永豪麵家

營業中

休息中

以前細個唔識食對於竹昇麵係嗤之以鼻因為嚟嚟去去都係魚旦啦 雲吞啦 覺得好悶但係人大大吓 對於食物嘅追求唔再一味係多元化而係希望精益求精 所以今次就要推介銅鑼灣呢間永豪麵家喇對上一次食竹昇麵 大大話話都有成十幾年前今次我叫咗炸醬麵 貪佢酸酸甜甜夠開胃而我老公 就叫番最傳統嘅香港美食雲吞麵 不過係撈麵唔係湯麵先上嚟係個湯底韮黃好甜好香 湯底亦都有好濃烈嘅海味飲得出大地魚同蝦子嘅特有香味但我個人係略嫌鹼水味過重然後輪到主角竹昇麵出場一咬落去 彈牙到不得了 真心讚歎個炸醬雖然好油 但食落好開胃 又唔會過鹹 都好開心至於我老公 就讚個撈麵加咗蠔油同油撈埋一齊食好正同埋佢話雲吞個皮都夠薄夠滑 仲有一樣嘢值得一讚就係雖然只係食個麵 但呢間食店嘅環境就比一般乾淨光猛好多同埋啲店員會不斷同啲熟客傾偈 感覺夠晒香港味之餘 仲好有人情味建議愛香港同香港美食嘅朋友 絕對可以幫襯一下

小編今日lunch黎呢度試，因為睇左每日一蘋果報導，話呢度竹昇麵係家傳既，反正銅鑼灣食竹昇麵唔多選擇，睇下水準如何。又一次冇期望冇傷害，麵質👌🏽彈牙既但好出色又唔覺得係因為冇乜蛋香味。點左薑蔥蝦子撈，薑蔥有用豉油熟油泡過味道幾好，但個蝦子一d都唔香，唔突出。最痴線既都係個小食、炸鯪魚球，6粒索價60蚊，即係10蚊一粒、媲美酒店價錢，但完全唔覺得寧舍不同，係食到有幾重既果皮味既，唔知係咪用左陳年果皮所以咁貴？最最最弊既係衛生常識極度差，竟然可以大開中門個廁所仲要對正正食客即係我啦，仲要唔蓋埋個廁所板，拿小編我有圖有真相呀，冇屈佢既對於麵舖黎講，小編認為辣椒油係第二靈魂，可惜呢度既辣椒油差過超市買，食得出應該係李x記掛總括而言，如果淨係食碗單拼撈50蚊、以銅鑼灣黎講係抵既但我一個女子一碗麵都食唔飽，食埋個天價小食剛剛好（小食仲要貴過碗麵）如果大食人士當去試下唔好打算食飽。對於小食貴過碗麵小編仍然覺得。。。好唔安樂

👨🏻‍🍳蝦子撈麵（$50）👨🏻‍🍳京都炸醬撈麵（$50）👨🏻‍🍳招牌雲吞麵（$38）👨🏻‍🍳炸鯪魚球（$60）👨🏻‍🍳薑蔥魚皮（$48）.以上食品最為特別嘅一定係🐟薑蔥灼魚皮，灼魚皮可以話係買少見少就黎失傳嘅食物，而家好少地方有得食囉；今次永豪麵家製作的灼魚皮真係勁好食，爽滑彈牙，沒有腥味，配上大量嘅芫茜蔥，再加上🌶辣椒制成，咸咸辣辣嘅味道，相信落咗好多功夫製作，絕對推介大家黎試下。.另外值得推介嘅有佢自家製嘅手打竹升麵，手打出嚟嘅竹升麵確實同機打出黎嘅有好大出入，竹升麵相當彈牙而乾身，無鹼水味，亦都無滑潺潺嘅口感，無論🍲湯麵定🍝撈麵都相當出色。

今日經過銅鑼灣，見到間專食竹昇麵嘅餐廳，手打竹昇麵呢個已經加曬分啦，就一於入去食個晚飯店員推介之下，就點左牛柏葉嘅撈麵，黑栢葉爽彈，感覺好q彈，加左香䓤加持，令到個味道更加香，竹昇麵真係好爽口，點一點湯頭一齊食真係滋味無窮，個湯頭用咗大地魚嘅湯，非常之香另外再叫咗雲吞加咗韭菜花之下，份外鮮香嘅感覺，再加上皮薄餡靚雲吞 ,蝦同豬肉嘅份量恰到好處 另外再叫咗個炸雲吞，炸到金黃色嘅炸雲吞，咬落去非常脆身，點埋甜酸醬一齊食，真係正

