沖繩二段料理 (曉悅)

營業中

休息中

同男朋友好掛住日本嘢，之前同佢去過沖繩旅行都幾念念不忘🙈所以今日特登帶佢嚟食呢一間餐廳。見到佢室內有好多沖繩style神獸，立即同男朋友點都要打返卡！❤️壽喜燒是日式牛肉火鍋，湯汁會燒到乾，不會喝湯。檸檬🍋柚子壽喜燒湯係我哋今晚主打湯底🤟🏼一啲都唔會好喊，同平時啲壽喜燒湯底相比淺色好多！滋味無窮😋❤️配料好似野菜拼盤🥬、特級豚肉🐽同美國肥牛🐮同呢個湯底非常之夾！份量都好十足，食到好飽！PS.我哋每食完一碟牛，店員都會主動嚟收一收啲嘢，加分！所以幾享受拍住拖食二人壽喜燒嘅感覺～👍👍

每次夜晚諗唔到食咩時，都會嚟呢間沖繩Cafe食嘢，每次都唔會失望😀Cafe裝飾充滿日式感覺，紅色白色嘅日本燈籠特別有feel🏮🏮🔘甜辣雞🍗韓風x日式嘅甜辣雞，甜辣醬以甜味為主，辣味溫和，炸雞脆卜卜肉質嫩滑，好開胃😋🔘壽喜燒烏冬🍜好鍾意壽喜燒湯底嘅調味，甘甜美味，烏冬口感煙韌有彈性🤩🔘沖繩蒸飯🍚蒸飯就咁睇好似好清淡，但其實味道好足夠，有紫菜、冬菇絲、櫻花蝦、蔥花等，係一個睇落簡單但底韻十足嘅蒸飯🥰🔘鰹魚壽喜燒豚肉🍲豚肉片唔會乾柴，浸住啲鰹魚壽喜燒湯食濕濕地幾好，椰菜亦都好爽脆清甜☺️又搞掂一餐😉果然嚟依度食嘢係唔會有錯嘅選擇，有菜有肉有飯有麵，每人埋單都唔洗$100，抵到飛起呀！

吃火鍋也是不少人的指定節目，沖繩火鍋你又食過未呢？今晚收工晏咗少少🤏⋯⋯同同事放工去附近間Antoshimo晚飯。Menu 好豐富！都介紹得好清楚！我哋兩個都叫咗：{檸檬柚子壽喜燒湯}飲落都幾清甜，自己平時都有食開🍊🍋湯底，所以都幾滿足！為咗使晒所有嘢，各叫咗特級豚肉同美國肥牛。兩款肉都紅卜卜，外觀上油花較漂亮，亦有油香，非常新鮮，碌一碌好快就可以食💯我哋仲加配芝士🧀🧀，質地細滑柔軟，口感輕，味道較淡且帶微甜。將怇加入去炊飯啖啖飯都芝士拉絲呀😹都幾夾，少少邪惡， 感覺很爽皮！以飽肚度和吸引度來說，都算抵吃喔！檸檬柚子壽喜燒湯又都唔會話好咸食完一d都唔會口渴。好健康既一餐！如果大家想平平哋食一餐，又食到火鍋，可以一試！😚😚😚

我食佢個set lunch ，平均消費$80-90,食物一般，普通的幾粒炸雞，加塊布甸，又咸又甜，幾古怪，味道不配合，飯是普通蒸飯一般一般一一般，甜品可以，飲品是檸茶，但配黑糖，不夾，黑糖味搶走檸檬味，怪怪地，這個價錢，相比同區的食店偏貴不值。所以不會再來光顧。

ot 做到勁夜， 放工去搵野食咁岩行過長沙灣， 見呢個位新開左間餐廳， 有個大大既冬甩係出面， 但係又賣炸雞，主食果d, 坐低睇果menu, 果配搭好特別， 叫左最basic 果個餐， 好似叫布甸炸雞加炊飯， 布甸係甜， 炸雞係鹹， 以為食落會好怪點知又幾match 下， 布甸甜味突顯炸雞既香， 炊飯加左錢轉蕃茄味， 芝士蕃茄味好濃， 食落有d 似燴飯， 淡淡芝士味，一個set 大約100, 有野飲有炸雞有主食仲有個甜品，甜品可以再加錢轉其他款， 食完 勁滿足。

