永合成馳名煲仔飯

好耐冇食，味道依然，服務大大改進咗，食得更舒適。呢度出名嘅係煲仔飯，呢一點我唔否認，但我想講咗佢嘅例湯先，足料，湯濃，有溫度，有家嘅感覺，仲分大、中、細任君選擇。煲仔飯可以選擇要唔要飯焦，飯焦卜卜脆，真係煮得好香口，佢哋本身個飯底已經有味，所以服務員都會提醒唔需要加太多豉油。食咗窩蛋牛肉飯，我見好多熟客仔一坐低就嗌「門鱔」。今次試埋炒嘢，叫咗乾炒牛河，正宗茶餐廳有鑊氣嗰種，不過我都係鍾意煲仔飯多啲。…查看更多

永不會飽日記 📔探店香港篇章-西環街頭永合成煲仔飯西環石塘咀的德輔道西，一間樸實無華的街坊小店——永合成煲仔飯。店面不大，卻總是人頭湧湧，四點關門的規矩。窩蛋牛肉煲仔飯掀開砂鍋蓋的瞬間，熱氣騰騰的香氣撲鼻而來，米飯粒粒分明。生雞蛋黃澄澄地臥在飯面上，用筷子輕輕戳破，蛋液緩緩流下，與熱騰騰的米飯和嫩滑的牛肉交融在一起。米飯的香、牛肉的嫩、蛋液的滑，在口腔中交織出豐富的層次感。牛肉醃製得恰到好處，鹹香入味，卻又不搶米飯的風頭。小貼士：菜品每日數量有限，售完即止推薦指數：⭐⭐⭐/⭐⭐⭐⭐…查看更多

永合成馳名煲仔飯📍：西環石塘咀德輔道西360號地舖🚗：香港大學地鐵B1出口 步行6分鐘📞：+852 2850-5723💲：~HKD100/head for lunch Food quality✔️：鴛鴦腸飯、本日例湯(小)👌🏼：窩蛋牛肉飯、飯焦總結：🤔馳名嘅煲仔飯名店 入座未食睇餐牌一句「大錢難撈 針鼻削鐵 無非微中取利」已經令我肅然起敬😣🤔可惜期望跟實際有落差 唔差嘅但實在冇驚喜 另外煲仔飯都要$80-$100 飯焦仲要另外+$10就真係唔算太微利啦….🙂‍↔️😋鴛鴦腸飯比較出色啲 見啲長輩一包一包咁買臘場同潤腸 所以決定叫嚟試 潤腸真係好食 但食到第三啖就開始膩😅😋比起煲仔飯 本日例湯反而更有驚喜 有分小中大 細碗其實都夠飲 好足料而且勁家庭🏠式😋老店嚟講服務幾好 同埋員工都幾好吹水 同我吹足半餐 我問點解飯焦要+$10 佢答因為佢哋係用麵包爐整煲仔飯 神奇👏🏼🤔招牌嘅窩蛋牛肉飯就有點失望 佢唔係難食但真係有點略普通 🤔煲仔飯最期待但要額外+$10嘅飯焦就真係頗失望 首先好難成塊摌起 其次係幾乎都係白色冇焦香味🥲…查看更多

呢間煲仔飯真係一絕，已經唔係味道既問題，佢重新定義左何謂煲仔飯，因為佢真係得個煲，將啲飯放入個煲，而係冇煲過既飯。餐牌寫住飯焦+$10，有食過煲仔飯既人，見到都應該一頭霧水⋯⋯然後答案出現啦，原來唔加個$10，個飯係真係可以冇煲過，煲係完全唔熱，個飯毫無香味，只係將啲飯放係煲入面。做生意做到咁，真係非常可恥！茶樓$2、30個啲蒸飯，但就收你$80-110一個飯，作為一個人，真係咁樣做野法都得，完全當啲食客係傻仔咁。…查看更多

呢間都有唔少人介紹過，因為下午4點就收舖一直定都未嚟食，今日中午趕得切終於終於試咗佢啦揀咗窩蛋牛肉加潤腸，同埋蒜豉排骨加潤腸，加多碗佢哋嘅老火湯，今日係蓮藕湯。講講呢款老火湯先，佢比出面嘅例湯飲落係無味精嘅，不過大量嘅甜味係嚟自紅蘿蔔粟米，湯骨味蓮藕味就略為遜色好啦好啦，到咗佢嘅煲仔飯，因為飯焦要另加錢我無加到(呢個係咪影響上餐時間?)由落單到上煲仔飯大概等咗10分鐘左右，我覺得有少少快嘅，係！飯到咗外觀上靚仔碎牛加生蛋，加啲豉油撈撈撈，雞蛋都接近熟嘅狀態，撈嘅過程見佢飯底都係偏濕，煲仔溫度唔太高，睇睇隔離個排骨煲仔都一樣，飯底都係濕啲黏啲，呀係咪真係我無加飯焦🫠整體味道係好好嘅，碎牛入味成個飯連蛋撈我好快食哂，下次嚟要加番錢加番個飯焦啦，雖然我諗唔明加錢加飯焦咁我一開頭叫嗰個係咪叫煲仔飯。…查看更多

