江浙滬 (京華大樓)

營業中

休息中

本人點了以下餸菜，食評如下。花雕醉香雞， 雞肉不夠酒味，肉質嫩。鮮菌炒鱔糊， 味道不錯，不過鱔肉感覺少一點。紅油抄手， 皮薄肉嫩，味道錯。豆沙鍋餅， 餡料平均，外脆內軟。

沒預料今天會到去cby食飯，媽媽急CALL話去咗CBY吾煮飯，最終在cby開餐，原本想去一期的泉章居，但去到冇咗水牌，可能執咗，所以改去第二度，之前聽姪女講渣甸坊有間上海嘢吾錯，所以去試吓……當時七點半，不用等位，睇完餐紙都係TICK D我慣常食嘅嘢……*上海粗炒(76元)~9樣嘢中比較好食*上海燻魚(68元)~我媽話想試，但上枱時賣相跟餐紙圖完全不一樣，中伏……硬、咬吾開，黑黝黝一舊，冇汁吾知燻咗幾耐日子 *上海醬鴨(66元)~又係我媽話要試，佢哋話吾太好食，乾爭爭，因為我冇食，所以吾知咩味，但目測冇汁好似乳豬件咁樣*紅油抄手(46元6粒)~夠大粒，皮吾算薄，味道冇特別*乾煸四季豆 (68元)~呢個餸應該吾難整，本來好好味，但我覺得D油有點"膉"味，影響個味道*水晶肴肉(58元)~一般*招牌鮮肉小籠飽(4粒46元)~皮吾算薄，餡料都多，味道一般*花雕醉香雞 (72元)~酒味夠，但雞肉"鞋"吾夠滑，肉也吾多*豆沙窩餅 (38元8件仔)~ 吾會太甜，皮吾夠脆，賣相扁扁薄薄的，跟餐紙圖脹卜卜有出入呢度服務幾好、殷勤效率高，今次點嘅食物，除咗燻魚同鴨未食過外，都同我以往在第2間食嘅吾同，冇咁

永遠都蒸緊的小龍包1點機落order2點13分先出到，問待應都話要蒸10至15分鐘，成個中啦！不過大家可以試吓佢個桂花白糖榚無桂花味，但鬆軟。掌櫃有性格，可以encore

江南美食一般在商場或商廈樓上舖肆較多， 難得在銅鑼灣區鬧市有街店，這天經過江浙滬，就去吃個午飯。 在門外展示的大餐牌，圖文並茂，包括涼菜、小菜、點心、 飯/麵/年糕、甜品，多達百款，而且價錢相宜。金陵鹽水鴨 $66 ~我吃上海菜常點醉雞作第一道菜，喜歡口感清涼有酒香又醒胃，今次卻選了鹽水鴨。 鴨肉圓滿地置於放在大碟中央 ，肉質堅挺卻不失嫩滑，鹽水帶出鹹鮮的鴨香，很有風味。鮮肉小籠包(4隻) $46~吃上海菜小籠包幾乎必選。這小籠包的皮不算薄，但勝在夾起不易散。饀料肉質頗滑溜，湯汁味鮮。乾煎黃魚(2條) $98 ~個人偏好少醬汁的食物，這乾煎黃魚正合口味。 魚身鋪滿金蒜 ，外皮金黃香脆，肉質卻保持白滑濕潤!地方不算很大但座位不少，而且有卡座， 方便二人午飯聊天。

今日行經渣甸街見到江浙滬，突然好想食上海菜，因為已經有一段時間無食過，確實有點懷念。其實江浙菜是由上海，寧波，杭州，紹興和揚州菜組成，正所謂集江南美食之大成。菜牌選擇相當豐富，價錢亦頗相宜，有涼菜，小菜，湯類，飯麵，年糕，點心和甜點等，好吸引，真係樣樣都想試。花雕醉香雞$72~一上桌已聞到陣陣的花雕酒香味，浸過花雕酒的雞肉肉質仍然嫩滑鮮味，還有醇厚的酒香，夏天吃尤為清爽涼快。雪菜肉絲炒年糕$62~年糕的口感柔韌黏糯，配上肉絲荀絲和雪菜，口感豐富有層次，非常好味，值得一讚的是雪菜的味道不會偏咸，配合得啱啱好。鮮蝦小雲吞$48~ 小籠包平時常常吃，所以今次特別揀了鮮蝦小雲吞，小雲吞細細隻，皮薄薄滑滑的，蝦肉新鮮彈牙，配上蛋花紫菜芫荽湯底，一口一隻很滋味。

