沖繩二段料理 (大本型)

營業中

休息中

放假同男朋友去鰂魚涌睇日落到油塘站都大概4點幾就食個Tea先出去大本型就真係冇乜野食 左揀右揀見依間餐廳個樣咁日本風(利申崇日) 就揀咗佢黎食入到去全場得3枱食客 自行用手機scan QR code落單 下午茶款式唔算多 亦都唔算驚喜男朋友嗌咗個牛肉壽喜燒讚岐烏冬Um 就係最普通嘅烏冬唔係好覺有讚岐烏冬啲煙韌口感，又唔算話係好爽口嘅口感；湯底係冇味精味，但又唔係好有濃湯味整體而言就普普通通(´･_･`)我就嗌咗個紫薯冬甩雪糕~幾年前係鑽石山分店食過佢個冬甩外賣而我就真係已經冇哂印象係咩味(證明冇特別）點知今次竟然有驚喜！！個冬甩上枱個樣就唔算好驚艷喇～但食落個冬甩好夠熱，依樣真係加分，因為配雪糕唔夠熱又係差咁啲，要做到個雪糕溶溶地有啲冰火feel先至好食，而佢就做到嘅♪( ´θ｀)口感上係同普通冬甩唔同，唔係麵包質感，咬落有啲煙韌，加埋個表面脆脆地，感覺係幾惹味。唯一缺點就係個雪糕得個甜字，冇牛奶味又冇雲呢拿味，講唔出係咩雪糕。而所謂嘅紫薯就係上面一條條紫色個啲，唔洗諗都知係冇紫薯味（苦笑）嗱 我就冇去過沖繩食過真正嘅沖繩冬甩，但整體而言用嚟做下午茶係幾好嘅(*¯︶¯*)

最近做得好辛苦，真係係時候慰勞吓自己，要食豐富d，但係不能太貴，始終都要就住荷包，預算喺$100內，有特色就更好🤗 同事話我發神經， 邊有咁多出奇蛋可以滿足我三個願望呢 ，我唯有用經典對白回應～《別人笑我太瘋癲， 我笑他人看不穿》 🤣，就係憑住呢一股傻勁， 真係皇天不負有心人， 俾我搵到呢間Antoshimo Cafe & Bakery ，以沖繩料理為主題。叫咗個套餐，真係唔使$100，有三色野菜雞卷+竹籠蒸飯+雪糕伴冬甩+凍飲，係咪好勁呢😂，雖然有咁多嘢食，但係一啲都唔肥膩 ，始終沖繩料理都係偏向清淡，豐富得嚟呢又唔會食滯你😜，個野菜雞卷係用雞肉包住甘筍和雜菜，再配清甜嘅椰菜，夠健康， 個飯用個蒸籠上，夠熱，吾錯。 其實成餐飯我覺得主角係個甜品-雪糕伴冬甩，真係冇得輸🤩，熱辣辣嘅冬甩， 配上凍冰冰嘅雪糕，冬甩 煙煙韌韌 ， 口感一流 😋😋，就係咁樣冷熱交戰之下，完全停吾到口，食晒🥳🥳真係勁好味😋😋我下次一定要試埋其他口味嘅冬甩。

✿沖繩獅莎冬甩✿呢間係一間沖繩餐廳，不過重點推薦佢個即整冬甩❤️用特級牛乳麻薯配方，同波提冬甩有啲似，超煙韌話説有日食完飯超掛住佢個冬甩，特登去咗油塘大本型分店食呢個出名嘅波提冬甩🍩暫時我食過得呢間分店會即刻用氣炸鍋焗呢個冬甩，之後先加材料整唔同嘅味🥺🤤佢個冬甩真係超好食，好似麻薯咁煙靭，外面薄薄地好脆，配上招牌海鹽焦糖醬，食過返尋味🫣暫時我覺得香港得呢間有咁好食嘅冬甩，唔係平時個隻炸麵包，一啲都唔油🥰如果食甜品唔會肥，真係好想一次過啪曬佢全部味🥺😤🥵—————————享用食品總結:🍩招牌海鹽焦糖冬甩⭐️-邪惡之選，但好香焦糖味，仲加上小小鹹鹹地嘅海鹽，好特別，不過因為係焦糖醬，要快啲食，如果唔係好快會淋😋🥛豆乳冬甩-對比起焦糖味，呢個無咁甜，小小豆乳味，加上面上灑了黃豆味，好清新，同埋食到最後一啖都keep到超脆，加煙靭👍🏻—————————評分:💰性價比: 6/10👅味道: 8/10📷賣相: 8/10💯總分: 22/30人均消費:$20—————————Antoshimo Cafe & Bakery📍 @antoshimohk 地址:油塘高超道38號大本型2樓211號舖營業時間:星期一

