泓一拉麵

營業中

休息中

聽講泓一拉麵嘅湯底好出色，所以同老公一齊嚟試下。雞白湯拉麵愈來愈多人喜歡，香港亦開了不少拉麵店，終於有機會一嘗泓一拉麵。星期日中午剛好等候時間不長，今次趁唔算太多人就即刻入去食返碗先，座位唔算太多，地方簡而整潔，佢地係開放式廚房，可以睇到煮麵過程，店員們年輕有禮。最貼心嘅就係枱面附有紮頭髮橡筋，方便長髮嘅人士用。雖然舖面細但係好有心思位，仲有冰水提供同多種調味料提供。特別提醒各位想去試嘅朋友們，因為店舖屬於小店，如果在繁忙時間你有機會要喺門口排隊等位。手機下單後不稍一會拉麵便奉上。豚X雞白湯拉麵雞白湯底呈奶白色，味道清甜沒有味精，面層帶一層薄薄的泡沫，口感食落入口即化，湯底重雞味濃度中等，唔屬於好濃厚果種，豚肉和雞肉肉質嫩滑，口感層次豐富，半熟溏心蛋滿滿醬油香但唔會搶拉麵風頭。拉麵選用含水量30%的低加水全麥粒麵體，口感富有彈性，並帶有麥粒外殼，更加展現出小麥的香氣和味道，再加上有爽口的筍片，層次變得豐富。地雞醬油拉麵地雞醬油湯底的顏色相對地比較清澈，帶有淡淡嘅魚乾香味，味道平均得剛剛好。這種清爽的湯底和口感煙韌的拉麵相得益彰。拉麵彈牙帶有麥香味，口感順滑，兩款拉麵嘅溫泉蛋都好流心，呈

早排同朋友特登嚟太子食雞白湯拉麵 呢間大概排十分鐘左右就入座 用qr code自助落單 叫咗一碗雞白湯拉麵同雞皮餃子雞白湯拉麵本身就有包叉燒 雞肉同蛋 雞白湯濃郁雞皮餃子熱辣辣都好好食

太子呢條街好厲害 很多排隊小店都聚集在這裡 今次試到呢間泓一拉麵了小店位置不多 幸好食拉麵的流動性較高 在門口等了一會兒便入得豚x雞白湯拉麵 $105湯底呈奶白色 飲一啖雞味濃郁病有清甜 夾起麵身見到有粒粒深色一點點的小麥色 原來呢款拉麵配的是含水量30%的低加水全麥粒麵 口感好彈牙 同個湯底好夾！加埋佢上面的紫洋蔥粒和你可以另加的生蒜一齊食 又會提升咗另外一個層次 同一碗麵可以有不同的變化地雞醬油拉麵 $108湯頭好清澈 配上它們獨家的「多加水熟成麵」 食落去麵質都彈但較滑身 比較容易「啜啜」聲咁食😆 豚肉片同雞肉肉質都很嫩滑 值得一提 隻流心蛋煮得很好 夾開橙紅色而且流心程度一流👍🏻

泓一喺網上評價好兩極，有啲人勁讚，特別紅磡舖俾人捧到神級，幾乎可以反攻日本咁款；有啲就勁鬧，話隔籬街乜乜物物好食幾多幾多倍，讚親都話係打手。我又覺得讚就讚，彈就彈，但郁啲話人打手呢啲批鬥思維根本脫離晒評論本質，無益於事。同老婆一齊去食，一早去到，唔使等位，一人一碗，煮干同雞白。出麵都算快，賣相真係唔錯。煮干算幾清，冇溝豬骨湯，純煮干湯底，咁樣做得出都對自己個湯好有信心下。味道真係幾好，清甜，鮮味，輕輕嘅乾貨味，唔苦，想試下煮干嘅人唔使卻步，但我就想佢乾貨味再重啲，啲魚骨內臟味再明顯啲就好。麵係佢哋賣點，加多水熟成麵，我估就係兌水比例高嘅麵，照計就索湯啲。食落就係索滑嘅，麥味一般，索水都快，好彩我食得快，唔係食到尾應該腍晒。雞白湯，湯面浮晒白泡，但唔係做個樣，真係有味。雞白湯真係好夠雞味，係我呢個雞白新手食過最足雞味嘅湯。呢碗麵係佢哋所講少水麵，質實，有口感，係個人幾鍾意嘅麵身，可以再煙韌啲就好。講埋佢哋啲餸，蛋係超強，入味，流心，蛋味濃，唔知係咪蘭王之流。叉燒係慢煮嗰種，個人一般喜好，但都叫做好味嘅。整體嚟講，泓一（太子）點都係香港一線拉麵，就算話係俾人吹捧過度，佢本身都真係夠班。有人