銅鑼灣渣甸街是一條食街，當中有兩間上海菜，一間是上海餈飯老店，另外一間是開業兩、三年 「江浙滬」，這間店勝在性價比不俗，一個人平平哋食餐，對自己好一點，坐得舒服啲。今晚提早收工，順便吃個 early dinner，時間尚早，大把位可以隨便坐。原來可以靜靜地食過dinner 都唔錯，原來現在已經可以用枱面上的QR code 自己點菜，超方便。天氣太熱胃口都吾太好，就㨂兩款輕食和飲品。 小籠包$48 不是皮薄通透那種，是舊式上海師父的手藝，夾起來也不易穿，隱約看見湯汁在包內，吃前加點薑絲和醋，令香味更提升。急不及急將它輕輕咬開，湯汁也不少，肉鮮美味，咀唇上還留下微微的膠質。花雕醉雞 $72習慣先喝少許花雕，勁度足。鷄件切成細細件，方便入口，亦無碎骨。鷄肉嫩滑度一般，花雕雖濃，但不入味 ，有點可惜。檸檬凍薏米水$18冷冰冰涼涼，小甜微酸， 消暑一流。  

真係唔多上海嘢係黃店，所以我近排都食少咗好多，而家搵到呢間會係遊行嘅時候派水，可以多啲黎幫襯呀!擔擔麵 📍$46有驚喜喎 😍 個麻醬湯底好香，啲肉碎都好惹味，唔好俾啲湯遮蓋咗肉碎嘅味道鮮肉小籠包 (4隻) 📍$46皮薄餡足! 但又keep 得住唔會一夾就爛，咬開少少再倒啲醋入去，同啲湯撈埋一齊，好夾呀～雞絲粉皮📍$48超多麻醬 😋 連埋啲切得勁幼嘅青瓜絲，爽口得黎又好哂麻醬味上海粗炒 📍$76平時食上海粗炒最驚就係炒得太油，不過呢到炒得夠乾身，肉絲份量好多，亦都炒得好淋好入味

上海嘅食物的確令人懷緬，今日同朋友食蔥油拌麵，其實都係第一次食。估唔到單單係油蔥就已經好惹味。雖然唔算大碗，但兩個女仔食還好。唔少得緊係叫生煎包！好食嘅生煎包個底一定要煎得好！而且凍咗食都仲係脆口。另外再要埋6粒菜肉雲吞，菜肉份量唔小😍足料呀。另外，小米糕都係出名，大家一定要試一下，唔會好甜，健康又養生😋推介大家都要試下傳統糕點，如果平日覺得馬拉糕好甜就可以試下。💕💕💕💕💕

係出面睇相同餐牌已經好吸引!平時都好喜愛食上海野，都會試唔同既餐廳既小籠包和擔擔麵。今次呢間店真係令我有一種回味既感覺，因為佢哋既擔擔麵係真材實料的。出面既湯底都比較浠，但呢碗係真心啖啖花生香，雖然叫做一碗無餸麵但真係食過翻尋味的。小籠包多汁，肉餡唔會太細粒同蒸到好老。每一粒都爆汁啲，啖啖鮮甜的肉汁，建議大家一定要趁熱食。最後醉雞不得不讚，酒香雞滑，雖然份量唔算多，但勝在質素高!能比美好多大餐廳，所以CP價都好高👍🏻

今日一班人行街街輕鬆一下，喺銅鑼灣搵食原本淨係諗到日韓餐，不過有朋友仔大叫一聲話想食上海嘢，於是搵到嚟呢間江浙滬！門口都feel到幾多大陸人食，應該係正宗口味先吸引到佢哋嘅。上海嘢，前菜點少得雞絲粉皮！麻醬幾香幾甜，粉皮亦好爽口，幾滿意嘅。而侍應哥哥就介紹咗個特色粢飯，平時食嘅都係肉鬆咸味，但呢度嘅粢飯係甜甜哋嘅！估計係糖絲花生粒粒嘅甜味嚟，清清哋配糯米、油炸鬼又幾得意！主菜酸菜魚係有驚喜嘅，辣味好醒胃魚肉又爽口，而且有水晶粉皮攝喺入面，一次過飽肚感同味覺都滿足晒！至於小籠包就夠晒熱辣辣，鍾意一口食晒嘅人真係要攤一陣先，唔係口都熟！入面個湯係好清甜嘅，好味！最後嚟一個上海菜絕不能少嘅豆沙窩餅作結，滿足！

Wincy Jiangnan Style❤️ Jiangnan Cuisine🥢..江南美食。。又會讓你想起什麼❓其實即是上海菜，正宗經典又滿有老上海情懷既菜式：小籠包、炒年糕、酒釀丸子、醉雞、松子魚、宮保雞丁...這些名菜 無人不知曉吧。通通讓人垂涎欲滴，懷緬江南既情懷。.繼續留守香港，繼續尋找各國美食，繼續用味覺去旅行。繼續用味蕾 來個味覺之旅吧。呢站係江浙滬，江南菜。.進入餐廳，已經有種古色古香，古典氣息。食物水準到位，價錢亦親民。茶🍵 是玄米茶？有種獨特香，挺好喝的。.ll $46Steamed Pork Dumplings (4pcs)招牌之一，亦是上海菜代表之一。熱辣辣小籠包，粒粒可愛。皮薄 汁多 肉滿，味道亦算不錯。.ll $78Fried Rice Cake with XO Sauce愛吃煙煙韌韌既年糕，上海炒年糕🖤 都不能少吧。用上XO 醬同炒，濃郁味道更惹味；年糕柔韌有咬勁好Q，而且份量十足。用上肉絲`菜絲`冬菇絲，味道更豐富。.ll $72Steamed Chicken with Chill Sauce在醉雞🐣 與口水雞🐥 之間的抉擇，最後揀左口水雞🐥。辣油算香🌶，

