民華餐廳

營業中

休息中

月尾返工真係忙到震，今日午餐都無時間食，晚餐就慰勞下自己😂😂😂Heavy 嘅晚餐醫下肚仔🥺食豬軟骨飯配豆冰，再配碟灼生菜，嗌多個西多士同朋友仔share，因為哩度西多士真係好正，勁厚！！醬又夠多，啲煉奶簡直係瀉出嚟🥺加埋塊肥牛油🤤🤤🤤🤤🤤我不行了😭講返個豬軟骨，網上啲人真係無推介錯，好淋、半肉半筋，份量亦唔少，撈咗粒荷包蛋送飯真係一流！朋友話哩度常餐平常之抵食，揀咗火腿蕃茄通粉，蕃茄湯底非常濃郁🤤 超級開胃！一食就食到停唔到口，佢完全忘記咗個餐仲包咗火腿炒蛋同烘牛油多士😂食完碗通粉，炒蛋當然係凍晒，非常可惜😢 汲取咗呢次教訓，下次如果再嚟佢一定會食晒份炒蛋先😂

今日同朋友去寵物街行街就去了民華餐廳食晚餐我們叫了西多士～多士原度剛好脆脆香香十分好食咖哩牛腩飯 ~ 咖哩不錯，牛腩也是不錯，香料也足！糯米雞～料很足分量也很足，味道不錯雞扎～味道不錯，還行！常餐番茄义燒通粉～番茄湯底濃郁好好食！+煎太陽雙蛋～正常，不過底不夠焦香+烘牛油多士～厚度剛好+熱奶茶～茶味不夠，茶香不足，口質是夠滑順！味道不錯，不會太鹹總結味道不錯環境一般，坐位的皮都是爛的😓服務一般茶餐廳不要有要求！衛生 上可以

呢間餐廳我一路有bookmark定，呢日咁岩路過，見入面客人唔太多，就入黎試下。去茶記就梗係要食佢個常餐，我叫左鮮茄牛肉通粉。個蕃茄湯好濃郁，酸酸甜甜好開胃，牛肉唔痴牙，都係似落左蘇打粉咁啦，通粉略嫌有少少硬。呢間個多士落牛油都落得重手，唔記得講少牛油，咁就惟有自己了走d牛油，但佢個多士係即烘，熱熱地幾好食。而個炒蛋都好滑，有奶味，不過塊午餐肉d油多到反哂光，減緊肥既我食左一啖就算。值得讚係呢間野效率好高，落單後10分鐘就有得食

今日lunch唔想煮飯於是近近地叫外賣黎食啦方便簡單快捷又好味我地成日都會食！ 一早成為了飯堂之一西多士🍴🍴$20 $20 $20炸~ 每次必點之一因爲我地住得近！ 拎到番屋企仲係好熱啦啦！ 加埋 more more 煉奶 勁正啊！！ yummy 常餐 - 沙嗲牛肉米 🍴🍴沙嗲牛米！ 牛肉超級大塊簡直係完勝其他餐廳炒蛋都好滑下！ 好中意佢地而個滑蛋 再加埋個多士 ！👍🏻👍🏻👍🏻咖哩牛筋腩飯 🍴🍴咖哩係甜甜地少少辣！！ 拎d汁送飯真係一流而且牛腩超級大舊~ 牛筋又好軟淋淋 唔錯喔

平時都好忙，今日終於有時間同機會享受一個午餐由旺角站行去通菜街, 望下有咩好食，一街都好多餐廳跟住行行下就入左去民華入到去係爆滿，一個人黎要同人坐卡位搭台好多選擇，有常餐，蒸飯同點心會選擇困難呢好啦，一於食個常餐啦 $46通粉雙蛋多士是常識吧多士夠熱夠脆薑絲牛肉通粉夠清，選用了鮮牛肉，夠滑!再加個bonus 西多士先可以揀煉奶/糖漿金黃色夠香脆牛油在厚厚的多士上慢慢溶化，跟煉奶融為一體, 外脆內軟，且充滿蛋香有少少唔舒服，加左4元轉熱檸檬煲薑，即刻舒服晒

返工返又一城，但成日係商場食飯都食到厭😞…所以今日同同事搭一個站火車去旺角搵D茶記☕食，可以轉一轉，又唔駛咁貴😜落到去女人街搵食，其實都好快就到，見到呢間民華餐廳，門面好光猛，地方大D，以茶餐廳黎講佢都好乾淨，坐得都唔迫。😇中午食飯時間當然好多人，好彩佢都好多位，唔駛等好耐😙同事想食西多🍞，咁兩個人都可以share一份既~ 佢主食就叫左個常餐🍜🥪，都好多野可以配搭。我就揀食盅飯🍚，好少有茶餐廳同時又有點心食! 落左單先見有一籠籠點心! 想叫個鵪鶉蛋燒賣🥟 落單冇幾耐就黎左盅飯同常餐，出餐都真係快手。盅飯既份量唔大，但個牛肉好香，彃牙得黎有肉汁，好食! 個煎蛋🍳流心可以撈飯食，味道真係唔錯! 29蚊呢個價都好合理，女仕黎講份量剛好，男人的話就會厭太細盅了😬不過! 咁樣我地就可以叫埋個鵪鶉蛋燒賣!17蚊份都真係好抵食😍都試左同事個茄牛通，湯底夠甜🍅，肉片🐮都幾香，唔錯! 係個通粉🍝唔係好淋，咁呢個就好個人喜好，應該浸耐少少先開始食就冇問題了。我亦欣賞常餐入面個方包🍞，厚身得黎又好軟熟，抵食又好食😋西多士都唔錯，睇黎呢間餐廳D麵包都有返咁上下水準。西多士可以揀跟糖漿🍯或煉奶🍼，我地揀煉奶，滑