位於太子的「泓一拉麵」為全港首家多加水熟成麵專門店，今天中午到店朝聖，除多加水熟成麵外，同時提供低加水全麥粒麵，各有特色-🔹煮干醬油拉麵 $105多加水熟成麵麵體的含水量高達 38%，色澤光滑，口感柔軟富彈性，更容易吸附湯汁日本地雞軟嫩細緻帶清雅的肉香，豚肉同樣柔軟帶鮮肉不羶的味道；附味玉、筍條、紫洋蔥及大蔥，味玉做到溏心狀態，充滿蛋香與醬油香、筍條幼嫩鮮甜；湯底混合昆布、煮干及鰹魚等熬製而成，清鮮帶濃郁的醬油及鏗魚味道，麵條幼滑掛湯-🔹豚x雞白湯拉麵 $105選用含水量 30% 的低加水全麥粒麵體，麵條結構更緊密，咀嚼感強烈又富彈性，帶麥粒外殼，更能展現出小麥的香氣和味道配料如上；雞白湯清香且順滑細膩，油份不高，齒頰留香；麵條比起多加水熟成麵較有嚼頭，麥香更重，口感不俗-午市套餐惠顧拉麵 +$28 配小食及飲品，小食點選御好燒風味餃子及雞皮餃子；御好燒餃子肉鮮細滑，配上柴魚片及沙拉醬極具風味；雞皮餃子外皮金黃，口感輕韌帶焦香味道，配搭雞肉、蔬菜及調味料，足夠滋味

平時食拉麵，都冇特別留意拉麵的種類，今次去試試全港首間多加水熟成麵專門店「泓一拉麵」，唔知同平時食開嘅拉麵有冇分別呢？睇返介紹，多加水熟成麵意思是製作含水量高達38%的麵體，令麵更能吸收濃郁的湯汁，提升整碗拉麵的層次！✨地雞醬油拉麵清澈的醬油雞湯，帶有淡淡嘅鰹魚昆布味，配幼滑的「多加水熟成麵」，口感豐富！拉麵配料有慢煮雞肉、肥瘦剛好的日式叉燒、軟滑的糖心蛋等，好豐富！✨豚x雞白湯拉麵奶白色的雞白湯已好吸睛，湯底鮮甜不油膩，有厚厚雞鮮味及淡淡豬骨味；低加水全麥拉麵口感較彈牙，有咬口，略帶小麥香；配料同地雞醬油拉麵一樣咁足料；大愛雞白湯，差不多飲哂！2款拉麵有不一樣風味，都好好味，本人較偏愛濃郁雞白湯配彈牙有嚼口的低加水全麥拉麵！食完濃郁的拉麵，配一枝滿滿果汁味的柚子/葡萄梳打汽水，好滿足！

之前睇到網上有人拍片推介，所以走來試伏，點知真係伏，依家諗返起拍片嗰個人好都好大可能係收左x，點解會咁講？下面會講。雖然睇到餐牌唔算好期待，但係冇諗過會咁伏。碗麵嘅份量超少，基本上幾啖就食晒d拉麵，女士都唔飽。麵質:寫用咩全麥粒麵，麵質一般無特別。蛋:用比較紅嘅蛋黃蛋，味道冇乜驚喜。筍:9成罐頭筍，唔爽身，難食。肉:食落唔似叉燒，唔知咩肉，勁難食。得件白色雞肉食哂。湯底:非常普通醬油湯，唔係熬。店員會用部機打泡，但係對個湯味冇幫助。一碗咁嘅麵賣$105。呢間暫時係我全香港食過最伏嘅拉麵。

「泓一」喺拉麵關注組一直大受好評，亦係全港首間多水麵專門店今次去太子分店，必嗌人氣豚x雞白拉麵，另試埋稀見煮干鹽味拉麵，姐係魚乾仔豚x雞白拉麵先blend一層泡，兩者嗰味好balance ，豬骨味比出面更清晰唔膩煮干湯底入口反而記憶點強好多，鮮甜味出眾，配多加水熟成麵滑嫩口感特別夾，而且見師傅會灸燒過嗰湯先上枱溏心蛋嘅流心狀態可以稱為滿分，淡調味，顯得蛋漿更入口廿甜如果分開睇，會鐘意煮干湯底同低加水全麥麵

