永和海鮮酒家

營業中

休息中

今天同朋友行山前搵食店，有朋友提議飲茶，好耐未嚟過西貢，行經過呢間永和，一間舊式酒家睇嚟不錯，好彩未到最繁忙時間，好快有位開餐，我哋點了一檯點心，吾小得义燒包、义燒腸、馬拉糕、豉油排骨、鮮竹卷、牛肉、燒賣、鳳爪，統統都最傳統點心，老實講味道無大驚喜，全部都一般般，勉強合格，本身都吾係抱住好大期望，最緊要呢間算就腳，所有評分都不過不失，眼見都好多人入座，午飯時間都爆棚，出面有人等位，總結想傳統飲餐茶都是一個好選擇。

今日試了西貢呢間老字號酒家，D點心好得，試咗12樣，似乎都係自家製，另外D伙記好禮貌兼服務好，好有人情味。咖哩牛孖筋已經好少地有食得到，佢D牛孖筋煮得好淋，而且吸晒D咖哩味兼無梳打粉味，好食。乾蒸牛肉又係唔係好多地方食得到，佢D牛肉好有牛味，唔係已經「乸」到無晒味嗰D，而且無乜肥肉，好味。蝦餃嘅皮同餡都做得好好，皮夠薄夠爽口，入面隻蝦同埋D筍都好好味。燒賣結實彃牙新鮮好食。叉燒包的包做得好好，乾濕度適中，入面D叉燒都好食。大包真係好大個，個包嘅皮都一樣好食，下面幅相比大家對比一下大包同叉燒包於size上的分別。棉花雞都做得好好，魚肚(棉花)用嘅料係靚嘅，咬落去嘅質感唔錯，D雞又唔會比D頭頭尾尾你，仲加幾粒杞子，好食。鵪春蛋燒賣又係絕種點心之一。芋角都唔係好多地方有得食，呢間都OK，不過D芋頭好似唔係太靚。春風得意腸即係春卷腸粉就中規中矩啦。芋頭鴨腳札整體唔錯，都係衰舊芋頭唔夠粉。

每個月都去兩至三次食午餐, 覺得佢嘅夏門炒米同 乾炒牛河很不錯今日一點半去到見好多人, 地下己坐滿, 自動自覺上二樓, 二樓D呀姐話冇位喇叫我哋再上去, 三樓又冇開, 再上四樓, 見有吉枱就去坐低, 跟住有個服務員走埋嚟話今晚有酒席, 而家要清場, 我望下個錶當時仲未夠兩點, 據我理解一般酒席都係四點幾至交場, 究竟係D員工唔想做趕客走, 定今晚嘅酒席咁早交場, 既然人哋唔願做, 我哋就唯有走, 再經過二樓時又聽見二樓呀姐叫人客上樓上, 我覺得佢哋咁點人客行上行落真係好差

再次自帶海鮮到西貢觀塘買海鮮用咗$1,440酒樓煮工加燒鵝 $1,0071️⃣上湯龍蝦🦞伊麵 龍蝦買咗$600/3隻本來叫上湯龍蝦米粉俾錯咗伊麵上次食過龍蝦米粉好好食😋今次伊麵有啲乾龍蝦有啲硬今次有啲失望2️⃣豉油王蝦🦐蝦買咗$110味道👍🏻3️⃣椒鹽賴尿蝦本來$200/3 隻暫收工減價$150/3隻買咗$250/5隻味道👍🏻可炸脆啲更好4️⃣鹽焗黃油蟹買咗$340/5隻 $68 一隻5️⃣蒜蓉粉絲蒸扇貝$140/10隻味道👌🏻6️⃣燒鵝 $270/半隻值得食 又唔肥 💯分7️⃣送咗紅豆🫘沙、紅棗糕和薑汁糕唔太甜👍🏻5人食咗$2,447

朋友介紹，話燒鵝好食，就去試下。開咗茶，聽到個伙記串個買外賣嘅姐姐，話攞外賣認單唔認人，冇單點俾。姐姐話冇單喎，第一次買唔知喎，個伙記繼續大聲串佢。已經覺得少少中伏feel。因想食多幾個餸，就問下有無燒鵝下庒，呀姐入機落單，隔咗一陣，個廚房出嚟好串咁講，無下庒，就走返入去，咁個呀姐就提議叫半隻，我哋咁好啦，叫左半隻，點知黎嗰”半隻”燒鵝，擺明係用啲賣剩嘅例牌砌成，好似頭頭尾尾咁，真係火都黎埋😤，味道仲要係好唔掂，肉又鞋又太喊，皮又唔脆，食得燒鵝，就想肥肥地，唔係就叫燒鴨啦，但真係好鞋，唔好話比深井嗰啲，就算屋企樓下間酒樓都做得好佢好多。跟著個椒鹽鮮魷，又一經典，完全係粉漿加白灼魷魚，完全冇椒鹽味，咬落出水，但又好韌，仲要催幾次，你唔話埋單都唔嚟，真係食到一肚火。

疫情咁耐終於可以出街食飯！今日朋友同我哋去咗一間西貢嘅海鮮餐廳啲海鮮非常之好味！服務嘅姐姐非常一流！燒鵝非常好味！皮脆肉嫩又多汁！因為太肚餓啦冇幫燒鵝影相！之後嚟咗個魚刺身，再加一個象拔蚌刺身！非常之脆！另外order 咗個冬陰功湯好好味!!!之前朋友飲過話好好味所以encore！果然冇介紹錯！最後才order埋個生炒骨同脆豆腐！豆腐好好味秒殺！最後仲食咗個紅棗糕！甜度適中又夠煙韌！完美嘅總結！下次會再嚟！因為今次好飽啊！下次要期待椒鹽鮑魚！聽講都話好好食！要快啲再約朋友啦！

