民華魚蛋粉麵

服務水平麻麻🙊朝早未食早餐，咁岩經過大埔附近，就隨便揀間唔洗等位茶記試試。入到去茶記格局，冇乜特別裝修。由於得我一個人，都係要同人搭枱，入到去見到枱枱都有人，只好問侍應可以坐邊，起初侍應係完全冇理過我，可能太忙唔得閒，我只好等下，等左陣就隨便叫我坐個位黎搭枱，位置都幾迫下，如果天氣熱都幾辛苦，要快食快走。人手落單，上餐速度都幾快，叫左個沙嗲通粉同多士煎蛋，味道正常。價錢方面正常，唔會話特別好食同抵食。…查看更多

大明里民華餐廳，熟悉的大埔街坊知道它素以盅頭飯與魚蛋粉麵著稱，均有口碑。我卻獨愛其碟頭飯，其中尤愛叉燒滑蛋飯，簡單，飽肚、味美，完全係性價比之選。一碟美味嘅叉燒滑蛋飯要具備咩條件呢？這碟飯表面簡單，其實易學難精。在我看來，滑蛋要夠嫩、叉燒要夠香、豉油要夠濃，可謂三位一體，缺一不可。坐低嗌咗唔夠十分鐘已經便已上檯，熱辣辣！一層厚厚的叉燒嫩蛋舖滿曬成咗飯山，有如冚被，量大抵讚！第一啖先食原味，入口蛋味香濃，似係湖北蛋，隨不及日本蛋，但50幾蚊已經算口咁，口感上嫩到無朋友，佐以粒粒半肥瘦叉燒，叉燒鹹香可口，有少許炙烤香味，惟略顯切得太碎，有損口感。第二步當然要注入靈魂———煲仔飯豉油，呢度嘅豉油味偏甜，質感漿口，偏瑞士汁的味道，完全中曬我sweet point，令人口不停蹄，一啖接一啖。另外值得留意個細節位係，個飯嘅口感非常煙韌適中，係典型長身絲苗米，不似坊間軟腍腍的白飯，毫無誠意可言，「飯有飯味」如今竟成爲抵讚點，真係食風日下，煮德淪亡！未幾耐，一碟味美量足的滑蛋叉燒飯已經祭入我五臟廟中，以呢個價錢食到呢個質素，大埔嚟講應該都無咩詐型㗎啦，我每次由九龍塘南下返鄉，都要一解「鄉」愁，可見呢碟飯嘅魅力！…查看更多

晨早出門去睇波，第一時間梗係嘆個醒神早餐🍴先啦！大埔墟公園仔一帶餐廳林立，點指兵兵入咗廣福里呢間"民華魚蛋粉麵"。地方細細，眼見12張枱仔，姐姐有禮貌，唔該前唔該後👍趕時間，咋咋臨叫咗個先薑絲牛肉通配餐肉炒蛋多士🥪，再加多杯凍咖啡($45)牛肉嫩滑，湯底夠味，多士香脆唔會燶，炒蛋嫩滑，唔錯唔錯👍凍咖啡先係靈魂，飲完即刻好精神🤣🤣睇下個餐牌，嘩！食物品種都好多選擇，有湯飯、點心、蒸飯...快閃一個豐富好味嘅早餐，夠曬energy，出發💪…查看更多

下次差不多兩點、都過咗午飯時間！我見店內食客不多都多空枱！我同朋友入到去坐車方枱對住坐、睇好食咩諗住叫既時間、問題就來啦！阿姐來到唔係第一時間問我地食咩、係叫我地平排坐、我之後就講都過咗食飯時間冇咩人、點解要平排坐、阿姐之後就講、唔理係唔係食飯時間有冇空枱、總之食到來一定要平排坐、不平排坐就唔同你地落單同唔歡迎我地、我之前都唔係都唔平排坐、之後阿姐叫我地走講唔做我地生意！簡直離譜😡😡😡😡😡、以後都唔會再光顧…查看更多

超級正呀，係有一次唔知太太唔舒服定還是太疲累，於是在家中留守，我就推咗嬰兒車和兒子出去大埔墟行個圈，去到玩具舖發現佢冇乜精神沒精打采，然之後一問他才說是肚子餓，於是我就問佢 食點心🧆定還是食麵包🥖結果他說吃點心，而且經過這裏還說坐喺度食，於是就產生左史無前例嘅父子飲茶。😂其實民華以前我一向都有食，而且喺太子食嘅時候，通常都係食常餐然之後加個飲了，這天才記起，其實你都可以叫兩個點心，然之後加熱奶茶凍檸茶之類，自製點心常餐。佢嘅山竹牛肉一樣係大大粒，不過味道就普通，只覺得是吃了一大團牛肉混合豬肉的粉團，其他香菜或是荵嘅味道就真係欠奉，都係用喼汁主要調味。另外鵪鶉蛋燒賣，其實都係有一大豚肉喺下邊度然之後上邊有鵪鶉蛋，似乎兒子主要都係食鵪鶉蛋，下邊嘅肉都係食咗少少。雞扎嘅份量似乎都唔少，那塊雞件相當大件，呈丁方形嘅火腿亦都夠大條夠粗壯。不過係舊芋頭食唔到，如果唔係其實都幾正的。…查看更多