晚上想打邊爐，又想食飯，見到呢間野可以一舉兩得，就入左去食❤️今次叫左豚肉，但明顯豚肉偏厚，唔係打邊爐的品種，煮熟左味道就麻麻☺️但佢仲有其他雜菜雜菇做配菜，其實食埋都幾夠飽👍🏼當食晒所有野之後，落埋芝士同白飯就可以變成炊飯❤️❤️❤️最尾嚟埋個冬甩，滿足晒☺️☺️☺️

晚飯時間見呢間無咩人, 入左去試, 我叫左蜜糖芥末黑椒雞+芝士番茄炊飯+冲繩海鹽焦糖冬甩+熱黑糖檸檬荼定食, 4 樣野, $90加一, 晚飯黎講都算抵。蜜糖芥未黑椒雞有少少黑椒辣味, 重點係個醬汁無令雞件變軟, 雞件仲好脆, 好好味; 芝士番茄炊飯有D 似意大利飯Risotto, 不過就無生米Feel, 整粒都好軟棉棉, 再把芝士番茄撈埋, 啖啖都有芝士絲, 芝士番茄個味好夾。飯後食個冲繩海鹽焦糖冬甩加雪糕球做甜品, 甜品一到記得要將雪糕球從冬甩上放在碟邊, 因為冬甩仲有暖温, 會把雪糕球融掉, 真係要記住呢點, 好緊要, 哈!  甜品味道唔太甜, 冬甩吸海鹽焦糖汁更好味。最後飲杯熱黑糖檸檬茶, 平時飲檸檬茶會落一匙白糖, 以為黑糖一樣分量, 原來黑糖無白糖咁甜, 好似健康左咁~

因工作需要，來到油塘。巧合又有人接放工，就喺大本營食埋晚餐先回家回家。行咗一陣就決定食呢一間餐廳。以前喺其他分店食過。味道都OK ,亦都坐得舒服。入咗是由於六點左右，所以冇咩人，有沖繩特色嘅佈置。睇咗陣餐牌，最後決定每人叫一入沖繩二段料理每人有一肉+一主食+一甜品+一飲品$79起，性價比不錯👍呢度係自助掃QR code落單，而家越來越多餐廳是用呢個方式。我點左沖繩海鹽焦糖布甸雞配芝士蕃茄炊飯（+$8）呢個配搭很特別，布丁質地同味道都似淡味忌廉芝士，食食吓就會用晒，變咗忌廉炸雞🍗🤣海鹽焦糖甜甜地都幾夾炸雞而蕃茄芝士炊飯即有海量嘅芝士，同淡淡的蕃茄味，飯粒嘅質地偏軟身。不過食到後面會有啲膩，假如你好鍾意芝士可以一試男友則叫左大阪燒醬吉列豬扒配沖繩蒸飯（$79）雖然豬扒嘅大細一般，但係比想像中厚身，但略嫌乾身，配埋洋蔥、粟米、同埋大阪燒醬食落幾惹味！沖繩蒸飯反而食落有驚喜！入面有切碎香菇，紅蘿蔔絲同埋味數，係我喜歡嘅有味飯。之後就到我最期待嘅甜品啦！海鹽焦糖雪糕冬甩，呢個冬甩好特別，入面有麻糬嘅煙韌，而且係暖笠笠，再配埋海鹽焦糖醬同雪糕！又熱又凍嘅感覺反而好好忙食最後，仲有一杯黑糖檸檬茶，係

