民華餐廳

營業中

休息中

七點鐘餓啦，要搵地方食嘢，呢間茶餐廳門口幾靚仔幾企理，就呢間啦。睇吓有咩好食先，呢度竟然有盅頭飯同點心。北菇雞飯，雞件幾滑，盅頭飯有雞味，唔錯！鵪鶉蛋燒賣，我好鍾意，而家酒樓都未必有得食。秘製金錢肚，金錢肚爽口彈牙，微微辣，好食。番茄牛肉通粉，紅紅嘅湯底，好濃嘅蕃茄味，真係食到有蕃茄。配火腿炒蛋烤多士，炒蛋炒得好滑，多士又香又脆，仲可以加兩蚊有花生醬，果占同煉奶。跟餐加錢可以轉特飲，有熱柚子蜜，同檸樂煲薑。

原本今日放假諗住去文華餐廳食早餐，點知瞓晏咗去到變咗常餐囉，但係價錢都仲算正常，而且種類又多，啱晒我易啲咩都想食嘅人。而且估唔到嘅事普通一間茶餐廳，都竟然可以食到點心首先叫咗個燒賣先，分量依然跟足傳統，一中四件，但係最重要嘅係粒粒都咁大粒，入口爽口彈牙，陳皮煙煙銀銀，越食越滋味。山竹牛肉大大粒，入口滑脫脫，果然係啖啖肉啊，雞扎係我至愛，雞肉滑溜，豬肚爽口，估唔到茶餐廳，都可以做到酒樓嘅水準。果然抵讚啦⋯⋯糯米雞大大隻，用荷葉包住，充滿香香嘅荷葉香氣，份量好充足，一啲都唔係你呀，入邊夠晒足料，呀媽食完個糯米雞已經好夠飽啦。牛肉麵，牛肉完全係鮮牛肉，充滿牛尾，入口爽口，面一啲都唔林新，入口爽口，係我最愛嘅棉質，而且個湯都唔蝕架，濃濃嘅肉味，真係好味到連湯都唔剩一滴啊。火腿炒蛋，火腿都係一般嘅火腿，但係要讚下個炒蛋呀，好香蛋味，而且最緊要係炒得好滑，唔會過咗火，配上龍龍牛油嘅厚多士，呢個早晨，果然夠晒醒神呀⋯⋯

今日同屋企人難得一齊食早餐父母當然想飲茶年輕人就想食西式早餐呢個時候 搵到間餐廳 可以一次過滿足哂一家人既願望 😀餐廳裝修好modern 一D都唔似一般茶餐廳座位好寬落 坐得好舒服😌食物種類好多 中式西式都有 價錢亦好合理唔算貴如果指定時段食 套餐仲會有優惠價tim絕對抵食👍🏻😀首先有中式蒸飯介紹梅菜肉餅飯肉餅好有份量 咸味適中豉油係自己倒 可以好好控制份量燒賣 秘製金錢肚 同鮮竹卷熱辣辣 保持到溫度😘叫左二個常餐分別係鮮茄牛肉通粉 同 鮮茄叉燒通粉大大碗 一碗其實都夠2位女生食配以火腿/餐肉炒蛋炒蛋口感細滑 好香蛋香味仲有烘底牛油多士 👍🏻奶茶水準高 茶濃奶香 係地道港式茶餐廳風味今次真係好滿足 屋企人亦都好滿意🥰

All day breakfast就聽得多，all day 常餐則挺新奇。不多茶記夜晚提供常餐，偏偏想食餐蛋火腿茄通，民華就可以滿足我的願望！$41說真的是巿價，說貴不貴，最重要的是這裡的常餐，製作一點也不馬虎，通粉+多士+餐蛋／火腿蛋／腸仔蛋／雙蛋+餐茶，絕對抵過麥記餐！份量大，茄湯濃郁，偏甜，大量火腿，是香港人的comfort food。牛油多士烘底，金黃色，烤至微焦，單是顏色就已經讓人口水直流。炒蛋質素非常高，滑溜富蛋汁，夾在多士中變成餐蛋治，真是最高最高享受！餐茶有水準，奶茶夠滑茶味夠香。茶餐廳來說，食物質素夠認真。環境比較窄，搭枱亦無可避免，這種風味就是夠本土！晚上突然想起常餐，一定會想起民華！這裡還有盅飯和點心，有機會一定會試一試！

