江南 ‧ 翡翠

營業中

休息中

今日約左班舊同事食飯，一共5個人，個個都偏食孩子，所以揀左呢間一定無錯既經典餐廳 - 江南，之前食過幾次，當時仲係叫翡翠拉麵小籠包，宜家裝修完感覺成間鋪頭upgrade左咁，menu都同舊鋪都靚左好多，多左好多款式，整體黎講都好食既，希望繼續keep到水準啦！今日係假日，所以我地都一早訂定枱，好彩有訂枱，我地7點去到見到好多人排隊。咁岩仲有蟹粉menu，即刻每人一盅蟹粉湯包，超juicy超好味！蟹黃愛好者必點！另一個我地一圍人都勁推薦既菜係：蝦頭油蝦仁帶子炒飯，勁級香口，我地直頭食完一碟再叫多一碟，個個表示唔夠喉！下次一定會再黎！

突然間好想食小籠包，諗起小籠包，就淨係諗到翡翠拉麵小籠包有得食今次入到去因為改咗名，變咗江南·翡翠！小籠包就精緻咗，變咗特色小籠包有三隻味：黑松露帶子、蝦頭油鮮蝦、冬陰功，有新野我梗係要試下！肉香濃郁，皮薄餡多，一放入口，啲濃郁既湯就流晒出嚟，令我胃口大開。之後仲嗌咗好多嘢，其中有招牌蟹肉大湯包，一上枱見到真係超級大！包裡面仲有滿滿既蟹肉餡料如果中意食蟹肉嘅愛好者，就可以去試吓！回味無窮，值得一試！

去開海港城行街，突然之間好想食小籠包，所以就入咗你間江南翡翠，之前食過一次覺得好好，但今次感覺差好多，食物同服務質素都非常一般，二人買單食咗$672，以呢個價錢嚟講係海港城可以有更多更好嘅選擇。松子魚超級唔抵食， $288一份，魚塊大概只有八件，味道還好接受，只是比較酸一點。擔擔麵$88，完全沒有肉碎，可能煲到溶咗掛，只有少量葱粒，湯底很辣，有別於以往食開嘅擔擔麵。口水雞$108，味道不錯，但雞肉不算非常嫩滑，前菜嚟講價錢偏貴，比一碗麵或者炒飯更貴。小籠包$68，味道正常，沒有太多湯汁。

前排同朋友經過，見到餐廳新裝修完轉左名，所以入黎試一試，叫左個蝦頭油炒飯，一上菜就聞到個味道好香，個飯炒得非常亁身，而且配料十分豐富，個炒飯3個人食都好夠。另外椒鹽豆腐炸得好酥脆，豆腐本身好柔軟，一咬已經極為脆口同好滑，椒鹽的味道也非常香濃。最後，我們叫左酸菜魚，魚肉鮮嫩彈牙，湯底濃郁有好香既魚味，配以酸菜的酸味和辣椒的辣度，刺激又開胃。裝修後既款式多左，雖然價錢上有d款式都貴左小小，但3個人叫左3樣野，除返一人都係200零左右，以環境同服務加埋食物質素，真係可以值得一試

同朋友約左收工喺尖沙咀食飯,諗住簡簡單單食個中菜就算, 點知意外發現間精緻中菜!!收工趕到過去都得等一陣先入得,被安排坐左喺望到海嘅位置,有點兒開心, 等一陣係值得嘅打開Menu發覺菜式好多款, 3個女仔又食唔到太多野真係有啲難落決定~ 幾經辛苦唯有決定叫啲賣相吸引嘅菜⭐蜜汁金華火腿烤雙方極意外! 甜+咸味混搭嘅組合再加青瓜,脆脆炸腐皮,軟軟嘅夾餅皮! 呢道菜作為前菜真係加分! 好好味吖~⭐三角海鮮餃外表極精緻,呢塊皮嘅顏色同外表我地十分欣賞! ⭐蟹肉大湯包鮮味大爆發!! 比想像中更多湯汁,仲有一絲絲蟹肉,好好食!! 除左個頂有啲厚硬之外, 一切都很完美~⭐金沙奶皇流心角岩岩好一人一粒甜品,新鮮炸起外脆內軟,流心奶香濃郁順口, 用佢作為結尾真係好滿足~結論係好滿意嘅一間特式中菜!!!