友人之前食過呢間，大大推介佢嘅甜品，仲揚言每次黎食都係因為佢嘅甜品，講到咁好食梗係要黎食下啦！平日中午時間過黎，入面都坐左七八成客人，今次唔洗等位，直接入座。佢地係qr code 自助點餐，平均一個餐包飲品同甜品都要$70起跳再加一，以午餐黎講都唔平。入面可以簡一個餸同埋飯／烏冬，不過如果簡烏冬就要再加多$15，咁計落1set都要80幾。今次我order左黑椒豚肉+蒸飯，配烏龍茶：就咁望落，分量都好大份，不過食落就覺得蒸飯份量可以再多少少，就只係得面鋪一層嘅蒸飯，食到最後反而係唔夠蒸飯送豚肉黑椒豚肉：有濃濃嘅黑椒同蒜蓉味蒸飯：味道都可以，不過有啲太濕食完豚肉蒸飯，梗係要黎到我地嘅主食：甜品　哈哈海鹽焦糖冬甩雪糕：海鹽味就唔係好食到，不過整體個甜品好夾，好食。雪糕係雲呢拿味，如果單食雪糕就無咩特別，不過配埋熱辣辣有少少脆，內裡煙靭嘅冬甩就好好食，配埋焦糖醬都真係好正，食完都想再食多個

在星期日的下午, 做了家務後就係一個人去附近吃Late Lunch, 油塘是確實的美食沙漠, 你只會找到茶餐廳, 連鎖快餐店, 又或者是麵包舖. Antoshimo已是為數不多, 較有特色的日式食肆, 雖然它也是連鎖食肆的一份子.這裡主力的是冬甩, 最欣賞它上枱時還是熱呼呼的, 外脆內裡軟熟, 略嫌厚度不夠. 用上沖繩海鹽焦糖醬, 味道不會過膩之餘帶微鹹, 和炸冬甩味道頗夾. 配料也不馬處, 乳酪布甸酸滑, 雲呢拿雪糕和炸冬甩有冰火口感衝擊, 再加上冬甩上可愛的獅沙公仔, 整個甜品有外在美, 又有內在美.主食的牛肉烏冬用上沖繩傳統的二段釜處理, 感覺還是一般般, 牛肉太碎也吃不到壽喜燒的甜香味, 烏冬就是一般家庭式, 沒有乳酸味但就是現成的味道, 還是冬天甩最能吸引到我呢!Antoshimo is the only restaurant I am satisfied at Yau Tong. The stach hotpot set is so so with the average quality of beef and udon. However, the donuts are g

油塘大本型有一間沖繩二段料理~ 見到評論都話佢入面嘅嘢食比較特別， 所以我哋就去咗一試究竟~講味道之前，我先講一樣不愉快經歷， 就係個烏冬食食下有條頭髮， 不過店員都即刻處理換過換新嘅比我， 不過就真係有啲嘔心😢其實呢間野，喺視覺上係有好滿足嘅衝擊， 因為一個套餐入面有兩個鍋， 睇落去好似好多嘢食咁， 包一杯飲品同埋一個雪糕冬甩， 價錢唔算貴🤗龍蝦湯烏冬嘅味道還可以， 不過不失唔算好好食， 冇咩要求都可以接受~蕃茄芝士炊飯就有啲似繪飯feel， 只不過個名義結炊飯， 就變咗有啲特色😐蜜糖芥末豚肉就真係麻麻地， 唔值得推介😏而三式雞件我覺得算係幾樣野嚟講最好食， 連埋個鍋嘅菜， 都幾香口😍飲品就麻麻地😏大家都會好想知佢個雪糕都得好唔好食，佢個冬甩口感有啲煙煙靭靭， 個底加咗啲拖肥醬， 面頭係雲呢拿雪糕， 其實都幾特別😀😀😀#油塘美食 #香港特色 #日本菜 #日本 #食好d食平d #食好西 #食好d #食食食 #食 #yum #yummy #黃怪獸 #黃怪獸覓食 #烏冬 #沖繩 #沖繩美食 #炊飯 #炊飯器レシピ #炊き込みご飯 #蜜糖芥末 #雞卷 #大本型

