水門雞飯 (萬勤商業大廈)

營業中

休息中

做完運動一定要食雞肉, 吸收蛋白質先可以大隻點~ TST食雞我推介水門雞飯店, 地點方便, 在THE ONE附近。不過晚上客人比較多，6PM開始都需要排隊等位，大約等5-10分鐘。今晚我沒有食雞飯, 試食他們的泰式東陰公雞肉湯河，但點了湯河就不配雞飯的醬汁, 我比較喜歡雞飯的醬汁, 所以覺得味道差了一點, 東陰公湯底不算太辣, 怕辣人士也可接受。所以大家去還是食雞飯比較好。

其實check得嚴可以理解，但check得嚴唔代表語氣可以差到咁。。。。我個fd新電話想入翻針卡落安心出行，個金毛啊姐一野語氣勁差咁話cap圖唔入得！ 乜都未問就先入為主。。

每次去曼谷都要去水門市場食平、靚、正的海南雞飯。香港都有間【水門雞飯】，不過同曼谷水門市場毫無關係。香港版的【水門雞飯】乃本地人開設的主打地道泰式海南雞飯的食店，共通之處都是平、靚、正。因此大受街坊歡迎，於大埔、元朗、尖沙咀及旺角設店，遲些會到銅鑼灣開分店，真厲害！ 甫入內，人山人海加上只有泰文的裝潢，真的有泰國感覺！星期六都有午餐，有九款選擇而且包飲品，只需要五、六十元又無加一，在尖沙咀難找到這個價格的午餐。下午茶餐雖然平幾蚊，但只有3款，午餐相對性價比高些。小公主喜歡吃雞，但就不喜歡海南雞，這間【水門雞飯】就有小朋友喜歡的炸雞飯。 【水門炸雞飯 $60】炸粉沒有把雞肉緊緊地包裹，一夾起有部炸粉已經脱落，幸好炸粉鬆化又薄薄的，味道尚且不錯。雞肉不太厚身，肉質嫩滑不嚡口。炸雞飯包個湯，湯內有2片厚冬瓜，雞湯以雞殼、豬骨等熬數小時，但是胡椒味超強蓋過其他味道，胡椒味太過刺激受不了。油飯顏色比較淡，果然味道同樣比較平淡不夠香料味又沒有雞的味道，另外口感也偏硬偏乾身，沒有預計吸引。【牛肉湯牛丸生牛肉金邊粉 $56】有米粉、河粉、金邊粉、粉絲、蛋麵可以選擇。食材有生牛肉、牛丸、炸豬皮，賣相豐富

🍜冬陰雞湯粉 $59餐廳主打泰式海南雞，賣相似白切雞，雞肉好結實，超有咬口😋，啖啖肉，無骨唔油👍🏻 不過雞肉唔算多，配菜磨菇好爽口🍄冬陰公湯底就偏酸多啲唔辣，好開胃，味道天然冇加太多香料唔會過咸😉 麵揀左金邊粉，金邊粉痴埋一舊，要浸入湯撈下，不過好左唔會斷開散哂

雖然而家0+3,但可惜我冇大假😪唯有去尖沙咀食番轉水門雞飯先🐓🍚裝修好有當地FEEL，真係幾似架😂當去左轉曼谷啦🤩好，講番個雞飯先，份量唔算好多，女仔份量，我就唔多夠飽喇😅雞都算嫩滑而且啖啖肉,無骨, 最鍾意佢嗰個醬汁辣辣地勁惹未,係會有種愈食愈想食既感覺，讚👍👍👍另外仲叫左個水門撈麵🍜個樣望落幾OK架, 可惜敗筆位正正係個麵底, 作為一個撈麵居然煮到又淋又軟，完全冇麵應有既口感。。真係幾失望🙄慶幸啲餸OK都好入味，如果唔係呢碗野真係嬲😜

中午食咗個淨係得辣同油好難食既午餐之後，（睇我食評就知道邊間），成晚都冇乜胃口，老公就話不如買外賣返屋企食，於是就食水門雞飯水門雞飯既雞夠滑，雞唔會油，可以連皮食都唔會覺得肥，油飯有雞味同樣唔會油膩，而且飯軟硬適中，非常好味，最特別可以$10加雞什，雞什點埋個汁好夾雞飯會跟埋個湯，碗湯會有舊冬瓜，不過只係飲到好重既胡椒味水門雞飯份量唔係好大，分咗半個飯比老公先夠特別提一提：夜晚6點後外賣正價食品滿$100有8折，好抵

平時都有食開水門雞飯，今次係尖沙咀呢間食，帶位既店員態度有點差，唔太禮貌不過唔緊要啦，都係快餐黎，我都明白兩個人叫左一個雞飯加一個冬蔭公雞粉絲冬蔭公雞粉絲d粉絲唔太熟，仲有少少白白地，未熟透，好似趕工左d喎，但個湯味道都正常另外個雞飯得好少件切雞，份量少過以前，感覺愈來愈差

