沖繩二段料理 (蕪湖居)

晚市時間幫襯咗佢哋講a+b+c+d套餐，第一個餐叫咗溫泉蛋柚子肉味噌蒸飯，加柚子雞，加沖繩海鹽焦糖冬甩雪糕，在家杯凍嘅無糖烏龍茶。兜飯睇落去好大兜，柚子雞都幾大件嘅，味道就麻麻地。第二個餐就要咗櫻花蝦明太子蒸飯，加沖繩海鹽乳酪布甸雞，甜品都係沖繩海鹽冬甩雪糕，飲品就係揀咗熱烏龍茶。個櫻花蝦飯幾好食，個海鹽乳酪布甸雞味道比柚子雞好，其實都係普通炸雞不過就係味道唔同。烏龍茶都幾大杯。不過咁多樣嘢入面最好食嘅我都係覺得非冬甩莫屬。…查看更多

📍環境 & 地理位置：呢間餐廳喺紅磡蕪湖街，近何文田站行5-7分鐘就到，附近街坊去食都方便！本身無乜聽過呢間餐廳，不過原來都幾多間分店😆 🍋柚子檸檬肉味噌蒸飯：去沖繩都未試過柚子檸檬肉味噌，都幾有新鮮感，好似日本風嘅肉燥飯咁！蒸飯底撈埋入肉味噌嘅鹹香同柚子檸檬味嘅清新，又出奇地幾夾。 🍲牛肉壽喜燒：另外加配左關西風壽喜燒，可以同蒸飯兩食，食左一半蒸飯再撈壽喜燒，即刻變換口味做炊飯，都唔錯。不過牛肉就唔好太多expect，始終價錢有限，鞋口啲都ok啦🤣🍅蕃茄芝士炊飯： 呢個相對失色啲，連相都無影低。本身睇圖諗住好濃味，結果偏清淡，蕃茄味好天然，似煲飯加蕃茄落去個款咁，無乜落鹽同調味😂都係建議嗌返普通蒸飯。…查看更多

啱啱去完沖繩旅行返嚟 有啲後悔冇喺嗰度食當地料理 今晚喺附近行過見到呢間 試完之後唔知正唔正宗但係個味道的確嘅特別😎價錢中等偏高 嘢食嘅質素比起價錢更好高下次會想試埋個冬甩&壽喜燒😎😎…查看更多

櫻花蝦明太子蒸飯蕃茄野菜芝士炊飯明太子烏冬鍋蜜糖芥末鷄日本烏龍麵和米飯有沖繩感覺很好吃環境明亮乾淨桌子和座位有點擁擠價格合理服務員工作效率高而且有禮貌晚餐套餐或ABCD套餐 含主菜、甜點和飲料原來有幾間分店沖繩海鹽焦糖冬甩雪糕好正，煙Un 質感配埋雪糕，好食到會上癮…查看更多

本人11月9日下午1時左右到臨此店幫襯以前出面圍欄是可以給狗仔放置一起吃飯。今天諗住同職員說兩位，員工答我（無囉）咩叫無囉。 之後我話有狗仔在車中 她說不可以 一句說話解釋禮貌唔好意思也沒有 。語氣回答極不尊重顧客。這樣的態度不能接受，希望有養寵物既主人以後不要幫襯此餐廳。我很少評論，今日既對待令我感受不受觀迎對待。一間沒有愛心禮貌既食肆真的不能接受。…查看更多