今日先生陪我一起前往西貢喫茶，我們找了一間很地道的中式茶樓～永和海鮮酒樓，地方簡陋，沒什麼特色卻有很多當地熟客。我們坐下便選了脆皮燒鵝皇下脾，廚師給我們雙肶，喜出望外，雖然鵝皮不夠脆口但鵝肉嫩滑惹味有嚼感。蜜糖山楂骨，山楂味道不濃但肉炸得鬆軟嫩滑彈牙，亦能吃出蜜糖的微甜。乾蒸牛肉球乾身爽口有咬感。午膳後與摰愛沿著海旁慢步，樂也！

今日特意入西貢追踪網紅推介的這傳統粤菜食店😁下午一時半仍見客似雲來，坐下即看菜單，决定選被介绍的燒鹅及小菜👏👏先来了蜜糖山楂骨，熱辣辣及蜜糖味香山楂酸味中和，兩者合拍，排骨畧嫌骨多，肉量多些會更好🤔再上燒鵝雙下脾，肉質嫩滑，味亦足，只是皮未夠脆口，有改善空間🤔追加了干蒸牛肉球，亦算及格，不過不失的一餐😋😋

當天是平日多月來首日開放晚市首次嘗試這間酒樓一入酒樓是傳統酒樓環境乾淨枱與枱之間有距離疫情下感覺食得安心啲職員係年長ee非常親切有禮用餐時不斷替我哋換碟服務良好收費合理見到有好多人訂咗枱下次會帶家人去食

Hidden Gem in the center of sai kung. Always thought the restaurants beside the pier is the go-to for sea food but my friends and I tried Wing Wo for the first time. We were blown away by the vsriety of food that they have. Their famous goose and seafood are the best i’ve had. The service was wonderful, staffs were friendly. Dining in WingWo is the Best way to end the night in Sai Kung…

西貢遊第2日!酒店退房後就係坐的士過黎開飯!呢度朋友帶路,食午餐,2個人叫左幾款點心同蠔仔粥,好有水準!鮮蠔肉碎粥 今日食粥唔食飯,一大碗鮮蠔粥放滿飽滿鮮甜既蠔仔肉,加上肉碎,脆米,蔥花等配料每一啖粥都可以食到蠔鮮味濃,米粒煙韌,啖啖鮮香 個湯底清甜鮮美蝦餃 招牌蝦餃,同樣以鮮蝦做餡,餃身飽滿大隻,肉質鮮甜鴨腳札 少見既手工點心 鴨腳包雞肉芋頭同豬皮 鴨腳好大隻好入味豆皮索曬肉汁,又濃又好食 肉料又多,豬皮幾爽口又入味炸雲吞+水餃 炸得香脆可口,咬開餃子皮好薄 滿滿都係肉餡好夠味抵食,水準高,蠔仔粥一流永和海鮮酒家西貢普通道14號A地下消費$300

I came to this restaurant with my auntie after watching an episode of a YouTuber who said that the best food to try at this seafood restaurant is their roasted goose 😹. And the YouTuber is so damn right! Albeit no halo of Michelin-star, their roasted goose is very flavorful with crispy skin and the meat is quite tender and succulent. We love to pair it with the sweet plum sauce and also ordered a bowl of plain flat rice noodles to eat with the goose meat. We didn’t order any seafood so I am not

西貢區我最喜愛的兩間茶樓，全記同永和，今次先介紹永和，西貢老街坊嘆茶熱點，早茶11點前有批老街坊熟客，午市工友同OL都有，假期會多咗遊西貢舊墟遊客同一群群的行山客，疫情前假期仲有本地遊團光顧，酒家其實幾大不過分散，地廳，二樓(閣樓)，三樓，四樓(最多大枱)，可搭枱或不搭，食客數食飽就走，揾位較容易。傳統舊式茶樓點心，好味袐密……豬油加肥肉！蔡san話齋，好食的多是不健康，我話偶有不防喇，有幾款懷舊點心都有供應，大包，燒腩卷，駌鴦臘腸卷，大包已是近代版本，只有燒肉，雞翼，咸蛋同雞菜肉咸料，燒腩卷一大片五花腩肉加上大片芋頭，濃濃的醃醬，肥物搭廋物，平衡了好食，炸蝦角蝦仁脆甜，蒸排骨同鳳爪排骨飯精髓在猪油爆香的蒜蓉，排骨肉質爽脆，芋角做出傳統味，煎釀尖椒，椒脆魚肉香，不得不提鹵水小食，鹽水雞腳，鹵水掌翼，豬仔腳，真係好好食，厨房炒粉麫飯都可以，如果你能接受舊式厨師的用油略重手！味道是美味的。

經電聯永和酒樓，營業時間差異極大， 讓我需要在此澄清 :早上6:00~晚上10:00食物，照呼唔錯， 往西貢遊玩後必吃的好地方！山友有次遺漏了張八達通咭，樓面職員馬上走出門口叫停朋友取回。

四寶滑雞札28元，魚肚爽，腐皮很酸，吐出來不吃。蟹籽燒賣皇28元，四大粒，賣相美觀，熱辣辣，有冬菇味。蜜味叉燒腸26元，漲卜卜，叉燒份量多，腸粉滑，豉油咸度適中。