去左呢間餐廳，平日冇乜人，叫了炊飯定食 ＄85，有主食、飯、甜品和飲品，很豐富有特色，而且選擇很多，不要炊飯亦可以揀烏冬。最出名的蕃茄芝士炊飯，原鍋上熱辣辣，跟芝士拌勻之後，每一口飯都有芝士拉絲，蕃茄汁酸酸的中和了芝士既油膩感，如果吃辣還可以叫泡菜味。沖繩海鹽焦糖冬甩雪糕係幾多食，冬甩即叫即炸，暖暖加冰凍的雪糕一冷一熱，冰火交融好正！冬甩好煙靭Q彈，雪糕鹹鹹地味甜而不漏，將味道昇華～黑糖菊花茶唔會太甜，有冷熱選擇，經過附近不妨一試～

誤打誤撞，黎到大本型試食呢間沖繩料理。大本營好大，但其實餐廳選擇真係唔算多。見呢間門面幾四正，「沖繩」2字唔知可唔可以呃自己當去左日本食野先😆餐牌睇到我眼都花埋，最後同友人都揀左$97up既沖繩二段烏冬定食 。【 大阪燒吉列豬扒 配櫻花蝦蝦湯烏冬 】$97個presentation好好，因為烏冬同配菜另上。齋望都有分加！烏冬好彈口，湯底夠濃味，豬扒都ok不過份量比較少。【 柚子脆雞 配黑糖咖喱椰菜撈烏冬 】$97賣相同樣非常之ok! 柚子脆雞夠脆身，可惜黑糖咖喱汁淡而無味⋯【 黑糖菊花茶/+$3黑糖檸檬茶 】【 沖繩海鹽焦糖冬甩雪糕 】定食包埋野飲同冬甩雪糕，嘢飲冇咩特別只係多咗啲黑糖漿俾你自己加。冬甩雪糕超有驚喜！冬甩chewy chewy! 冰火配搭冇得頂！仲有大量焦糖汁！

嗰日約咗呀姨行山 行山之前就去咗油塘大本營食嘢 經過見到呢間沖繩嘅過江龍 就入咗去試！佢哋每個餸都係用鍋裝住 keep住佢熱辣辣！超鍾意️食佢個泡菜蕃茄芝士飯❤勁多芝士喺面 熱食仲可以拉絲！飯底索晒番茄汁 酸酸地 好開胃！不過泡菜嘅份量就好少 冇乜存在感 如果再多啲嘅話 應該會更加惹味！

沖繩上蒸下煮料理好似幾特別，選擇又幾多，可以自由配搭主食和飯/烏冬，估唔到最有驚喜嘅竟然係甜品😳#小胖遊油塘🐠—————————————————🔹沖繩二段炊飯定食 $85自選主食+飯類+甜品+飲品▪️壽喜燒鍋煮三色野菜雞卷照燒雞卷包住紅蘿蔔🥕、豆角，🐓雞肉嫩滑，食起上嚟感覺健康(應該係呃小朋友食菜的好選擇😂） 壽喜燒湯唔會太甜，椰菜、粟米🌽吸咗湯汁入味又唔油膩▪️蕃茄鍋燒芝士炊飯好多芝士🧀可以輕鬆拉絲，配會偏酸的蕃茄汁，炊飯好開胃又唔會好漏，但新鮮蕃茄得2片就比較少🍅▪️海鹽焦糖冬甩雪糕強烈推介❗粒粒波波嘅冬甩炸得外脆、裡面超chewy，口感好特別，配有一大球雪糕🍨再加埋焦糖醬，冬甩甜而不漏，超高質！▪️凍菊花茶正常偏甜🌼🔹壽喜燒鍋煮美國牛肉 $38基本上都係壽喜燒湯底，無加照燒汁所以無雞卷咁濃味，🐮牛肉份量都算多，又唔會好多肥膏，同樣有椰菜、粟米🌽，仲有少少粉絲，感覺係日式家庭料理味道🥢—————————————————🧜🏻口水度：🌕🌕🌕🌖🌑🤑性價比：🌕🌕🌕🌕🌗🧚🏻打卡值：🌕🌕🌕🌑🌑🥰舒適度：🌕🌕🌕🌗🌑🤤回頭率：🌕🌕🌕🌖🌑.♟Overall♟性價比都幾高，兩個人如果唔係好大食，1個餐+單點1

