沾仔記 (兆英商業大廈)

想獨自食個快lunch嘅時候就會諗起呢間麵舖，比較鍾意去地牢呢間分店，因為佢大間啲、寬敞啲，所以多數都會有位，仲坐得舒服啲，唔使好似威靈頓街嗰間咁，要喺店外排隊，同埋坐低食嗰陣要同隔籬個人手踭撞手踭！鍾意食佢哋嘅招牌鯪魚球同滑牛肉雙拼。大大粒嘅鯪魚球，鮮味十足，食落去爽彈。牛肉係鮮滑牛，肉質鮮嫩，仲有好香麻油味。油菜可以揀湯菜，通常都係通菜或者菜心，浸喺大地魚湯底入面，菜都變得特別鮮甜。同埋湯菜冇油，感覺健康啲。雙拼麵再加一碗湯菜只係$67，中環嚟講真係非常抵食！…查看更多

呢間雲吞麵喺香港真係可以話係數一數二好味🍜，我自己食過幾次，每次都好滿意。佢對面街其實仲有另一間雲吞麵舖，但老實講，我覺得味道同整體感覺，始終係呢間贏咗少少，所以每次經過都會忍唔住入去。嗰日去嘅時候，餐廳雖然唔算大，但好乾淨企理，牆上掛咗啲老香港嘅相片，有啲懷舊味道。坐低冇耐，店員就好快嚟落單，態度都幾爽快。雲吞上枱嗰一刻真係好吸引，雲吞真係好大粒，啖啖都有蝦肉，爽口彈牙，咬落去仲食到鮮蝦嘅甜味。佢嘅鯪魚肉亦都好有水準，食落去好實淨但唔乾，仲有彈性，咬一啖好滿足。麵方面，幼麵煮得啱啱好，唔會太腍，亦冇過重嘅鹼水味。我個人好鍾意加少少醋落去，酸酸地更加突出鮮味。😆😆…查看更多

沾仔記都開左好多年，但一直都未食過。呢一間沾仔記嘅位置就比較隱蔽，係要行樓梯落去。 不過咁岩lunch 唔想食得太heavy 就試下佢啦～叫左碗雙拼雲吞牛肉麵，鮮牛肉加足料雲吞。的確唔錯的。 牛肉幾滑，不過雲吞仲正個面就冇乜鹼水味，ok! …查看更多

出去抖下氣食Lunch，但遲左出去，又係好難搵位嘅時候，呢個moment最有可能有位就係沾仔記，差唔多去到多數都有位一係就唔洗等咁耐(粉麵食得快)，即去了，去到果然係有位。餐廳面積中等。餐牌。招牌雲吞麵，$40，每次來多數都係叫呢個，有三粒雲吞，好似乒乓球大粒，外皮薄身，鮮蝦餡料十足，口感爽口彈牙有鮮香味，不俗，麵份量適中，味道正常水準。食物味道不俗，價格合理，主要係好快有位同可以食得快之選。上環禧利街15號地舖…查看更多

📍沾仔記 (兆英商業大廈) (中環)地址：中環皇后大道中153號兆英商業大廈地庫我之前已經吃過這家很多次啦！他家的雲吞很大隻，滿口彈牙的鮮蝦🦐，這次就試試看牛肉麵啦🍜鮮牛肉麵 $40牛肉經過醃製非常嫩滑，有一點牛肉香味。麵條就不用多說啦，非常爽口彈牙！就是份量比較小，如果想吃多一些的可以點兩餸哦…查看更多