📍泓一拉麵🍜❤️排晒長龍嘅拉麵店👍～由以前大圍店開始支持到而家👍一直保持高水準😘～雞白湯拉麵配豚肉😍呢間嘅雞白湯拉麵一向都好出名😍湯底非常濃郁🤪配上特製麵條🍝大大塊香滑叉燒同雞肉😍食到停唔到口👍～煮干醬油拉麵🥰第一次試呢個煮干醬油拉麵🍜估唔到咁好食喎😍醬油香甜濃郁🥰溏心蛋入口即溶🤤～餐廳嘅特色飲品有柚子梳打汽水😍同埋葡萄梳打汽水❤️兩款都非常好飲🥰📍泓一拉麵 (太子)太子汝州街21號英來大廈地下E號舖

❰泓一拉麵❱ 豚X雞白湯拉麵🍜📍太子汝州街21號英來大廈地下E號舖太子泓一都好多捧場客，我雖然唔算常客，不過間唔中都會幫襯。之前有食過佢嘅《煮干🐟鹽味拉麵🍜》，《煮干🐟醬油拉麵🍜》同《地雞🐓鹽味拉麵🍜》，當時覺得煮干🐟醬油最合我口味。今次刻意試過另一大熱門之選：《豚X雞白湯拉麵🍜》香味 (3/5)主要以雞香味為主，豚骨味就冇乜。湯 (4/5)呢間店，計埋今次我試過4款拉麵，佢地個湯嘅共通點係鹹度較低，走清淡路線。不過鹹度低唔代表佢唔夠味，個湯係夠鮮夠香。因為我正正鍾意淡麗風，佢正合我心意。豚骨同雞骨嘅味道出奇地平衡，冇話邊個搶左搶個，近乎係5:5之比。麵條 (5/5)我第一次食佢嘅低加水麵，我認為非常有驚喜。同高加水麵完全唔同風格，麵質爽彈有韌性，硬度剛好。可能因為加埋麥粒外殼，加添風味同口感。配料 (4/5)豬叉燒方面，調味比上次加重左d，黑椒嘅味道濃郁左，加上肉味都係更濃，又相當大塊，我認為好正。雞叉燒方面，雞胸肉，未至於非常嫩口但還過得去。肉味同上次一樣，都係麻麻地。溏心蛋方面，中上有餘，有流心，生熟度控制得好好。蔥同筍正常，不過筍稍為偏淋左d。正因為個湯比較清淡，食完麵，飲晒d

15/1/2025📍泓一拉麵佢嘅雞白湯係紅磡本店已經出晒名 宜家嚟埋太子開分店 位置更加方便😽當日平日6點幾嚟到 等咗20分鐘先有位都係經典拉麵店bar枱設計 可以望住師傅準備野食⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯✨豚X雞白湯拉麵（$105）奶白色嘅湯底充滿雞嘅鮮味 濃厚但唔油膩有2片幾大片嘅豚肉叉燒同1片雞叉燒 肉量都算合理 但啲肉偏瘦 差咗啲油香 但係唔柴麵質軟硬粗幼適中 份量好夠飽好鍾意佢嘅溏心蛋 比足成隻蛋 蛋黃嘅溏心效果💯仲好入味 ✨特製煮干拌麵（$98）我哋都好奇煮干係咩嚟 所以嗌嚟試下首先佢都有隻好正嘅溏心蛋😙呢個拌麵唔係一般好多醬嘅拌麵佢係每條麵都拌左薄薄嘅油 油嘅份量啱啱好唔會滴曬油 唔用醬又無咁重口味 好特別入面仲有豚肉粒、荀乾、蔥蒜、紫菜 要撈埋一齊食 抵讚嘅係佢嘅豚肉粒炒得幾香 好香黑椒味 仲係半肥瘦添 有咬口又有油香✨御好燒風味餃子（$38）豬肉饀嘅餃子 外皮唔會好厚 加咗上面嘅醬 真係還原咗大阪燒嘅味道🤪⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯最後埋單~$240（冇加一）雞白湯比較出色 拌麵就好特別推薦指數🌟：4/5📍太子汝州街21號英來大廈地下E號舖

