沙嗲軒 (香港黃金海岸酒店)

我哋一行六人嗌咗兩嗰新加坡嚐味二人套裝，再加咗一隻海南雞，人均消費大約$300，用酒店嚟計性價比都算高🤔 除咗一個員工服務質素差同埋冇禮貌扣咗分之前，其他員工都好nice🥰 二人餐嘅頭盤係黃金脆魚皮、沙嗲豬肉及雞肉串，佢嗰沙嗲醬先係重點😋 主菜可以以揀椰香咖哩牛腩配印度千層油酥餅或者招牌海南雞飯🤔 我哋因為叫咗一隻雞所以兩份都揀咗咖哩牛腩，特別出色嘅係佢嗰油酥餅，食落唔會覺得油，加埋咖哩汁係出色嘅，不過牛腩就略嫌太瘦🤔胡椒蝦 - 一碟有4隻，都高質，食完一隻會繼續想食🥰蒜蓉咸魚炒芥蘭 - 正常發輝班蘭蛋糕伴雲呢拿雪糕 - 甜品嚟講有啲失色海南雞全隻$528，好貼心咁分開咗兩碟，不過不失，用賣點嚟睇唔算特別🤔 但好食嘅🤔整體嚟講，因為佢係酒店入面嘅餐廳就性價比高，但如果只用食物計就未達標🤔…查看更多

一間我都好欣賞嘅東南亞美食餐廳，咖喱牛腩非常之出色，牛腩炆得好腍，再配上去煮過嘅薯仔，啱啱好，呢一個咖喱牛腩汁，配上佢嘅薄餅，簡直就係人間美食，每一次我都食晒成個薄餅，今次仲有一個特色嘅串燒拼盤，我覺得呢都好欣賞好好味，而且佢嘅海鮮都好新鮮，咁好嘅食物當然要配返一個飲品啦，我通常都會加多個椰青一齊飲嘅。服務非常之好，有禮貌又親切又細心交通比較不方便，因為冇地鐵，但可以搭巴士或者自己揸車入去，定期仲有唔同嘅擺設，可以打卡影相。呢度嘅食物非常之有水準，而且性價比高，我非常推薦。…查看更多

這家新加坡菜餐廳位於市中心一處高檔購物區,環境氣氛不錯,裝潢典雅大氣。但令人失望的是,菜品的份量和口味並沒有達到同樣高檔的水準。有些菜式過於油膩或者調味不夠協調,難以引起食客的共鳴。價格則屬於中高檔水準,對於普通食客來說,性價比並不算優秀。相比之下,附近的茶餐廳確實可能會提供更優質的用餐體驗。總的來說,這家新加坡菜餐廳給人一種 potential未發揮的感覺。如果能夠提升菜品的質量和口味,相信定能吸引更多挑剔的食客。希望下次光臨時,您會有更好的用餐感受。性價比極低…查看更多

大推 $590 二人餐!! $590嘅二人餐真係超抵食又勁豐富!! 一路上菜，朋友們一路話「哇呢個係咪二人餐嚟咖，咁大碟嘅全部都」二人餐嚟講，有頭盤﹑黃金魚皮﹑沙嗲雞豬串﹑肉骨茶﹑海南雞飯/牛腩咖哩配酥餅﹑胡椒蝦﹑炒菜﹑甜品，仲要全部都唔係細細碟，係大份足仲要好食!! 其中仔仔女女最鍾意沙嗲雞肉豬肉串，沙嗲醬甜甜地又唔辣，小朋友食都好岩!另外仲有小童餐，包括主菜﹑飲品同甜品，食到最後大人小朋友一日一球雪糕，開心滿足!…查看更多

早前又去了staycation 了幾天我也去了吃dinner buffet雖然不是難吃但沒什麼特別但說到底我還是比較喜歡吃沙嗲軒黃金魚皮雖然熱氣但真是一吃就會令人欲罷不能蛋黃味十足！香脆非常最後要多點了一碟這個可算是失手了香茅味太過重，肉味都失蹤了沙嗲軒，沒想到店如其名沙嗲非常出色別看我點的是串燒我覺得那碟醬才是主角將串燒醮上滿滿的醬料，吃著真香！海鮮粉絲煲是列入了我喜愛的，可惜我忘記拍照朋友也很滿意，蟹鮮甜得不得了我還點了椰青，特別的大，清甜，肉也嫩嫩的第二日下午連午飯都跑來吃了油飯飯香撲鼻雞肉更是嫩得入口即化很下飯呢！唯一要提醒一下有時候客人已經不算多職員在聊天，地方又太空曠有時候叫了幾次都沒聽到我們呼喚待客是很有禮貌的，注意一下就行…查看更多

