民華餐廳

營業中

休息中

放工唔想食外賣，就早個站落車入去食個晚餐。平時早餐都係食唦嗲吽麵，夜晚就試下佢個鮮茄牛肉湯通粉。個茄吽通大大碗，上面加左少少香草做點綴，散發出淡淡草香味，加上蕃茄湯嘅酸味醒一醒胃，幾乎飲哂成碗湯！常餐跟油多餐肉炒蛋，diy一份餐蛋治，食埋落肚幾乎六成飽。食完常餐仲餓，就食多件西多。西炸得好透，包中間又冇索油，表面淋滿練奶但少左西多嘅精華-花生醬，幸好有大大片牛油搭救。食左半個鐘又係時候食埋宵夜雞札d芋頭蒸得好淋金錢肚惹味又唔太鹹鵪鶉蛋燒賣蒸得表皮煙煙韌韌幾有咬口最後飲埋杯凍啡就完成一個豐富嘅晚餐

唔經唔覺又到週末，平時返工趕頭趕命，連食早餐嘅時間都無。今日難得放假，起身又見時間尚早，係時候搵返間冰室享受一下精神美味嘅早餐！依間民華冰室喺屋企附近，平時經過已經成日都見到人頭湧湧，今日亦唔例外，朝早十點左右黎到都係到拎飛仔排隊，不過好在都唔使等好耐，十分鐘左右就有位啦。依間冰室光鮮企理，地方雖小但係環境整潔，唔似舊式茶餐廳咁周圍都痴立立，而且侍應的確係有禮貌，值得一讚！依間冰室主打常餐之外，仲有好多中式蒸點心，而且竟然我最鍾意，唔係成日食到嘅鵪鶉蛋燒賣！依個鵪鶉蛋燒賣食落新鮮熱辣，小小嘅鵪鶉蛋味道香濃，下面嘅燒賣亦都肉質鮮美，唔錯！依份滋味常餐份量十足，可以提供我一日所需嘅能量！我就選擇咗沙嗲牛肉麵配腸仔炒蛋，奶油多士，而朋友就選擇咗蕃茄濃湯叉燒米配餐肉炒蛋。依度嘅蕃茄濃湯係比較出名嘅，味道香濃之餘，蕃茄湯酸中帶甜，令人精神為之一振！配上爽口嘅叉燒，好味道！依間沙嗲牛肉我第一次試，比想像中出色，沙嗲汁充滿花生香氣，而且食落口感濃厚，牛肉肉質亦都鬆軟可口，一定要配麵先係沙嗲牛肉嘅最佳選擇！依度嘅厚多士外脆內軟，就咁搽牛油都已經好出色，好似我咁鍾意食甜嘅，加上奶油又係另一番滋味！另外佢

日日都排長龍，甘岩今日又等到位，想又食點心，又食常餐。全日常餐$41沙嗲牛肉湯麵/通粉沙嗲湯底濃郁，麵同通粉都爽口，牛肉味都好香，份量都多。餐肉炒蛋/火腿煎蛋配牛油厚多士炒蛋好香滑，蛋味都香。多士塊塊即烘，飛邊好脆，夾埋炒蛋一齊吃👍🏻凍咖啡咖啡味好突出，好幼滑，面頭仲有啲咖啡粉，咖啡香十足。燒賣$17大大粒，咬落去帶陣陣杞子味，甚至勝過酒樓的級數。秘制金錢肚$17咬落有嚼勁，好入味，又不會好淋，個醬汁底好香濃。份量都算多，推介。

父親節同屋企人去民華食早餐可以一次過食中式及西式早餐👍👍一間解決大家既需要。堂食比較多人要先拎飛等，大約等了四個字左右可以入座，叫了兩份早餐，一份叉燒通粉跟滑蛋火腿多士（叉燒👍不會很肥很瘦味道又不會太濃味，滑蛋十分香濃牛油味炒得啱啱好），一份雪菜肉絲通粉跟滑蛋腸仔多士（雪菜肉絲不會太鹹份量都比較多）及一杯凍咖啡（凍啡推薦一定要飲超香濃咖啡味）一杯熱檸水😋另外叫了燒賣，鮮竹卷及鳳爪排骨飯跟烏龍茶做午餐👍點心都十分抵食，即叫即蒸👍

