永樂園餐廳

營業中

休息中

一間食店既成功，食物固然重要，但服務態度亦佔有重要部份，先講食物方面，一盒咸魚鷄粒炒反，用料充足，一粒粒咸魚舖滿飯面，味度亦可而只收40元連凍飲，於中環區嚟講確係經濟實惠,招牌熱狗則比較普通，並未有外間所講咁好食，只是醬汁比較特別，試過一次就算。而服務方面收銀果位四眼阿姐對客人呼呼喝喝，黑口黑面，找錢時將錢掉落枱面，又唔比單你，問佢攞又兇神惡殺，(阿姐你唔比單我點攞飯)咁既態度領教過一次就算，以後唔駛預我幫襯  （如大家都有類似情况，可以發表下，等佢老細知道請左個好員工幫佢倒米）

雙腸熱狗 $13 熱奶茶 $13 (好食指數: 7.5/10) 是日去到中環，並不是hightea，試下平靚正既下午茶。熱狗包身有烘過，脆脆地，雙腸細條不過兩條啱啱好，配上沙律醬好好食。飲左一杯地道港式奶茶，茶味濃，熱辣辣。多數都係做外賣寫字樓，好多人十幾個咁買。

之前去食雙腸熱狗，腸有點少（所以要叫兩條啊！），但入口即溶，配上黃色的不知名醬，甜甜的，可是重點是包啊！脆得黎唔會刮損大家的櫻桃小嘴，又不會太乾，我喜歡！我會再去食的！希望這些小店不要被關門啊，財團們，放過這些食店吧好不好？

真的忍不了!!放lunch 時因有d 野做所以去買個快飯食!見呢間唔太多人所以就沖左入去叫左個 ”干抄义燒意粉”。點知一等就等左半個鐘頭!!!!!你冇睇錯, 真的係30 分鐘!!!過程中我問佢點解仲未有, 佢話整緊, 再問就話: 小姐, 要等ga!最後忍唔住同佢講唔要, 佢就好細聲咁講一句: 等都唔等得! 嘩, 我真的火都來, 整30 分鐘, 係30 分鐘..想點丫, 遲過我的都走哂, 干抄牛河同唔知咩咩的炆米都走埋 , 會唔會真係難整丫!!返到公司得返10 分鐘時間食lunch, 真的多謝哂!!!至於食物方面, 一直知佢個熱狗唔錯, 自己都幾鐘意!而今次的”干抄义燒意粉”,即抄而唔太多油, 但冇咩味! 淡!! 最好的都係杯檸水, 真的少冰少甜….不過, 咁的態度, 我真的諗唔到第二個原因再去買...

Went central yesterday and i had a very strong desire to have a hotdog here .Haven't been to here for ages and the double sausage hotdog has already gone up to $13! But to consider the average econ in cetral, still its a good price. Without disappointment, the hotdog keeps its quality -- juice and meaty sausage, special unique mayo and the soft-inside bun, yummm! This little thing brightened up my day . (The kind chef gave me extra mayo today! )

Hot dogs are one of my favourite grab-and-go foods- they’re tasty, cheap, served quickly and exceptionally filling. The traditional HK-style hotdogs served in Wing Lok Yuen were no different in terms of all of these various factors. I arrived at the restaurant on a busy day (a weekday lunchtime) and promptly ordered a hotdog to takeaway.Note: the restaurant was a little bit hard for me to find- it’s along a narrow street behind the Bank of Thailand.Once you enter the restaurant, I was ushered to

跟食友出席完中環某活動, 大家想找個地方坐坐吃點東西, 但又不能吃太飽,左想右想最終來到這家永樂園.想起來巳有好一段日子沒有光顧, 記得最後一次吃的巳經是數年前的事了,還記得那時候一口咬下去的那份美味至令仍難以忘懷.由於地方和時間的關係, 真的鮮有再光顧.而且星期天餐廳休息, 就更加是難上加難.我們這次來到餐廳索性坐在他們的地庫下面堂吃.看看這裡的餐牌....一碟炒飯炒麵都要收五六十元真的好貴, 但位置在中環又實在沒辦法.我們都是衝著熱狗來的, 當然就是一人一客了.宅女要了雙腸熱狗 (HKD$14)上來的麵包還是熱烘烘的, 但怎麼那條腸迷你了那麼多?記憶中明明那條腸是長很多的, 應該是跟包的長度差不多, 但現在2條腸就像縮了水瘦了身一樣....咬下去麵包中間都算軟熟而且外皮仍帶脆,中間的熱狗腸不是普通街買的廚師腸, 咬落比較淋, 但中間的肉香濃多了醬汁依舊的十分惹味, 但這次的醬好少呢...令吃到麵包的頭和尾時好乾, 早知道要多醬了.不知道是否因為醬少了或腸縮水了反正吃完感覺好像沒有以前那麼美味了 

食物都好味，𣎴過都係一般茶餐廳之作啦！本人係紅豆迷、對永樂園既紅豆奶茶一試難忘！紅豆夠林，但又有咬口，夠甜又唔會太甜！配埋又香又滑既奶茶、直頭人間極品！紅豆迷奶茶精必飲^^另外，馳名熱狗也一讚！好似好普通沒什麼紅紅黃黃醬、青瓜蕃茄生菜酸瓜等配襯。但出奇的頂瓜瓜！