今日中午老婆話好掛住沙嗲軒嘅海南雞飯🐔🍚就立即起程去左食 。佢地嘅海南雞出名嫩滑可口，皮薄爽滑，雞肉味道濃郁且已經去骨，超級方便！油飯好香 又唔會覺得肥膩加分！💕另外海南雞飯附上三款不同的醬汁同青瓜伴吃，真係夠曬飽🥰今日中午老婆話好掛住沙嗲軒嘅海南雞飯🐔🍚就立即起程去左食 。佢地嘅海南雞出名嫩滑可口，皮薄爽滑，雞肉味道濃郁且已經去骨，超級方便！油飯好香 又唔會覺得肥膩加分！💕另外海南雞飯附上三款不同的醬汁同青瓜伴吃，真係夠曬飽🥰至於個叻沙湯麵夠曬濃郁，湯頭呈啡黃色，有少少紅油，顏色上已經令人好開胃，蝦香滿滿！配埋個薏米水飲 清新開胃 🤤 推個薏仁水唔會好甜 薏仁粒軟硬適中 溫溫地剛剛好 中意食濃味嘅朋友必備。服務方面，小朋友中途整跌左塊濕紙巾，職員見到即刻幫我地執起俾左塊新嘅我地 👍🏻👍🏻👍🏻至於個叻沙湯麵夠曬濃郁，湯頭呈啡黃色，有少少紅油，顏色上已經令人好開胃，蝦香滿滿！配埋個薏米水飲 清新開胃 🤤 推個薏仁水唔會好甜 薏仁粒軟硬適中 溫溫地剛剛好 中意食濃味嘅朋友可以叫完嘢食再叫杯黎飲。服務方面，職員見到我帶小朋友即刻問我需唔需要BB凳同BB餐具🍽️，細心程度100分！小朋友中途整跌左塊濕紙巾，職員見到即刻幫我地執起俾左塊新嘅我地 👍🏻👍🏻👍🏻下次會再嚟🙆🏻‍♀️💕…查看更多

今次黃金海岸 staycation 可以話以一餐令人愜意的午餐作結束。之前一口氣試過整聖誕蛋糕同陶瓷，花費不少精力，當然要餐好既，之前一晚已經 Fine Dining，而酒店實在有好多餐廳，今次就選擇了沙嗲軒。見幾朋友在附近上班，就找來一齊聚舊兼飯聚。天氣近有點乾燥，就來了一壺金盞花雪梨川貝紅棗杞子茶（$58）同大家share，清潤甜美，對喉嚨好舒適，如果想試多款，仲有豆奶薏米水（$58）。其實餐廳的午市套餐都幾抵，一個價錢，已包含前菜、主菜及甜品，亦可以優惠價$25，享用薏米水、白咖啡或拉茶。前菜可以在肉骨茶、脆炸蝦片或Rojak（星洲蝦糕沙律）之中三選一，今次人多，就三款都點了。肉骨茶做前菜已經好有誠意，仲要配上油條同黑醬油，夠認真，爭碗白飯就可以變身套餐。脆炸蝦片脆卜卜，如果囝囝係度一定比佢掃清光。Rojay係星馬名物，好鍾意番石榴同菠蘿蘸上醬汁之後既味道，今次可以一次過食均晒，真好。牛肉粿條湯（$168）配料勁多，牛腩、牛筋、牛肚及手打牛丸舖滿整個碗，下面是滑溜的河粉，呷一口濃稠的牛肉湯，滋味滿分。香菇肉脞麵（$158）又係勁豐富，有肉脞、豬肉片、肉丸、豬肝、魚片及鮮蝦雲吞，最緊要係有豬油渣加持，真係無得輸，粗蛋麵又無乜梘水味，仲有辣椒豉油蘸點，比我掃到見碗底。仗著人多，選來了沙爹軒家庭拼盤（$728 / 四位）。賣相真係好澎湃，就先試試沙爹，雞肉、豬肉串各四串（共8串），醃得入味，又有些少焦香，靈魂係沙嗲汁，調得香口惹味，少許辣度更挑起食慾。另外新加坡咖哩角（4件），望落有點似新年的油角，咬開餡料是辣雞肉、薯仔及洋蔥，非常香口，但感覺幾熱氣。中間位置是胡椒蝦（4件），很細心地將背位剖開，不單易於入味，食起來更方便。蝦肉是預期中的爽彈，而且一陣胡椒的辛香，正。其實太太同我都好鐘意食海南雞飯，尤其是個雞油飯做得好更加係得分點，沙嗲軒押上招牌兩個字的招牌海南雞飯，單點都要$198，家陣拼盤有半隻上就更加抵食。係專門店食果然有保證，雞肉嫩而油飯香，三色醬油齊上，美味倍增。星州地道蟹風味（$528）本身有星州胡椒蟹或星州咖哩或黑醬油蟹三款煮法，以黑醬油煮又真係未食過，試下都好。肉蟹本身睇落斤半以上跑不了，加入金不換去煮更是有亞熱帶風味，黑醬油完全滲入蟹肉之中，惹味到極，最佳享用方法當然係拎上手食。個人覺得都好應該有杯酒飲下，因為加$18可享紅酒或白酒一杯，而加$30可享白飯兩碗或印度千層油酥餅兩件，如果兩個人叫一碟，加$30來件油酥餅蘸汁食，真係可以頂得一餐。甜品椰汁黑糯米每天都不同的甜品，而今次是椰汁黑糯米，甜度啱啱好，糯米煙韌，椰味帶來幽香，很不錯。雖然酒店有好多餐廳，不過環顧屯門區，沙嗲軒似乎毫無對手，睇落好似遠少少，但去開附近又可以加入用膳list。…查看更多

