民華餐廳

營業中

休息中

早排嚟呢度食咗個常餐, 呢個常餐喺早餐時段就$37, 其他時段就$43. 個餐有好多種配搭, 我就揀咗火腿炒蛋, 即烘牛油多士同埋沙嗲牛肉麵!份炒蛋份量都ok, 炒得都算滑但係可惜只係暖暖地~ 最正係份牛油多士, 多士夠厚, 咬落鬆軟又熱熱地, 真係即烘㗎啵, 好味呀! 下次再嚟食都會因為份厚多士! 而沙嗲牛肉麵就中規中距啦, 份量都唔細碗, 而且入面都有幾多牛肉, 麵質亦唔差的~另外杯熱奶茶都有驚喜, 幾好飲, 茶味奶味都夠, 而且入口算滑呀!

蒸飯套餐（飯連飲品）$38/41但淨蒸飯就$29再加配燒賣$17都只是$46這餐想豐富一點，所以兩樣都點了凍檸茶是絕對能夠評論一家茶餐廳功力的項目。民華餐廳的凍檸茶茶色不夠清澈、只有3片檸檬、用上中型冰粒能夠快速讓飲料變冷而未致於變淡，飲一口覺得茶味尚算合格。北菇滑雞飯（$29）一上枱時，摸一摸飯碗，只是稍暖，不夠熱，扣了一點分。滑雞數量多，入味，有誠意，配上薑絲味道更好。蒸飯的靈魂—豉油，少少甜，不錯！最後推薦燒賣（$17）每顆燒賣都有一粒杞子在上面，燒賣裡面包滿彈牙的豬肉，不肥不瘦，少少的油分令整體味道更好！唯一覺得黃皮過濕，每次吃都覺得影響口感。

單點西多士，最後黎到既係一份炸左厚切方飽開了九件，加左煉奶沒有花生醬也沒有糖漿，餐牌只寫西多士，英文是French Toast，沒有寫是跟煉奶，店員亦沒提及。基本上黎講，水準差過大字頭快餐店。坐下接近10分鐘完全沒有人執檯，來到執檯就將垃圾掃到本人全身都係，一句唔好意思就走了，用布抹檯後全檯極濕，我再用紙巾抹乾是啡色的，衛生情況不理想。抹檯後仍然沒有人來落單，目視完全不足夠店員，多次舉手無人理。食物失敗，服務零，價錢正常。

同朋友喺附近寵物店掃左一大堆零食比佢隻狗狗，見差唔多晚飯時間，就是但搵間坐底啦~其實成張餐牌都冇咩特別想食，就叫個應該唔會難食嘅豬軟骨飯侍應姐姐拎個飯過黎個時我同個friend都"哇"左下：因為個大陽蛋煎得十分出色之餘，擺放嘅位實在太神奇啦🤣，半凝嘅蛋黃啱啱好掛喺飯面側邊，好似蛋黃哥咁勁正🤤🤤，未食已經喺視覺上大大加左分👍👍👍蛋黃汁配白飯本身已經係經典，唔加豉油，轉加豬軟骨醬汁又喺另一種特色！而主角豬軟骨當然都唔差啦，份量十足之餘骨軟又肉鬆，紋得夠火喉又唔會令軟骨過爛，保有微微咬口👍👍

我真係好鍾意食茶餐廳🤤返工返到攰攰哋，出嚟食個民華真係好開心其實返學果陣都成日食，自己一個又食，同朋友一齊又食😂😂😂😂😂其實我都真係幾常食民華，最常嗌嘅係常餐🤤🤤🤤果日個多士重要烘得好好😭！！！！！再加個蕃茄潤米，同凍奶茶，perfect！😭😭雖然大埔都有民華，但菜單唔一樣㗎！！！！大埔果間就冇蕃茄湯，但就有蠔仔粥好治癒嘅一餐，多士烘得靚會令人開心一日！臨走重叫咗外賣比同事添🤗

預先同大家講聲先 千祈咪帶選擇困難症既朋友黎 皆因呢度有好多選擇 麵個d就問你要食乜 雪菜米，茄牛通....炒蛋定煎蛋...腸仔定火腿....認真幾多野揀💁🏻‍♀️講下招牌茄牛通先湯底冇咩特別既🙅🏻‍♀️冇乜鮮茄味 牛肉唔多 亦都偏老身😅值得一提 個多士充斥住好香既牛油味 仲烘到脆卜卜 唔係唔食嘛😛 配上滑蛋 成個餐更加perfect la😌

