沙田友．丸記清湯腩王

營業中

休息中

Went there for a quick lunch. Ordered double-filling  toasted sandwich and hot lemon tea.  The sandwich tasted very fresh, the tomato pieces  very succulent and the cheese   savoury and rich.  The hot lemon tea was also a pleasant surprise. There were 4 full pieces of fresh  lemon inside !  How generous! It seems that this small joint is serious about the quality of its food.  The bill came to $38. With such quality, it was very good value for money. 

好耐冇返嚟石門呢邊食野 以前沙田友同丸記係分開兩間鋪嚟 唔知點解依家變埋咗一間🤣 唔通佢哋一直係同一個老細？ 依家夾埋變咗一間之後裝修靚咗大咗 坐得舒服啲講返先 以前呢兩間都成日食 因為質素都幾穩定 放lunch 諗唔到就食呢兩間 今次就食返個牛腩麵先 同之前冇乜分別 個湯幾清 牛腩肥瘦適中 但好似蘿白細舊同俾小咗：（

印象沙田友之前係幾好食，搬左鋪位去試下，點知中哂伏。😵‍💫首先餐廳既冷氣弱到好似無開，每檯食客入黎都話好熱，仲熱過係街食野。其次同朋友叫左兩個常餐，豬扒意粉加炒蛋多士，個豬扒唔知點解可以煮得咁難食，好似落咗好多鬆肉粉，再加啲燶味🥶係個意粉算係正常味道。。朋友叫既常餐都話唔好食，大家都估唔到普通常餐都可以整得咁難食，寧願返屋企煮麵🥲

以前茶餐廳俾人嘅感覺就係舊式啲，但係呢間茶餐廳裝修風格復古得來好新潮，環境非常光猛，裝修非常用心！我哋叫咗三個小菜套餐同食佢出名嘅粉麵，小菜類都幾有鑊氣！鳳梨拔絲咕嚕豬頸肉（$85），味道酸甜幾開胃！三杯啫啫雞雜菌煲（$85）我哋聞到隔籬枱勁香，所以都跟住嗌，味道稍濃，配飯就啱晒！上湯金銀蛋浸莧菜（$68）除咗叫啲熱氣嘢，仲有叫呢個菜比較清淡啲，而且都可以整成湯飯咁食！另外呢個海南雞河粉（$53）亦係熱門菜式，佢嘅湯底清甜，海南雞已經去骨亦唔算太肥，蔔亦非常清甜無根！仲有呢個斑斕奶茶都幾特別！最後我哋外賣左新出嘅藍莓乳酪包、忌廉筒、同埋好出名嘅芝士撻返去食～⋯⋯⋯⋯⋯⋯⋯⋯⋯⋯⋯⋯⋯⋯⋯⋯味道： 8/10服務： 8/10環境： 9/10打卡： 8/10⋯⋯⋯⋯⋯⋯⋯⋯⋯⋯⋯⋯⋯⋯⋯⋯⊃✎⁾⁾俾個心心+分享給愛吃嘅朋友仔啦( ´͈ ᗨ `͈ )◞‎♡⃛

之前黎食常餐快餐個啲都ok今晚黎試下其他XO醬翠肉瓜炒豬頸肉 好鹹ar 救命諗住可能失手啫再黎個唔好食啦三杯雞啫啫什菌雞煲尼個應該ok la … XXX仲鹹.冬菜銀魚肉碎蒸菜心 清清地 無死啦！對唔住 我太天真了 鹹到苦ar 唯一食到嘅係跟黎嘅白飯。 真係無下次 ！食到腎虧ar! 我叫我阿媽唔好食 但老人家 話食下啦 用水洗下佢 。我想投訴 但老人家又唔想 傷和氣個啲嘢！ 我唯有上黎尼度 寫下啦

是次返嚟,今次住響沙田石門附近......相比起上一次住汀九,石門(或者小瀝源)交通便利得多,至少鄰近石門站,可以搭屯馬線去好多地方.但原來旁邊有個京瑞廣場,果一度有唔少餐廳食店,可以講係美食天堂.咁 有幾間茶餐廳既,而每一次返香港,沙爹牛肉麵係必然食既嘢.以前細個去大排檔茶餐廳,例必叫B餐,八十年代沙爹牛麵既標準係牛肉鮮嫩多汁.但今時今日,呢幾次返嚟,食到既B餐,已經較以前失色不少.難得第一餐就去呢間食,有聽聞過呢間茶記係有名既.我會鐘意佢既沙爹牛麵,個湯底唔錯,麵係幾滑下,儘管份量唔算好大,但係覺得味道同牛肉係唔錯.炒蛋亦好滑.下次再次返嚟的話,可以值得再幫襯.

