江南 ‧ 翡翠

首先想讚呢度啲職員，由帶位、落單、上菜到賣單每一個職員都好有禮貌桂花黑醋小排骨 $85呢個小排骨，個樣已經好骨子。黑醋汁掛得啱啱好，唔會太杰撻撻。一入口，嘩！酸甜度perfect balance！啲肉又夠腍，輕輕一啜就骨肉分離，送飯一流！👍麻婆安格斯牛肉豆腐 $138四川麻婆豆腐 x 西餐安格斯牛，估你唔到咁夾！🔥 佢個麻辣味唔係死辣嗰隻，係好有層次嘅香麻，食到你個嘴唇有啲跳跳下嘅感覺。啲安格斯牛柳粒又嫩又juicy，撈埋滑嘟嘟嘅豆腐,撈飯一流呀！油淋子雞 $168/半份食中菜點可以無雞！呢個油淋雞一上枱，塊皮金黃到反光✨夾起一舊，個皮真係「卜卜脆」！啲雞肉仲keep到好滑嫩，完全唔柴皮黃金蟹粉撈飯 $128全晚嘅重點🤩 睇住嗰碗金黃色、油潤潤嘅蟹粉，我個心已經開始溶化。成兜淋落啲飯度，撈勻佢！每一粒飯都俾濃郁嘅蟹膏蟹黃包住，嗰股霸道嘅鮮味喺口腔大爆炸！💥凍豆腐 $30食咁多重口味嘢，梗係要啲清泉。😌凍檸檬薏米水 $30呢杯嘢直頭係解膩神器！檸檬嘅清新加埋薏米水嘅微甜，清熱又解渴。「江南翡翠」真係俾到驚喜我！佢將傳統江南菜玩出新花樣，味道有水準之餘，賣相都好精緻。價錢唔算離地，幾個人share食，人均三百左右就捧住個肚走，CP值算唔錯。無論係同屋企人食飯，定係同朋友聚餐，呢度都係一個唔會失手嘅選擇！👌📍江南 ‧ 翡翠 (尖沙咀)🔎尖沙咀廣東道3-27號海港城港威商場3樓3328號舖…查看更多

喺尖沙咀想食精緻啲嘅江浙菜，「江南 ‧ 翡翠」絕對係個好選擇！今次重點試咗兩道招牌菜，真係食到舔舔脷，非常值得推介！首先必食嘅，絕對係 「油爆蝦」 。上枱已經聞到陣陣焦香，啲蝦 size 適中，爆得均勻。最正係個殼，炸到 脆卜卜，完全可以連殼食，慳功夫之餘，口感一流！咬落「索索」聲，好過癮。蝦肉依然保持到爽彈鮮甜，個醬汁係靈魂所在，鹹甜度調得剛剛好，濃郁得嚟唔會死鹹，掛滿喺每隻蝦上面，真係 惹味到停唔到口，送酒送飯都係絕配！另一道驚喜之作係 「油淋子雞」 。佢同一般白切雞好唔同，雞皮經過熱油淋過，變到 超級脆身，好似一層薄薄嘅玻璃紙咁，但下面嘅雞肉卻異常嫩滑，一啲都唔「鞋」。師傅對油溫嘅控制簡直一絕！食嘅時候點少少旁邊嘅蔥油醬，蔥嘅清香同雞油嘅豐腴結合，將成道菜嘅鮮味提升到另一個層次，雞味非常突出。呢兩道菜充分展現咗江浙菜講究火候同醬汁功力嘅精髓。如果你嚟「江南 ‧ 翡翠」唔知點咩，由呢碟 「油爆蝦」 同 「油淋子雞」 開始就一定冇錯～…查看更多

今次去尖沙咀「江南 ‧ 翡翠」，試咗兩道真心值得推介嘅招牌菜第一道必食係 「脆脆水母花」（海蜇頭）！呢個前菜真係有驚喜！同普通海蜇皮完全唔同級數，海蜇頭嘅口感超級爽脆，食落「索索聲」，真係無改錯名！佢哋嘅調味恰到好處，麻油香好出，帶住少少醋酸同蒜香，非常之開胃，又唔會太鹹。每一啖都係「卜卜脆」，個口感層次豐富到呢，係我食過數一數二好味嘅涼拌海蜇，絕對係送酒或者醒胃首選！另一道主菜 「油淋子雞」 都係功夫之作！成碟雞上枱已經聞到好香。佢嘅做法係將浸熟嘅嫩雞，最後用滾油淋喺面頭，令到雞皮產生極致變化。雞皮食落係薄脆香口，有少少似炸子雞個種脆，但入面嘅雞肉卻能保持到極度嫩滑，一啲都唔「鞋」，肉汁鎖得好好。個種外皮脆香同內裡鮮嫩嘅對比，真係食到停唔到口。點埋旁邊嘅蔥油醬，鹹香惹味，更加帶出雞嘅鮮味。呢一冷一熱、一脆一嫩嘅組合，完全體現到江浙菜嘅功架同風味。如果你嚟「江南 ‧ 翡翠」唔知點揀，呢兩道菜絕對係信心保證，唔會令你失望！…查看更多