11月4日, 星期六, 和暖黃金海岸酒店的星馬菜館, 四條友, 食左~~~肉骨茶 (馬來西亞板本) 偏深色的茶湯, 有排骨有杞子,  藥材味偏重, 有跟油炸鬼. 排骨鬆化離骨, 宜醮黑醬油, 辣醬  肉骨茶 (新加坡板本)  較淺色的茶湯, 胡椒味較重, 典型新加坡風味串燒 賣相正宗, 雞牛豬味道差異不大, 沙嗲醬好香, 係缺少左炭香喇沙 :):) 新加坡路線, 湯色較橙, 椰汁味偏重, 麵底不是參參, 配料有魚旦, 魚片, 豆卜, 雞蛋, 好充足環境舒適.  綠意盎然.  食物正宗. …查看更多

去黃金海岸酒店staycation，順便喺沙嗲軒食咗個午餐，超級抵讚！我要咗個海南雞飯，全個套餐嘅食物都係好＇個湯味道清甜，主菜雞肉嫩滑，好有雞味，雞油飯亦都值得一讚，做得有味嘅同時，又唔會太油，我認為比起新加坡最出名食海南雞飯嘅酒店餐廳，都唔算差做得多，有八成水準，抵讚。朋友叫嘅福建蝦麵亦都係好，足料，味道清甜，相當之令人回味。麵條夠軟滑彈牙，材料亦都好一流，食得出新鮮同埋足料，另外叫咗炸魚皮，同埋肉骨茶，係套餐嘅一部份，肉骨茶味道正宗，配料亦都足夠，炸魚皮尤其值得推介，因為好脆、好香，又冇腥味，功夫一流，我哋另外叫咗薏米水同埋檸檬梳打兩樣飲品，都好好飲，唔會太甜，但係又好味，薏米嘅份量都好多下，飲落覺得真係煲出嚟嘅，唔係就咁加入去沖水。餐廳環境好好，可能因為客人唔係太多，因為我哋比較遲去，過咗最多人嘅午飯時間，所以人比較少，不過無論如何，佢哋嘅枱都擺得好闊落，雖然冇海景，但係窗邊對住酒店外面嘅通道，有陽光照入嚟，都係好有度假嘅感覺，仲有服務水準一流，侍應生嘅態度好好，招呼好好，我哋比較遲去，有少少阻住佢哋下場，但係都冇黑面，或者連番催促，所以都係值得一讚嘅。…查看更多