在朋友介紹下得知銅鑼灣最近新開張的一間麵舖，是使用自家製造的竹昇麵，聽後十分吸引，這間麵舖就是永豪麵家了。今日就是刻意地去到這間店舖，首先觀看門面十分吸引及光鮮。入到店舖內環境十分整潔，💺位也十分舒適，設有大📺，擁有自由的感覺，員工服務良好及態度友善。只是銅鑼灣一般的價錢，但未知出品質素如何？坐低後，第一時間就是望一望餐牌，因為第一次來試食，當然最穩陣就是點了招牌雲吞🍜，亦是最簡單的食法環顧四週張貼餐牌及告示後，發現原來也有一些藝人已來光顧過。等待了大約十分鐘左右，期待已久的雲吞🍜終於到達在眼前了。賣相非常吸引，使用傳統造法，五粒雲吞放在底，湯匙放在中間，麵底放在面上👍首先就要試一試湯底，滾熱辣辣，是用傳統大地魚湯底加上了韭黃，但不知有否混上蝦殼及瘦肉了。飄來陣陣香氣，味道感覺只可說唔錯，如果有懷疑的話大家可以試試👌。話明要試一試竹昇麵，第二件事就是食一吓竹昇麵，麵條外表顏色美觀，更👍當年灣仔永華麵家，爽👍很彈牙👍口感唔錯，值得要比個而主角當然就是雲吞了。這店不是使用外間的大大粒雲吞作為招覽，而是自製傳統廣州雲吞的規格，一口雲吞。若不搓錯，蝦和豬肉是三七比例，金魚尾雲吞，口感非常滿足。

失傳了的手打竹升麵⋯⋯一家人的感情，一家人的努力💪⋯⋯一家人的合作精神⋯⋯與及一家人的奮鬥⋯⋯成為了今天已經鮮為人知的竹升麵——————————時下的年輕人，相信也很小人認識竹升麵，我也略略帶過竹升麵的來源⋯⋯竹升麵原是是廣東省的一種特色小吃，竹升麵是用傳統的方法用竹竿壓打出来，功夫上也十分吃力，早在民國時期，廣州人吃到一碗也是一種口福。——————————🟫傳統的炸醬撈麵：出的的炸醬、出色的竹升麵、麵質彈牙爽口，吃落滑滑的又帶口感，全手打竹升麵，更令人吃出一家人溫馨的感覺⋯⋯——————————-🟧上湯韮王鮮蝦雲吞麵：手工製作的竹升麵已經很出色，韮王鮮蝦的上湯，平日一般吃粉麵的湯🥣我很小會喝，但這個湯啖啖韮王的香、啖啖鮮蝦的甜，我也禁不住喝了，麵質彈牙的爽滑不用自疑、雲吞內的鮮蝦更是每天新鮮自家包製，看見他們一家人的團結和合作精神⋯⋯世上最溫暖的⋯⋯ 就是一家人的團結⋯⋯在這裏可以吃到除了好吃之外還吃到一顆❤️心的食物⋯⋯————————-🟩自家包的脆炸雲吞：咬落又脆又鬆化的炸雲吞皮，一啖咬落去卜卜脆的聲音，連隔離枱都可以聽到，入口即溶的又脆又鬆化之間的口感，實在令人一塊

倆口子都很喜愛吃麵，一星期總會有兩、三餐以麵條為主食。今日嚟灣仔做嘢，收工約埋老公去附近食碗麵先返屋企。喺駱克道見到這間「永豪麵家」，店舖主打傳統雲吞麵，門口仲貼左份雜誌嘅介紹同相片，探頭內望，環境乾淨企理，今晚就一於喺呢度開餐。餐牌很簡單，一張過，麵食分為湯類、撈類，另外仲有小食、糖水及飲品等供應。點左招牌雲吞麵 ($38)、京都炸醬撈麵 ($50) 同 薑蔥黑柏葉 ($60)。碗麵上檯，匙羹墊底，雲吞放喺中間，麵在其上，以防麵條浸泡過久而變軟發脹，規格正宗。先試一口湯，味道很清甜，有大地魚同蝦子的鮮香，喝後順喉，沒味精反應。麵條幼身，爽口彈牙，食落有麵味。雲吞細細粒，蝦同豬肉嘅比例啱啱好，入口皮薄滑溜。碟京都炸醬撈麵味道亦唔錯，炸醬酸甜度平均，入口微辣帶香，仔細品嚐更會有甘甜味從後而至，加上肉絲切得幼細，分量又夠多，麵條嘅軟硬度亦剛好，真係令人回味無窮。平日都好鍾意食牛柏葉，貪佢夠爽口彈牙，呢度嘅薑蔥黑柏葉，味道更正。天然無加工，爽脆有咬勁，配上薑蔥同辣椒豉油吃，十分好味，絕對值得 Encore ！呢度嘅飲品，選擇都幾豐富，除左有咖啡、奶茶、冷熱飲品等之外，仲有罐裝汽水同支裝豆漿等