有日同男朋友行長沙灣，搵到間日式火鍋定食係好有驚喜🍦呢道嘅定食價錢好抵～份量好大🥺 有主食➕飯類➕甜品➕餐飲😍一入門口見到沖繩裝飾擺設，好似返咗沖繩旅行一樣！好掛住🥰超🥫蕃茄濃度8湯🥫健康價值高，獨有的魅力，酸甜有致，在悶熱炎夏吃份外醒胃。湯底幼細的茄蓉，非常濃稠，吃到 蔬果的清甜，帶天然的果酸香，原汁原味，味道夠天然。檸檬柚子壽喜燒充滿和風💮味道，都係酸酸甜甜，好過癮！肉類我地簡了🥓特級豚肉同美國肥牛🥩肉質鮮美！數量都多、無呃錢⭕️食到最後，湯底方面我地兩個鐘意蕃茄多啲。係沒有多餘調味下，仍能嘗到湯底精華既滋味。

之前係日本食過波堤冬甩🍩，一直都好想再食。有一次經過長沙灣竟然見到有餐廳賣，二話不說入去試下。❤️❤️🐟黑椒鯖魚表面烤得香脆乾身，肉多骨很少，加了黑椒味道剛剛好。櫻花蝦蕃茄炊飯乾濕度拿捏得很好，蕃茄的酸味令胃口大開🥫，櫻花蝦香提升了炊飯的氣味。好多人都有叫的壽喜燒烏冬，壽喜燒湯底好清小油，有兩塊嗚門卷配料🍥，烏冬好彈牙及入味。👍👍大愛沖繩海鹽焦糖冬甩雪糕🧡，海鹽焦糖簡直無得彈，冬甩底下有超多焦糖，冬甩上邊放上雪糕，又感又甜口感豐富，好想食多個阿🥺

🍲受喜燒醬汁甜度適中，唔會蓋過鹹味，烏冬口感彈牙，每一條烏冬都掛上壽喜燒湯。好食指數:🌕🌕🌘🍗蜜糖芥茉味道甜甜地加上黑椒調味，令味道中和唔會有膩感。雞件外層脆卜卜，咬開肉汁瀑出來，熱辣辣食好滋味。好食指數:🌕🌕🌗🐠魚肉鮮甜厚實，魚骨較少唔怕嗗骨。好食指數:🌕🌕🌘🧀味道甜酸再加泡菜辣，炊飯飯質細軟，味道豐富。好食指數:🌕🌕🌗🍩甜帶咸，冷帶熱，有種冰火交融的感覺，波提冬甩口感鬆軟。好食指數:🌕🌕🌕

好耐沒去旅行，🇯🇵但系又想食下日本野以解思鄉之苦，所以今天特意相約友人到了長沙灣一間超人氣日本餐廳-「Antoshimo Cafe & Bakery」！😊前菜：🥗【天婦羅野菜】&【牛蒡沙律】🥗，天婦羅炸得好酥脆，而且野菜好新鮮。沙律酸甜開胃。小食：🐔【甜辣雞】&🐔【黑椒鯖魚】雞件都好入味，而且肉質非常結實，一試難忘。魚肉好惹味。主食：【濃蕃茄湯烏冬】🍜烏冬好彈牙，湯底好濃郁，而且番茄味道非常鮮甜，好開胃。【櫻花蝦蕃茄炊飯(小辣)】🍛少少辣反而帶出食物既鮮味，飯粒分別，非常索汁。甜品：【冬甩乳酪布甸】🥧外形好吸引，食落都好正。總體來說，仲有呢間餐廳充滿和風，幾有格調，呢間真係性價比非常之高😆，值得推介！

今晚本來我👩🏼‍🦰想食譚仔，行過見到間Antoshimo Cafe & Bakery 啲野又好似幾吸引咁就入左去。被壽喜燒吸引既我，就叫咗檸檬柚子壽喜燒湯，聽落好似幾特別。檸檬柚子壽喜燒湯🌟🌟，檸檬同柚子酸酸甜甜好開胃，而且賣相好好。檸檬柚子壽喜燒的湯底配上新鮮食材、又有新鮮菜、番茄、日式福袋，的確無得輸，非常特出! 特級豚肉色澤很好，加埋壽喜燒的味一流。豚肉肉質切得薄身但夠嫩。埋單既時候，空氣中仍然瀰漫著檸檬柚子清香🍊🍋，令人回味! 下次會帶多幾個朋友一起分享。