今次去咗位於黃金海岸嘅新加坡餐廳—沙嗲軒 🇸🇬環境清幽 安靜好適合傾偈💬1️⃣黑胡椒炒蟹 超大隻肉蟹🦀入面爆膏 超有肉 入味香口2️⃣麥皮蝦 依個超級推薦🦐比起其他餐廳 係甜甜地 起地道3️⃣星洲炒蘿蔔糕 依個好特別 刷新我對蘿蔔糕嘅印象🤭4️⃣腐皮豬肉卷🥓最近新出嘅菜式 都香口 唔錯小感相：餐廳有2人餐 不過唔太吸引單點食物質素更佳😝如果蝦蟹二選一 可以選擇蟹🦀因為蝦份量好少 只有3隻大蝦食物配上椰青食一流🤫…查看更多

延續Staycation的第二天早上做完Gym游完水的我倆超級肚餓！回到房間收拾一切後便撤退去吃午餐！就在升降機口酒店設置了特快退房服務箱，只要將匙卡放入收集箱便完成Check-out服務超方便又快捷。一早約定住在附近的好朋友來沙嗲軒吃個午餐，私心喜歡這兒出品有水準又扺食，難得入來當然不會放過享受頓豐盛的新加坡菜才回家。甫坐下見到這個沙嗲軒家庭拼盤只需$728便可供四位用，食物項目還非常合我們胃口，那不用多想就選它作我們的午餐。上月天氣仍然非常酷熱冰凍飲品是少不了的！車爸爸選上鹹檸七$48晶瑩剔透的氣泡看見也覺得很消暑。不好甜的我則選了清新的原個椰青$62，大大隻的新軀內裏盛載着滿滿清甜椰青水，用來配惹味的新加坡菜非常相夾。我們點的家庭拼盤一次過豐盛地上檯！內裏分別有沙嗲雞、豬肉串/各4串、胡椒蝦/4隻、新加坡咖喱角/4隻及半隻海南雞連油飯。新加坡咖哩角外皮用的是鬆脆酥皮，內裏釀滿了香辣的雞肉、雞蛋、洋蔥和薯仔，口感非常之豐滿吃罷會非常之滿足。沙嗲串分別有雞肉和豬肉，兩款串燒的肉質也挺紮實而且不會鞋口，而我最欣賞的仍然是那個香濃甜美沙嗲醬。這個胡椒蝦非常新鮮咬下去很爽甜，加上胡椒的香氣令我非常之回味。這個拼盤內有我很喜歡的招牌海南雞，皮香肉滑雞味濃郁的雞件仍然那麼有水準，配上正宗的三色醬一起享用就更加和味。最後還有美味的雞油飯，充滿香氣的油飯做到香而不油可以多吃兩口喔。每一次來沙嗲軒總不會令我失望失，朋友也非常滿意這一餐美味的新加坡午餐，還說以後會多點來幫襯呢哈哈。…查看更多

今日玩完水上活動，再玩playhouse,出面落緊雨，阿仔阿女都肚餓，就決定響酒店食。選左呢間店，係老公最英名嘅決定，實在太好味了。一入內落地玻璃採光度好高，襯托白色地板同白色枱，加上深啡裝修同櫈，簡潔高雅。地道椰漿飯椰漿飯好香椰味，再伴有脆炸雞，炸雞外皮好脆，雞肉好入味，一d都唔乾。再加上花生，脆魚乾同煎蛋食，口感一流，最佳享受。海南雞飯黃油雞香，飯質煙韌，粒粒分明，海南雞好滑嫩，加埋食海南雞既三寶醬食，再配埋生菜絲雞湯，好令人回味。星洲魚頭湯米粉呢個米粉最驚喜，個個食到Lam Lam 脷,個湯係香濃魚湯，我哋一家飲哂，米粉好爽口，最正係一片片無骨魚肉，小妹食得好開心。呢餐真係齒頰留香😋…查看更多

職員服務很好，細心，有禮貌我們有兩位小朋友，細女坐大人椅唔夠高，但又唔想坐BB 櫈，職員就幫手加個墊，細女開心哂。侍應人數充足，好快有人黎幫手食物好食，環境優美！…查看更多