中午同朋友喺呢間餐廳食嘢覺得味道都唔錯，位置係可以睇到尖沙咀海景，我哋嗌咗小籠包，酸辣麵，豬扒麵，牛腩麵，其實味道一路都保持得唔錯，通常都係返工人嘅首選。我朋友話佢哋嘅面好彈牙，酸辣湯味道好正宗，炸豬扒非常鬆脆我最鍾意食嘅係小籠包。係一次開心嘅用餐體驗。

好久無去翡翠拉麵食午餐，今天趁星期日去海港城行街順便去食，發現已經改咗名叫”江南翡翠”，價錢亦調高咗好多，茶錢都已經$15/人！另外，發現冇咗至愛的炸醬拉麵，我們只好點了酸辣拉麵、排骨拉麵、旦旦麵等，拉麵賣相欠奉、湯的味道偏淡、不入味、完全與上海食物該有的濃味不相符⋯⋯唯一值得一贊排骨拉麵的排骨夠鬆脆，其他小籠包、紅油抄手味道不過不失，整體而言食物水準一般、味道偏淡、餐牌價錢調高不少，服務質素正常，以禮拜日午市黎講生意麻麻！

而家出去食飯真係好貴，我哋只係叫咗好普通嘅野，四個人食咗8百幾蚊，味道一般般，唔算特別好食嘅江南菜小籠包皮算薄，只係最頂嘅接口位有啲太厚，都算有湯汁，我始終覺得鼎泰豐嘅小籠包係最好食嘅蝦頭油蝦粒炒飯,炒得唔錯，飯粒分明而且蝦頭油好香，但係如果唔鍾意油嘅朋友就避免喇，因為蝦頭油落得好足蔥油拌麵就非常失望，因為一啲都唔香，而且食落去完全冇味，就好似一碗白烚麵咁最唔好食就係素鵝，個樣望落去好似膠嘅咁樣，食落去個質地都好似膠嘅一樣,好難咬，而且明顯係喺雪櫃入面攞出嚟嘅素餃我冇食到,不過聽朋友講話太甜,味有少少奇怪

成日行過海港城都見到呢間係翡翠拉麵小籠包大排長龍，今日經過新裝修同見到仲以為轉左手，入到去同啲員工講起先知原來係同一個集團，只係重新裝修同改左名，見裝修咁靚就入左去試試入到去見到有望海既枱，可惜今日無坐到，下次一定要再黎！新裝修當然好乾淨，而且座位都闊落，坐得舒服既，最欣賞係有4人座既圓枱，岩晒我地呢啲小家庭！菜單比起之前就多左好多款式，好多選擇，好多都好吸引不過我地得4個人試唔到咁多，建議多啲人一齊黎食先可以試多幾樣松子魚、醉雞、小籠包、涼拌海蜇呢啲經典款都keep到水準，最驚喜係羊肉春卷第一次食入面係羊肉既春卷，羊味好濃夠晒「so」。同埋個蝦頭油蝦仁帶子炒飯超超超超好食，好香口又唔會油膩，唔係好識形容，極度推薦呢個炒飯!!!!

前排行海港城，屋企人係都要食中餐，咁行行下見到呢間咪入去試下囉，點知又幾有驚喜喎個花膠湯一黎到就聞到好香，味道夠哂濃，入面又多料，一碗飲唔夠忍唔住要叫多一碗飲之後叫咗個超巨型嘅小籠包一開始仲諗住比原本個d size大小小喇，點知大到成隻碗咁見到都懷疑左人生。。。一督穿就成碗蟹粉湯汁，正到爆麻婆豆腐都好好食，豆腐又嫩又滑，撈埋個炒飯食一流甜品就叫咗個酒釀丸子，味道不過不失啦，唔算太特別。其實屋企人就點咗好多嘢食嘅，但個人就比較鍾意呢幾樣，對比返海港城其他食肆，呢度都唔算貴，下次可以再嚟食