近日先發現沙田友同丸記清湯腩王合拼重新開張食店變得大咗好多裝潢亦變得有趣，牆上有霓紅燈擺設最特別係有模仿屯馬線嘅路線裝飾懷舊又好有本地情懷🔅清湯牛腩撈麵 $58丸記馳名清湯腩，係家傳手藝延續至今至今已經係第3代牛腩入口香腍，肥瘦適中，撈麵爽口附送嘅湯底清甜加埋杯涷奶茶就係傳統味道🔅公司三文治 $49 (下午茶)一啖咬落去，係厚切甜蛋、厚切午餐肉重有半溶芝士，加埋生菜同蕃茄又會變得爽口無咁膩，而麵包再烘得濃少少應該會更香口🔅半熟芝士撻 $14芝士味香濃，而且非常流心，小編唯有獨食成隻🔅酥皮斑蘭蛋撻 $11有淡淡嘅斑蘭香味，酥皮鬆化，原來每日限量100隻

去換完回鄉證之後，肚餓就落咗樓下商場地下就搵餐廳食，可能下午茶時間過咗所以舖岀面睇落唔算好多人，見個裝修係好茶記feel，有諗過係咪好食，好彩最後都冇失望。入咗去之後好多人原來，啲員工好似好忙咁 四圍走，餐廳都好嘈，唔係好靜嗰啲餐廳。好快就叫咗個海南雞湯嘅米線，個味道其實都算正常，但係唔似係正宗嘅海南雞，應該係本地版嘅海南雞味道。舖頭同另一間魚蛋粉舖去合作，所以仲有得嗌埋魚蛋粉食，下次再有機會可以試吓嘅

假日中午係石門搵野食無意中幫襯左佢哋嘅海南雞飯$57 （凍飲)，雞肉勁‘’鞋‘’，又細份，服務又麻麻地，一定唔會去了。另外，最古怪付款只有現金 ＆ Alipay，正常不是起碼有八達通付款嗎～

大前日(5-4-2024 Fri)喺公司食完晏,同同事去樓上買嘢,買完後,女同事SL問我食唔食老婆餅?我答唔食,但記起想食呢喥嘅斑蘭蛋撻,於是行返轉頭睇有冇,嚟到睇以為冇,原來重有4件,我睇睇價錢,斑蘭撻賣$11.00一件,$21.00兩件,SL就買兩件斑蘭撻,佢自己要$14.00嘅半熟芝士撻,收銀話買4個有盒,佢就買多一件斑蘭撻俾另一個同事食,盛惠$46.00. 返到公司,SL就攞半熟芝士撻食,而我就有好多嘢做,好遲至食. 我拎斑蘭撻食,酥皮唔只好脆重好薄,冇乜牛油味;餡料係好滑亦唔太甜,但斑蘭味好薄弱,成個唔膩,而且因為佢哋個食物櫃係冇保溫,所以係凍嘅,如果係暖就好啲. 哎呀,點解我唔拎去用微波爐叮暖嚟食? 而SL話半熟芝士撻好食,佢就係鍾意個皮薄唔膩. 呢篇食評嘅味道分只計我食嘅斑蘭撻. 抵食係 1.5分

石門初時是沙田區的工業區，不過經過一直的轉型就變成現在的商業區。在這裡有不少特色餐廳，像這間沙田友．丸記清湯腩王。「沙田友」是茶餐廳，結合了澳門的清湯腩、海南雞專門店「丸記清湯腩王」。門面裝潢都很搶眼，但不是面向人來人住的主街道，大概難發現到。店內走一個新派的茶餐廳裝修風格，但又融合了一些懷舊元素，充滿玩味感。餐桌是仿麻雀枱的設計，還有東南西北的字樣。來到當然不能錯過的是清湯腩吧，點了 清湯牛腩撈麵 (HKD 58)轉做粗麵需要+HKD 9。爽滑的粗麵沒吃到鹼水味。牛腩好腍身，而且肥瘦均勻，吃落一點也不韌。還愈嚼愈有味喔。配的清湯帶甜味，亦不油不膩。另外+HKD 10 會有碟油菜。菜心有剪開二段很貼心，配豉油有點味又不會油淋淋的菜是我喜歡吃的呢。這間的娘惹咖哩都是招牌來，剛好又想吃牛筋就選了這個。秘製咖喱淨牛筋 (HKD 55/半份) 咖喱聞起來很香，吃落也是十分惹味。而且那個辣濃郁得來又不會太刺激，容易入口。重點是牛筋都幾多，有些都幾大舊。咬落軟滑得來是有質感的。都吃了牛腩牛筋，那乾脆再多點一個招牌菜 海南雞飯 (HKD 54) 飯粒粒分明外會稍為乾身點，但我用來配娘惹咖喱覺得還不錯