食開有條路昨天才介紹完新加坡菜今天再下一城，介紹富度渡假風的黃金海岸酒店內親民新加坡菜。以往尖沙咀店就去得多！黃金海岸的沙嗲軒還是第一次來。於*Chill*有渡假感覺的環境，加上是日風光明媚的天氣，跟好友們吃了一頓非常滿意又豐富的星洲風味午餐。夏日炎炎餐廳推出了兩款非常清新的楊協成特飲，一杯金黃一杯嫣紅光是顏色已經非常吸睛了。車爸爸第一餐必定要熱飲！所以這一壺金盞菊花茶$58非他莫屬，用上楊協成菊花茶配上大大朵燦爛的金盞花，微甜的茶香配上花香味出來效果十分融和。而喜歡凍飲的我則選了這杯洛神花荔枝茶，味道酸酸甜甜非常醒胃，用他配味道濃郁的新加坡菜非常合襯。先上檯是三道菜的午市套餐，收費由＄118~ ＄168價錢視乎大家選什麼主菜，此套餐份量十足真的超級抵吃，前菜選了Rojak星洲蝦羔什菜沙律，這道菜我曾經在其他餐廳品嚐過，可以說是一吃傾情的新加坡菜色。這兒的Rokla賣相不是黑蚊蚊的那款，但吃下味道仍然非常濃郁，內裏有蘋果、沙葛、青瓜等爽口食材，配襯以蝦膏特製的醬汁味道鹹鹹甜甜又爽口，這個沙律非常得我歡心。主菜選了馬來叻沙即是椰汁咖喱海鮮瀨粉＄128，共有三個辣度可選包括小辣、地道風味及特辣，有車爸爸在當然是選小辣吧！叻沙湯底夠香濃不會太多椰奶，所以吃下沒太多膩感之餘還非常惹味，餸料中最吸引我是那索味的豆腐卜，其他魚片、魚蛋也非常爽彈鮮味，還有一隻鮮甜的大蝦在內，全碗叻沙也非常合我心水。而Set Lunch這天的甜品是馬來經典的摩摩喳喳，內有芋頭、番薯等混在椰奶糖水中，吃下香滑綿綿好幸福的甜蜜滋味。如點選午市套餐還可以優惠價＄15，嘆上一杯特飲，選擇有什果賓治、青檸梳打、咖啡或拉茶。然後到另一份新加坡嚐味套餐上檯，共有六道菜收費為＄638/2位用，當中包括有特色頭盤、鴛鴦肉骨茶、主菜、粉絲蝦煲、蒜蓉鹹魚炒芥蘭及甜品，頭盤是地道的燒釀豆卜、沙嗲豬肉及雞肉串。燒釀豆卜內裏放入了爽口芽菜及青瓜絲，面層灑上滿滿香脆的花生碎，豆卜經輕燒至微脆吃下去口感十足。然後來到我喜歡吃的串燒，我們分別得到豬肉和雞肉串，兩款都燒得夠香口又Juicy，配襯那香濃的沙嗲醬簡直是絕配。接下來是鴛鴦肉骨茶，鴛鴦乃星洲版和馬來西亞版本的肉骨茶，一次過可以滿足兩個願望真的太划算了吧！從來喜歡馬來西亞風味的肉骨茶，皆因那香濃的藥材味真的非常吸引我味蕾，這個肉骨茶湯頭亦非常濃郁，最驚喜的是那條一字骨仍然鬆化有肉味，不用點黑醬油吃也非常好味道。但今次我更加喜歡星洲胡椒香味濃的肉骨茶，喝下去香辣而不嗆喉的胡椒味確叫我回味非常。來到主菜環節先來沙嗲軒招牌的海南雞飯，份量真的非常之足目測接近有半隻雞！押得上招牌兩隻字這海南雞當然非省油燈，雞皮香滑肉質細嫩質素挺不俗。配上正宗的三色醬吃味道更加吸引，另外海南雞的油飯也弄得非常出色，帶有雞油香氣之餘吃下去一點肥膩感覺也沒有超讚。另外一個主菜我們選了參巴海鮮炒飯，這個炒飯烹得香辣惹味十分合我心水，加上各式海鮮也是有質素的食材太吸引了。第四道菜是香氣撲鼻的粉絲蝦煲，兩隻大蝦超級高質吃下口感紮實味道鮮美，索盡蝦油香氣的粉絲更是不能不吃之物啊。此刻侍應送上香氣四溢的蒜蓉鹹魚炒芥蘭，爽脆嫩綠的芥蘭遠被惹味的蒜蓉鹹魚加持，味道很豐富我吃了不少呢。而此套餐的甜品是斑蘭蛋糕伴雪糕，帶上幽香斑蘭味的蛋糕質地超鬆軟又不過甜，伴上香滑甜美的雲呢拿雪糕，真是太美妙的飯後甜品。此套餐亦可另加＄60可享兩杯特飲，選擇有美褖恐龍、椰青、紅和白餐酒真的超優惠，吃過午餐後我們決定留下來參加酒店的休閑活動，遲些再跟大家分享這個超充實的週日。…查看更多