先做食評: 三色小籠包，皮比較厚。 竹笙菜心，大碟，不鹹，適合我們健康口味。半隻蔥油雞，夠幼嫩。一切都不錯，直至埋單。畀完錢之後， 塞咗一疊優惠券畀我。我行去停車場時，睇清楚張單，發現多了一行11蚊的優惠券，走返去問，佢就話，係呀，呢張係11蚊嘅優惠券，我即刻同你用咗10蚊係呢張單度啦，你仲有好多優惠券可以慢慢用，咁我就話，咁你唔使問我就加落去㗎喇 ，佢就話，我即刻同你扣咗十蚊，都係一蚊啫。。。我再睇清楚，就見到枱頭有張紙，寫住佢哋賣緊優惠券用，11蚊可以買200蚊嘅優惠券。成件事從我角度，就係你做乜唔問我就加一疊要比錢嘅優惠券落我張單度，我一定會返嚟再用咩 ？佢就話， 都係(收多你)一蚊啫。。。…查看更多

難得放假，去尖沙咀harbour city 行街買野 🤭 順便同朋友撐枱腳食個晚餐 💃 想食上海野，所以揀左江南翡翠🌟餐廳整體環境典雅寬敞，服務員有禮周到 🤩 餐廳有套餐，又可以散叫，好多選擇 ，好多元化 👍 ❤️脆脆水母花（海蜇頭） 海蜇頭切得厚薄適中，口感脆彈恰到好處，酸辣調味拿捏得準，入口帶微甜，非常醒胃👍👍值得encore 😋❤️麻婆安格斯牛肉豆腐 係傳統麻婆豆腐變奏版，安格斯牛肉碎，肉味香濃，豆腐滑嫩❗️係好滑好滑👍 辣度偏中等，花椒香不搶戲，辣而不燥，配白飯一流❤️油淋子雞（半隻） 雞肉嫩滑，雞皮好脆，帶點油光卻不膩口，皮脆肉嫩，好好食喎❗️我地兩個人食完一件又一件😋❤️熱檸檬薏米水 淡淡檸香加薏米香氣，正對於依餐飯，我地好滿足💃 每個菜，都係有水準既，好欣賞餐廳，連茶都係有心思，有淡淡桂花味的 😋👍…查看更多

今晚同屋企人去咗尖沙咀食中菜。江南‧翡翠係尖沙咀海港城港威商場3樓一間高級中菜廳。餐廳環境好有格調，現代同古典風混搭，坐得舒服又寬敞，適合同朋友聚會、屋企人食飯。環境好靚、服務貼心，鍾意精緻中菜嘅朋友真是一個好選擇！⭐️桂花黑醋小排骨桂花嘅清香撲鼻，配上濃郁嘅黑醋汁，酸甜調得啱啱好！小排骨每一啖都係骨肉分離嘅滿足感，醬汁超級入味！呢道菜係滬菜經典，甜酸開胃，無論配飯一流！⭐️油淋子雞（半）呢道油淋子雞真是一個字：香！雞皮脆肉嫩，淋上特製嘅熱油同香料，雞皮金黃香脆，雞肉鮮嫩多汁，仲帶點蔥油嘅惹味香氣。咬落去，口感層次分明，唔會太油膩，仲有股清爽嘅滬式風味。適合同朋友share！⭐️紅燒肉百頁結紅燒肉控同百頁結愛好者嘅終極幸福！紅燒肉肥瘦適中，炆得軟腍入味，入口即化，濃郁嘅醬汁甜中帶鹹，掛滿每塊肉，簡直係飯掃光神器！百頁結吸晒紅燒汁嘅精華，Q彈又 juicy，兩者配搭天衣無縫，食完一碗飯仲想再添！呢道菜係江南‧翡翠嘅必點！📍 江南 ‧ 翡翠 (尖沙咀)尖沙咀廣東道3-27號海港城港威商場3樓3328號舖…查看更多

