永年士多 (Wetland Seasons Park)

**永年車仔麺：穩健之選，辛香惹味**永年車仔麺，果然永不讓人失望。今日一試兩款：首推「至尊粗麪」配中辣咖喱汁，辛香撲鼻，辣度刺激卻不過火，完美襯托車仔麺的濃郁風味，粗麪掛汁力強，每一口都充滿香辛料的層次，美味又過癮。另一碗選「三豬烏冬」配豬膓汁，豬膓汁是靈魂所在！其獨特的濃郁鹹香與內臟風味，賦予烏冬深沉底蘊，與豬紅、豬皮等配料相得益彰，油脂甘香滿溢，滋味十足。兩碗盛惠$135，份量實在，延續永年一貫水準。無論是追求辛辣刺激的咖喱粗麪，還是鍾情傳統濃厚的豬膓汁烏冬，都能在此得到滿足，確是車仔麺愛好者的穩健之選。老字號魅力，值得再訪。…查看更多

車仔麵係我最愛可以自選餸菜 屋企附近開左間永年士多車仔麵有一日帶埋小朋友去食嘢我地叫左一碗兒童餐 估唔到非常豐富一碗已經有蟹籽丸 貢丸 墨魚丸 芝士腸 雞翼另外再加左冬菇 麵底揀左最愛既烏冬另外我叫左自選麵 麵底揀左米線餸菜方面揀咗豬腸 冬菇 雞翼尖 同埋炸魚皮米線煮得唔會好淋 Perfect!豬腩汁亦唔會好咸 食完都唔會口乾😊如果鍾意食咖喱/麻辣嘅朋友都可以試吓有分五個辣到 微辣/小/中/大/勁辣小食分別order左韭菜豬紅 同埋多士首先講吓韭菜豬紅非常入味👍🏻我哋叫咗唔辣 豬紅大大件 韭菜份量都好足多士揀左斑斕醬 第一次食感覺幾新鮮兩小件啱啱好過下口癮😌飲品方面我地分別叫左菠蘿冰 紅豆冰 檸檬茶小朋友一見到紅豆冰就話要飲😆紅豆嘅份量都好多 菠蘿冰都唔會好甜整體黎講都唔錯今次呢個份量2大1小食係岩岩好 唔會浪費😛由永年第一間舖開始幫襯 直到而家越來越多分店平時食完仲可以去隔離濕地公園行下…查看更多

曾經去過元朗出名食車仔麵嘅 "永年士多"，覺得好好味。呢日去咗濕地公園，遠離煩囂嘅地方，行過發現有永年士多，就入去食返碗車仔麵～入到店內地方闊落，以綠色為主調，擺放一些植物，置身於大自然一樣，感覺好relax。餐牌內有多款車仔麵餐及車仔餸選擇，亦有香港經典小食咖喱三寶、麻辣雞腎/豬耳、多士套餐、紅豆冰、涼粉冰、樽仔奶茶等等，款式都唔錯。自選菜底         $76喜歡吃豬腸既朋友，立即點左呢碗有豬腸嘅自選車仔餸，揀選共5款餸，材料豐富，車仔餸包括豬腸、豬紅、豬皮、牛筋和酸齋，揀左微咖喱辣及豬腸汁。一睇湯底已經覺得好濃，飮落好香微辣可口。豬腸洗得好乾淨，爽口又入味，食得出香料嘅味道，份量都幾多，牛筋炆至軟身，一咬即化，口感黏黏，骨膠原超豐富，酸齋口感煙韌，酸酸甜甜，好開胃。豬紅同豬皮係車仔餸不可缺少嘅。上次食過油麵，今日就點菜底，綠油油嘅菜心，翠綠鮮爽，適合配車仔餸，吸入湯汁更美味。自選菜底        $81另外依碗都係自選菜底，選5款餸，揀咗牛腩、牛筋、魚蛋、蘿蔔和冬菇。豐富而且車仔餸款款材料都吸到濃濃嘅湯底，湯味清甜潤喉，菜心菜底，非常新鮮爽口。食起嚟特別入味嘅牛腩、牛筋炆至軟身，有咬口，蘿蔔好吸湯汁，清甜爽口，唔會有渣，冬菇口感爽滑，魚蛋彈牙，帶少少辣，香料味濃郁，越食越滋味。港式紅豆冰     $15 (麵餐優惠價)車仔麵與紅豆冰又真的好夾嘅，大大粒紅豆，軟綿綿又香甜，口感幼滑，甜度適中，細膩可口。樽仔奶茶     $17 (麵餐優惠價)香港懷舊風味，出名嘅樽仔奶茶，一定要叫啦！奶茶入口順滑，茶香回甘。凍檸檬茶     $22濃郁嘅紅茶與新鮮檸檬很配，口感清新，解渴解膩。…查看更多

假日入左天水圍嘅濕地公園，親近下大自然觀下鳥，環境乾淨空氣清新，真係一個非常之放鬆心情的好地方。行完肚餓搵食之際，見有間永年士多，好耐冇食車仔麵啦，即刻進入開餐囉。同行朋友點了至尊米線，餸包了充滿骨膠原的豬手，雞翼、豬紅、豬腸、豬皮、魚蛋同蘿蔔，額外再加了煮得軟淋的牛筋同軟綿嘅魚腐，大碗餸多，佢話好味又抵食。我則點了究極湯之米線，餸有豬紅、魚蛋、糖心蛋、魚腐、紅腸、蘿蔔，額外再加了煮得軟淋的牛筋，同軟綿嘅魚腐。所有餸的調味都剛好，半流心的蛋好香口，配合滑嘟嘟米線就是好吃😋。菜心青嫩翠綠，健康之選。飲品的凍鴛鴦同凍檸茶則正常發揮。…查看更多

有一段時間都冇去過這間車仔麵🤔、開店至今已經有廿幾年長歲月😯、係小時跟媽咪去食過仲記得這種味道😋、開到至今已經有好幾間分店、真係唔容易又開到天水圍濕地公園☺️。就係這ー間《永年士多》今次這間比起以往冇咁昔日懷舊feel、係以簡約帶點時尚、坐著寬敞感覺舒適都唔錯😚！牛油多士 $18呢一件牛油多士厚度十足、加埋塊牛油一樣咁厚、食到入口啖啖口感好正😙！自選菜底 $48起今次呢一款揀咗菜心墊底、配埋豬腸口感腍帶點咬口、 牛筋索滿汁液入哂味味道十足😋 、魚皮餃啖啖口感美味、 魷魚口感煙韌、每一款都係至鍾意食🤭好正！四寶麵 $60呢一款都係傳統必叫必食嘅餸、豬腸、 豬紅、 豬皮 、蘿蔔、轉烏冬+$2、每一款都係同以往味道ー樣咁正、配埋烏冬食更好味沾滿湯汁美味又可口😋！凍檸檬茶 +$12 熱奶茶 +$12樽仔奶茶 $28呢幾款一凍ー熱都好有傳統嘅味道、尤其是佢嘅樽仔奶茶細細樽好可愛😍、都有一整杯份量😯、我覺得好有傳統風味真的唔錯👍、飲到入口味道相當之濃厚😋、所以另外再買咗2枝番屋企飲🤭！…查看更多