呢一日放假可以同老婆大人、朋友去個世外桃源嘅地方玩返日嗰道就係黃金海岸酒店，綠草如茵有海有沙灘又唔算太遠晒我哋！喺青衣搭小巴過去眨吓眼就到怕搭路面車嘅老婆大人都OK。呢日晏晝午餐去咗沙嗲軒食星加坡菜，嚟呢道食自助餐就試過其他餐廳我都係第一次嚟咋！入面好多落地玻璃好光猛舒服真係勁有渡假Feel。我呢個人好寒底所以第一餐必定要飲熱嘢！見到有呢個楊協成金盞菊花茶即刻點嚟試吓！用咗楊協成嘅菊花茶加埋啲金盞花浸成，飲落去個味好熟而且唔會好甜幾好飲喎。我哋嗌咗兩個新加坡嚐味套餐一共有六個餸好鬼豐富！頭盤喺燒釀豆卜、沙嗲豬肉同埋雞肉串。燒釀豆卜幾有豆香入面仲有啲爽口嘅芽菜同青瓜絲，加埋啲香口嘅花生碎食落都幾唔錯。串燒有雞肉同豬肉兩樣我都幾鍾意，燒得香口但係唔乾加埋個沙嗲醬食一流。跟住仲有一次過可以試晒兩個地方嘅鴛鴦肉骨茶真係過癮。呢碗係馬來西亞風味嘅肉骨茶，係偏向藥材味重啲嘅味道老婆大人就最鍾意。而我就鍾意呢個胡椒香味濃嘅新加坡肉骨茶，平時食肉骨茶嗰條骨通常都唔係幾好食！但係呢度嘅一字骨係好鬆化同有肉香，大家記得一定要食咗佢啊。其中一個主菜我哋就揀咗椰香咖哩牛腩配印度千層油酥餅，咖喱香得嚟唔會好辣牛腩又炆得夠鬆化，我就最鍾意咖喱配油酥餅呢個完美嘅組合。另一份個主菜就係沙嗲軒嘅招牌海南雞飯，大家都知我最鍾意食雞㗎啦！呢隻海南雞都做到皮滑肉嫩唔錯㗎 ！不過我更加欣賞佢哋嘅油飯，整得好有香味但一啲都唔油，師傅嘅手勢認真唔錯。繼續係套餐入面嘅粉絲蝦煲，入面有兩隻開邊大蝦食落去好鮮甜爽口，加埋啲吸晒蝦味嘅粉絲真係好食到停唔到口。最後仲有一碟炒得爽夾香嘅蒜蓉鹹魚炒芥蘭正啊喂。呢個套餐嘅甜品係斑蘭蛋糕伴雪糕，呢個斑蘭蛋糕真係好食到不得了！又鬆又軟跟住仲有好香嘅斑蘭葉味真係好正。我哋仲叫埋淨係星期一至五先有嘅三個菜午市套餐，前菜係星洲蝦羔什菜沙律，入面有蘋果、沙葛同埋青瓜呢啲爽口嘢！配咗個用蝦膏整嘅醬撈勻嚟食，材料爽口加埋鹹鹹香香呢個前菜好有風味。呢個嘅主菜我哋揀咗參巴海鮮炒飯，炒飯入邊有好多海鮮好似青口、大蝦同埋魷魚仲有魚片，炒飯夠入味乾爽有少少辣好鬼惹味㗎。最後呢日嘅甜品係椰汁黑糯米，煙韌嘅黑糯米溝埋啲香濃椰汁一齊食，味道好唔錯不過都幾飽肚㗎。食午市套餐可用優惠價＄15叫一杯特飲，有什果賓治、青檸梳打、咖啡可以揀，或者好似我咁叫杯拉茶嘆吓，呢間沙嗲軒我哋都好鍾意下次有機會要再入嚟食過。沙嗲軒電話：24528822地址：屯門青山公路1號香港黃金海岸酒店大堂…查看更多