永星冰室

營業中

休息中

油麻地「茶記」，裝修好靚仔，果然有別於一般嘅茶餐廳，啱晒我呢啲港女打卡💕11:30嚟到，嗌番份午餐先❤️All day breakfast熱潮對我黎講係唔會減退架，所以一見到就閃閃眼🤩大大份既雞扒全日早餐，一試難忘喔，即煎既永勝招牌蜜糖雞扒❤️雞扒煮到外酥內軟，非常香口，不是那些只用鬆肉粉醃製的，咬落好有彈性，雞扒還有脆邊，好正，還有一條好長嘅雞肉脆皮腸，火腿，同埋自家製嘅薯蓉🤩仲有充滿蛋香嘅炒蛋👅真係好滿意喔❤️香蒜雞翼意粉🍝 雞翼就會煎得好靚仔，即叫即炸既雞翼非常香脆，而且不會油膩呢，蒜香味10分濃郁，香噴噴，配上份量足嘅意粉🍝美味喔🤩嗌咗阿華田脆脆，好特別嘅飲品，充滿童年回憶，仲有好多cream，啱晒我呀💖仲買咗杯凍齋啡，啡味好出☕️

早幾日食午餐，食了飯戴回口罩，唸住慢慢享受杯凍檸茶(餘下1/4左右，而且我看見出面沒有人等位)，同朋友傾下計。個女待應一下將我用過的紙巾放進我杯內拿走。我下意識呀了一聲，個女待不止沒有道歉，還話我戴了口罩「以為」我要走，再補多句，你拎番起張紙巾飲囉。不加評論，各位見字感受吧。

正正係果欄隔離位置幾方便炎炎夏日推介轉特飲沙冰＋$15冷氣幾夠唔會溶得太快 每啖都透心涼而且味道選擇都幾多叫左杯oreo朱古力沙冰好過癮唔會太甜而且朱古力味都幾濃*原塊oreo 記得要早d 食左佢$52 香蒜雞翼意大利粉雞翼外層炸得好香脆內裏雞肉十分嫩滑岩岩好意粉炒得好好 夠乾身仲有啖啖蒜蓉味上碟仲加上大量干蒜風味十足中意蒜味既朋友十分推薦$45 常餐 薄牛肉片公仔面薄切牛肉冇肥牛咁肥仲啖啖肉岩岩好熟左又未過老感覺似食越式生牛肉河配餐既多士好香口幾正

We were planning to go to the newly opened Yau Ma Tei library and decided to have our lunch first. Wing Sing Cafe was located at Reclamation Street, near the library and Yau Ma Tei police station. This cafe was newly opened, offering all day breakfast, carbonara cheese, rice and pasta, soup noodle and drinks etc. As the weather was really hot, we ordered ice blended pineapple and yuan yang. Pineapple smoothie was sweet and refreshing, cooling as well. Yuan yang smoothie was smooth and fragrant,

本身件事有三層包 又有醬揀 係吸引嘅，但蛋漿薄到呢，底面兩塊麵包索滿油 濕晒淋晒，咬落去一口油淋patpat得少少包皮部份覺脆口，有無人提下師傅改善下，唔介意再黎試嘅(凍檸茶又係行飲冰路線，啜幾啖就飲完，可能有食客buy呢啲飲品？）

本身係日日喺油麻地度食飯，熟悉呢度嘅朋友都知道冇咩好座又好食嘅餐廳茶餐廳就大把而且質素都麻麻食咗一段時間覺得永星真係唔錯雖然款式唔算多 但係食物質素好穩定我自己最推介就係番茄牛扒飯完全唔似$5-60嘅質素

平日去佢堂食都好好食 ，今日凍凍地唔想落街 第一次外賣平台叫外賣 叫左炸魚柳意粉 望落好吸引但食到一半沙律菜有隻野 🥺🥺食剩一半唔知食唔食好 ，希望下次老闆娘搵蓋蓋住沙律菜先，下次唔好再有呢啲事發生！ Btw 間野沙嗲牛麵同埋 意粉 同 長通粉都好好食 😋

同朋友lunch 叫左個三重芝士卡邦尼同白汁芝士煙肉，我覺得個卡邦尼因為佢有燒一燒啲芝士，所以比較香口啲，相反個白汁芝士比較普通啲，有啲淡味。之後叫左2杯飲品阿華田脆脆同朱古力脆脆，要另加$15，有啲偏貴。

