永年士多 (兆安廣場)

營業中

休息中

永年士多(兆安廣場)相約友人去銅鑼灣食已擁有超過50年歷史的車仔麵一一永年士多,小店著名車仔麵有我最喜歡的鹵水雞翼尖,蘿蔔,豬大腸和豬手,小店仲有數十款配料和飲品供客人選擇,餐廳採用快餐式自助,先點餐購票後取餐形式,喜歡吃辣嘅客人可以加辣汁,據服務員透路,餐廳最出名的食物豬大腸,係用香港新鮮豬大腸由早上清洗數小時再鹵醃而成,所以係無臭味,另外紅豆係自家煑製,時間恰到好處,吾太硬或太爛,腍得來會有口感。大碗麵$72有魷魚,豬腸,魚蛋,蘿蔔,豬紅,豬皮,雞翼,雞翼尖,紅腸和菜,配料非常豐富,湯底仲好入味添。豬手蝦籽撈麵$62豬手炆得夠淋,又夠入味,兼爽口彈牙,每条麵身都掛滿蝦籽,口感非常豐富。班蘭咖央多士$18香濃班蘭咖央的多士,入口軟得來有小小脆。抹茶紅豆冰(餐十$15)紅豆奶茶冰(餐十$15)紅豆係自家煮製而成,不太甜,飲落有口感兼香甜。

🐂麻辣牛柏葉 $25 外賣+1麻辣牛柏葉超級惹味，口感淋得嚟又爽滑彈牙，唔會煙靭咬唔到🍜大碗麵 油麵 $72 分湯 +3 外賣+1一大碗已包左固定10個餸，超豐富，有豬大腸、魚蛋、紅腸、蘿蔔、魷魚🦑豬皮、豬紅、菜心、雞翼尖同雞翼，有晒車仔麵必點嘅餸，有選擇困難症嘅人可以叫呢一款唔使諗😆 蘿蔔超甜，豬皮魷魚度炆得好淋，豬大腸洗得好乾淨一啲內藏騷味都冇又唔會太多肥膏👍🏻🥫加甜酸齋 小食 $18 外賣+1本身自己超鍾意食甜酸齋，將佢放喺一個辣湯底又酸又辣又甜咁樣食，吸晒啲湯好正，所以要當一小食咁叫一兜😌 跟餐只係$18,就咁單點就要$22🍜三餸米線 $45 肥牛+15 分湯+ 3 外賣+1$45包咗三個自選嘅$9配料，揀咗魚腐🍢芝士腸同紅腸，另外加多一份餸係肥牛$15, 一碗份量四個餸都好大碗，你又好似打完邊爐嘅咁但係連埋秘製嘅咖喱辣汁就特別好食😋🧋加樽仔奶茶 跟餐 $17 除咗個招牌咖喱臘汁出名之外，呢度嘅樽仔奶茶亦都好值得去試，奶茶味道唔會過甜茶味濃郁，入口非常順滑Creamy,每次嚟必飲🫠

今日去左尼間餐廳食車仔麵，餐廳裝修好新淨好整潔，座位好舒服，餐牌上除左有車仔麵，仲有好多小食可以選擇，我地用左一段時間考慮食咩好😆我揀左豬紅、豬腸、魚皮餃、魚蛋河粉，我朋友揀左四寶麵油麵，入面有豬腸、豬皮、豬紅、蘿蔔，另外叫左1份韮菜豬紅同埋蠔油菜心，我仲揀左港式菠蘿冰，朋友揀左可樂，叫左咁多野都係100幾蚊 好抵！點完餐吾洗等好耐就可以取餐，出餐速度好快👍🏻車仔麵好大碗好抵食，餸既份量都ok，早知份量咁多就吾洗額外再叫1份韮菜豬紅😂我幾鍾意杯港式菠蘿冰🫶🏻

今日銅鑼灣收工都諗住食返啲香港地道美食～依家已經開咗好多年，同埋都好多分店我最鍾意佢呢度嘅大碗送因為真係好多料，有我最鍾意嘅豬皮蘿蔔生菜，仲有魚蛋，豬大腸都有呢度嘅調味比較特別，唔會好鹹，反而有啲甜最再加埋呢個腐乳通菜更加健康下午茶仲可以食奶油多士，咬落去熱辣辣佢哋嘅外皮整得啱啱好仲有雞翅可以享受呀韭菜豬紅我都好鍾意食，因為好入味又好滑呀份量夠多食完又想食，同埋呢度裝修都好乾淨整體好明亮，嗌嘢食自己出去嗌奶茶都好味道上菜好快呀！唔使等好耐就有得食啦飲品都可以自己嗌～唔同選擇

