河夢

營業中

休息中

1日前都可以訂到5月1号食lunch, 沙田區係少有。見有好評, 諗住試下啦, 點知中伏。首先有一個唔係經理嘅員工, 服務態度差到爆, 問下可唔可以掉位因空調唔夠冷, 嘩, 我以為去咗大排檔, 高聲喝住話有人訂咗, 唔使咁惡死吖。除咗海南雞飯ok, 通菜煲淥熟晒先放入煲, 跟本冇炒過; 鷄翼'鞋' 到死, 海鮮炒河冇味, 牛肉湯河D牛肉超'un', 冇下次

泰國菜一直是我們喜好的菜式之一.這間第一次試.     主要的賣點會是環境, 比3,5朋友把酒言歡又可嘆泰國食品來之前看到其他人說冬蔭官湯和海南雞是出名好食.   剛巧這兩樣也是太太最愛, 當然要點.果然沒有失望,  雖然說不上是食過最好食的, 但一定是水平以上.    湯不會太辣.  用料也足.雞非常滑口.除了主打這兩樣,  其他食物的質素相同高.

昨天星期日與家人到沙田麗豪酒店河夢用餐, 餐廳環境不錯, 我們一行四人共點了五款食品, 包括冬陰功湯, 併盤, 青木瓜酸辣鳳爪, 酸辣魚及炒飯, 我們對於各樣食品都非常滿意, 相信日後我們經過沙田都會再想去食一次. 

今天生日，約埋朋友去食泰國菜。4個人叫左6個菜，我都覺得誇張左少少。不過唔緊要，一入去門面裝修漂亮，環境優雅。適合小聚。跟手今次岀餐快，食物質素非良良好，性價比又高。個人都有去過泰國，呢個個冬蔭功湯真心好味，夠濃，夠酸，夠辣。海南雞亦夠滑。炒金邊粉又夠一個人都食都兩碗。加上咖喱牛腩，牛腩超腍。超好食，真心推薦，我仲有個飛天芥蘭無影到。不過芥蘭就可能唔無咁好食。不過其他餸搭夠。再叫多兩杯飲品。杯荔枝椰奶有驚喜。好飲。去到呢都都真係好滿足。大家可以試下👍🤤

今日星期六，我同女朋友準備去日本，嚟咗沙田呢一間河畔嘅泰國菜，家下食下午茶。我就叫咗個海南雞飯，同埋夕陽沙冰，我女朋友呢就叫咗個。我我女朋友叫左個生菜包，今日去，第一次嚟呢度試野食，誒環境都唔錯嘅，人都唔多，誒服務嘅都可以嘅，價錢呢就，都合理嘅。地點呢就比較隱蔽好難搵嘅，因爲我哋都喺後門入嚟嘅。生菜包味道好，海南雞飯個樣都靚。我哋叫咗條誒撈魚啦，誒唔係落雨啊幾多條魚我哋試下味道好唔好，款式哩，有幾樣揀囉。

9月14日去麗豪「河夢」食中秋飯食到一肚氣😠😠我早一星期book 定枱， 一行4人加bb, 準時6點到， 坐低無耐， 有個中年男侍應（ 矮矮地，事後先知係經理）走埋來，大大聲話我哋坐錯枱。我話係你個同事叫我地坐喺呢度，佢黑口黑面咁自己搬走我哋一張枱。我之前拎左張美食通行證有八折，我問個男經理，佢話今日無折，我話張卡寫九月12-13號，佢死都話包埋14號， 我哋無謂同佢嘈，就算點左五樣餸，等左成個鐘， 催左2次先上到薄餅。 叫左精選salad, 串燒， 菠蘿炒飯， 咖喱牛尾，薄餅， 味道不過不失， 但性價比企， 埋單七百幾之前見近近地， 食過幾次河夢， 雖然貴少少，但而家咁ge 服務質素， 加上食物質素下降左，無take 2 !

