河內越式料理

營業中

休息中

由正宗越南河內人主理，食完簡直好似去左一轉越南咁，令人回味無窮，店內裝修十分養眼，以綠色柔和燈光做主題，一坐下門口已經要排隊，店內已經坐滿人，好彩早咗一步，店員雖然忙碌但面帶笑容😊非常親切。❥順化蕃茄蟹肉扎肉湯河已經不是第一次吃，之前已經幫襯過兩次，食過兩次都繼續食就知有幾好吃！先講材料，蕃茄 蟹肉 扎肉 芽菜 足料！！😍蟹肉好多，扎肉都有5片，湯底非常濃郁，無論賣相同口感都好正！大力推薦👍🏻麵底可以任君選擇。❥河內生牛肉扎肉湯河牛肉新鮮無雪味，浸落湯剛好，香葉 生洋蔥 芽菜 牛肉 扎肉 配上特製濃湯 ，足料夠鮮味👍🏻份量上係大大碗，河粉爽滑夠多，男士一碗都夠飽！❥炸蝦餅(小食）即叫即炸，蝦餅彈牙❥豬頸肉香矛味，肉質新鮮，不會過熟❥飲品鮮芒果西米露+鹹檸七

因為晚市禁堂食，所以好珍惜午飯時間，一定周圍去搵好嘢食。今次出開尖沙咀行街，即是諗起堪富利士道嘅「河內越式料理」。今次就叫咗兩個主食再追加兩個小食。軟殼蟹撈檬 檬粉嘅份量不少，再加上大大隻嘅軟殼蟹，蟹嘅外層夠鬆脆，而且充滿蟹膏。撈檬嘅酸辣汁味道調校得好好，所以落咗半樽，搞到變咗湯檬。順化牛肉煎蛋飯肉質食落夠霖，而且牛肉味濃郁，配埋隻煎蛋，真係冇得輸，話咁快就K.O.咗成碗飯。越式豬頸肉豬頸肉夠嫩滑，肥瘦適中，沒有炸得太乾身，有肉汁，抵讚。越式炸蝦餅蝦餅肉質夠彈牙，有蝦味，配埋酸辣醬汁一齊食，味道一流。

🥢順化蕃茄蟹肉扎肉湯檬 $66蕃茄啲酸味好開胃。蟹肉吸收咗蕃茄湯，仲加添鮮味。估唔到湯底仲有唔少豬肉碎，味道好夾。.🥢越式河內三寶飯 $70豬扒香脆醃得入味香腍。雞翼一啲雪味都冇。第三款係越南菜必食嘅扎肉。一次過可以試晒三款招牌特色小食，都幾抵食。.🥢凍鹹檸七喜 $12 x 2.整體來講呢間餐廳質素穩定，次次食都好味😋🤪。外賣嘅份量都唔會少，好夠食。📍河內越式料理 (尖沙咀)尖沙咀堪富利士道10號地舖

疫情關係冇得去旅行突然諗起越南嘅食物價錢又平 味道又夠濃經過尖沙咀 見到呢一間河內越式料理 (尖沙咀)當然要入去試一試整個環境都好有越南氣息配上音樂 仲有熟悉嘅食物照片堂食時間有限 所以我就買外賣返去食軟殼蟹撈檬：配料同埋檬粉汁包好晒 加入軟殼蟹 食到酸酸甜甜嘅味道令口感更佳極品牛三寶湯河粉：牛丸爽口彈牙 肥牛唔會太熟湯底夠晒濃郁 唔錯嘅選擇小食豬頸肉 炸蝦餅 脆卜卜拎返屋企都仲夠熱 好好味配上夏日精選 三色冰 龍眼冰整個套餐都好滿足！

尖沙咀河內越式料理，係正宗河內人主理，今日黎買外賣返屋企做晚餐。雖然我未去過河內，但我去過峴港，都幾鐘意食越南野。呢度啲野價錢都OK, 叫左一個飯一個撈，兩個小食、兩杯野食都係202蚊。我就好鐘意撈檬，酸酸甜甜，好開胃，又唔會好似炒麵嗰啲咁油膩，徤康啲。雞絲撈檬，入面又多菜，呢度個汁唔錯呀，甜酸度適中。順化牛肉煎蛋飯，牛肉份量唔少，加埋煎得靚靚既蛋，賣相吸引，味道都唔錯。越式炸蝦餅，蝦餅彈牙香口。越式豬頸肉，豬頸肉正好腍，推介。青檸可樂同咸檸七喜，青檸同咸檸同汽水分開上，返到屋企雖然啲冰溶左，但都無問題，一樣夠Fresh 。