呢日行過金馬倫道想食返個early dinner🤭見到水門雞有呢個下午茶餐食到6點前仲要星期六日都有 即刻衝入去食🤣記得當時都有不少好似我地既同類🤣🤣┈┈┈┈┈┈┈┈┈┈┈┈┈┈┈┈水門雞飯 $58賣相望落去色水比較齋食落沾返旁邊海南雞醬剛好雞件都比較鞋身彷彿是近雞胸的部份在旁跟上既湯很鹹並帶有很重胡椒味 鳳尾蝦炒金邊粉 $62即時炒起送上真係幾好食大概有六隻鳳尾蝦 蝦肉都新鮮呢碟炒得不錯雞肉串燒 追加 $24唔韌 都熱辣辣整起出黎馬拉盞肉醬芥蘭苗 追加$20 猜不到佢既微辣肉醬真豬肉碎辣得幾過癮 我唔係好食到辣既人 都覺得好食芥蘭苗都炒得唔錯喎 仲keep 到幾翠綠同爽洛神花茶 鮮檸梳打幸好兩款飲品都唔甜夏天飲品消暑一流

✨抵食多分店海南雞飯 串燒有驚喜✨.星期日約6點，去到尖沙咀嘅水門雞飯，入座時人唔算多，但到7點時店內已幾乎滿座；呢間我印象中好壞參半，但我自己覺得以呢個價錢黎講絕對唔差😋銅鑼灣仲準備有分店添，一定會再回訪！.▫️水門雞飯 $54（7/10）雖然雞肉唔算多及雞味亦唔算夠，但食落幾嫰滑，重點啲飯粒粒分明且充滿油香💕而且係尖沙咀食到五十幾蚊嘅海南雞飯，仲有碗附送嘅湯（雖然咸咗啲），性價比真係好高！.▫️雞/豬肉串燒 $42/3串（8/10）有啲驚喜🥰估唔到唔會幾正，食落入味又夠軟腍.▫️樽裝可樂 $12▫️枝裝水 $6對比唔少餐廳嘅飲品價格，呢間真係良心價！.❥…餐廳環街乾淨企理，食物質素唔差，性價比甚高，另外仲聽朋友講呢間金邊粉都好正，等我下次再去試吓先！.#fibee_尖沙咀.如果鍾意我嘅𝐏𝐨𝐬𝐭 (˶ˊᵕˋ˵)希望你可以𝐅𝐨𝐥𝐥𝐨𝐰我@fibee3b

難得在香港可以食到泰國水門雞，當然一試佢撚手嘅水門雞飯。嗌咗水門雞飯外仲嗌咗菠蘿燒雞炒飯，見到價錢真係冇泰國嘅感覺，味道都唔似泰國咁，令人失望。加了一兩個小食，燒魷魚味道出奇地好食，可惜都係食唔出泰國果種又平又正嘅感覺。

大大碗， 多粉又多肉仲有埋 #泰式奶茶盛惠$44 冇加一雖然係下午茶餐， 但直迫正餐份量尖沙咀區， 性價比高啊…..我揀咗牛肉湯底，生牛肉配料又炸豬皮、又雲吞皮，食完飽到唔駛食晚餐最重要係湯底唔重味精， 飲完都唔口渴呀！絕對會encore! 📍 水門雞飯 (萬勤商業大廈) (尖沙咀)尖沙咀金馬倫道18號萬勤商業大廈地舖#抵食下午茶 #泰國嘅味道

每次去泰國都一定要去食水門雞飯，無得去泰國唯有去香港嘅水門雞飯頂下癮先。今次order左 水門雞飯、水門三寶雞飯 &秘汁泰式生蝦 雖然香港食嘅價錢係泰國嘅2倍，但好彩佢都有水準，味道同泰國食嘅差唔多😊雞肉肉質鮮嫩，配上油飯同秘製醬汁，好食到停唔到。第一次試水門雞飯嘅炸雞，炸雞都炸得好出色，好juicy👍🏽 另外個生蝦都好新鮮、好大隻，肉質非常爽口，再沾埋佢個辣醬愈食愈辣幾過癮！佢個環境都好地道，整到有啲似bkk，雖然啲枱係有啲密，但就真係覺得似坐左係泰國街邊食雞飯甘。好 掛 住 泰 國 呀！如果返黎香港唔洗隔離，一定即刻飛過去😑

份量少 乾身無味 雞肉又鞋 飯又少到得果兩三啖其他麵食還可以 呢度價錢又貴 配上這個份量既野食簡直蝕水加上店員態度惡劣 餐未送來不能除罩 連個人自由都剝削（還標榜自己黃店 笑死人）垃圾食店 不可再去

之前食過次雞飯 幾好食今次想試下其他所以叫咗豬手飯原來係伏豬手飯可能我想像中係韓式豬手咁嘅款原來唔係 唔緊要 無問題上面嗰層肥豬肉係合格嘅但係啲肉 好似煲湯瘦肉咁勁乾柴 有醬都幫唔到🤦🏼‍♀️醬撈飯好食😀水門雙拼飯 雞+炸雞雞係正常炸雞好似凍咗擺咗一陣嗰種口感一啲都唔脆 ((定係佢本身嗰煮法係咁???脆炸蝦波如名 真係好脆無乜特別唔試都唔會後悔下次都係間餐廳出名啲咩就叫番嗰款算好易中伏😅

一直都想試 今日終於有機會去到今次叫咗水門雞飯同pad Thai🤤🤤🤤雞好嫩滑 醬汁係自家製嘅 特別香口Pad thai 都好正宗 酸酸甜甜好好味同開胃Lunch time跟set仲會送大大杯特飲今次叫咗泰式奶茶 唔算話特別甜呢個價錢同呢個質素喺尖沙咀上班族嘅恩物🤩🤩