不想煮野食，最平靚正就係去食茶餐廳，寶怡花園開咗間民華餐廳，見佢最特別有點心食，就去幫襯啦。晚餐時間都好多人來吃，我們等位大概五分鐘左右就有枱。見佢有滋味常餐，晚餐時間是$41,這是港式茶餐廳必有的，第一次來，就點這個。茶餐廳小食和飲品，應有盡有 特別之處是多了點心，在茶樓以外的地方，還是第一次見到茶餐廳有點心食。兩杯飲品，一杯是常餐的，一杯是點蒸飯加$10有一杯熱飲，於是點了一杯熱咖啡，一杯熱杏霜。杏仁霜味道不會太甜，就是夠香，不錯。咖啡味道稍淡，不過有咖啡香味搭夠。點了燒賣$17, 點心上得最快，當開胃前菜，燒賣豬肉新鮮爽口，蒸完還有肉汁，又大粒，不錯。雞扎$18,裏面餡料充足，而且大份，一碟有兩個雞扎，分量比茶樓還要大舊點。喜歡吃 豬肚，吸收了雞扎裏面的精華，很鮮甜；芋頭夠粉，豬肚夠淋，味道拍得住茶樓啊。可以考慮早餐來吃點心呢，不須在茶樓等位等咁耐。另一半點了煎蛋牛肉飯，原盅蒸頭飯感覺健康不油膩。飯是正到一粒粒的，口感夠乾身 。牛肉厚厚一大片有口感，裏面放了馬蹄芫茜一起蒸，增加香味；煎蛋還可以自己選擇熟度，朋友吃全熟的，可以揀太陽蛋都得，視乎個人喜好。我嘅常餐到啦，點了雪菜肉絲米

民華開到屯門都有，都幾多人排隊。食個晚餐都唔錯，常餐好似好吸引。常餐$41沙嗲牛肉湯麵/蕃茄牛肉通粉湯底好濃郁，麵爽口，牛肉味都好香。超級濃的蕃茄湯底，仲有粒粒蕃茄，好開胃。腸仔炒蛋/火腿炒蛋配牛油厚多士炒蛋好香滑，蛋味都香。多士好脆，夾埋炒蛋一齊吃👍🏻凍奶茶正宗茶餐廳奶茶，好幼滑，茶味香濃加$5有檸樂山竹牛肉$17大大粒，咬落去好滑，牛肉味十足。鳳爪$17咬落好柔軟，醬汁好惹味，食不停的小食。秘制金錢肚$17咬落有嚼勁，又不會太有韌勁，醬汁香濃，仲滲入哂落底部的蘿蔔。

沙爹牛肉通粉+餐肉炒蛋+多士+凍朱古力($44)鮮茄火腿通粉+火腿炒蛋+多士+凍奶茶($44)炒滑蛋好滑，好有蛋味。多士烘得夠徹底，牛油搽係剛剛烘完既多士上，令牛油滲哂落多士到，放入口又脆又充滿牛油味，非常之好味。沙爹牛肉通粉：沙爹味好重，唔係好淡既沙爹湯底，辣辣地幾開胃，牛肉都有十片左右；鮮茄火腿通粉：濃郁蕃茄味，足料大大碗。飲品正常水準。(個人口味3.7+3.8/10)整體食物質素都比連鎖快餐店優勝。早餐$36，其他時段$41(凍飲另加$3)，相同食物就覺得早餐時段抵食d。