銅鑼灣一人之選，一條友食咩好呢？平平地嘅選擇大家一定有試過叫車仔麵嗰時樣樣都想食，唔知揀咩餸好呢 ？永年士多嘅招牌車仔麵一碗麵自由選擇我叫左肥牛、蘿蔔、豬皮、滷水雞翼、滷水雞翼尖、魚蛋、豬紅、牛筋同埋菜，勁豐富呀，超大碗，佢哋嘅車仔麵真係勝在款式夠多匯款都好高質素絕對係一碗高質素嘅車仔麵😗😗唔夠喉仲可以叫埋西生菜，紫菜湯😋😋😋 飲品方面真係要揀佢哋嘅飲涼粉冰 夏天過嚟飲真係好解渴冰凍又甜椰汁味又夠晒香濃 好似食咗甜品一樣作為一餐飯嘅結尾

永年車仔麵最出名既湯底，咁多年以黎都keep 住水準😋*大碗麵🍜 $72 (轉烏冬 +$2 )有雞翼、雞翼尖、豬腸、豬皮、豬紅、蘿蔔、魚蛋、紅腸、魷魚同菜加加埋埋有成10款餸😆私心偏愛👇🏾豬紅: 口感順滑，唔似出面結實，但偏甜魷魚: 夠爽脆蘿蔔: 香甜無渣，入味豬腸: 軟嫩有彈性，無羶味，入口都唔會成口肥膏湯底要左小辣咖喱汁個味幾濃郁，好甜香*豬手蝦籽撈麵🍝 $62滿滿的蝦籽😍 咸香感十足豬手整得夠淋夠入味不過麻辣醬比較溫柔

工作過後去咗一間老字號茶餐廳 -永年士多。呢度嘅車仔麪係絕對世一嘅，麵條配上湯底好入味，牛腩汁濃郁，十寳麵有豐富配料，真係好鬼多餸！包括有❤️豬豬紅、韭菜餃、豬大腸、冬菇、陳皮魚蛋配料真係好好味！豬紅夾起唔會散，湯底帶甜，豬大腸無沙，陳皮魚蛋可以再叫 夠彈牙😋😋雞翼尖炆得好入味，食極都唔停口奶油煉奶多士 香脆又甜耶耶，好惹味飲品方面叫左 椰汁冰椰香味俱全 夠哂解渴 大大杯🤭🤭永年士多@wingninyl

永年士多車仔麵水準一直很不錯，🤓這次我試了他們的牛筋腩撈麵，牛筋腩製作出色，不但牛腩軟淋有嚼勁，✨而且牛筋口感有彈性。朋友叫咗四寶麵，集合經典元素：🐷豬腸，豬皮，豬紅同蘿蔔，他們的豬紅非常值得一試，🥢咬落口感非常有彈性。我哋仲點了兩款小吃，🥬包括腐乳通菜和麻辣雙拼：豬耳同牛百葉，麻辣惹味。除了美食，💖他們的服務也令人滿意，員工友善有禮貌。#銅鑼灣 #causewaybay #HongKong #銅鑼灣美食

今日去銅鑼灣行街，發現有永年車仔麵，即刻拉朋友入去食，搵返啲細個食車仔麵嘅回憶😂四寶麵 - 呢個係我最愛，豬皮爽口又入味👍🏻 豬腸有咬口，蘿蔔又超甜😍 加上粗麵底，勁有兒時風味，正呀👍🏻三餸麵 - 朋友叫咗三餸麵，魚蛋有魚肉味，唔係麵粉團，鹵水雞翼都好入味，大大隻，豬紅都係車仔麵必點，朋友識食呀😋蝦子菜心 - 將蝦子加在油菜上面，幾有創意。食落口即刻感覺到蝦子味嘅衝擊，好有口感，呢個配搭唔錯🥬咖央多士 - 傳統香港小食，幾好味，即叫即做。麵包好軟，入面的咖央醬甜甜哋，好食到停唔到口🥰樽仔奶茶 - 非常香滑，入口甘甜，茶底幾好，有茶餐廳影子。涼粉咖啡 - 呢杯特飲幾特別，食完車仔麵熱熱哋，食返啖涼粉，啱晒👍🏻 加埋個咖啡都好好飲，奶味偏重，啱晒我口味☕️下次同朋友行完銅鑼灣，又多一個食飯點可以選擇了👏🏻👏🏻👏🏻

今日嚟到銅鑼灣,經過一間車仔麵店,發現好多人喺度排緊隊,我哋都決定試吓😋我哋叫咗一碗魚蛋豬大腸蘿蔔麵,豬大腸完全冇臭味,魚蛋仲用咗陳皮魚蛋🤩,蘿蔔咬口冇渣,湯底清甜，仲有少少麻油嘅香味非常好食🤤

