沾仔記 (威靈頓街)

營業中

休息中

小妹作為一個 cheap cheap 打工仔，一到糧尾窮到燶，燶到銀包可能得返幾草野。由於我屋企系無飯家庭，基本上三餐都系自己攪掂，有時還會出外靠朋友。但朋友又吾會無時無刻梗有一個左近咁叻叻。加上要係中環開飯令我更頭痛。中環出名乜都貴，差不多連呼吸都貴嗰隻。本來我好想去勝X園，只可惜人地吾休做收得早。最後都系黎到出名平的「沾仔記」是但吃碗「雲吞河」$26 。我吾做大蹝鬼, 所以要求減少河粉的份量，但其實減後的份量對我來說還是多了一點。我計過由點食物到上枱時間大約只是三分鍾，比快餐店更快。習慣先喝一口湯，味道淡而無味，而當河粉吸收了「清」湯後，就會明白乜野叫食到咀都歪埋。而且雲吞比之前好似縮左水。蝦的份量大約小左三份一，而味道則沒有改變，只有單一的蝦味但同様地雲吞皮厚度合適中, 爽口彈牙 。廿幾蚊吃個麵當晚餐頂頂肚，點都好過去篤幾串魚蛋食, 何況人在中環你想篤都無得你篤 。

今天系中環行左好多地方，食左好多靚野，而沾仔記就系其中最正既一間喇，我點左一份招牌雲吞面，沾仔既鯪魚球份量真系大到嚇左我一跳，兩粒幾乎占曬成只碗，咬一啖食下，雲吞裡面既大蝦好爽口彈牙，鯪魚肉質爽滑鮮美，食一粒已經有D頂肚喇，食完兩粒加碗面基本上可以填飽個肚咯，最緊要仲系價格好實惠！

難食佢一定唔係，但係都一定唔係outstanding, 反而水準較為接近權記，蝦夠大，但係個皮麻麻地，麵底偏冧，無彈牙嘅感覺，湯嘅味道十分普通，可能expect得太多，一定唔會番兜。

中環上班族午餐想食平野，梗係要黎沾仔記，今日食左雲吞鯪魚肉米加油菜。隻拼麵$34，雲吞同鯪魚球都份量十足，雲吞入面都算多蝦，爽口彈牙，而鯪魚肉唔會有骨或者魚腥味，建議大家加啲啲辣椒油一齊食更惹味。而佢地既上湯油菜都好正,唔需要蠔油，菜淨係靠湯底已經好夠味好鮮甜，仲唔硬好易咬！打工仔要食平野呢度係你既好選擇！

搵家姐食lunch, 12點半，唔洗排隊。點左兩個招牌，鯪魚球麵，雲吞麵。鯪魚大過半碗麵，好誇張。食左鯪魚球都飽左一半。胡椒味不重，無腥味。 怕食鯪魚味就好食。鯪味好夠。麵靚。 鴨蛋味香，彈牙。雲吞得三粒，不過好大粒。穩陣之選。湯有落大地魚，飲左半碗。兩碗，每碗售價$28中環性價比超高之選。

great wanton with two juicy prawns in each dumpling, as well as a tasty fish ballthe soup was lovely and the egg noodles were nice and Al dente

經過幾次中環, 都見到呢到大排長龍。今日咁岩LUNCH經過排隊既人又唔多，咁就試下喇。望一望個餐牌，咦~~價錢好吸引人wor。因為之前成日都覺得，呢D吸遊客既餐廳，明明本身幾平都好，最尾一定加價加到「離哂地」。望望個餐牌無睇錯wor, 一碗雲吞麵都只係$28，價錢又唔係貴。最後都係決定一試。不過望入去舖頭D人食既都係細細碗, 本身都預左會食唔飽，已經講定數，食完唔飽再出去買其他野食。由於人龍唔太長，同埋sit turn都好快，等左15MINS已經可以入座。同朋友一人叫左一碗唔好既餸可以交換試下。招牌雲吞麵黎到都仲係覺得好細碗，應該唔會填得飽我既肚。試飲第一啖湯，好鮮好夠味，我仲要突登第一啖連醋都唔落，試佢原汁原味。食完第一啖之後，我就覺得好後悔，同佢有種相逢恨晚既感覺。其實，我本人本身真係麻麻地鹼水麵，因為唔係間間都好食。每一碗都有3粒鮮蝦雲吞大大粒，每粒雲吞入面起碼有2隻蝦，爽口又彈牙，鮮味又夠。雙併麵 (牛肉、綾魚球)呢碗野一黎到，我都俾佢舊綾魚球嚇親，點解可以咁大舊架！！！仲要只係$34就有雙併。足料之餘麵底又多。食完之後，我個肚已經飽哂。估唔到一碗望落細細地麵，竟然可以填飽我。

a Waton noodle cost $28 is very reasonalbe in central district.i order a Wonton rice noodle. as the Waton & noodle are cooked, so it could be served quickly.it contained 3 big Wonton, bigger than nornal size. wrapped with shrimp and pork. but the soup tasted like water........ 