屋企附近越嚟越多嘢食，有時諗食咩都係一個煩惱🧐同男朋友喺附近行嚟行去， 忽然想食沙爹牛肉麵，於是就走咗入去……#常餐 (11:00-23:00 $38)😋好味指數：(5/10)常餐都係大同小異，一個麵， 蛋加火腿/午餐肉/香腸同個包咁啦😚我哋就梗係揀咗沙爹牛肉麵啦，呢個沙爹牛肉麵真係世界級😂望落去冇沙嗲，食落去連少少沙嗲味都冇，妖咁你唔好叫沙爹牛肉麵喇，你叫牛肉麵吧啦🤷🏻‍♀望住對面嗰兩個人食蕃茄湯粉，見到湯好濃真係好大勁對比🤡炒蛋ok啦都幾滑嘅，多士夠薄脆😗#西多士 ($20)😋好味指數：(7/10)食牛肉麵食到絕望之際，見到個西多士靚靚仔仔都幾感動😂我就鍾意加煉奶🍼配埋溶緊嘅牛油正😍西多士出面脆脆地，入面仲有少少鬆軟☺

之前喺太子食過民華常餐都覺得好正，不過人流又係好多，搭枱同埋節奏要好快，食完一碟就收一碟，坐耐一陣都會覺得唔好意思xD 呢個星期六就一朝7點半去食早餐，都full晒，等左around 10分鐘，終於有卡位喇~~叫左個常餐，火腿滑蛋厚多士+沙嗲牛肉麵，味道一如以往都係正，好欣賞佢個厚多士，係好脆好好味，滑蛋有鹽味xD其他都正常，$36 都還可以。包一杯熱飲~但如果叫飯好似唔太抵，份量細，仲要要加$10 先有熱飲，但有時想食又理唔到咁多嘅xD

期待已久的民華餐廳，終於開幕。之前喺旺角、東涌分店食，都係大大件丶夾抵食，唔知嚟到屯門會係點呢？呢間鋪特色係地方細小，前身係一間零售店，竟然咁細都可以開餐廳，真係佩服新紅雞諗到。睇返價錢，如果平時食竟然可以收$41？真係中環價錢，屯門享受，試咗個薑絲牛肉通粉，配餐肉蛋，多士首先啲牛肉又un又鞋，重差過翠華，如果收平D，都可以接受，份量比較少。餐肉蛋仲要係得一隻蛋，翠華都兩隻蛋喇，最後試埋杯奶茶，真係大快活都好過佢整體，呢度不是我杯茶，要食，都係去返旺角總店食

開張以來每天午膳時間均見滿坐，門口一直有人等位，大概枱上見的都是常餐咁蒸飯，試了一份常餐雪菜肉絲米+腿蛋/方包+熱檸水，$38，算得上經濟，方包厚厚的非常軟屬，蛋亦滑，麵/0水就正常茶記質素. 上菜速度亦唔差，整體不錯，可以再來.

週末放假想懶下都好正常，訓到晏一晏先起身，落街食少少野再返屋企打下機更加係人生一大樂事。咁啱樓下有間茶餐廳開左，重要係主打我至愛常餐嘅民華餐廳，二話不說即刻入去試試。一入到去，可能係新店關係，望落十分乾淨企理，伙記睇落都好醒目，坐低冇耐就過泥幫我落單喇。我叫左個鮮茄叉燒通+火腿炒蛋多士。去民華，識嗌一定係嗌多士，平時茶餐廳都係跟方包，泥到可以轉多士重唔洗加錢，咁就當然係叫多士喇。一上枱，多士烘到啱啱好，脆口又不至於燶，加埋半溶牛油咬落口直情係神來之筆，再放埋個滑蛋上去咬多啖，嘩，炒蛋點解可以做到咁滑又唔老嘅? 之後再慢慢食埋個鮮茄通粉，食完就返屋企打機，渡過呢個美好週末。但係，我已經知道係未來日子我會經常為左呢個炒蛋多士過泥報到，因為實在係太好味喇!!!!!!