中午和同事來用餐一點多 不用等位 可是搭檯是少不了的因為我第一次來 當然要試試它有名的熱狗 另加了一杯熱的西洋菜蜜（$18）朋友則點了一個當天的午餐朋友的餐是最常見的黑椒汁飯 這樣盛惠$46 值不值真的見仁見智到我的雙腸熱狗（$14）送上來的時候還是熱的 不錯可是那兩條腸和醬汁確是沒有大家說的那麼驚為天人只能說是不過不失特地來吃它的熱狗絕對没必要而且還不是很飽 到四點多就開始肚餓了==

放假去永樂園同J君食TEA，叫咗佢哋最出名嘅雙腸熱狗王同一杯我好鐘意飲嘅菊花露，貪新鮮叫多客狗醬多唔洗等幾耐，嘢食就上哂檯，佢哋嘅腸仔同一般市面嘅腸仔唔同，會比較細條同短身，但味道就不同凡響！搭埋特製嘅熱狗醬同外脆內軟嘅熱狗包咁食，一流！不愧係熱狗王！狗醬多，顧名思義就係熱狗醬多士，聽落好似有喲奇怪，但食落去原來好有料！佢哋啲醬唔會好似出面一般嘅狗醬咁咁酸，散發住陣陣蛋黃香！多士脆度適中！食完熱狗同多士，飲番杯清新怡人嘅菊花露，爽哂！

是晚約了友人在IFC看戲，在這之間只有一小時空檔想找點吃的，就離開充滿名牌的IFC來到昭隆街。吃過好幾次永樂園的外賣熱狗，今次終於有機會走這條樓梯到「樓下雅座」。平日晚上六時半，店內只有小貓三數隻，異常冷清。晚上沒有套餐供應，但揭揭菜牌，種類還是很齊全的。炒粉麵飯、公仔麵、熱狗多士的都有。最後我們叫了一個星洲炒米送一杯野飲，再叫了個熱狗分吃。星洲炒米其實是很大的一盤，但味道平平無奇。炒得有一點太乾身，米有點硬，而且咖哩味不太夠。幸好配料夠多，不至於吃著無味。但堂吃熱狗果然是王道啊！熱狗包還是脆脆軟軟的，配上微酸的沙律狗醬，乃人間之極品也！連不喜愛沙律醬的友人也很接受永樂園的狗醬。在這裡吃熱狗，醬才是最重要的，那條腸仔反而變得次要了。個人來說，若果叫雙腸狗，香腸的味道就佔的比重就太大了，妨礙品嚐永樂園狗醬丫。笑笑臉是給熱狗的~

好耐都無黎過，食完sevva之後就即刻去食雙腸熱狗王!!😍😍由於，落雨嘅關係，今次就行落去堂食!可能因為5點幾，所以餐廳裏面好少人!雖然環境唔係咁乾淨，但係為左個熱狗王，都要坐低食!!😅😅由於朋友仔對奶油豬有興趣，所以除左每人叫一份雙腸熱狗王之外，叫左一份奶油豬黎試!!😆😆唔洗5分鐘，雙腸熱狗王就到，望落去，d秘制醬汁差唔多流出黎!攞上手，熱辣辣，食落去，經過烘嘅飽，外脆內軟，加上雙腸同埋醬汁，簡直係絕配，所以話熱狗王真係名不虛傳!😎😎相反，我同朋友都覺得奶油豬唔值得推介，因為一來唔夠奶油，二來食落去有少少檸檬味，好特別，但係唔太match，所以味道麻麻地!😳😳

吃過蛇王芬雙腸後，見還有時間，加上胃納還有空檔，於是再到附近溝貨。來到永樂園門外，才知道這裡怎名物是熱狗，於是在下向地庫進發，坐著吃一客雙腸熱狗及一杯凍奶茶。雙腸熱狗上桌後，就被它的沙律醬汁吸引，橙色的沙律醬已經流出包外，兩條香腸也十分之幼。還未吃一口熱狗，已經感受到麵包的熱，吃一口也感到麵包十分脆，而香腸的皮也很脆，沙律醬都幾甜的。而在下在點選凍茶，也特別要求少甜，因此整杯奶茶也突顥了茶的味道，而冰塊也不至於熔得影響了茶味。永樂園分為兩層，地面層主力做外賣，地庫層主力堂食，在下還是喜歡走到地庫用餐，進入後餐廳較為殘舊，但是亦算坐得適，格局也像茶記。除了熱狗，還有午餐供應呢！

時間緊迫，趕不及坐下嘆杯靚茶，唯有外賣東西邊行邊食。很自然的說出了雙腸熱狗，麵包外微脆而裡頭軟熟，配上兩條熱辣辣的香腸，以及大堆頭醒胃的熱狗醬，簡單到極的組合，已叫人回味。下次要悠閒的坐下，喝番杯熱奶茶。趕埋點手尾，晚上去吃豬！

港島最盛名熱狗包,食了這麼多年都還是喜歡吃,經過了中區，又買來吃吃,這熱狗包最特別還是那醬，就此一家！酸酸甜甜，似有青瓜的清新口味，卻又像沙律醬的味道不愧為醬汁的獨門秘方，難能可貴就此一家，醬料多得滿溢，吃得滿口醬汁，滿口是那酸甜的美味......不過那火腿腸雖是說由荷蘭入囗,吃起來卻又不見得甚麼特別，短短的...點點的腸仔咸味，沒多花巧熱狗包像是嘉頓的那些....不過烘得熱熱的外脆內軟還不錯吃，就喜歡即烘的包，將面包最好的味道釋放出來了