❰泓一拉麵❱ 地雞🐓鹽味拉麵🍜📍太子汝州街21號英來大廈地下E號舖泓一呢間店咁大名氣，想必都唔駛我多介紹。想講嘅係，响d拉麵關注組，好多網友都會用紅磡店同太子店比較，而似乎紅磡店係比較受追捧多d。雖然我冇特別去research兩間店嘅背景，不過只要比較一下兩間店嘅menu，佢地做嘅拉麵風格都幾唔同，除左店名同logo一樣之外，口味，擺盤，碗個樣，通通唔一樣。紅磡店主打似係雞白湯，而太子店主打似係煮干湯。呢間太子店嘅煮干湯拉麵，我已經試過晒，做得幾好。今次試嘅係地雞🐓鹽味拉麵🍜。香味 (1/5)香味比較久奉，我開初會預期濃濃嘅雞湯味，係冇乜。湯 (2/5)如果以雞鹽湯來講，我認為係唔合格。雞湯味近乎係食唔出，反而個湯有濃濃嘅魚乾味，而食到底，發現佢有加到似係d細細粒又整散左嘅元貝乾，我理解係，呢個湯底食來食去都係似海鮮系嘅風味，我當佢有加雞去煲，雞嘅存在感實在太薄弱。之所以我認為煮干湯係做得好，可能因為個湯底嘅關係。麵條 (4/5)同上煮干拉麵一樣，都係用左加水率 38% 嘅高加水麵，啜麵時非常滑順，口感好好，不過我認為配醬油湯比配鹽湯更為合適。配料 (3.5/5)豬叉燒方面，肉味都係更

泓一拉麵係一間出名用W湯底煮嘅拉麵店，其中嘅豚雞白湯拉麵真係令人驚艷。佢哋嘅雞白湯入口順滑、味道濃郁，配以慢煮雞胸同叉燒，令味蕾感受到極致享受。特別值得一提嘅係佢哋嘅糖心蛋，蛋味香濃，同湯底同麵條一齊食更加昇華。另外，特製煮干拌麵亦係一道細緻美味嘅菜式，結合各種配料，味道獨特，帶來獨特嘅風味體驗。食落去，麵條彈牙入味，雞肉軟嫩，配以洋蔥，使味道更加豐富。泓一拉麵嘅湯底採用W湯頭，混合雞湯同海鮮湯頭，令湯底層次豐富，又唔會太沉重。而湯底濃郁細滑，加上多款配料，味道鮮美，絕對係一個值得推薦嘅日式拉麵餐廳。

29/11/2024晚上光顧，當值樓面態度極差。入到去見到有兩個位我同樓面講聲「我坐哩到」，店當態度好惡咁同我講「幾多位呀」，仲要用神眼掘住我，我心諗我得罪你乜野。 入到店無人講歡迎光臨﹑走唔無人講多謝再見，當客人透明咁，本身已經刷新左我對日本拉面店既認知，但我自己都無好在意。但再結合埋咁惡劣既服務態度就完全唔掂，客人泥幫襯唔代表要受氣 。店舖人氣高拉面係唔錯，但咁基本服務態度連一句溝通都可以做得咁差要人投訴，係令人非常錯愕同失望，同店舖格調同背景極違和，讓人覺得不被專重，已經唔係純粹服務問題。唔知道係唔係果別店員一個人問題，定本身店舖前線training有問題，因為其他店員見到但無出聲，同時其他店都一樣唔會打招呼當人透明，令人失望。

聽講泓一拉麵啲湯底好出色，所以約埋朋友一齊黎食下🤤座位唔算太多，今次趁唔算太多人就即刻入去食返碗先，佢地係開放式廚房，可以睇到煮麵過程😛最貼心既係每枱都會有兜橡筋比女孩子們紥頭食😎🍜煮干醬油拉麵 $105麵既質地可以揀軟麵或硬麵，我就揀左硬麵🤭慢煮豚肉叉燒+慢煮雞肉叉燒依2款肉質都好軟熟，食落去有肉香🥰成個湯係由醬油湯加當季既小魚乾做個底，飲落去係飲得出個鮮味，而且無乜味精，好鍾意個湯底🤤🤤🤤啲麵好彈牙，仲索埋啲湯汁十分入味，溏心蛋就正常發揮😌🍜地雞醬油拉麵 $108麵既質地可以揀軟麵或硬麵，朋友就揀左硬麵😆湯底係甜而不膩，配料一樣係好軟熟慢煮豚肉叉燒+慢煮雞肉叉燒😙啲麵一樣好彈牙，整體還可以😛飲品就叫左葡萄梳打汽水及柚子梳打汽水，兩款汽水一樣係$28🤩泓一拉麵 (太子)📍太子汝州街21號英來大廈地下E號舖