Lunch time走左去金魚街買龜糧，經過民華餐廳，好耐無食西多士（好想食），就同同事走左入去，午餐時段會多客人，好彩仲有位！點左一個常餐，有一碗鮮茄牛肉通粉、煎雙蛋和即烘牛油多士。鮮茄牛肉通粉 - 好濃郁既蕃茄蓉湯底，牛肉大大片而且肉質淋，通粉軟硬度剛剛好！雞蛋新鮮，多士厚而香脆！咖哩牛筋腩飯 - 牛筋腩好淋配上勁香既咖哩汁，送白飯絕對一流！西多士 - 多士外層好香蛋味，外脆內軟要襯熱食，配上鍊奶牛奶，雖然會肥，但係好好味！叫返杯凍檸茶解解渴，有茶味，檸檬好新鮮！

之前係旺角住時成日都會落黎民華食早餐，貪佢夠平又夠飽。係呢度附近做完gym就黎呢度食翻餐飽既。❤️常餐 $46要左沙嗲牛肉麵，個沙嗲湯好香但唔會太濃郁，重口味人士未必滿足😂牛肉有4大塊，入哂味，正！要左煎2隻太陽蛋，因為唔想食太多加工食品😂😂煎得剛剛好，蛋液掂多士🤤🤤多士加左煉奶更香更邪惡🤤🤤😂❤️豬軟骨湯河 套餐$56豬軟骨有4大塊，每一塊都好厚身，d軟骨超淋，肉又嫩，好正！河粉夠滑身，湯底又濃郁🤤❤️燒賣 $17大大粒，不過不失❤️西多士呢個必叫，牛油同煉奶超夾！炸得香脆🤤但2個人食會好d，冇甘熱氣同膩❤️檸啡 ❤️凍檸茶

民華餐廳嘅常餐真係特別好味！ 🥰誠意推薦👍🏻A+B+C嘅配搭都有不同款式選擇，較一般茶餐廳多好多！👏🏻所有嘢食都係熱辣辣欣賞新鮮煎嘅雞蛋香脆嘅厚多士濃郁番茄湯底！😍真係即刻烹調唔係預先整好所以特別好味亦都係有誠意嘅餐廳👍🏻另外可以揀熱的鹹檸水唔係每一間餐廳都有！下次我一定食埋菠蘿油煎蛋包😍😍😍朋友第一次食咖喱牛筋腩飯份量非常多有隻蛋喺飯上面，真係更開心👍🏻牛筋肉非常滑嫩咖喱味道亦都非常滿意！西多士加煉奶麵包外脆內軟係不錯嘅小食。茶餐廳來說，整體質素都算非常好👍🏻👍🏻👍🏻

有去開通菜街的朋友都知，尼條街比較多港式餐廳🍴而且有兩間聽落同名嘅「民華」同「文華」，後者依家改左名做「敏華」。去開茶記/冰室，我都傾向叫常餐，因為熱愛炒蛋多士～😂😂民華嘅常餐選擇好豐富，基本上就係自選1. 湯底、2. 餸、3. 麵、4. 配料，同5. 多士重點一提，揀多士唔係淨揀烘定唔烘咁單調，仲可以+$2加煉奶/花生醬/果占，自制多士！！我就自制左半份奶油多😂 好抵———-1. 鮮茄叉燒米+餐肉炒蛋+奶油多 （$46+2）🗯首先講下個湯底，鮮茄湯係真係食到一瓣瓣的蕃茄🍅，湯夠味而唔係稀水。不過同某幾間出名食煲爛哂嘅蕃茄湯底唔係行同一路線，相信迎合大多數人嘅口味🥴 （🍅🍅🍅🍅 愛好者或者覺得未夠濃，各花入各眼啦～）🗯叉燒肉厚而不鞋，有驚喜！（千祈唔好同燒味蜜汁叉燒mix up😂）🗯至於奶油多，落單果時我叫多煉奶，冇收多錢冇呃秤，大滿足🤟🏻🗯炒蛋係傳統茶記式，純蛋香！又滑 🤤2. 咖哩牛筋腩蛋飯 （$50+12凍飲）牛筋腩炆得夠焾夠入味！份量又多，抵食🥴🤟🏻咖哩汁夠香夠惹味又唔會過辣，淨汁送飯都得！如果配埋炆到焾哂嘅入味薯仔，嘩，冇得輸呀 🤤3. 西多士（$20）重點黎啦！ 西。多。士