永年喺香港都幾出名下㗎睇價錢親民又好味嘅車仔麵店我同朋友都成日會去食🔟講到我最難忘嘅一定係佢哋既大碗餸邊個話食車仔麵一定要食粉麵？食曬餸都絕對可以10款餸放滿全碗真係滿足曬10個願望呀有魚蛋，魷魚，豬紅，紅腸等夠曬香港特色而且份量十足食一碗已經夠曬飽🌶️麻辣孖寶豬耳同牛百葉建議食咗豬耳先口感非常好牛百葉就吸滿辣油辣得好過癮🥬腐乳通菜腐乳味香濃通菜係見得到嘅軟嫩🧇咖央多士黎呢度一定要食佢厚厚多士夾住邪惡咖央冇得頂🥦蠔油菜心呢度食到嘅蠔油菜心特別爽脆纖維唔多又juicy一試愛上🍊淨酸齋酸酸甜甜好開胃餐廳係自助形式所以冇加一服務費但店員都好肯幫手服務態度好，清潔度高絕對值得經常黎食呀～

🌸今晚小編嚟咗一間老字號茶餐廳 - 永年士多🙆🏻‍♀️ 呢度嘅車仔麵係絕對值得一試嘅，麵條好有嚼勁，配上啲豐富又好味嘅配料，真係好好味😋 想再叫黎d小食黎食啊🫢😂-𝐅𝐨𝐨𝐝 𝐑𝐞𝐯𝐢𝐞𝐰 食評 🍜車仔麵菜底 $69豬紅、韭菜餃、豬大腸、冬菇、陳皮魚蛋配料真係好好味❗️豬紅夾起唔會散，而且帶甜，小編中意號豬紅味👍🏻❗️豬大腸好入味，唔會食到有沙🥳陳皮魚蛋彈牙且有魚味🤩勁推薦❗️-🍜車仔麵配烏冬 $58蟹籽丸、酸齋、芝士腸、雞翼尖酸齋好入味，酸酸甜甜好開胃💖雞翼尖炆得好淋且入味🤤❗️-🥪咖央奶油煉奶多士 $34️小編揀左將三款醬料合併，係邪惡之選啊😈❗但係好好味🥳 -📍 永年士多@wingninyl 銅鑼灣謝斐道482號兆安廣場地下7-9號舖-環境：🌸🌸🌸🌸味道：🌸🌸🌸🌸🌸服務：🌸🌸🌸🌸衛生：🌸🌸🌸🌸性價比：🌸🌸🌸🌸Revisit: 💖-#hkfoodie #foodbitxh #foodbitxh_cwb #hkeat #hkig #hkfood #hkgirl #香港美食 #instafood #hkfoodblogger #打卡美食 #instamood #香港好去處 #打卡餐廳 #相機食先

行過銅鑼灣見到呢間【永年士多】坐滿客又有幾個人排隊買外賣仲有部自助點餐機同朋友決定試一試佢..原來係快餐類自助模式先落咗order就自己搵位坐嘢食整好會叫號碼再自己出去拎食完拎返餐盤去回收區..我哋叫咗紫菜、肥牛、麻辣豬耳撈粗麵 小辣夠哂惹味牛腩、流心蛋、魚皮餃時菜底，有菜底好好呀，啱晒唔想食咁多澱粉質嘅朋友仲有小食麻辣牛柏葉加多個腐乳通菜飲樽仔奶茶 唔怕俾冰溝淡晒，茶味好夠濃，但係甜度就冇得揀熱咖啡都幾厚同滑

芊芊同我超鐘意食車仔麵🤣前牌去咗永年點了三餸車仔麵、四寶麵和咖央多士樽仔奶茶套餐三餸車仔麵的配上微辣的湯汁 真是好過癮😆魚腐和牛腩都非常入味 牛肚也腍滑好吃👍河粉 吸收了湯汁的味道 入口即化😋四寶麵的麵條很Q彈 配上豬腸、豬皮和猪紅 味道豐富😍蘿蔔都好入味😘咖央多士內餡濃郁 加上樽仔奶茶 真係一絕🤤奶茶唔會太甜 但有濃郁的茶香和奶香 同多士😎好夾整體來說，這家小店的食物口味十分地道份量也很足夠 價格也相當實惠 係車仔麵嘅好選擇😉

嗱！老實講一句啦。呢間位於銅鑼灣心臟地帶的車仔麵，門面十分醒目，一眼望去，午市時間好多職人在此用餐，人來人往，相信口碑不錯。我地兩人在收銀台落完order就揀位坐低等嗌飛拎食物，備餐速度奇快，不出三分鐘，就已經可以拎食物，真正的快靚正。甜酸齋係水準之作，比起好多齋舖更美味，不止是淨係軟淋淋。咖喱魚蛋好爽口，有咖哩的香味，不算辣。豬紅好入味又夠滑，份量十分慷慨。牛柏葉爽口唔韌，菜心鮮甜夠嫩唔會有苦澀味。麵底份量亦唔少。整體來講，係快快脆又令人心滿意足嘅一餐。跟餐送茶啡，今時今日凍飲不需加兩蚊！試問仲有幾多呢啲良心企業！幾十蚊貨仔食得飽，環境乾淨，鬧市之中見到形形色色的職人車水馬龍，熙熙攘攘，感覺零舍不同。永年啲車仔麵係掂嘅！其實還有好多其它食物選擇，下次再試。