拍咗幾日藥，喉唔痛頭唔fin，就係好想食飯，跟住同事帶我飛去西環食煲仔飯。都係咁講，冇乜人嘅時候去食就唔使排長龍喇。🥢【窩蛋牛肉煲仔飯】/ $90永合成最出名就係窩蛋牛肉飯。佢度整牛肉係師傅攞刀剁出嚟嘅，肉都仲係有連埋一齊，肉香同埋口感確實比剁碎嘅牛肉靚好多。將佢事先畀嘅牛肉汁同飯撈埋一齊，再打入個蛋唔使煮熟，食之時將未熟嘅蛋汁撈埋入去同牛肉、飯撈好，食起身就唔覺得好熱氣，就係如果加飯焦要加錢我係第一次聽。（驚熱氣我一路都唔中意食煲仔飯焦）。…查看更多

對上一次食已經係疫情期間去西營盤做檢測嗰時，有朋友住港西，話煲仔飯出名。上次飲埋佢地個湯就一直記住！今日難得平日日頭嚟開西環，處理好事務就止渴一下。時間大約1點，午飯時間，店中9成半滿座，我一個人勉強可以安排到座位。樓面有兩位姨姨負責，坐低可以慢慢睇Menu，我就先叫咗一個例湯（有三個size)栗子合桃淮山紅蘿蔔豬骨湯（大HK$30)作為一個湯怪諗都唔使諗就一定係要大，大碗對我嚟講其實都依然唔夠飲！因為煲仔飯係即叫即整，所以都要預10至15分鐘。北菇滑雞煲仔飯（$90）加臘腸（$20）每個煲仔飯都係即叫即整，如果要飯焦係要另外要求及加錢，我就冇加飯焦，其實無咁香口⋯某程度食煲仔飯其實要有啲飯焦夾埋一齊咁先會更香更正。一個煲仔飯計計埋埋都成舊水都咪話唔貴不過唔係成日食，係秋冬天食，所以豪一豪。煲仔飯上枱嗰時姨姨有溫馨提示，佢哋嘅豉油係鹹豉油嚟嘅，叮囑唔好落太多會太鹹。佢係一個合格嘅煲仔飯，但又未去到難忘。…查看更多

這間曾經位於上環好出名的煲仔飯，已經搬到西環了，見天氣凍，諗住過嚟試吓！下午12時正準時到達，見到裏面只有兩枱人，好容易就搵到位，啲店員好都幾熱情，即刻介紹我哋食煲仔飯！之前做過啲功課，知道最出名係窩蛋牛肉煲仔飯，見有得加臘腸潤腸，馬上加咗潤腸！我覺得佢嘅價錢都幾進取，差唔多$100一個煲仔飯！加埋潤腸差唔多$120，仲有要加$10先有飯焦，差唔多$130一個飯！既然一場嚟到，就豪一次！聽講佢嘅豉油王雞翼都好出名，我今次要咗一個辣嘅，一次過試埋！等咗10分鐘，就有得食！打開個飯煲，真係熱騰騰！加咗啲少少豉油，就開始食飯！個底講完有好多飯焦，唔知係咪落多咗少少豉油，本身啲牛肉有少少鹹，整體食唔到牛肉嘅味道，只係食到啲飯焦同埋鹹嘅味道，而且佢嘅豉油冇乜甜味！唔知係咪期望過高，坦白講，$130 食一個煲仔飯，覺得唔係好值！同埋我好難明白，點解食煲仔飯係要加錢先有飯焦呢？我都係第一次聽！覺得有收左我少少智商稅🤔！另外，雞翼反而俾個飯出色好多，睇得出有誠意，不過又未至於要特登嚟食！試過一次就算！…查看更多

見佢出晒名，6/13去西環食下啦，一見個餐牌，居然煲仔飯要飯焦要加錢，唔係煲仔飯一定有飯焦嘅咩？唔緊要，我唔like 飯焦，但叫完兩個飯唔駛5分鐘內就上，我覺得唔係即煮，叫咗一個排骨煲仔飯，一個黃鱔煲仔飯，唔算熱辣辣，排骨味道唔錯，黃鱔就麻麻，唔入味，最唔掂嗰樣，就係餸同飯好似互不相干咁，完全唔似煲仔飯囉！同酒樓蒸飯無分別，咁嘅價錢（兩煲合計成200），完全唔駛諗有下次！虛有名氣，是但一間煲仔飯好食過佢！…查看更多

