江南美廚酒家

星期日，在元朗搵位飲茶並不容易，有朋友介紹呢間，地點就腳方便，而且都算易搵位的，於事就過來呢間試試吧。酒樓共三層，地下主力做外賣的，聽說燒味價格相宜，下次有機會再試吧。一口氣直上三樓，直覺話我知應該“有位”機會比較大，上到去滿晒喎，不過好彩元朗人情味濃，叔叔話：“我走啦你過來坐吧”！唔該晒講返點心，由於過左早市（11:00），本身都諗住星期日唔會有咩特價點心，叫左如圖片的幾味。比較印象深刻的有“干蒸燒賣”同埋“糯米包”，因為呢兩味點心好多酒樓都已經唔會製作，很懷念兒時味道。至於其他相片中的，只是“正常酒樓”供應的產品，味道也差不多，不是大驚，也不是大喜。…查看更多

蒸海鮮興左好幾年都未試過，之前擇左個好日子，一家人去食餐好嘅。六、七點左右去到，時間尚早無乜人，叫左呢個四人餐，好似好多野好豐富咁。仲有個醬料調味吧，鍾意撈咩醬任揀～傾下傾下就有野食泥喇，先泥涼拌小食同小籠包，小籠包要蒸一蒸，確保係新鮮出爐～又幾多湯汁果喎，鮮味都有少少嘅，塊皮亦唔厚，尚算唔錯。頭先等緊小籠包嘅時候，旁邊已經放滿一層層海鮮同菜蔬肉類，視覺好豐富～喺食小籠包嘅同時，店員又放左啲海蝦去蒸喇。相都影唔切就食晒喇～海蝦鮮甜彈牙，唔洗點醬已經好夠味，食得出係新鮮蝦，肉質仲彈下彈下。不過之後嘅龍躉同大蜆，就爭少少，前者魚腥味較重，唔夠厚肉，肉質又唔算有彈性。後者海水味重，仲有啲過咸。再泥就係北寄貝同元貝，兩個都ok，味道清甜，肉質爽滑又有咬口。隻蟹望落唔算吸引，估唔到入口咁甜，啲蟹肉一梳梳，好彈牙，拍得住啲蝦，好新鮮～食到呢度都開始飽飽地，但仲有蒸雞蒸菜蒸粟米，味道可以，以原味為主。蒸到最後終於都到主角出場喇～ 南瓜排骨粥，吸晒前面咁多食物嘅精華，用海鮮湯泥煲呢個粥，唔洗講都知好味，有海鮮甜味又無乜海水腥味，都真係有驚喜。甜點以高力豆沙做總結，味道一般，唔算好完美。價錢泥講又未算優惠，不過服務同食物尚算好評，感覺令人滿足，一試無防。…查看更多

難得同老婆和媽媽聚會，為了孝敬媽媽，當然要帶媽媽去試一試蒸海鮮，據聞江南美廚的蒸海鮮套餐經濟實惠，在不傷荷包之餘，又可以比媽媽見識下咩係蒸海鮮。我們三個人點了一份四人餐，一向大食嘅我，相信份量應該足夠有突。每當有食物送到，侍應便會協助調較時間和食物分配，服務周到。清蒸後的蟶子，元貝和肉蟹非常鮮味，吃得眾人津津有味。期間侍應還特意保留其中一隻元貝和蟹，並與窩底下的排骨粥混合在一起，每一淡都充滿著元貝和蟹羔旳味道，令整碗粥更加惹味。雖然食物質素OK，奈何份量較少，三個食剛剛好。如果四個男人去食，應該唔夠飽了。…查看更多

不知所謂晚市食飯上菜極慢投訴叫上菜快啲啲職員又話冇得咁做叫碟芥蘭收成七八十蚊加埋都唔夠半斤隻雞中間又唔見幾件食咩啲份量都少到啊媽都唔認得總知呢間野就貴貴貴同細細細各位千祈唔好去呢間野食十有十一一定中救伏係一定中伏邊個食邊個死！！！…查看更多

其實真係唔係咁記得主要呈上圖片為主乳豬皮係脆 但凍左d脂肪頗多 都有d油膩上湯龍蝦伊麪味道正常好食茨汁唔稠 伊麪有d龍蝦味龍蝦有兩隻 拑都大大的蘆筍花枝片少見有蘆筍 可能前排菜貴挺爽口的 而且有種清新感黑松露扒菜膽其實黑松露味不夠突出 有d金華火腿係白菜小唐菜mix 加蠔油茨汁竹笙翅竹笙似爽口嘅海綿 都係稠味料味道吧蠔油鮑魚鵝掌鵝掌軟身食得唔狼狽 唔錯鮑魚唔韌易咬開清蒸石斑石斑唔太滑豉油有點過鹹 要小心黃油雞好在有住家蒸雞嘅味道味道難得 而且唔膩乾燒伊麪唔太乾 唔太鹹食下食下覺得又幾好食小籠包好多湯汁嘅小籠包湯汁濃香 雖然好食 但好似係唔平既菜式...蔥油餅同自己認知既蔥油餅有出入一個個圈狀似冬甩高力豆沙球一粒粒上撒有糖霜除豆沙外有些豆蓉似的味道比想像中淡外脆內有油香其實做甜品都有d heavy蛋白杏仁露蛋白味濃 有d似腐竹雞糖水味道甜潤舒服整體其實甜品比較得我歡心不過價錢就貴d…查看更多