係今日元旦1月1號，我早上11:28落單，嗰陣時人客又唔係太多，得幾台。但碟上海粗炒要12:00先到。唔知點解一碟上海粗炒要炒咁耐嘅呢？ 係咪要等到有其他客人先一齊炒？ 咩價錢要人等咁耐，有啲過分囉。

聖誕午餐到海港城吃上海菜，之前一日先網上訂位，竟然咁好彩有窗口位坐。又話者現在飲食業比較艱難。四個人食咗上海名菜小籠包，賽螃蟹，松子魚，擔擔麵等等。用手機scan QR code落單，餸菜都算好快已經上。食物味道中規中矩，沒有驚喜，但也令人滿意。留意到拉麵是現場手拉的，而且拉麵的師傅年輕有型高大。樓面人數目測最少八至十人，問題出在有兩位害群之馬。明明行過扮見唔到。已經用手機落單，兼且樓面不負責餸菜，人手友充足，本來應該有時間招呼客人。可惜，要勞煩他們加滾水，她給你的反應是，我好像為他帶來不便。團隊大部分同事，其實都很有禮貌，唯兩位厭惡招呼客人的阿姐，大大拉低這次服務體驗。可惜。

發現翡翠拉麵小籠包舊址換咗佢哋集團旗下新品牌叫做江南. 翡翠。要入去幫襯吓。 入到去當然要食佢哋嘅招牌小籠包。依間除咗有傳統小籠包 仲有創意有三色(三種唔同味道) 牌創意小籠包。無論傳統或者三色都一樣keep到好味道。嚟到翡翠當然要食佢哋嘅招牌擔擔麵。一樣keep 到住好食嘅水準。最後忍唔住嗌咗佢個甜品: 高力豆沙。咁就係一個完美嘅午餐。

今日行過商場發現新開咗一間上海菜問職員先發現原來係舊嘅翡翠拉麵小籠包升級睇個餐牌之後 就發現有好多新嘅菜式但係價錢都唔係貴好多所以同朋友傾一陣就決定入去食啦入到去新嘅裝修果然唔同寬敞光猛坐得舒適 睇得出座位同餐具有心思等咗一陣終於嗌咗嘅嘢食到咗啦首先嚟到嘅係三色小籠包係幾特別嘅紅色原來係冬陰功味食落都覺得有啲辣黃色就係叫蝦頭油 食落去好大浸蝦味紫色就我覺得最特別嘅黑松露帶子食落去啱啱好好之後呢就係茶葉河蝦仁好多粒好大份食落去啱啱好一啲腥味都冇覺得係一個好清新嘅選擇之後繼續食海鮮嗌咗個松子魚正正常常冇乜特別不過拎嚟送飯一流 酸酸甜甜過吓口癮之後食得7788就食平時最鍾意食嘅甜品呢度原來有薑茶湯圓同埋有鴛鴦高力豆沙睇顏色我仲以為係小籠包嗰三隻味但係原來唔係都係芝麻餡薑茶都夠味嘅我都覺得OK 之後個鴛鴦高力裏面原來係流沙奶黃餡食落去都夠熱 但係我個人鍾意紅豆嗰啲所以就覺得還好整體而言都覺得唔錯啦海港城裏便算係最適合價位嘅餐廳如果海景嗰啲窗大啲就好啦反正對面成個海

上個月諗住食翡翠拉麵小籠包，但見佢左圍版裝修，出面寫住《江南•翡翠》。。。。。。今日咁啱行過見佢開左，就入去try try~好多菜式都唔同左，價位都高左D~蝦餃，賣相好靚，個金邊高貴左好多最驚喜係依個西湖牛肉羹！有牛味，濃淡適中龍井河蝦仁比之前普通蝦仁係好食啲，一分錢一分貨~ 對自己好啲。擔擔麵次次都必點，保持水準唔記得叫咩名，叫到係奶皇就叫左~咸蛋黃味好出。overall 係好食ge~ 咁就當然貴過以前D la~ 但質素又真係有提～而且仲有海景睇~ 同fd gathering 之選