從蘇杭街追蹤到嚟西環，只因永合成嘅煲仔飯實在令人記掛，最愛佢嘅北菇滑雞飯，雞肉香滑Juicy, 可惜過咗冬天，今日潤腸、臘味落架了，平時都喜歡係各式煲仔飯上另加潤腸！今日試食咗腐乳蒸雞、嘩！惹味之選😋，今日同行有3個人，加試了梅菜蒸鯇魚，梅菜佢哋自家製嘅，配鯇魚果然掩蓋到鯇魚嘅泥味，同時提鮮了😋今日麗湯係粉葛煲鯪魚，跟住家靚湯無分別，未到1:30就賣晒啦。好彩我哋又點啫！今日帶朋友去至愛食煲仔飯，各人都大滿足、mission completed🥳…查看更多

近排天氣凍凍地，真係好想食煲仔飯老公帶我去西環一間傳統嘅煲仔飯店，聽講之前非常之出名，食物水準亦都有一定嘅我叫咗鳳爪排骨最基本嘅煲仔飯，老公就黃鱔飯落單到上菜大概20分鐘，熱辣辣嘅煲仔飯仲有飯焦👍🏻👍🏻都真係幾好味今日比較早嚟，所以唔使排隊OK …查看更多

最近第一次光顧品嚐黃鱔煲仔飯的經歷，並表達我對這次用餐體驗的巨大失望和不滿。作為一位食客，我認為這樣的問題需要被提出。首先，我想談談黃鱔煲仔飯的品質。當我點了這道菜時，我期待著一碗濃郁美味的煲仔飯，但事實卻完全相反。飯粒還飯粒餸還餸味，顯然是分開煮了。黃鱔的質量還可，但味道淡而無味，毫無鮮味。整體而言，這道黃鱔煲仔飯給我的印象是平淡無奇，完全沒有傳統煲仔飯應有的美味和風味。除了食物品質外，煲仔飯連飯焦不是連體嗎？飯焦還需加錢？真心匪夷所思，這種差勁的服務讓我感到極度不滿。作為一家餐廳，提供優質的食物至關重要的。然而，這次的用餐體驗完全沒有達到這些基本標準。簡直侮辱煲仔飯這個菜式。誠摯的食客，路人甲乙丙…查看更多

西環煲仔飯名物莫過於坤記 永合成 嚐囍😆3間人面爭永合成未試 因為佢無晚市又唔開星期日😢點知勁中伏!!!!!🫠🫠🫠✨窩蛋牛肉飯 $85+ 飯焦 $10打開煲蓋 無咩香味😵‍💫賣相正常 都多免治牛肉😬豉油係用枱面個樽 唔係平時另上 快餐店都唔會啦😣撈勻蛋+免治牛+豉油味道正常 無驚喜😐刮到飯焦嘅 不過第一次聽食煲仔飯要加$10先有飯焦🫠暫時覺得最好食嘅煲仔飯都係荃灣江湖小棧🥰📍地址: 永合成馳名煲仔飯西環石塘咀德輔道西360號地舖…查看更多

今次來到西環覓食 見而家天氣有少少涼涼地 經過見到有間茶餐廳有煲仔飯 又見好耐無食煲仔飯 又見到佢有黃鱔飯 就入去試下啦😁係門口大概等左5分鐘 我地未入門口已經決定好食咩 仲已經點餐 而煲仔飯真係即叫即做 大概等左起碼2️⃣0️⃣分鐘先有得食 大家如果好肚餓既話又想叫煲仔飯 真係叫定小食食下先 如果唔係等候過程都幾漫長😂2️⃣0️⃣分鐘過去 🍲煲仔飯終於都到喇 「黃鱔飯」充滿甘香味道 仲有好多黃鱔添 飯好乾身 味道很好 而另一個煲仔飯就揀左「豉汁蒸排骨煲仔飯」整個煲面佈滿排骨😂可能我地揀左唔要飯焦 所以少左一份燶燶地既風味～餐廳除左煲仔飯 仲有其他快餐同粉麵 店舖營業時間係朝早7:00am-4:00pm 大家想試記得留意時間喇😊…查看更多

飯焦要加錢嘅煲仔飯真係第一次見本身個飯又唔係平上菜時又直接收走個蓋 上菜又慢 成八九十蚊個煲仔飯又唔包飲品味道又唔係好食到值呢個價唔推介 食翻大快活煲仔飯好過 會冇咁嬲The Price is completely unacceptable for the quality Totally not recommended The taste is below average No good no good no good no good no good 講完…查看更多