氷舍

🥭楊枝甘露麻糬 ($58)
楊枝甘露系列係店內嘅招牌！經典嘅楊枝甘露，芒果香濃郁，椰奶順滑，配上西米嘅Q彈口感，甜而不膩😍特別加入軟糯麻糬，咬落去黏黏地又充滿嚼勁，完美提升整體層次🤩清新嘅芒果味同麻糬嘅口感相輔相成，啖啖麻糬好幸福！💚青提炒冰 ($56)
季節限定✨夏日食個炒冰夠哂清爽😍炒冰以新鮮青提為主角，青提嘅清甜果香加上豐富配料：Q彈麻糬、卜卜脆嘅脆脆珠同新鮮青提粒，口感層次分明，每一啖都充滿驚喜🤣清新嘅味道同多變嘅口感，食完成個人好refreshing😍🍹脆脆珠青提綠茶 ($38)
創意十足嘅飲品，綠茶底清香撲鼻，帶有青提嘅微酸果味，甜度適中，飲落去清爽解渴～加入脆脆珠同青提粒，啖啖都係卜卜脆嘅口感🤣💛D24榴槤麻糬凍飲 ($52)
D24榴槤麻糬凍飲係榴槤控嘅終極享受🥰選用頂級D24榴槤，香氣濃郁撲鼻，入口濃厚又creamy，甜度恰到好處☺️配上Q彈嘅麻糬，增添嚼勁，冰涼嘅口感更加突顯榴槤嘅獨特風味🥰…查看更多

天氣突然轉涼…除左可以打邊爐外…當然要把握機會食下【冰】啦😌😌行完sogo掟個靚彎就到icegreen…到達時尚未到甜品時間…店員即時安排入座同細心介紹下自己甜品我地點左三個甜品D24榴槤刨冰 個賣相無得頂 刨冰上鋪滿榴槤肉…金柚肉…芋圓…仲有pad whipped cream錦上添花。呢個真係榴槤控必點，點解？因為刨冰入面仲有好多榴槤肉…榴槤肉好creamy同埋好香濃。另外跟左一樽椰漿…可以用黎送刨冰。芋泥麻糬芋圓 一和看似簡單甜品…芋泥做得好綿密…配合埋煙韌麻糬…簡單就是最好最後季節限定既黑芝麻炒冰 甜品鋪滿脆脆珠…椰果…麻糬…當然仲有黑芝麻炒冰…黑芝麻味道濃郁…炒冰溶掉後有食芝麻糊咁。麻糬配凍甜品口感更煙韌刨冰同炒冰點揀…鍾意綿密口感就推薦炒冰。如果鍾意強烈口感就一定刨冰另一賣點係佢地既麻糬做得好煙韌…口感有d似蕨餅like如果你鍾意食冰同麻糬…呢度係一個唔錯既選擇#eating #instagood #foodgram #foods #foodstagram #foodies #foodphotography #fooddiary #food #foodblogger #hkfoodie #香港好去處 #香港美食 #銅鑼灣 #icegreen #刨冰 #炒冰 #麻糬 #甜品…查看更多

今日專登去銅鑼灣Icegreen試咗幾款甜品。鋪頭細細但乾淨，座位唔多，好彩平日去唔使點等。芋泥紅豆麻糬奶 $38芋泥香味天然，仲食到粒粒口感。紅豆煮得剛好，麻糬超軟滑又Q彈，成杯口感豐富又唔漏。D24榴槤肉炒冰 $66一上枱已經聞到濃郁榴槤香，用咗D24榴槤肉製作，味道真材實料。質感綿密，入口即化，榴槤愛好者必試。醇濃黑芝麻炒冰 $56芝麻味非常突出，香濃而不膩。炒冰質地細滑，甜度適中，食完成個口都係芝麻餘香。楊枝甘露麻糬凍飲 $42呢杯好有驚喜！楊枝甘露酸甜清新，入面有柚子肉同芒果粒，加上滑溜麻糬，口感特別又解渴。總體來講，Icegreen甜品質素唔錯，真材實料，價錢合理。特別係佢地既麻糬同炒冰系列都好出色，值得再encore！…查看更多

小編bookmark咗呢一間甜品店好耐，因為對佢手工麻糬很有興趣，所以搵咗一日happy friday 同人去試試～粒粒芒果炒氷（配手工拉絲麻薯麻糬及脆脆珠）芒果有天然嘅果味，冇落人造芒果醬，味道偏甜帶微酸。芒果切成一粒粒，食得到細膩滑溜嘅果肉。炒氷入口綿綿的，上枱之後慢慢融化嘅冰恰到好處，冰粒口感唔算明顯，每一啖都係芒果味。配料有脆脆珠同手工拉絲麻薯，前者好有口感新；後者好有奶香味道，有黏黏口感。熱腰果露（加配手工拉絲麻糬，少甜）小編好鐘意食腰果露，好味得嚟又對身體好好。腰果露熱辣辣咁送上嚟，有好香堅果味。上面撒上腰果碎，腰果碎有少少烤過嘅味道。腰果露甜度適中，口感順滑濃稠，冇特別加水溝淡。小編覺得麻薯適合凍食，熱食就會冇咗拉絲嘅口感，但有暖胃舒服的感覺。石榴星麻糬凍飲脆脆珠青提綠茶（走甜、微冰）兩杯嘅顏色好吸引，兩杯飲落去都冇假味道，全部都係用水果榨汁而成，甜度都控制得好好，食得出水果原有嘅味道。青提同綠茶好夾，每啖綠茶都會有青提嘅淡淡水果香，而且食唔到青提既酸味，仲有脆脆珠增添口感。石榴星嘅酸度被糖漿中和咗少部分，變得容易入口，加上有麻糬的奶香同奶蓋，令到口感更加豐富。氷舍謝斐道520號地舖#香港美食 #香港刨冰 #刨冰甜品 #銅鑼灣美食 #香港探店 #銅鑼灣探店 #香港必食餐廳 #麻糬 #銅鑼灣甜品 #銅鑼灣 #甜品 #氷舍 #拉絲麻糬 #腰果露 #新鮮水果 #icegreen #foodie #foodiehk #hkfoodie…查看更多

世貿對面呢間糖水鋪，我同朋友食完飯成日都會去幫襯。講真，試過咁多次，佢哋都無令我失望，價錢合理之餘，份量真係交足功課，絕對係對得住個價錢。最正係中西式糖水都有，總有一款啱你心水。今次試咗三款，款款都有驚喜：🍧 D24榴蓮飄香刨冰 - 一上枱就聞到濃濃榴槤香，刨冰底藏住煙韌麻糬同超多榴槤蓉，面頭再鋪滿小丸子，真係食到停唔到口！🥭 楊枝甘露 - 一啖舀落去，幾乎成匙都係芒果肉，酸甜度啱啱好，口感好豐富。❄️ 粒粒芒果炒氷 - 鍾意食口感嘅必點！每啖冰都夾住清甜芒果粒、脆脆珠同軟糯麻糬，層次超多。…查看更多