我自己好鍾意傳統特色嘢 最近比一間好有本地情懷裝修嘅茶餐廳吸引住店舖裝潢以「麻雀板」綠色為主，每一張枱嘅枱面枱面設計都係仿麻雀板寫上「東、南、西、北」牆上仲有懷舊風插畫+ 新派霓紅燈估唔到茶餐廳都可以打卡 忍唔住影咗幾張相😂😂食左個晚市中式小菜套餐套餐包括白飯，例湯飲品揀咗個西蘭花炒蝦球鮮魷小菜即叫即炒 鑊氣十足蝦球同鮮魷都好爽口彈牙西蘭花夠晒爽甜例湯係青紅蘿蔔湯 好清甜再叫左個清湯牛腩河係呢間餐廳嘅王牌推介清湯腩湯底清甜 無油又不膩忍唔住飲咗幾啖牛腩肥瘦均勻 好腍 牛味香濃加錢仲可以要油菜 芥蘭好新鮮睇返啲介紹，原來店主的祖母靠賣牛腩麵養活一家，將煮得一手好清湯腩的家傳手藝延續至今, 如今已是第3代喇仲有兩隻瑞士雞翼雞翼大大隻瑞士汁好入味甜甜地 啱晒餸飯鹹檸七個鹹檸都好有本地特色鹹香味十足希望香港呢啲傳統手藝得以保留可以繼續傳承落去啦

.#foodie #hk #hkfoodie #HTB美食推介【石門清湯腩專家｜📸港式懷舊冰室打卡熱點】一入餐廳有驚喜，本身以為係普通茶餐廳嚟嘅，點知無論侍應外套、地下、外牆抑或餐枱都好有老香港嘅風味🤣睇住外牆嘅霓虹燈，即刻掛住昔日嘅旺角夜景😢♥️印有東南西北嘅麻雀枱，認真吸睛，勁想約friend打返幾圈🀄️.🐨清湯牛筋腩河 $59推薦度：⭐️⭐️⭐️⭐️⭐講番野食啦🙈清湯腩果然係餐廳招牌菜，湯底清甜，牛筋牛腩份量都好多，平均都係7,8塊，仲有一嚿蘿蔔添！牛腩肥瘦均勻牛味好重，牛筋就好腍，蘿蔔仲要無渣👍🏻👍🏻絕對係高質湯河～.🐨秘製香茅豬扒飯 $56推薦度：⭐️⭐️⭐️⭐️⭐秘製香茅豬扒有預先醃過，唔會好鹹，炒到外皮好乾身，食到炸蒜香味，而且保持到豬扒嘅肉汁唔會好嚡！份量都非常之多，接近有15塊～切到大細適中，一啖一塊岩岩好🤣配埋蕃茄加青瓜，感覺好似無咁大罪惡感🙈🙈.🐨酥皮斑斕撻 $11推薦度：⭐️⭐️⭐️⭐️⭐️見到餐廳有綠色蛋撻😂😂😂八卦之下，問咗店員原來係斑斕撻即刻叫咗個試吓😮酥皮香脆鬆化，唔會好油！食落斑斕味濃，唔會好甜，創意味道都值得加分😋小編仲發現原來每日限量發售100個，先到先得，想試嘅朋友就要做啲去

食物唔好食，個個員工都黑口黑面，其實石門仲有好多好餐廳，真的不用再食這間了，食物又貴，再加上石門多咗好多茶餐廳，所以決定以後都唔食呢間了，之前食過都唔係咁差了，但今日食住真係令我好失望呀

//📍Vintage港式懷舊冰室 — 沙田友·丸記清湯腩王😋🍽️今次黎到沙田呢邊嘅特色打卡茶餐廳食lunch！😍😍店鋪係新派港式懷舊冰室，牆上佈滿懷舊風插畫同埋新派霓虹燈，卡位仲有模仿屯馬綫嘅車廂裝飾座位，超有香港本土特色！🇭🇰✨𝙒𝙝𝙖𝙩 𝙙𝙞𝙙 𝙄 𝙚𝙖𝙩 ??? (´ε｀ )🔸海南雞飯🐔🍚每件雞都有去骨，超細心🥰搭配薑蓉同埋泰式青醬真係好惹味～雞件切成細件，同油飯一齊食真係好match!!!🔸清湯牛筋河🐮🍜碗河粉都幾多餸😆有牛腩、牛筋同埋白蘿蔔！啲牛腩肥瘦適中，牛筋煮得非常冧，入口即溶，配埋獨有清湯味道好加分！🥢🔸金牌西多🥞🍴超邪惡嘅西多士😈勁大份！加埋蜜糖同埋牛油真係超邪惡～不過好好食😋🔸半熟芝士撻 🧀🥧芝士味超濃郁！😍🧀外皮係牛油皮，都幾鬆軟～流心半熟芝士撻好正🤫🔸斑斕蛋撻 💚🥧每日限量發售100隻嘅斑斕蛋撻！🥹帶有淡淡嘅斑斕味～好特別嘅蛋撻！😆😆青綠色嘅內餡超吸睛🤩酥皮好正🤭☕️香滑奶茶 & 🍍菠蘿冰特飲Overall覺得成間餐廳嘅裝修都好出眾，好有心🥹❣️環境舒適👍🏼而且啲嘢食性價比幾高，又有特色！經過沙田呢邊不妨試吓食呢間玩味冰室🤤記得早啲嚟試食佢個斑斕蛋撻呀🤤🤤✰⋆�｡:ﾟ･