今天和朋友去咗尖沙咀海港城行街吃午飯， 我們在港威商場三樓見到江南.翡翠的上海菜館！ 它在3328號舖，裝潢以簡約中式設計為主調，盡顯優雅貴氣！地方寬敞，景觀開揚有海景；坐得舒適！ 餐牌上有不同款式的經典上海的食物，是升級版的精緻上海菜！🌶️椒麻萵筍切工好精細， 萵筍新鮮，爽口彈牙又有鮮甜味，濃濃的椒麻香味四溢，每口都爽脆帶有椒麻香！🌈三色小籠包 （3粒）三色小籠包的顏色好靚！ 紅色是冬陰公小籠包， 有冬陰公的香辣味！ 黃色是蝦頭油鮮蝦小籠包，蝦油味香濃鮮香；蝦肉爽甜！ 紫色是黑松露帶子小籠包，黑松露的香氣濃郁， 帶子鮮嫩美味！全都做得皮薄爆汁，每一口都有濃郁的鮮味！ 配上酸醋薑絲來吃，味道更提昇！🐮安格斯牛肉芝士春卷（3條）春卷炸得很香脆，餡料的安格斯牛肉鮮嫩多汁有鮮牛肉味！ 芝士味濃和牛肉就最夾，很有特色和超美味！🐷拇指生煎包 （6隻）細細隻的生煎包做得皮薄餡靚， 煎得的包底香脆可口！ 每一隻都很飽滿著肉汁，比例都剛好；不油不膩！ 一口一隻，吃過不停！🥢蔥油乾撈拉麵拉麵煮乾身，爽口彈牙！ 蔥油的香氣才是重點主角，配拉麵係絕配；加上鹹火腿絲碎令味道更鹹香有風味！ 再配以上湯令整體味道更佳！🌹玫瑰茘枝乳酸梳打這杯特飲的顔色和賣相都一流！ 茘枝的清甜味和乳酸的微酸味好夾！ 梳打的氣泡令口感更佳，再加上玫瑰花瓣和冰塊，真的清新怡人！🥤熱芋泥豆漿芋泥軟綿香滑，配上充滿豆味的清甜豆漿， 超好飲的！…查看更多

尖沙咀海港城嘅江南.翡翠，呢間餐廳環境真係幾舒服，空間寬敞唔擠迫，裝潢走高雅路線，用咗好多溫暖嘅木色同柔和燈光，非常啱一家人或者朋友一齊聚餐慢慢傾計。滬式燻魚，煙韌嘅魚片帶有濃郁煙燻香氣，肉質咬落好有彈性，皮脆肉厚，香氣足但唔會過鹹。鳳梨板肉好有特色，酸酸甜甜嘅鳳梨汁與鹹香迷人嘅板肉相互融合，食到啖啖肉，酸甜平衡令成道菜口感好有層次。油淋子雞半隻真係好冧，雞皮炸得香脆帶少少微焦感，雞肉保持Juicy嫩滑，雞肉入味又爽口，爽嫩之餘有微微甘甜味，食得出廚師嘅用心。凍桂圓雪梨茶味道甘甜清新，帶住一點天然桂圓嘅香甜，飲落潤喉又幫助解膩。熱檸檬薏米水，飲落有淡淡清香，舒服唔燥熱，感覺對身體好有益。…查看更多

相比起濃油赤醬的東北菜， 這裏的江南菜清雅別緻， 猶如一個溫婉素裝典雅的千金小姐，讓人留戀不捨。走進尖沙咀廣東道三至27號海港城港威商場 3328號餐廳， 滿幅中國文人雅士風格盡入眼簾， 雕花木欄，精美窗框把窗外美麗的維多利亞海景收入畫中，墻上扇形圓形圖案各展風韻，把客人放在高雅的畫風裡，人在畫裡，畫在人中。😘😘💥💥一杯果香， 兩種味道， 有酒無酒也無妨，酒不醉人人自醉， 百香柳橙綠茶， 黃綠參集 ，橙香茶清。🌹🌹玫瑰荔枝乳酸梳打， 紅白相間 ，乳酸奶白， 玫瑰的濃郁和荔枝的乳酸味令人陶醉，盡在不言中。🥰🥰焦點之作😍😍 安格斯牛肉芝士春捲，脆春卷裡是拉絲牛肉芝士餡，牛肉和芝士是絕配，一點陳醋將春卷帶到秋天，滿滿的正能量。👍👍 💥💥拇指生煎包，精致小巧，比拇指稍大的生煎包，皮薄肉嫩多汁，一口一個，鮮香美味，無與倫比。😋😋💥💥椒鹽黃金豆腐 ，紅蘿蔔絲酥餅 ，酸辣湯拉麵， 每樣都是精工製作， 新鮮出爐 ，令人吃不停口 ，在這樣美好的環境中， 品嘗住精美的江南點心， 每一口都是佳餚美飲，賞心樂事也🎵🎶✌。🤩🤩…查看更多

