更多
2024-03-03
408 瀏覽
元朗老店永年越開越多分店,原來濕地公園商場都有一間。是日來到濕地公園,呢個商場都幾多食店,但就得永年排隊等位,哈哈,咁就食佢啦。入到店內,原來掃qr code落單,自助搵位、拎食物同回餐盤,見其他食客都好自律,食完就離坐,行雲流水話咁快條人龍已經消失左了。餐牌幾清晰,選擇亦人性化,有套餐亦都有自選車仔麵、撈麵等,望一望個餐牌,自選車仔麵嘅三餸好多都要額外加錢,加加埋埋好似又貴過套餐🤔見隔離台嘅老食客勸佢個朋友叫套餐,佢話叫套餐抵好多喎,不過我見佢揀咗成七、八樣餸,哈哈,咁個至抵套餐又真係平好多啦😆⭐小寶麵最後自己揀咗小寶麵,入面有陳皮魚蛋、豬腸同豬紅,額外加咗一隻流心蛋,湯底就要咗小咖哩辣,麵底就揀咗米粉。拎到埋位個賣相又真係唔錯嘅,餸好多,咖哩汁香口喎,小辣我覺得唔夠辣,下次可以試中辣。比較特別嘅係呢度個豬腸有分瘦腸、豬腸同肥腸,我覺得咁幾好,有人鍾意食瘦,有人鍾意食肥吖嘛😋⭐自選三餸麵朋友話套餐冇咩啱口味,就叫咗自選麵,揀咗牛腩、肥牛、墨魚丸同糖心蛋,湯底係大麻辣配米線。牛腩炆得淋,墨魚丸彈牙,但肥牛嘅感覺就唔多似肥牛,朋友話個大麻辣湯底都唔係好辣,早知試佢個變態辣喎🤣⭐蠔油菜心跟
入到店內,原來掃qr code落單,自助搵位、拎食物同回餐盤,見其他食客都好自律,食完就離坐,行雲流水話咁快條人龍已經消失左了。
餐牌幾清晰,選擇亦人性化,有套餐亦都有自選車仔麵、撈麵等,望一望個餐牌,自選車仔麵嘅三餸好多都要額外加錢,加加埋埋好似又貴過套餐🤔見隔離台嘅老食客勸佢個朋友叫套餐,佢話叫套餐抵好多喎,不過我見佢揀咗成七、八樣餸,哈哈,咁個至抵套餐又真係平好多啦😆
⭐小寶麵
最後自己揀咗小寶麵,入面有陳皮魚蛋、豬腸同豬紅,額外加咗一隻流心蛋,湯底就要咗小咖哩辣,麵底就揀咗米粉。拎到埋位個賣相又真係唔錯嘅,餸好多,咖哩汁香口喎,小辣我覺得唔夠辣,下次可以試中辣。比較特別嘅係呢度個豬腸有分瘦腸、豬腸同肥腸,我覺得咁幾好,有人鍾意食瘦,有人鍾意食肥吖嘛😋
⭐自選三餸麵
朋友話套餐冇咩啱口味,就叫咗自選麵,揀咗牛腩、肥牛、墨魚丸同糖心蛋,湯底係大麻辣配米線。牛腩炆得淋,墨魚丸彈牙,但肥牛嘅感覺就唔多似肥牛,朋友話個大麻辣湯底都唔係好辣,早知試佢個變態辣喎🤣
⭐蠔油菜心
跟麵加廿蚊可以要份小食,其中一樣揀咗蠔油菜心,菜心翠嫩淋甜,再加埋豬腸汁幾好味㗎。
⭐淨酸齋
另外又要咗份酸齋,酸酸哋加上煙韌嘅口感都好唔錯。
⭐熱奶茶 & 熱鴛鴦
天氣咁凍就要咗熱飲,一杯熱奶茶同一杯熱鴛鴦,味道都ok嘅,雖然畀唔上茶餐廳😌
我覺得天水圍分店個湯底畀元朗店濃,但個辣汁就冇元朗店咁辣,其他各方面都差唔多啦。
張貼