行過見到menu好似好吸引，食評+相令我真係好想試試！有我鐘意嘅壽喜燒所以就入去💛但出乎意料之外，我食完之後最最最推薦係超蕃茄濃度8湯底。今餐係沖繩雜炊火鍋定食中既超蕃茄濃度8湯($129)🎌，又有野菜拼盤（福袋、野菜）、水牛芝士（味道濃）、三色炊飯同重點有沖繩海鹽焦糖冬甩。好抵食啊🥳🥳🥳🥳🥳~我簡既係美國肥牛🐮，超大片肉感🥩及油脂剛好，再加上有香料辣醬，色香味俱全。炊飯好入味，不過建議個飯有多少少餸就好，會完美啲。果然Antoshimo Cafe & Bakery (曉悅)無令我失望！我已經徹底迷上了超蕃茄濃度8湯底，下次再來拜訪💗

之前次次黎都食佢個Lunch set，今日終於試到佢晚市ge 沖繩🎌雜炊火鍋定食!一開始我保持住無希望無失望既心態，點知都有出乎意外要讚讚💮，絕對係單身又喜愛火鍋的好去處!鍋底採用超濃度蕃茄🍅而製，感覺吃了不會令身體燥熱，就算夏天也可品嚐。美國肥牛油花分佈均勻，肉質好嫩滑😋同超蕃茄濃度8湯超夾。🥬野菜拼盤當中🌽，菇類及蔬菜的份量也不小，絕對可以填飽肚仔。三色炊飯（靈芝菇、青豆、粟米）平時出面都少食，唯一係青豆唔太岩我口味。希望餐廳可以越做越旺～遲D再來食過!🥢

最近又再次黎到食Antoshimo Cafe & Bakery，不過今日係食佢晚市既火鍋定食🤘🏻獨自去偷歡👯‍♀️，叫左其中一款沖繩雜炊火鍋定食------美國肥牛配超蕃茄濃度8湯定食($149)抵啊!蕃茄蓉同埋蕃茄粒、加上上湯和水煮滾後攪勻，的確係我理想既濃度! 蔬菜都煮得幾入味，好FRESH好健康感覺! 三色炊飯配有靈芝菇🍄、青豆、粟米🌽，炊飯乾濕程度平衡得好。我第一次食靈芝菇，原來口感係幾偏软。仲有個美國肥牛油花分布之均勻，單看已覺完美。PS. 員工都非常細心，見到我吹冷氣位太勁，都幫我處理一下。超「鍋」心💜

舉手示意店員.. 佢淨係對眼齋望住.. 就行走左.. 唔會理你嫁.. wtf?! 特別灰色衫個兩個我地7個人 坐係3張6人台 … 到隔離二人台走左 諗住叫佢拼台 坐得舒服啲… 佢都唔理你！ 明明另外地方隔離有台！佢都照比兩個客坐埋隔離… 好唔識做！ 叫佢就齋望行走 懶得理你… 依家係8人限聚.. 已經坐緊6人台.. 我地蚊走左中間個間板.. 放埋一邊.. 灰色細眼個個嫁..乜都唔會解釋.. 又會講野.. 直接拎走再插返落去.. 已經有一個要坐中間位 點l食野？ 係咪有腦霧？位又唔識分配.. 又啞又冇禮貌.. 布甸炸雞.. 唔夾 南蠻炸雞.. 啲醬正宗嘅南蠻醬… 失望..炸雞係炸得幾好.. 脆皮肉唔鞋嘅.. 不過幾好食 店員態度差都會趕客 而且唔係好食！ 所以唔會再嚟都唔使嚟試

之前去沖繩旅行已經瘋狂食依個冬甩，宜家屋企樓下都有得食啦，趁tea time同媽咪去回味返沖繩嘅味道先🥰🍩🍩🍩冬甩乳酪布甸》一嚟就叫咗3個炸冬甩，疊高哂好搞笑😆冬甩全部啱啱炸起，外皮香脆內裡軟糯，溶化嘅雪糕加埋熱辣辣嘅冬甩真係天堂嘅享受😍🍤🍤🍤 🍤天婦羅定食》揀咗柚子炸雞、雞翼、黑糖蜜番薯條同茄子天婦羅，4款天婦羅份量都幾多，炸漿夠薄鬆脆，食完碟底都唔會有好多油😌🧊🧊🧊凍海鹽焦糖雪糕咖啡》大大杯雪糕咖啡，食完油炸天婦羅飲返啖清爽哂🌀最後我哋仲外賣左幾個炸冬甩返屋企，依家可以日日都食到沖繩嘅炸冬甩，真係好幸福好幸福💖💖