江南小籠包：有肉汁但皮較厚，非常一般。百步香蔥油餅：外皮酥脆，但皮底嗰層好厚粉，口感麻麻。內餡嘅蔥就ok嘅，有蔥香味。蜜汁金華火腿烤雙方：賣相精緻吸引，但難食炸腐皮淋咗，變韌。火腿唔夠咸香，淋咗桂花蜜更加遮蓋咗火腿香味。青瓜有奇怪腥味！！！未食過咁怪味嘅青瓜！！！好後悔叫咗呢碟！油淋子雞：其實姐係炸子雞再加啲蔥花同豉油。炸子雞味道唔錯，肉都算嫩。但啲蔥花冇menu顯示咁多，同埋啲蔥花冇用熱油淋過？好生。呢道菜唔算太差，可以改善得更好。食物非常一般，反而壺茶幾香，服務都唔錯，人流唔多，坐得又舒服，冇壓逼感，不過呢個價錢，如果食物唔好食，都唔會想再幫襯。…查看更多

同翡翠拉麵小籠包同一集團，環境感覺相似。朋友肚餓，所以先食鍋貼。皮唔算厚，裏面啲餡有肉味唔嚡，仲有少少肉汁，煎脆啲更好。肴肉冇乜特別，味道正常。味道、肉質似鍋貼啲餡，湯汁少，唔鮮甜。同翡翠小籠包冇得比！麵條爽口，牛𦟌入味但唔鹹，湯底清，睇落好多辣油，但都係微辣:)豬肉厚切，酸酸甜甜，唔韌；燒菠蘿切到同一size，夾住一齊食有口感，可能太大塊，食咗一嚿已經夠！有機會再嚟都係為咗食當晚賣晒嘅《蜜汁金華火腿烤雙方》！…查看更多

Really good experience in this restaurant from Harbour City !!! Highly recommend!!!!打開menu, 好多考手功既小菜都唔過百，咁抵，叫到成枱餸都唔肉痛啦。果度冷氣好夠，唔怕食到成秒大汗。上菜都好快👍🏻聽服務員講依款甜品係佢地師傅研發，唔太甜，好食！言談間服務員知道我地有人生日，重叫點心師傅特製左朵花比我個friend, 服務員勁細心，廚房師傅都好有心機，抵讚👍🏻👍🏻👍🏻…查看更多

冇左翡翠小籠包諗住試呢間、反正同一集團、叫左個酸辣湯但黎到居然唔熱、陝西排骨油潑麵、冇味、辣味都冇、入面仲有D麵一疊未散開、好似食面粉咁、排骨係豬肉一舊、唔係我食開既排骨、好失望。…查看更多

係尖沙咀經過好多次都無食過呢間江南翡翠，反而以前食拉麵小籠包嘅年代就食過兩三次，朋友推薦話走高檔路線嘅佢左呢排嘅menu話幾好，食個casual 飯試試時令menu。前菜醬香鴨舌已經覺得勁特別，似乎香港好少用咁強嘅中國白酒醬香做調味，呢個好開胃。下午有不少新點心食，食左香酥蝦雲吞配薄荷醬，個薄荷醬係勁特別，點炸雲吞有種幾特別嘅化學作用，蘿蔔絲酥餅嘅出現都顯示到佢嘅炸功係唔錯，下次可以食多啲點心。鳳梨板肉係朋友推薦，我覺得風馬牛不相及嘅野夾起嚟又做得幾好，而且個板肉食落去個質感好好，應該唔係用求其普通嘅豬肉。W小姐大推的排骨陝西油潑麵，第一次食陝西油潑麵，個種油香同麵嘅Q彈係唔錯，加上佢哋一路做得好好嘅排骨，啱feel，以前最愛就係呢個襯上海麵。酒香鮑魚雞煲係好精彩，如果晚飯同客食呢個絕對唔失禮，特別係嗰隻鮑魚，我哋六個人食好似都一人一隻，雞喺酒香嘅調味底下又係特別好送飯。椒麻酸菜鱸魚同重慶水煮牛肉各有所好，本來兩個只能一個，好彩朋友都話肚餓食得晒，前者嘅酸菜魚嘅酸味同辣度都唔係太強，但係鱸魚非常新鮮，後者辣度夠，最喜歡係佢嘅薯粉。尾聲的蜜汁金華火腿烤雙方要大讚，個樣已經好精緻，食落去口感複雜而且濃郁，火方係勁精彩，蜜汁甜度一流，絕對係必點之作。不是甜品人，但朋友都話金沙奶皇流心角同蔓越莓煎餅幾好食，下次再有機會似乎要試下。…查看更多

漂亮🤩三角海鲜饺开盖就散发出金光💫，软糯的粿皮蕴含着淡淡的紫色和米香，而更弹牙的是里面紧实的小海鲜🦞，在嘴里层层递进萝卜丝酥🥕精致两颗小胡萝卜栩栩如生！标准的胡萝卜色号的酥皮静静地躺在奥利奥碎土壤中，配上咸口的萝卜丝，吃起来很丰富⛅️每道都是精致细节的漂亮菜，色香味都挺好的，窗边还是海景嗫…查看更多