中菜裏面上海菜都算一個幾受歡迎嘅菜係，味道大眾化，容易入口，所以好多香港人都好鍾意食Fatbrown 當然都唔例外，不過上海野價錢都唔平㗎，閑閑哋一餐都要食飯兩舊水朋友仔介紹左間平民上海菜館，晏就食百零蚊就落到樓，抵食wor<嫩雞偎面$52>上海菜必食雞偎面，上海菜味道偏濃，Fatbrown 通常主食會叫返個雞偎面清淡D份量夠大，雞肉夠嫩，湯式夠清<四喜烤麩$52>朋友鐘意食烤麩，豆筋濕濕甜甜QQ的，味道都幾得意<鮮肉小籠包$46>小籠包熱辣辣咬落去有肉汁流出嚟，有水準<上海特色栥飯$36>栥飯分兩條上，平時食嘅粢飯唔同糯米硬身啲，裏面得肉鬆同埋油炸鬼，多番啲酸菜會正啲

小菜加包點@江浙滬銅鑼灣渣甸坊37-39號京華中心地舖 G/F, Capitol Centre, 37-39 Jardine's Bazaar, Causeway Bay 上海菜中麵食同包點都係我好愛食, 因上海菜比較濃味, 中年人味覺退化, 要較濃味先食得滋味開胃。今日LUNCH 就去左江浙滬, 呢間都算多人識架, 多野食之餘又唔貴。全日都是同一個MENU 不分時段, 有菜芥同10%加一服務費。餛飩雞湯 (位)$56 呢排胃口真的不好, 喝點湯湯水水,餛飩皮薄透明, 看得到中間的肉餡哦! 湯夠味略鹹, 可補充夏天流汗失的的電解質, 飲完人都精神返。仲有幾塊雞能吃上肉。魚湯蒜子白菜仔 $56 減油午餐才沒有負擔, 魚湯白菜仔, 家常菜, 也是女仔夏天瘦身時, 外出用餐的好選擇, 蔬菜吃得飽又低卡包類小點心, 在上海菜中是必食, 蒸包煎包小籠包等數大元一份。$46 招牌鮮肉小籠包 (4隻), 有醋更開胃, 而肉汁爆出在口中, 半肥瘦的豬肉餡。

每次去銅鑼灣，幾乎都會經過這間江南菜館，地點非常就腳，就在渣哥附近。今次只有我跟爸爸兩個撐檯腳，他又特別喜歡小籠包，就一於試試這間小店。——————————🔹上海醬鴨 $66第一次吃這款菜，細細碟，份量不多。表面煮成亮啡色，醬香味濃，重八角香，肉質乾爽帶硬，質感似肉乾，鹹鹹香香，非常下飯。-🔸招牌鮮肉小籠包 $46小籠包即叫即蒸，新鮮上桌熱辣辣！肉餡量多，一咬爆汁，要小心燙口呀～-🔹XO醬炒年糕 $78年糕炒得夠鑊氣，上桌後已聞到極香！年糕與配料冬菇、椰菜、蛋絲等，加入XO醬及老抽拌炒至乾身，鮮美帶焦香，質素不錯！

隔咗一段時間無出街食飯，一於出遠少少嚟CWB食飯餐好㗎啦！行過見到一籠籠嘅小籠包真係睇見都流晒口水，同男朋友諗都無諗就決定食啦！#鮮肉小籠包 $46首推一定係小籠包！一打開啲蒸氣湧出嚟，皮嘅厚薄啱啱好，容易一夾就起，咬落肉汁流出嚟，絕對係享受！#花雕醉雞 $72陣陣酒香撲鼻，花雕味濃！雞肉又嫩又滑，做飯前小菜Fit晒！#上海燻魚 $68第一次食上海燻魚，味道好特別！係炸咗嘅魚塊浸入滷汁入味，魚肉一絲絲好有咬口。#蔥油拌麵 $42嗌咗幾款小菜，梗係要有埋主食！油香味十足嘅蔥油拌麵就係我哋嘅選擇！#檸檬薏米水 $18清清哋再嗌咗杯檸檬薏米水，唔甜啱啱好，飲落仲可以食到粒粒薏米！