接完女朋友仔放工，突然間想食牛腩麵，就開goolge search邊到有得食。結果就話公司附近有間新開張冇耐嘅永豪麵家，就決定試試佢～餐廳新開張冇耐，非常之整潔。坐低點野食，發現原來呢間麵家係歷史悠久，主打傳統手藝做嘅竹昇麵，老闆娘仲好推介佢地嘅超人氣炸鯪魚球。.🔻柱候牛根麵味道：8/10價錢：$40出色嘅牛根麵，牛筋腩肥瘦均勻，肥得黎肉質又燜得夠軟稔。牛腩都好吸收到柱候醬，超級入味。再配上竹昇麵，好食！.🔻豬手麵味道：8/10價錢：$40豬手外皮爽滑，而且帶點南乳嘅香味。配上竹昇麵，非常入味。而且份量夠多，有2隻足料嘅豬手。.🔻炸鯪魚球味道：8.5/10價錢：$35個人覺得呢個係必點嘅菜式。鯪魚球係師傅每日新鮮手打，再加上鋪頭自家嘅陳皮，即叫即炸！食落口口感有濃濃嘅陳皮味、加上彈牙嘅鯪魚肉，再配上蜆蚧汁，真係好好食！.另外我地仲叫左一碟腩汁嘅菜心同一杯凍奶茶。特別一提，餐廳個辣醬都好好味！～

係灣仔番工之後多左好多機會食番啲地道食物，今次黎駱克道呢間「永豪麵家」。原來已經經營多年，由細舖搬大舖。老闆娘好熱情介紹呢啲嘅食物，所以我今次單人匹馬都食左一個麵加兩個小食。京都炸醬麵（$38）個醬帶辣微甜，個麵就係港人回憶竹昇麵，爽口嘅口感，加上配個湯去增加濕潤。薑蔥灼牛肉（$60細）牛肉用白灼嘅放法煮，口感好軟身，加上簡單薑蔥同豉油調味，帶出牛肉本身嘅味道。炸雲吞（$38）雲吞皮薄脆，全部雲吞都係餐廳自己包，有鮮蝦係入面，粒粒彈牙。點啲呢度嘅秘製醬汁更美味。凍奶茶（$21）最後飲番一杯茶濃奶滑嘅凍奶茶。

路過鵝頸橋附近，經過呢間「永豪麵家」門面道出傳統手藝亞仔竹昇麵，非常吸引眼球、其招牌豬手撈麵，蜆介鯪魚球都為大推必點菜，每樣食物都用心製作有水準，加上老闆娘熱情❤️招待，滿滿人情味。豬手撈麵：豬手撈麵絕對是香港人的Comfort Food 🍜豬手色澤明亮，醬料掛上豬皮，皮爽滑帶彈性，入口帶醬香，香料味均勻，帶南乳香。重點是麵條爽彈無鹼水味，湯色清澈，味道鮮甜，最細心係已經剪碎左，方便食用。柱侯牛根面：色澤紅褐的柱候醬豉味香濃，入口醇厚，鮮甜甘滑牛筋腩、配上爽彈竹昇麵，好味😋薑蔥黑柏葉：平時喺酒樓食得多薑蔥牛柏葉，今次食佢自創獨家薑蔥黑柏葉，帶有潮洲風味做法，薑蔥香氣逼人，鋪滿辣椒碎🌶️，爽彈可口黑柏葉洗得乾淨，沒有異味，簡單豉油調味，已經好好食😋，作為小食一流。炸鯪魚球：外脆內軟，炸到脹卜卜，粒粒金黃飽滿，鯪魚味濃，蔥香十足，蘸上陳年蜆蚧醬，更加提升鯪魚球口感，帶點陳皮和薑味。總結：買少見少手打竹昇麵 每一啖都係心機作誠意之作會再光顧

哩間食物有水準，誠意製作，店員熱情有禮，雲吞麵是香港道地美食之一，行過灣仔見到呢間永豪麵家，原來出名係招牌雲吞麵，見到老闆娘親自包雲吞，勁足料，大大粒鮮蝦🥰乒乓波大既雲吞麵，灣仔果然美食臥虎藏龍，雲吞入面既蝦肉非常有嚼勁❤️重點大地魚湯底真係好清甜😙水餃麵，加了木耳，特別好吃，爽脆的口感，而且每一粒都好大隻，新鮮嘅大蝦冇得頂🥰牛筋是牛孖筋，而牛腩用爽腩及坑腩，是新鮮的，再用南乳去燜牛筋牛腩，惹味又好味呢，牛筋好冧，好多骨膠原😍😍炸雲吞配埋秘製既汁醬，重點係新鮮炸起，皮炸而薄身，又不會鬆散🤪烚鯪魚球😉清清地幾好食，人手製成，所以好彈牙，充滿魚香😙配埋辣椒醬食🤩再嗌左一碟白烚芥蘭，回味無窮❤️❤️最後忍唔住再叫咗黑柏葉食，真係唔係度度都有得食，爽脆！師傅功夫好😜😜