最抵食好味既常餐，莫過於民華，呢度既炒蛋係超級滑，多士脆口，口感極佳！蕃茄通粉香濃有味，最正係杯熱華田，十分足料，唔似人地餐廳係少粉溝水！可惜環境就太窄，兩個人坐一邊卡位已經迫到透唔到氣，另外，多左好多自由行食，要等好耐位！

對番茄豬潤湯底，又愛又恨。因為，每次吃也會燙到🤣🤣番茄湯的餘溫熱著薄片豬潤，多浸數分鐘也不會過硬，味道不帶半點腥味。番茄湯有少許茄肉，中和了罐頭湯的甜，啖啖番茄湯吸收了豬潤的精華。米粉份量偏小，肚子餓的話，要點公仔麵。除了是番茄湯，姐是為了炒蛋多士而來。這是結實的炒蛋，不會只吃到奶油味，配上香脆的厚多士，簡直是常餐的靈魂。熱檸茶，足足有四分一個原片檸檬，沒有檸檬核，非常安心的飲用。旺角民華，應該是眾分店中坐得最舒適，最多卡位，走廊最寬敞，不怕碰到別人。

2018年想以港式早餐作為一年既開始，所以揀jor旺角哩間茶記～（聽聞出名番茄牛肉通）嗌jor一碟燒賣（$17）+兩個常餐（$43）：1）沙爹牛公仔麵+烘多士煎雙蛋+熱奶茶2）番茄火腿通+烘多士餐肉炒蛋+熱奶茶男友話沙爹牛公仔麵好普通，我覺得番茄火腿通都幾濃但湯唔夠多但多士炒蛋卻唔錯（不過多士炒蛋係基本功，大部分茶記都應該好味）碟燒賣一上有條頭髮（唔記得影相）雖然飲食業都唔衛生，不過俾客人見到就感覺唔係咁好啦總結：so far so good啦，唔係太特別，味道又唔係特別好，價錢都算貴。

新年第一日，想食個靚早餐，決定食個港式早餐。見到openrice多人推薦民華，於是決定試一試。雖然好多人，但好彩唔使排隊叫左沙嗲牛肉公仔面+多士+煎雙蛋，味道還可以，正常。見到有得叫點心，感覺好得意，於是都叫左一碟燒賣，感覺點心相對好食d

今日在花園街附近做嘢 ，搞到八點幾九點，跟住去附近搵食 隨便搵咗這間茶民華餐廳， 入到去二話不說即刻睇餐牌搵食， 唔想食碟頭飯炒粉麵， 有另一選擇 就係我最喜愛的點心。 諗都唔使諗即刻買中鳳爪排骨飯叫多兩個點心 加多杯熱奶茶 簡直絕配， 因為太肚餓嘅關係 放乜嘢入口都覺得好好食 但整體嚟講茶餐廳點心算唔錯 可以一試

又一個忙碌既星期五，夜左收工又約左朋友喺旺角等，的確係好難搵到好野食既，於是就決定去附近啲茶記食個便飯就算，誰不知竟然發現左啲好野😯難得茶記有中式點心賣，咁梗係要試下喇所謂既好野其實就係左手邊既鵪鶉蛋燒賣喇！以為呢道點心只會喺傳統茶樓先有，原來都可以喺度搵到架！味道方面相當好，夠熱而且食落啖啖肉，蛋味香噴噴，價錢方面同普通燒賣一樣，真係抵丫豉椒排骨飯同樣唔錯，排骨份量適中，但就無燒賣果種成口都係肉既感覺喇而呢個咖哩既香料落得好多，食落係比平時既咖哩香濃之餘亦唔係特別辣，值得一試原來食茶記都可以咁正，等我bookmark佢下次再黎過先😄😄

I had the beef tendon and brisket with flat rice noodles in fish soup, and while I'm aware that it should be fatty, the meat in this dish was about 85% fat. as well as this being the case, the soup was mediocre.Decor and surroundings are your average cha chaang teng, so nothing to complain about there at least.

今曰同朋友一旺角看電影我們看戲前找過地方休息嘆下茶餐，旺角選擇吃下午茶地方算多但價錢就很參差，我們揀左茶記我們各人叫左沙爹牛肉公仔面配炒蛋沙爹牛肉公仔面裡牛肉足料但公仔面唔夠熱面質地尚算可以炒蛋唔熟，不太想吃了有點兒失望，牛油多士係凍冰冰.....至於地道港式奶茶，幾好喝，夠熱，水準不錯，奶味濃郁。希望下次其他地方可以改善。

我經常性來食野，可能D坐位設計問題，令到某一處D座位，無人服務，但最後有張座位俾D員工休息，就算見到D客人想叫野，D員工都唔會理會你，D食物水準就算幾oK都無用，可惜D服務人員不足，經常性無人落單。如果這樣下去，就會有客人走了。