今天早上花左$952喺呢間酒店3樓嘅OM Spa做一個半小時的泰式按摩，感覺非常滿意，單獨落嚟泰國餐廳食午餐，用咗會員卡花咗$105，質素真係今非昔比！越式生牛肉湯河粉套餐包括一個顏色深度好似肉骨茶嘅湯底嘅生牛肉湯河，幸好啲河粉係用乾河粉做的，唔好食都可以減肥，湯底的味道古靈精怪，啲河粉黐埋一舊，叫侍應生攞嚟的青檸檬覺好似擺咗好耐咁乾乾地，啲紅指天椒粒都睇落唔新鮮；個餐跟埋嘅頭盤唔整好過整，都係啲大路嘢涼拌木耳、一件麥樂雞，還有一小碗雜菜沙律而沙律醬是超級市場買的日式芝麻沙律醬，所以冇食到。另外叫咗一杯有營鮮果沙冰的其中一款，材料有香蕉、雨衣甘藍、芒果、香茅，味道唔係好夾，總之唔可以話好味。以前呢度嘅生牛肉湯河我湯底是清牛肉湯，不知何時一切已經改變了。

同朋友黎過呢間泰或餐廳好多次，每次大家都好滿意，今晚又黎開餐。桂花魚雙弄-差唔多次次都食，一邊係椒鹽味，另一邊係酸甜味，兩款口味都好食，個人就愛椒鹽味多一點，夠香口。朋友都愛食埋好似炸過既海草配菜。蝦餅-又係我地既必食菜，蝦餅熱辣辣又彈牙。馬拉盞炒椰菜苗-椰菜苗爽口冬蔭公大頭蝦海鮮鍋-湯料豐富，夠酸夠辣。泰式海南雞-第一次食，雞都算滑，可以泰皇燒牛扒-正，入口超鬆化，我最愛紅咖哩南瓜牛尾-牛尾入味，南瓜又係我仲意食既海鮮炒金邊粉-今次我無食，不過之前食過都唔錯既佢地推出左4款夏天生果特飲，每款都叫左一杯，每款都好味喎。

老公生日 近近地响屋企附近間酒店靜靜地食下飯 撐下枱腳晚上七點三左右入座 客人不多 只有幾枱客 揭開餐牌 選擇不多 價錢由$100-$300 生啤只有1664 $70 細支裝啤酒$45 點了頭盤 沙律🥗拼盤 鮮蝦青木瓜沙律/蟹肉柚子沙律/豬頸肉青蘋果沙律 三種都酸酸辣辣 開胃既前菜 主食 青咖喱燒鴨 青咖喱配料十足 有齊青胡椒 泰式矮瓜 金不換 檸檬葉 豆角 筍 味道十味 但燒鴨 非常考你既牙力 十分煙韌 再加了 印度薄餅配黃咖哩 薄餅頗硬身 黃咖哩汁美味總括來說 食物質素對得個價錢 但份量偏少 不適合大夥兒聚餐

2018 👵🏻👵🏻媽媽節 環境： 坐位好闊落，雖然枱與枱之間較迫，但仍保持到舒適空間感 。午市1:00 竟然唔洗等位，8成入座率。 食物 ：1） 帶子柚子沙律 - $14x 味道偏越南，以香草🌿調味，不是泰式炸蒜蝦乾野味風，這個較清，都得好味。 帶子煎得剛好，嫩滑，有6小粒放面2） 薄餅配咖哩汁 -$56 汁唔辣偏甜，夠脆，要食得快，凍咗就硬，味道合理3） 串燒 - $12x 雞豬牛各三 跟沙嗲汁。上枱時有熱石爐，好香......好野味，超正，沙嗲汁偏甜不辣4） 菠蘿🍍炒飯 -$108. 份量比想像少，只有半個小菠蘿，4人份都有點勉強，味道唔夠鑊氣.....合格 服務：等位唔洗，但人手不足，樓面好忙，上菜都很慢，坐低超過25分 才上沙律可能平日少人，今日節日.....應接不暇總括 有誠意 有禮貌性價比： 平時信用咭有8折。但今日無，所以都幾貴，2大1細。4樣野食$530 這值得再去，但不要節日去，唔抵🤣🤣