　前幾日有朋友推薦嘩呢間嘅食物好特別，唔似一般冰室，所以今日就專誠嚟到呢度試吓。呢間冰室入邊有好多唔同嘅西式食物，我就叫咗triple cheese carbonara，啲芝士好濃郁，可以拉得開！

今日lunch同同事去永星食午餐，見到佢新出左隻吉列豬扒長通粉點嚟試吓，超級超級好味❤️豬扒好Juice，又有豬味一如既往，長通粉又多汁又拉絲咁❤️仲有其他款式嘅意粉都好好味嘅

疫情期間門口提供手掌探熱大家記得將手掌貼近sensor午餐多選擇有常餐有西有中秘製沙嗲牛麵配火腿太陽蛋仲可以選配沙律或厚多士添港式常餐加埋熱奶茶無得輸同事點的黃包蛋咖哩豬扒飯佢話個咖喱都唔錯

這冰室總是予我一種神秘感，它星期日休息，其餘日子亦只做到下午四點，對我而言只有星期六下午有機會一訪。小店樓底高，窄長的空間大約能容納二十多人，坐得比普通茶記舒服。鮮茄芝士雞扒長通粉 $46意粉表面火炙過，有點焦香，感覺比一般的用心。甜甜的蕃茄汁和長通粉頗夾，雞扒入味，個人挺喜歡整體配搭。永星袐製沙爹牛肉麵$45牛肉大塊新鮮，不過沙爹底不幸有點燶味，整碗麵都遭殃。蜂蜜厚多士拼火腿太陽蛋(跟餐)火腿和雞蛋正常發揮，多士比平日方包薄身細塊，蜜糖味亦淡，和聲稱的有點期望落差。

咁啱經過呢間香港人加油嘅本土小店～就緊係入去試下啦！我去到個時係兩點幾 舖頭無乜人 幾他調幾好坐！舖頭員工全部香港人～唔係講唔正廣東話個啲阿姐～服務態度係幾有性格 😂裝修就幾有cafe feel 木枱木櫈！環境清幽！繁忙時間我覺得呢到會有啲迫！想好好享受就唔好撞正繁忙時間啦😂睇完餐牌 見到午餐主要都係唔同sauce加唔同肉類加飯／意／長通粉咁～我就求其揀個卡邦尼雞扒意粉 老實講本身都無乜期待 諗住都係茶記質素😅上枱個下見到咁靚咁香 好有驚喜！唔係濕濕淰淰咁！佢個雞扒煎過脆脆地好好食！皮脆肉嫩🤩個卡邦尼醬完全融入左每條意粉嘅核心 好入味 好好味！油脆嘅意粉正！每啖都好好味！真心推介！下次我會再試埋其他sauce同其他肉類～哈哈我真係好L鍾意香港!!

油麻地永星里果邊都係相對較為舊區既地方但呢到有間黃店絕對值得推介呢間冰室係走西式路線 大部分食物都係西式為主而且仲有All Day Breakfast可以選擇 價錢都相當合理睇個Manual就知道 呢間冰室係走咩路線啦吉列魚柳美式午餐 ($45 + $2 凍飲)美式午餐包括沙律菜 3.6牛乳炒滑蛋+火腿+香腸+牛油多士魚柳炸得夠香脆肉質都算嫩滑 炒蛋真係夠滑亦都有奶香其他配菜例如火腿/香腸/牛油多士 整體黎講午餐係非常豐富 同埋價錢合理

個個放工weekend黎到呢頭，通常只有一個目的，就係黎買生果。我就係黎行五金鋪執下有咩整下間屋，點知呢邊開左間冰室，就試試佢。間鋪都坐到二十幾人，小小逼但可以接受。選擇係多，仲有西式俾你揀。點完餐，先上飲品，我嘅奶茶，幾好，茶底都可以，我望人地杯凍奶茶嘅色好似泰式奶茶，偏橙啲。朋友點嘅凍檸茶同凍菜蜜，另加2元，正常。永星秘制沙爹牛肉米，45元，朋友話ok。香蒜海鮮意粉，50元，朋友話味道同配料都夠，不過就乾過頭，如果有番啲汁會好啲。卡邦尼魚柳長通粉，58元，魚柳係即整，勁脆，而且勁大舊。有啲芝士拉下絲幾正，味道都唔錯。環境都幾好，油麻地黎講係幾正。