所以坐位唔多，一字排開一人叫左一碗拉麵人氣之選✨雞白湯拉麵+特製辣醬油拉麵首先整好既係特製辣醬油拉麵，一放低就聞到好香既辣味，試左一啖湯，唔算好辣，勝在夠香，口味少少咸🤏而雞白湯拉麵既造型就係滿滿既白色泡泡😂濃濃既雞湯又有點creamy, 又滑，忍唔住飲完一啖又一啖。雞肉及叉燒係工常水準，而溏心蛋就做得好好。拉麵方面就係全麥粒拉麵，食落幾彈牙，有咬好，個人覺得好好食👍最最最欣賞就係碗湯，飲哂都唔覺得漏或者咸💯🤑性價比：7.5/10🤤色香味：9/10🐖邪惡度：7/10🤗推薦度：9.5/10📍#泓一拉麵民泰街29號德民大廈地下F4號舖…查看更多

如果你係拉麵愛好者，你一定聽過煮干。不過响香港要食煮干風味，選擇真係唔多，就算有，口味都未必好正宗。我有去日本食過正宗煮干拉麵，然後再回想返以往响香港食過嘅煮干拉麵，我認為泓一係個較好嘅選擇。以下係食評：《煮干🐟醬油拉麵🍜》香味 (4/5) - 魚乾香味相當夠，香氣撲鼻。湯 (4/5) - 上次去泓一我係點煮干鹽味拉麵，當時稍為覺得味道太淡左D。今次煮干醬油湯就啱啱好，味道同鹹味都啱啱好。不過，魚乾嘅味我認為主要係來自個香油，底湯入面唔似係用魚乾熬煮出黎，似係正正常常嘅雞骨湯。如果以正宗煮干湯黎諗，佢未夠份量，但以香港可食到嘅煮干湯黎諗，都算幾食得過。麵條 (4/5) - 同上次碗煮干鹽味拉麵一樣，都係用左加水率 38% 嘅高加水麵，啜麵時非常滑順，配醬油湯我認為比配鹽湯更為合適。配料 (4/5) - 白蔥上面有兩條魚乾仔，都係意思意思，視覺效果多於對味道上有貢獻。反而我想講講d白蔥，佢係切絲唔係切片，而切絲係遠比切片更加花時間，我親眼👁️睇住個廚一刀一刀切，睇得出又食得出係有心機。豬叉燒方面，調味比上次加重左d，黑椒嘅味道濃郁左，加上肉味都係更濃，又相當大塊，我認為好正。雞叉燒方面，雞胸肉，未至於非常嫩口但還過得去。肉味同上次一樣，都係麻麻地。荀同溏心蛋正常發揮。食左一半之後，加蒜蓉同胡椒增加層次，最後乜都清晒。整體 - 值得推薦 👍👍👍👍如果你有响日本食過正宗煮干拉麵，你可能會覺得呢碗麵未係嗰回事。不過因為我本身對煮干正宗口味嗰種重鹹唔喜歡，反而呢度淡麗風更對到我口味，所以我係推薦比大家，特別係未食過煮干拉麵嘅朋友，先食左佢，當入門級，再去日本食，會更能體會到唔同程度嘅煮干湯風味。…查看更多

如果你係拉麵愛好者，《泓一拉麵》呢個名應該一定聽過。本店响紅磡，而我今次去呢間店係佢第一間分店，响太子。紅磡店我一早有幫襯過，當時感覺其實係麻麻地，不過因為好多人都不斷話太子分店好食，我又不妨試多次啦！未開始寫食評之前，先講吓，呢間店非常專業，識得用唔同加水率嘅麵去配合唔同嘅味型，加左分先啦。《煮干🐟鹽味拉麵🍜》香味 (4/5) - 香味充足，第一陣味係魚干嘅味道，如果喜歡魚干應該會鍾意呢陣味。湯 (4/5) - 色澤係最靚嘅琥珀色，味道一飲落去，魚干味相當夠。煮干拉麵本身响香港係相當少，而且配鹽口味更加係少上加少。佢嘅味道主軸係魚干味，籠統d講就係鹹魚嘅鹹鮮味，鍾唔鍾意就見仁見智，反正我係鍾意嘅。鮮度雖然夠，不過鹹度我認為稍稍不足，連我呢個淡麗風味愛好者都認為未夠，但因為香味同魚味都相當出色，所以4分我認為都合理。麵條 (3.5/5) - 好似上面幅圖咁講，佢用嘅係高加水麵。高加水麵嘅特性係滑溜，不過吸湯能力比低加水麵係低，口感正正似車仔麵d油麵咁。個麵小麥味算夠，又夠滑，配合埋個湯都 OK，但我認為低加水麵可能會更好。配料 (3/5) - 豬叉燒方面，都係最熱門嘅豬肩肉，薄切，肉味唔夠濃，一般啦。雞叉燒係雞胸肉，問題一樣，肉味唔夠濃，口感算一般唔夠嫩滑。溏心蛋就無懈可擊，味道，蛋香，生熟度都係接近完美。荀方面，佢用嘅荀有粗有幼，以下係張相係粗荀。味道口感屬中上。白蔥方面，正正常常啦。食到尾，見佢有蒜蓉🧄同胡椒提供，加左落個麵之後，有助提升層次，幾好味。最後都係完全清晒。整體 - 值得推薦 👍👍👍…查看更多

呢日同朋友一齊嚟咗排隊店🤭 bookmark咗好耐！終於有機會啦😆店面好細，只有七個位，我哋到嘅時候出面排住差唔多10個人，等咗接近一個鐘。如果冇人一齊排住傾偈我一定唔會嚟。🤣入去揀咗雞白湯拉麵，再加咗個餃子。成間店嘅感覺好日式，係bar台咁，睇住師傅整嘢食。😙雞白湯佢係會打到好Creamy ，麵質呢係有啲咬口唔會太軟，流心蛋也好好吃。至於餃子佢有兩款我哋揀咗普通嘅日式餃子，餃子皮薄但又不會未食就穿，都唔錯😚整體嚟講都幾好食，如果唔使排咁耐佢咁就Perfect啦😆😆…查看更多

次次經過泓一都大排長龍，但可能熱情推卻了一點，所以總算排隊唔使咁耐！今次係留定肚嚟食，所以一次過嗌了兩款人氣拉麵。第一碗當然係雞白湯拉麵，師傅用打泡機在白雞湯上打泡，在湯面上形成了一層厚厚的泡沫，繼而增加白湯的口感，飲得出濃濃的雞湯味，另外配搭了雞肉叉燒，同埋啲筍，相當唔錯！最難得嘅係隻溫泉蛋，比其他拉麵店的溫泉蛋更加入味，證明佢哋浸咗比較耐，我就鍾意呢種味道。整體而言十分配合。跟住第二碗就係背脂醬油拉麵，其實我覺得呢個比雞白湯更加出色，首先食得出陣陣的醬香，比普通原味湯麵有一浸濃濃的香味，層次更加豐富！另外雖然在湯裏加上背脂，但係飲落去完全唔飲唔到肥膩嘅感覺，反而好清新！所以我好鍾意佢！加上薄薄嘅叉燒同埋溫泉蛋，真係冇得頂！…查看更多