影片
更多
2023-02-16
4697 瀏覽
新年過後相約大學同學食晚飯，佢作為一名港漂，比起我呢啲陀地更識捐窿捐罅搵食。同時，佢哋對中菜好講究🇨🇳，知道邊啲先係接近正宗口味。呢晚我就跟佢去咗位於上環嘅「江蘇銘悅」，呢度環境似會所餐廳，設有包箱房間。餐廳所提供嘅菜式選擇繁多，有齊各種經典菜餚🥢，點心類以至山珍海味小菜等一應俱全，當中並加入新派元素。恰巧我哋都唔肚餓，所以主要嗌輕食，可以一次過試多幾味。江南麻辣口水雞($108)，🐔口水雞係冷盤，屬例牌份量。雞件都算厚肉、兼肉質滑；充份浸泡於醬汁之中。口水醬偏辣，如果麻味重啲更佳🌶。招牌灌湯小籠包($88/4件)，食上海菜一定唔少得小籠包🥟。小籠包皮薄均勻，入面裝住湯汁同鮮肉，熱辣辣食有爆漿嘅效果💦。無錫雙魚兒($118)，🐟雙魚係指白飯魚拼黃鱔，兩款魚炸起上嚟都幾巨型，望落好似炸到有啲硬🤔。不過非也，而且用咗糖醋炒乾，食落香脆。金盞牛柳粒鍋巴卷($78)，脆鍋巴整成甜筒嘅形狀🍦，入面塞滿牛柳粒同三色椒等🥩，味道唔錯，但略嫌兩者剁得比較碎，欠缺口感。孜然香辣花菜($198)，椰菜花用煲仔上🥦，保到暖之餘，亦保留到鑊氣。菜花孜然味突出、微微辣，再加埋煙肉粒，鹹香味濃🥓，但唔重口味。香蕉
新年過後相約大學同學食晚飯，佢作為一名港漂，比起我呢啲陀地更識捐窿捐罅搵食。同時，佢哋對中菜好講究🇨🇳，知道邊啲先係接近正宗口味。呢晚我就跟佢去咗位於上環嘅「江蘇銘悅」，呢度環境似會所餐廳，設有包箱房間。
餐廳所提供嘅菜式選擇繁多，有齊各種經典菜餚🥢，點心類以至山珍海味小菜等一應俱全，當中並加入新派元素。恰巧我哋都唔肚餓，所以主要嗌輕食，可以一次過試多幾味。
江南麻辣口水雞($108)，🐔口水雞係冷盤，屬例牌份量。雞件都算厚肉、兼肉質滑；充份浸泡於醬汁之中。口水醬偏辣，如果麻味重啲更佳🌶。
招牌灌湯小籠包($88/4件)，食上海菜一定唔少得小籠包🥟。小籠包皮薄均勻，入面裝住湯汁同鮮肉，熱辣辣食有爆漿嘅效果💦。
無錫雙魚兒($118)，🐟雙魚係指白飯魚拼黃鱔，兩款魚炸起上嚟都幾巨型，望落好似炸到有啲硬🤔。不過非也，而且用咗糖醋炒乾，食落香脆。
金盞牛柳粒鍋巴卷($78)，脆鍋巴整成甜筒嘅形狀🍦，入面塞滿牛柳粒同三色椒等🥩，味道唔錯，但略嫌兩者剁得比較碎，欠缺口感。
孜然香辣花菜($198)，椰菜花用煲仔上🥦，保到暖之餘，亦保留到鑊氣。菜花孜然味突出、微微辣，再加埋煙肉粒，鹹香味濃🥓，但唔重口味。
香蕉高力豆沙($78)，高力豆沙脹卜卜，外層佈滿糖霜。佢無預期中咁鬆化，而且中間夾住香蕉🍌同豆沙，食落幾飽肚，似點心多過甜品。
總括嚟講，餐廳將現代風味融入江蘇菜，每樣菜式各具特色，味道亦不俗。不過餐廳定價偏高，有機會可以預訂套餐，感覺好似幾豐富，亦抵食啲🙂。
張貼