眼見今日是父親節，又是假日，四處去尋味～這家茶餐廳外觀企理，店面整潔衛生，職員有禮，而且有不少人排隊等待，想必味道不錯，決定試！早餐有常餐、盅頭飯等和點心姜絲牛肉通粉牛肉幼滑，通粉爽口，配上羌絲，帶點羌香，清湯底配搭常餐炒滑蛋、腸仔、多士蛋炒得幼滑，蛋味濃、腸仔偏鹹、多士烘得香脆，滿滿的牛油多士更飽肚鮮茄牛肉通粉牛肉幼滑、麵彈牙，鮮茄湯味濃，酸甜清新又醒胃，咁熱可以增進食慾未夠飽，加了兩個點心牛肉球鮮味，配喼汁，減少油膩感春蛋燒賣懷舊點心，味道ok，鵪蛋香

平日有空真係要嘆嘆一個民華早餐，一到假期一家大細齊食早餐，兩個人搭檯就變得迫挾了點，整體早餐質素中高，煎蛋炒蛋也非常美觀👍，加多個邪惡西多士都只係$20，真心抵食😋鮮茄叉燒通粉暫時是我的首選，叉燒份量足夠，如果通粉是我至愛的坑紋通粉的話，我一定會經常來早餐一番，不過最抵讚都係佢嘅即烘牛油多士係唔需要另加收費👅美味: ⭐️⭐️⭐️⭐️/5✨環境: ⭐️⭐️⭐/5💫回頭: ⭐️⭐️⭐️⭐️/5💡性價: ⭐️⭐️⭐️⭐️/5💆‍♂️服務: ⭐️⭐️⭐️/5

民華餐廳都幾特別，唔好以為淨食茶餐廳既野，呢度係食點心同常餐架！好，睇吓有咩好食先。足料糯米雞，好大隻糯米雞，而且有好多料，好食又夠飽。鵪鶉蛋燒賣，我好鍾意，而家酒樓都未必有得食。秘製金錢肚，金錢肚爽口彈牙，微微辣，好食。豉椒鳳爪，好入味，仲有好多隻架。鮮茄牛肉通粉，紅紅嘅湯底，好濃嘅蕃茄味，真係食到有蕃茄。配火腿炒蛋牛油方包，蛋好滑，夾麵包一流。跟餐加錢可以轉特飲，檸樂煲薑，真係有好多薑絲，正！

全日都供應嘅常餐，早餐同午餐價錢唔同，當然早餐係平d啦！個人認為佢哋嘅米粉比公仔麵好味，湯底有蕃茄湯同忌廉湯揀，湯底咁好味當然係配一個清淡啲嘅面，可以試真個湯底！👍🏻轉多士唔使加錢 大大加分😍😍😍

又到假期，又係食返民華不過今次唔食叉燒茄湯，食下蒸飯點心鼔椒排骨飯$25近排對排骨改左觀，以前覺得太dry，食過比較juicy既排過之後發覺原來好食都可以好好食。今次就試下民華整成點先！第一啖試下排骨，有肉地之餘帶小小豆䜴香，蒸得剛剛好。飯較硬度係偏向一般正常盅頭，蒸飯既硬度，都唔需要加鼓油調味。本身排骨調味都好足夠了🌞燒賣彈肉牙，大大粒。17蚊尼講算唔錯🌞讚一讚店員落單好仔細，唔怕麻煩覆單唔止一次。

香港的冰室以及點心店開到成行成市，今次試的這一間餐廳特別之處是有提供西式及中式，一次滿足兩個願望。早上大概九點半來到店前，已經有八至十位顧客在等待入座， 而旁邊的餐廳就沒有人等候， 決定一試究竟！幸好只是等了大約十分鐘，便獲安排我跟媽媽入座，餐廳同事態度非常友善，做事快速。既然有中式及西式的選擇，我們也嘗試來一個中西合璧的早餐，分別點了沙爹金錢肚、雞扎以及糯米雞，而西式早餐則點了番茄叉燒通粉，配炒滑蛋、火腿及牛油麵包。一定要一提的就是沙爹金錢肚以及足料糯米雞，造得非常出色，金錢肚不像一般酒樓一層厚厚的紅色醬，而是真的帶有沙嗲味，非常惹味，吃完一口又一口！糯米雞除了配料十足外，又抵食，只是25蚊，比起某又大連鎖快餐店的糯米雞來說，這裡的更好吃又抵食！至於蕃茄通粉，味道非常清新，湯底帶濃郁清新味，通粉夠咬口。而起滑溜的蛋加麵包新鮮熱辣弄起，真的令人吃過不停。最後我跟媽媽各喝了鹹柑桔以及熱檸蜜，中西合壁的早餐真是夠特別！