河內越式料理 (尖沙咀) 📍尖沙咀堪富利士道10號地舖繼上次食過高質「河內越式料理」旺角西洋菜南街分店，得知尖沙咀都有新分店，選址十分好，鄰近地鐵站🚉尖沙咀A2出口步行一分鐘即到。正值晚餐時間，絡繹不絕的買外賣人龍，即使係疫情下都咁好生意，證明呢間越南🇻🇳餐廳質素有保證。望望餐牌，越式湯粉、撈檬、飯、小食、特色飲品等應有盡有，選擇困難症發作。😂順化蕃茄蟹肉扎肉湯檬（HKD 66): 食湯檬必定要品賞湯頭，其蟹味突出帶蕃茄清甜，適量青檸汁提鮮同辣椒🌶️粒，回味無窮，爆炒豬肉粒令到湯底更香濃，豆卜吸曬湯精華，令人一啖接一啖，扎肉食落彈牙，檬粉偏焾身，配蕃茄蟹肉湯頭食一流。越式香茅雞翼撈檬（HKD 60):雞翼達到舔手指級好滋味，新鮮香茅釋放獨特清爽之香氣，溢齒留香，肉嫩皮滑帶燒烤效果，調味比較甜，熱辣辣肉汁隨著一呷漏出，小心燙口。撈檬加入魚露清爽開胃，伴青瓜，蘿蔔絲仲有重點提香既炸蒜蓉片，增加口感得黎又提升層次。追加小食：越式炸蝦餅：炸到金黃香脆，毫不吝嗇大大塊，蝦🦐肉扎實彈牙，蘸上泰式辣醬，酸酸甜甜辣辣，不錯的小食。越式炸春卷：熱辣辣用米紙炸的特別很香脆又好吃😋，胡蘿蔔、木耳切成絲，蒜頭切

今日收工經過聞到陣陣嘅香茅味，突然間想起去越南旅行嘅記憶，每年都去幾次，疫情無得去，唯有食個外賣解鄉愁。於是就走咗入去買外賣。見到有老公嘅最愛河內🍅番茄牛腩飯，又有我嘅最愛嘅越式豬扒飯🐽，仲有個炸蝦餅🍤可以追加，仲有一定要飲嘅珍多冰同埋咸檸七🥤。毫不猶豫地同職員落單，職員有禮又快手，等左一陣就已經攞得。我仲見到好多OL嚟買外賣，可能佢地同我一樣，用美食嚟喚醒旅行嘅美好。番茄牛腩飯啲番茄酸甜汁夾埋又香又淋嘅牛腩，又軟又易入口，送飯一流👍🏻。越式豬扒飯啲豬扒keep到水準，又淋又有肉汁配埋啲炸蒜同蔥油，將附加嘅豉油淋喺飯上面香口又惹味😋。小食炸蝦餅好彈牙，熱辣辣又有蝦嘅鮮味，加埋個甜酸醬，又係一個送飯佳品😻。特飲珍多冰椰汁夠椰香，啫喱夠滑👍🏻。最驚喜係咸檸🍋七竟然原罐七喜上，加埋個咸檸，兩者溝埋夠晒下火。兩個人份量非常足。🥰一個美好嘅夜晚就由一餐美好嘅外賣做完結，完美。🥰

最近在家裏悶了很久，要出外走走，便來到了尖沙咀這間越南食肆。香茅豬扒撈檬，豬扒是即點即製的，熱騰騰，肉質軟腍可口，加上越南檬粉的酸汁，很快便消滅了這碗檬粉了。生牛肉湯河粉，牛骨湯底味道適中，湯頭熱到頗高，薄簿的牛肉被滾到半生熟，牛肉鮮嫩可口，加上河粉的彈牙日感，和芽菜及金不換的味道，便成非常正宗的越南生牛肉好。值得一題的事，由於湯頭味道太好，未吃完碗河粉，已差不多將牛骨湯吃到喝到一半，而女店員非常樂意幫我加湯，這個服務值得一讚👍。炸蝦餅，外表香脆可口的蝦餅，蝦肉味道鮮甜。青檸梳打，酸酸甜甜的青檸梳打，非常配合吃越式河粉。凍越南滴漏咖啡，咖啡味道甘香，加上煉奶的甜味，是個人最喜歡的味道。上湯灼田園蔬菜，現代人注重健康，每次吃飯，都要加點蔬菜。

疫情下堅持繼續take away唔堂食～18:00前點個下午茶拎返屋企食就最啱兩個下午茶最加配咗兩個小食～～牛肉撈檬～同我想像嘅唔係好同通常其他食店都係香茅滑牛點知呢度用左肥牛同牛肉飯連鎖店嘅感覺差唔多不過食落都幾好味而且好欣賞佢勁多紅蘿蔔、青瓜同生菜絲口感好好三寶飯～有豬扒、雞翼同紮肉食肉獸如我就啱晒配埋蔥油食就真係好惹味香茅雞翼～～大大隻入味得嚟裡面又好juicy豬頸肉～食落口唔會好dry~香茅味足～細份份量都唔少

位於尖沙咀堪富利士道的「河內越式料理」，係一間主打越南粉麵飯的餐廳～餐牌上供應多款各式各樣口味的越式食品，另外可以追加不同小食極品牛三寶湯河粉湯底清澈不油膩，味道濃郁，充滿越南風味🇻🇳河粉好滑溜，吸湯一流！極品牛三寶分別係牛𦟌、牛丸、生牛肉。牛𦟌半筋半肉；生牛肉香軟腍滑，肉味香濃；牛丸好Juicy呢香茅雞翼一客有兩隻，雞翼炸到金黃香脆，肥美又邪惡！充滿肉汁之餘仲有香濃鮮雞味凍檸茶越南風味嘅紅茶底，香濃不澀口