佢地係一個沖繩嘅過江龍😎估唔到喺油塘大本型都可以搵到間咁抵食嘅良心店💛.📌沖繩二段炊飯定食 $85二段沖繩料理嘅特色係兩段食法🥰有主食+飯類+甜品+飲品 真係好豐富🤩而且選擇都好多有炊飯同烏冬可以揀 主食都有成11款‼️.📌泡菜蕃茄芝士炊飯每道餸都會用個鍋上 主菜一個鍋 飯麵一個 保證熱辣辣😌面頭真係好多芝士 拌勻之後每一啖飯有芝士拉絲🧀飯底索晒蕃茄汁酸酸地 中和左芝士既油膩感🍅最欣賞係個飯粒濕潤但竟然唔會煮到一pat pat 食晒仲會有少少飯焦😎同埋個飯仲加左啲紅腰豆, 粟米同枝豆 感覺健康啲🌽🫘不過泡菜就比較淡味 存在感好低🙈得面頭少少 撈勻食唔多覺🤏🏻 .📌龍蝦湯蟹柳芝士炊飯 +$10呢款整體差唔多 不過就將番茄湯轉左做龍蝦湯 同埋多左啲蟹柳🦞個飯食落會濕啲 同埋冇左酸酸地開胃嘅感覺 但就會多左啲鮮甜味😝.📌柚子脆雞個雞原本睇賣相覺得麻麻地🙈但又炸得幾脆喎 炸雞份量都多 個肉都唔算鞋🥰不過個柚子醬同個雞唔係撈埋一齊炒 就咁墊底 所以個雞冇索到好多柚子味🥺但係自己再沾番啲醬上去一齊食 幾清新 仲有啲柚子肉 唔錯😌.📌蜜糖芥末豚肉豚肉上面鋪滿蜜糖芥末醬 兩者又幾夾🍯豚肉口感好滑 再加

經過油塘 見到呢間餐廳門口有賣冬甩 就俾佢吸引咗停低腳步 望完餐牌就決定同友人入去試吓😮餐廳除咗可以食門口嘅冬甩之外 最吸引到我嘅就係沖繩二段定食 有烏冬或者炊飯選擇 定食仲有主菜飲品同甜品😆牛油蜜糖芥末黑椒炸雞炸雞數量幾多 可惜炸雞都炸得太乾身 冇乜肉汁🥺 洋蔥就比較好食 甜得嚟又有黑椒味壽喜燒魚柳呢個好普通 魚柳就係一般嘅雪藏魚柳味 壽喜燒嘅味就就唔係好食得出 椰菜亦比較硬身 整體味道比較淡🐟番茄芝士炊飯呢個好有驚喜🥰 每粒飯粒都俾番茄汁包住 雖然番茄同芝士味都比較淡 俾係炊飯質感唔會太腍 又唔會太硬🍅飲品 冷&熱黑糖菊花茶冷嘅菊花茶就比較甜 熱嘅可以自己落黑糖 所以可以按自己口味調校適合嘅甜度🤣沖繩海鹽焦糖冬甩雪糕食完咁豐富嘅一餐 當然要食埋呢間餐廳嘅招牌食物🍩 冬甩口感煙韌 配埋雪糕食就好夾啦🍦整餐最出色嘅就係炊飯同冬甩雪糕 真係喺第二度比較難搵🙊