上星期阿妺同D朋友仔去食左沾仔記食野，返嚟就同我講我最中意食嘅鯪魚球，仲系咁好食，淋下我都好耐無去過喇，今晚落班就趕過去食，今日都系咁多人，都系要排隊，不過仲算好，排左二十分鐘就得喇。嚟呢度梗系就要点至尊三寶喇，抵食又好味，鯪魚球成個拳頭咁大，啖啖都系肉，仲可以見到一D黑色嘅魚皮，魚肉比例占好多，良心出品啊，又整得好爽口彈牙，味道又好。仲有牛肉分量都好多，煮得好入味又好嫩，好好食，雲吞今日做得好似有D失色，不過味道依然都系唔錯，麵味道都可以，最后我連湯汁都飲埋，因為我覺得幾鮮甜。腐乳炒通菜，好重腐乳味，如果唔接受嘅朋友就唔好點呢個，但我鐘意，所以覺得好好食，炒得好爽脆，又唔油。

平时我都系食池记比较多喇，今铺我就霖住转下口味，人嘛，总系要不停咁改变嘅嘛，所以专登去食咗下沾仔记喇。面食一直都是我的第二选择，但是想到自己要求转口味，所以就点了两个三宝面，好大一碗三宝面吖！希望可以俾到啲新鲜感我喇。我叫的其实系三宝汤面，汤面感觉里面的面条会更加的入味，汤底会同每一条面条都融合，味道肯定是更加正喇。捞面味道还算出彩喇，好弹牙嘅感觉，然后泡咗啲汤入去，感觉味道好重口，食完觉得好口渴。云吞都算好大一只喇，云吞皮唔系好好食，feel到好似面粉太多咁。肉牛我就觉得真系好食喇，软滑无骨咁嘅样，食起身都觉得好正火候岩岩好。鲮鱼球都还可以，价钱是在唔贵。

今日又要外出辦事，就可以順便出去揾食，不過呢邊有咩食，真系要慢慢搜尋下，經過一間麵店時，到好多人排隊，多人排隊通常都唔錯，特別系呢D店面唔大嘅店，咁就入去試下有咩好食喇。一個人食飯唔好就系唔可以點多幾個菜，呢個通菜炒得真系好啊，通菜好容易熟的，好易一下就煮老左，但呢度炒得脆綠脆綠的，又唔算好油，再加上腐乳汁，味道幾好啊。我個人比較貪心，想試多幾樣其他品種，所以點左個三寶至尊麵，呢個麵真系好抵食啊，分量好大啊，三寶就系鮮蝦云吞，牛肉，鲮鱼球好大粒，鯪魚肉比例都好大，所以好鮮，云吞入邊起碼有兩三只蝦，不過牛肉就做得有D失色，不過嘅嚟講，呢個麵都好抵食，好食分量又大。

遊蕩於威靈頓街，遠見傳統粉麵老店麥奀記和沾仔記。突然，想吃一碗雲吞麵。沾仔記被諭為中環至低食雲吞麵，決定一試。店內裝修簡約，天花板上，掛著一盞中式大紅吊燈作點綴。不作多想，未坐下，已叫了一碗招牌雲吞麵$28。阿姐，極速地送上一碗有三大粒雲吞的雲吞麵。雲吞在上，麵條在下，且撒上了少許蔥花。先呷一口湯底，略帶大地魚的鮮香。然，敏銳的味蕾，很快偵測到味精的存在。而且，不知何故，湯底滲透出淡淡的苦澀味。麵條尚算爽彈，然，份量不多，男士未必飽肚。三粒雲吞，飽滿圓潤且碩大，鮮蝦豬肉饀料也爽滑彈牙，啖啖教人滿足。

啱啱好係中環附近，點知行行下見到有間沾仔記，於是乎就食埋中午飯先翻屋企啦。雖然間鋪頭唔大，不過就排好長龍，而且啲野食又唔貴。 叫左碗鮮蝦雲吞拼鯪魚球麵，個湯底好鮮甜，啲鮮蝦雲吞同菱魚球超級無敵大粒吖。食得我好happy，雲吞皮薄肉厚，鯪魚球材料好足，而且食材新鮮，值得一食 而且麵噶份量比較足，正常人一碗絕對夠曬飽 不過姐姐我因為覺得實在太好食啦，忍唔住又叫多碗雜錦，一次過可以滿足曬我n個願望吖哈 碗雜錦熱辣辣，唔好睇佢得幾舊野，其實呢碗足夠飽啦

傳說中既中環低價雲吞麵，今天终於一嘗……開放式廚房见到廚師都係女師傳…… 雲吞的確好大粒，皮真係夠晒薄，原隻大蝦夾雜筍与豬肉，真係冇得輸，雲吞摺紋多考師傅功力，好勒，麫又如何？幼麵底幾爽，冇枧水味，份量唔多唔少，女士啱啱好，可惜食到尾有陣苦澀味，本來想飲多啖湯都要打住。油菜今次揀吱菜心，好新鲜爽脆(容許我用呢個形容詞)，真係鲜甜又爽口架，午飯時間比較擠，排隊不用5分鐘，也不錯！服務就麻麻地，阿姐仲大大声話點解啲筷子筒咁擺嘅！大姐，我坐低就係咁架嘞！

今非昔比的香港, 租金貴, 想在附近搵碗雲吞也不多.今日去到中環, 見到沾仔記麵家, 還是米芝蓮連續推介數年的食肆.沾仔記麵家裝修得有別於傳統麵家, 裝飾古色古香, 黑色中式黑木桌椅.一碗雲吞麵有三大粒雲吞, 每粒雲吞內的份量十足的蝦及豬肉, 爽口, 麵餅份量大, 麵條彈牙, 配合用大地魚熬的湯, 湯鮮甜, 嚐到啖啖滋味.最難得在中環還可以食到$27一碗麵. 希望傳統美食可以流傳下去.