🥢順化蕃茄蟹肉扎肉湯檬 $66蕃茄湯酸微微令人開胃，蟹肉吸收咗蕃茄湯嘅精華味道，係醒神嘅配搭😆。.🥢越式河內三寶飯 $70豬扒香脆幼滑，醃得入味香腍；雞翼油炸溫度夠高，做到皮脆肉腍；扎肉係穩陣之選；三寶飯性價比高👍🏻。.🥢越式豬頸肉 (細) $29 & 越式炸蝦餅 (細) $29我哋亦嗌咗兩份小食加餸🤤，豬頸肉份量比想像中多，煎得香脆爽口；炸蝦餅大大塊，大滿足👍🏻。.🥢凍鹹檸七喜 $12 x 2📍河內越式料理 (尖沙咀)尖沙咀堪富利士道10號地舖

尖沙咀站📍河內越式料理-好耐冇食越南野🇻🇳，一諗起越南即刻覺得熱🔥，仲記得上次暑假去成40度真玩命🥵（不過最爽係瘋狂call的士，去到真係數百萬當係碎銀✌🏻💸）越式豬頸肉撈檬（$60）不論pho有幾吸引，如果有撈檬，女朋友毫不猶豫直接簡撈檬🤭貪佢酸辣清新。雖然話撈檬既餸係重點，但女朋友更重視既係撈檬汁😂最中意夠酸甜醒胃，呢排咁熱食夠晒消暑😅😎呢個撈檬汁正合佢心意（次次食撈檬落人地半枝汁，我都唔好意思😹，撈檬都變湯檬，睇最尾個張圖就知）豬頸肉爽口彈牙，都有成7片，厚薄適中，配埋甘筍絲、青瓜絲、生菜絲等等，清新開胃！呢次佢竟然清晒，如果再多d檬粉就好，我都可以食下嘛😹越式河內三寶飯（$70）呢個3寶飯d肉多到我都坦唔著😹有扎肉、香茅豬扒同香茅雞翼。雖然我係食肉獸，但都食唔晒d肉🍖配埋甜豉油撈飯，男人既浪漫～最欣賞佢有附送蔥油😻以上兩個套餐另外加咗一份炸蝦餅（$29）同一份炸春卷（$20）。蝦餅正常發揮，春卷想encore！大大條，餡料十足😍炸得岩岩好，唔會太硬身。兩個餐都加左$12轉特色飲品，分別要左青檸梳打同熱情果冰，消暑一流！環境方面，店面唔算太寬敞，不過衛生企理，坐得舒服。

尖沙咀河內早幾日食過旺角分店覺得好食又抵食就去佢哋尖沙咀嘅分店試下今次呢 就試吓佢哋嘅飯類叫咗個豬扒飯豬扒係用香茅醃過特別香口而且幫手切好做條狀加埋隻太陽蛋有足夠嘅protein~小食要咗個豬頸肉香口，爽口最欣賞佢嘅係冇咩肥肉食完都無肥膩感同埋炸蝦餅彈牙 又滑第二個飯叫咗個招牌三寶飯有扎肉雞翼同豬扒雞翼都係經過香茅醃製香口到不得了扎肉都造得唔錯夠口感飯亦都會跟咗少少蔬菜夠健康飲品叫咗杯蜜糖青檸水如圖所見有好多粒青檸好refreshing!

心血來潮想去食越南野，行過見到呢間餐廳都好多選擇，湯粉、撈檬、飯類都一應俱全。價錢合理，仲有套餐可簡。魚露雞扒煎蛋飯 $62雞扒油脂分布都好平均，少量油脂咬落有肉汁，有香濃既魚露味，加上蔥花，好惹味。雞皮都煎得好香脆，仲有隻全熟煎蛋而且飯量十分多，相當抵食。越式豬頸肉 （細）$29薄切豬頸肉片片烤得好香，醃得好夠味，又有咬口，面層仲有大大片既蒜片，夾埋一齊食份外惹味。熱菜蜜 $5整體一個人食都真係好豐富，$100有小食有飲品。

-🔸極品牛三寶湯檬 $69🔸越式香茅豬扒湯檬 $60🔸越式炸蝦餅 $29🔸越式豬頸肉 $29🔸椰汁紅豆冰 $12🔸青檸梳打 $12-星期五收工返屋企懶得煮飯，就買外賣返去食，揀咗又平又好味嘅越式湯粉食。平民價錢又美味，最緊要係快，唔駛等好耐就有得拎。牛三寶湯濛入面有肥瘦適中嘅生牛肉、入味嘅牛𦟌、同好juicy嘅牛丸，一次過滿足晒幾個願望。香茅豬扒都好香，又大大件好抵食。另外再跟餐加兩款小食，炸蝦餅同豬頸肉，算係食勻晒店內推介嘅美食，哈哈好滿足！