今日難得放假，老公又可以離開公司食午餐， 所以便到了公司附近的麗豪酒店泰國餐廳Vi 食lunch。 星期三下午1點左右，人客只有2丶3枱，座位寬闊而且非常寧靜，實在是很難在平日遇到！我們選擇了一張4人枱，可以坐得舒舒服服地享用午餐。 午市套餐的種類不算多，分別是$78、$88和$128。 我們點了一個沙嗲牛肉撈檬和羊架套餐配蒜蓉包。 冬蔭公湯先送上。味道香濃，但偏辣，很惹味！ 而前菜共有3款，青木瓜沙律、泰式春卷和扎肉包。 青木瓜沙律出奇地辣，連食得辣的老公都只能完成一半！泰式春卷味道偏淡，但很新鮮； 扎肉包就暖暖的，比較濃味，很開胃。 沙嗲牛肉撈檬的牛肉很多，而且調得相當惹味， 配上爽滑的檬粉和酸酸的撈檬醬汁，很好食！ 不過略嫌牛肉不夠稔。 然後是燒羊架。羊架賣相相當不吸引，燒焦了的感覺，乾乾的。 羊肉接近全熟，雖然富羊味，但很韌很硬，很令人失望。 而跟餐的蒜蓉包和咖啡就不過不失，可以接受。 最後是甜品。賣相很求其，完全沒有酒店水準。 不過中間的椰汁糕暖暖的，很軟熟，味道不會過甜，很不錯呢！

天氣熱，附近餐廳沒位便走進去了。不過近馬路位還是有點熱柚子沙律很清新，無苦味，個汁好開胃，係酸味的魚露。豬肉撈檬份量十足，魚露味略淡，我撈返沙律個汁就好惹味啦。豬肉乾身不油。甜品係芋頭糕和水果，味道不過不失。

端午節去睇龍舟，梗係要搵個好地方食lunch ! 今次揀左麗豪酒店的泰國餐廳，貪佢環境好，座位闊落，人又唔係好多。我同友人睇完龍舟都身水身汗，坐係餐廳抖抖，嘆嘆冷氣，真爽。甘熱，一坐低，就梗係叫兩杯青檸梳打，飲下先！梳打加埋薄荷葉，清清涼涼，餐廳報置、餐具、招呼，甚至價錢都達到酒店級水平！不過，野食就麻麻地，小食拼盤，蝦片「un」、沙律無味、春卷凍，其他食物已唔想影！總評：除食物外，其他都very good , 如果真係想搵個位坐下，同朋友傾下計，hea下飲杯野，都仲可以的！

今日同朋友黎到沙田麗豪酒店，見到有一間越南菜，裝修同埋燈光好耀眼，又入去試吓晚餐先。入到去個場都好full啊，已經好多人食緊了，好彩仲有張二人台係角落頭位，我哋就坐左係嗰度準備食晚餐了。店員比餐牌我哋，就同我地推介今日有新鮮嘅生蝦，當然我哋即刻叫咗啦，因為太肚餓啦。山煆個賣相都幾吸引，但係我覺得生蝦冇乜味道，冰鮮味比較重，好彩有啲辣汁可以點綴一下。個豬手望落去都好趣卜卜，但係咬落口啲皮好硬啦，咬唔開啊，好一般呀個豬手，我淨係食咗兩三嚿就放棄左佢啦，極不推介呀！之後叫左啲串燒，有我最鍾意嘅白鱔片，都幾好食，有兩串都係我食晒，咬落去啲魚肉好爽，燒得都算入味。最後我哋叫咗一碗生牛肉湯河，兩個人一齊食，我諗今餐最好食都係呢碗湯河粉啦，佢個湯底好濃味，加埋啲河粉一齊食好好味呀。

這地方很方便，有 free parking 及會員優惠。所以經常滿座。每次都必叫咖哩蟹，因其肉質很好，咖哩汁底亦調較得宜。各款沙喀亦不錯。另外還有冬蔭公湯，荷葉燒魚。當然要有泰國啤酒啦。很好的晚膳地方。