呢日lunch去左民華食lunch。都係一如以往, 食常餐啦~常餐lunch食$46~我叫左茄牛通, 腸仔炒蛋同華田走。呢度茄牛通, 我覺得真係好正~個蕃茄湯底好濃, 又酸酸咁, 好開胃~通粉夠掛汁, 又可以就咁用更就食得, 可以單手都食到, 方便邊食邊玩電話。牛肉調位好, 又唔會係用粉"也母"死晒既~好食!呢度除左茄牛通一流, 佢既炒蛋都係一流的!佢好炒蛋好香好滑!配埋多士一齊食, 真係冇得頂!

今天去了旺角的金魚街，逛到累了便進了民華餐廳歇一歇。由於沒食早餐的關係，我們兩個人叫了4樣食物，都是最地道的香港茶餐廳美食！我們點了一個咖喱牛筋楠飯（跟凍檸檬茶）($59)，一個常餐（沙爹牛肉公仔面+餐肉炒蛋+即烘牛油多士+凍檸檬茶）($46)，一個餐肉煎蛋菠蘿包($18)和一個西多士($20)。咖喱牛筋楠飯特別之處就是它還有一個太陽蛋，咖喱香辣，牛筋楠沒有肥肉，是我下次必點的午餐！分量也頗大，咖喱汁很多，一點不鄙吝！常餐的食物很豐富，沙爹牛肉公仔面的沙爹牛肉很夠味，炒蛋很滑，牛油多士很厚，如果是早餐的話，一個女士應該可以飽到晚餐呢！牛油多士上枱是還熱熱脆脆的，真的是“即烘”。餐肉煎蛋菠蘿包我還是第一次食，沒想到有驚喜！表面脆脆的菠蘿包面有點甜甜的味道，和餐肉蛋一起食也相當的配合！最後西多士作爲一個甜品，西多士很厚，沾上糖漿和牛油，真是一種享受，就算是肥了也不管那麽多了！

民華既常餐都算係我幾喜歡既常餐之一，雖然佢都係配搭都係一眾配搭，但我鐘意佢係湯粉幾特別。常餐多士可以揀烘定唔烘，即烘多士上台脆卜卜。揀左炒蛋後仲可以配多樣材料，我就揀左餐肉夾包食。面食方面我揀左蕃茄叉燒通，蕃茄湯好濃味，加埋辣油會更惹味，仲可以用黎點包，叉燒亦好多，數落都有５塊以上，幾有誠意。朋友就食左個蒸飯加奶油多，蒸飯就唔算太特別，不過用瓷碗蒸既。佢重點推介奶油多，因為真係奶夠多，油多厚，超級邪惡好味之選。

其實我媽咪唔係太喜歡茶餐廳。me too😔環境雖然有少少嘈但又覺得熱鬧。餐廳主打港式菜，午餐時段更有不同午餐，點餐紙上有嘅食物，都可以任點任食，茹素還是喜歡吃肉人士絕對可以盡情大快朵頤足料糯米雞中國傳統。非常足料又大件好抵食。裏邊有條臘腸好有味道。豬軟骨飯豬骨用滷水煲到好腍好容易食，配上他們的飯一齊焗，我要做到色香味俱全。普通市民都可以享受得到。我同屋企人暑假再食。不過希望食間好啲嘅嘢呢間都覺得可以。

是日又和同事仔到呢度午餐，上次同事仔食咗牛腩覺得好好食，所以今次又想食牛腩😝😝意想不到係裡面座位幾滿吓，我和同事仔要搭枱~~~一開始又係上飲品，凍檸水4塊檸檬其實都算幾多吓，如果個杯底闊d就更理想~~~今次我又叫常餐，薑絲牛肉麵，牛肉唔會韌，薑絲夠曬幼，食落真的好食，個麵煮到軟硬適中👍🏽今次食熟的煎雙蛋，食落感覺不錯，最正係牛油多士夠曬厚，食落真的唔停口~~~同事仔今次五香牛筋腩湯河粉，佢大讚煮得夠淋，我在旁邊也感到飄出來啖啖的香味~~~為食的我忍不住加個西多士，呢度的西多士原來未上枱已經切開9件，感覺幾細心，方便我呢個有點笨手笨腳的人，西多食落既軟熟又好食同事仔就加1蚊打包，方便當下午餐食~~~見到對面枱大叔點的糯米雞感覺不錯，我就點返個外賣，打算星期二中午留在office 食，因為我要準備重要的會議，冇時間外出呢個外賣感覺好似唔夠環保，下次可以考慮自備外賣餐盒買雖然呢間店的價錢不算平，但勝在價錢與食物質素成正比，值得間中到此再食