民華一早街知巷聞，難得屯門有緊係要去食啦！區內好食嘅茶餐廳唔多，40蚊就有新鮮熱辣辣嘅常餐，個蕃茄湯麵無得輸，配埋大大份炒蛋，無得彈！牛油多士外脆內軟，自己就鍾意撒少少砂糖係面，超級好食！雖然即叫即製，但都唔係要等好耐，交出黎絕不馬虎。對比出面幾間民華，佢就只係得常餐嘅通粉，多士三文治，盅飯，幾款點心，選擇唔多。但勝在全日供應，瞓晏咗都有麵落肚！不過舖面太細喇，成日都要等位，紅日就更加，但係值得等嘅，因為呢區真係無乜好食。一個人仲要同人迫係張圓枱到，張枱又細，野食放完大家手掙撞手掙，坐得唔舒服。

假期休息真係邊到都唔想去，去附近食個晏。見大部分食客都有加叫點心，我又心思思想試。金錢肚$17醬汁黑椒味濃，辣辣地。牛肚夠淋有牛味而且份量都唔少，唔錯。燒賣$17肉唔鬆散，保存時間控制得幾好，燒賣皮唔會蒸到濕哂一夾就甩，整體帶彈牙，算係正正常常。當然食返個餐肉炒蛋叉燒茄麵啦 $41今次落單落錯左公仔麵，不過原來配茄湯仲夾d，可能麵條粗啲，沾湯比較多。不過今次叉燒甜左dd，炒蛋加返分。茶餐廳尼講不過不失。

終於來到星期六了☀️尋晚跑完步今日勁攰要留係屋企做宅女要訓到自然醒之餘再嘆個醒晨豐富既早餐補充能量咁先有力繼續跑過😉難得屋企樓下有民華🤤我地等左一陣就有位喇佢地早餐時段$3611:00後就$41一個常餐都好多野食喎我地叫左蕃茄叉燒湯通粉+餐肉炒蛋+厚多士加花生醬（加$2）+熱檸水沙嗲牛肉通粉+煎雙蛋+厚多士加煉奶（加$2）+凍奶茶（加$3）蕃茄湯好濃沙嗲牛肉夠哂入味同埋仲有我至愛既邪惡西多士$20呢間餐廳好細心幫我地切埋記得要落多d糖漿先好味架🤩職員好好會問你要糖漿定煉奶👍🏻仲有厚多士夠脆加左花生醬好食好多架👍🏻呢度除左常餐原來仲有點心下次再黎食過先今餐食到好飽飽返屋企再訓過🤣

常餐真係必點之選，因為咩時段都食到早餐既炒蛋，而且有包有粉麵，非常抵食。我就揀左以下幾款餐肉炒蛋配即烘牛油多士太陽蛋係煎到又圓又大西多士唔用糖漿改用煉奶都真係第一食，西多送黎時已經切成9大粒，非常方便客人食用，西多面頭就放左一塊厚實既凍牛油，仲淋左一層薄薄既煉奶添，新鮮煎炸好既西多士令牛油亦起左微妙既化學作用，佢既熱力即時令牛油化開，撈埋同牛油一齊食，係另有一番風味最後仲叫多碟點心，今日真係連中式點心都食埋

放假係樓下食個中午飯，今次食民華。原來同一般茶餐廳唔同。主打常餐，點心同盅頭飯。其他冇乜興趣，有炒蛋既關係叫左常餐試下個蛋炒成點先！鮮茄叉燒米配腸仔炒蛋連熱飲 $41先尼叉燒米，湯頭眼見有茄粒，聞落有茄膏香，有香草作點綴。飲落亦都好香茄味。叉燒唔算肥，薄身，食落又未到咬唔開程度。怕肥者岩哂，姐係我🤪炒蛋炒得幾好，茶餐廳少有炒蛋真係炒😂食落有牛油香，應該用左好多牛油炒，邪惡到爆！多士好脆。齋啡，唔係酸味重既。重點係有紙巾！👍🏻🌞整體不錯👍🏻