影片
港鐵太子站 D 出口, 步行約2分鐘
繼續閱讀
營業時間
今日營業
12:00 - 16:00
18:00 - 21:00
星期一至日
12:00 - 16:00
18:00 - 21:00
*12:00 - 16:00（最後下單時間為15:30）
18:00 - 21:00（最後下單時間為20:30）
以上資料只供參考, 請與餐廳確認詳情
聽講泓一拉麵嘅湯底好出色，所以同老公一齊嚟試下。雞白湯拉麵愈來愈多人喜歡，香港亦開了不少拉麵店，終於有機會一嘗泓一拉麵。星期日中午剛好等候時間不長，今次趁唔算太多人就即刻入去食返碗先，座位唔算太多，地方簡而整潔，佢地係開放式廚房，可以睇到煮麵過程，店員們年輕有禮。最貼心嘅就係枱面附有紮頭髮橡筋，方便長髮嘅人士用。雖然舖面細但係好有心思位，仲有冰水提供同多種調味料提供。特別提醒各位想去試嘅朋友們，因為店舖屬於小店，如果在繁忙時間你有機會要喺門口排隊等位。手機下單後不稍一會拉麵便奉上。豚X雞白湯拉麵雞白湯底呈奶白色，味道清甜沒有味精，面層帶一層薄薄的泡沫，口感食落入口即化，湯底重雞味濃度中等，唔屬於好濃厚果種，豚肉和雞肉肉質嫩滑，口感層次豐富，半熟溏心蛋滿滿醬油香但唔會搶拉麵風頭。拉麵選用含水量30%的低加水全麥粒麵體，口感富有彈性，並帶有麥粒外殼，更加展現出小麥的香氣和味道，再加上有爽口的筍片，層次變得豐富。地雞醬油拉麵地雞醬油湯底的顏色相對地比較清澈，帶有淡淡嘅魚乾香味，味道平均得剛剛好。這種清爽的湯底和口感煙韌的拉麵相得益彰。拉麵彈牙帶有麥香味，口感順滑，兩款拉麵嘅溫泉蛋都好流心，呈橙黃色，夠入味，口感充滿驚喜。雞皮餃子雞皮餃子外皮香脆，熱騰騰香氣十足，每一隻都漲卜卜，小小的一粒賣相好吸引，亦好創新，一口咬下去，內餡多汁而鮮嫩重油香，口感尤其豐富，點埋醬汁增添一層醇厚嘅風味，第一次食呢種配搭有驚喜。值得欣賞嘅係店家將兩款拉麵用唔同嘅麵嚟配搭，真有心思。將濃厚嘅雞白湯用麥味有咬感嘅麵。而清淡嘅醬油湯就用滑身麥味無咁重嘅麵，各自嘅配搭都相當出色，值得推薦。
繼續閱讀
湯頭出色係一碗拉麵的精髓~ 泓一拉麵絕對100%滿足到呢個要求!!!終於今次咁岩撞正晚市開門時間~ 梗係拿拿聲入去食碗先啦~地雞醬油拉麵 (硬麵) HK$108- 呢度的醬油湯底係「湯色清澈，甜而不油膩」!會令人再三回味的湯底!!! 配以慢煮豚肉叉燒及慢煮雞肉叉燒，兩款肉質都軟嫩~ 出色麵條是自家配方之「多加水熟成麵」，麵條彈牙及順滑，每條麵條都能掛上湯汁~真的和湯底配合得天衣無縫~另以配上新鮮洋蔥絲，少量黑胡椒，及一小條焦香甜感滿滿之大蔥由其真的最出色~ 平常不太吃筍片的我呢度整得太太太爽口和好吃~ !!! 以及應該是 新紀元 「曉」之製成之溏心蛋濃厚蛋汁~ 熟成時間剛剛好~ 流心效果相當強大~ 不過個人覺得這蛋可能不太配醬油湯~ 濃VS濃~ 有一點點OVER濃味的感覺總拾來說~ 真的不錯!!!煮干醬油拉麵 (硬麵) HK$105- 這款也是醬油湯基底~ 煮干是再加以他們選取之時令小魚乾撞此湯底~飲下去~ 你會飲得出有鮮味，香醇的口感感覺~相比起普通醬油~ 這個湯底我更喜歡!!! 另點 柚子梳打汽水 HK$28 及 葡萄梳打汽水 HK$28這一餐終於比機會我認識及食到這家地表最強之『泓一』~ 有機會再來試其他款式 (好想試 煮干鹽味~ 下一次~XDD)
繼續閱讀
今次我地去完花墟行，就係太子呢度搵野食，呢區都好多唔同既小店，汝州街呢邊都幾旺，我地就揀左呢間拉麵店🍜餐廳唔算大，想食既話都可能要排隊，我7點黎都排左一陣先食到，佢地全部都係bar枱坐位，可以欣賞到煮拉麵既過程，呢度對長頭髮既人特別照顧，有橡筋提供紮頭髮😗豚x雞白湯拉麵（$105）呢間拉麵店出名就係用W湯底煮，W湯即係雙湯頭既意思，係用嚴選日本地鷄，豚骨，混合昆布，煮干，鰹魚等的湯頭相互結合熬製而成，個雞白湯入口順滑，好好味，配有慢煮雞胸同叉燒，肉質嫩口😋地雞鹽味拉麵（$108）地雞鹽味拉麵個湯底就會見到清得黎有d油咁，但係入口又唔會覺佢油膩，好味既W湯底，亦都係同時有慢煮雞同叉燒，兩碗都係有水準既拉麵👏🏻柚子梳打汽水（$28）葡萄梳打汽水（$28）呢兩枝飲品係餐廳既主打飲品，都係日本餐廳先有既野飲，有飲過既都知道必點😍呢間拉麵店個湯底真係整得好飲，我地兩個都飲曬d湯，雖然坐位唔多，但係等位都唔洗好耐，人流都轉得好快，排一陣都入得，幾值得黎食既拉麵店👍🏻
繼續閱讀
之前睇到網上有人拍片推介，所以走來試伏，點知真係伏，依家諗返起拍片嗰個人好都好大可能係收左x，點解會咁講？下面會講。雖然睇到餐牌唔算好期待，但係冇諗過會咁伏。碗麵嘅份量超少，基本上幾啖就食晒d拉麵，女士都唔飽。麵質:寫用咩全麥粒麵，麵質一般無特別。蛋:用比較紅嘅蛋黃蛋，味道冇乜驚喜。筍:9成罐頭筍，唔爽身，難食。肉:食落唔似叉燒，唔知咩肉，勁難食。得件白色雞肉食哂。湯底:非常普通醬油湯，唔係熬。店員會用部機打泡，但係對個湯味冇幫助。一碗咁嘅麵賣$105。呢間暫時係我全香港食過最伏嘅拉麵。
繼續閱讀
「泓一」喺拉麵關注組一直大受好評，亦係全港首間多水麵專門店今次去太子分店，必嗌人氣豚x雞白拉麵，另試埋稀見煮干鹽味拉麵，姐係魚乾仔豚x雞白拉麵先blend一層泡，兩者嗰味好balance ，豬骨味比出面更清晰唔膩煮干湯底入口反而記憶點強好多，鮮甜味出眾，配多加水熟成麵滑嫩口感特別夾，而且見師傅會灸燒過嗰湯先上枱溏心蛋嘅流心狀態可以稱為滿分，淡調味，顯得蛋漿更入口廿甜如果分開睇，會鐘意煮干湯底同低加水全麥麵
繼續閱讀