武吉士 (17W大樓)

營業中

休息中

今日食晏去左19W，見武吉士人少少未去幫襯下佢，見到個印尼炒飯，其他又冇咩特別，咁就叫左啦。首先外賣加$2已經唔合理，隔離間間外賣都做特價，你仲加我$2🥲，然後得幾個人等外賣，佢都要我等一輪，結果出到黎一個盒，一杯野飲，心唸蝦片呢，唔分開裝，咁未軟晒？返到公司，一開盒，印尼炒飯冇左蝦片，食落個飯仲要冇咩味，就算落埋蝦，翠肉瓜，蛋，都係咩味都冇。大佬呀，你真係太勁啦，炒個飯出黎，竟然可以冇味，asia pacific都做得好過你，唔怪得啲人幫襯隔離都唔幫襯你。科學園已經冇咩好食，仲要整d咁既野出黎，真係...

享受一人的晚餐！學習獨處！簡單哋，一個鐵板餐，慢慢學習獨處！現時市區都難搵停車場，停車！百無聊賴地，入了科學園一轉！發覺都有幾多餐廳，也不太多人！可能始終是商業區！同地方也隔涉，無車都幾唔方便但園區會提供消費免停車場今次選擇了一個茶餐廳模式的點了一個西冷牛扒餐跟意粉，另加了一份沙律先講，鐵板熱度十足，食完還感覺到鐵板熱度！（ps.茶仔嘢，唔好諗會有得點幾多成熟，但切開入面都有粉紅色的）西冷易入口，鬆軟！薯條墊底！意粉就驚喜啦！茄汁意粉，夠份量，又夠茄汁味！（好耐無見過了😋）羅宋湯小小辣，唔覺有肉，精神！沙律，就正常野！跟餐飲以百鬆多元一頓晚餐！都無太多要求！餐廳唔趕我走以經好好始終一人晚餐！如果多件餐包，同甜品就好啦🤣重有其他小食，下次可以再試見其他食客有叫海南雞飯！估計應該唔錯！

去開沙田行街街，過嚟科學園食晚飯，希望無咁多人會易啲揾到位，原來好多人到這裏食嘢，不過點都少過沙田市中心。今日試吓「武吉士」食店，點了鐵板西冷牛扒、鐵板豬扒餐、焗肉醬意粉、春卷撈檬，⬆️菜快，侍應姐姐服務熱誠。鐵板餐：抵食夾大件，肉質不過不失，沙律好味又大碟，還配有忌廉湯或羅宋湯焗肉醬意粉：令我回想起讀書年代在茶餐廳食的意粉質地和醬汁芝士也足夠。春卷撈檬：唔掂檬粉只配生菜絲和少量花生碎，連青瓜絲蘿蔔絲什麼也沒有，幸好春卷炸得脆卜卜，否則只得0分。

噚日睇完NBA,今日就同個friend去科學園嘅武吉士慶祝－下,我地想點餐時候，那個女服務員態度好差，不屑－顧，落完單之後連多謝都無句就走左去,宜家香港經濟差,再加上有Ｄ咁嘅服務員，真係想好都幾難Ｄ扒又麻麻,肉眼有根又韌;鴛鴦扒份量少,好大陣雪味,所以下次都唔會再黎

園區新開餐廳， 可能大家都開始吃厭了其他餐廳， 所以這邊每天都大排長龍。這天我們特意在過了飯點的時間來， 但也等了十數分鐘。一看餐牌就是東南亞風味， 我就冒著大熱天試了肉骨茶。午市套餐配了飯、油菜及飲品， 價錢還可以。他的肉骨茶湯頭較清， 沒有過重的胡椒及香料味，不過我卻較喜歡重口味的。一碗湯有三四件排骨， 有點多， 雖然排骨肉質尚可，不太鞋但其他配料只有半隻冬菇， 我情願換一條炸油條， 那就更道地了。整體食物不過不失，偶爾嚐新還可以。

星期六嘅夜晚科學園無咩人餐廳都唔係好多有開 但17W呢邊都係燈火通明 就嚟咗食晚餐了～餐牌其實都好多選擇由扒餐到焗飯到東南亞菜式都有同埋餐廳可以scan QR code落單 都幾方便～首先叫咗個扒餐 跟蒜蓉汁 沙律同羅宋湯羅宋湯無影相 但都幾大碗同好飲的👍🏻牛扒個汁可以預先叫佢淋咗先上 就唔驚整污糟😉件扒嘅質素就普普通通啦 無乜牛味 係一般茶記鐵板餐質素勝在夠足料 有兩大塊咁多 仲會附送薯條😯所以配菜個邊可以唔洗揀薯菜都得🤣沙律係雜果沙律 都係好大兜嫁另外都叫咗個撈檬豬頸肉都係中規中矩 檬粉略嫌唔夠爽口 份量就岩岩好嘅呢個價錢都包埋飲品嘅 算係咁啦🤣飲品方面覺得大致上都偏淡 正常甜都已經比一般少咗糖漿呢個都可以留意下🙈—————————————————————總結餐牌選擇多 同埋都幾吸引嘅晚餐嚟講價錢唔貴 質素就同價錢相若啦基本上其實都係食環境🤣份量都幾多 特別係扒餐週末人唔多 可以靜靜地食都唔錯👍🏻

對於科學園呢個美食沙漠來講無論新開啲咩餐廳客人都一定蜂擁而至呢間都唔例外，中午12點已經開始要排隊佢款式種類都算多叫咗個冇骨嘅海南雞飯再加兩個小食個炸薯條要加$10，另外嗰炸春卷要加$16如果以$80呢個海南雞飯來講性價比唔算高首先嗰個飯油份唔重亦都唔夠鹹香 = 冇乜味雞嘅份量可以，但係啲雞唔夠滑有三個醬俾你點...都係基本野春卷炸得好香脆夠熱，薯條就有啲淋身....好似本身已經炸起咁佢個餐牌咁多種類都可以俾多次機會佢試吓其他嘢嘅

Lunch約咗個朋友喺公司附近食個飯，之後知道開咗武吉士，所以就想試吓新野：）本身諗住食海南雞飯，但睇到OpenRice有人講話麻麻地，所以我哋揀咗焗肉醬意粉同焗豬扒飯加炒飯底，叫咗杯凍檸茶要加$4。首先我朋友嘅肉醬意粉到咗，朋友撩左個底發覺勁多油，我朋友之後忍唔住’不‘左啲油出嚟，而我嘅豬扒飯覺得好普通，快餐店反而會好食啲所以我哋都覺得去食過一次就夠了!!

公司附近新開嘅餐廳，同事們都好期待。大家都好掙扎應該選擇食喇沙定係海南雞飯。最後都有叫到海南雞飯。首先咖喱豬扒撈檬，檬粉又熱又林，咖喱醬算係唔錯，但都係檬粉令到成件事好難食。肉骨茶淡如水，排骨還可以。芙蓉煎蛋飯，美極都救唔返。海南雞飯啲飯簡直係完全唔掂，雞還可以。銀牙肉絲炒麵，個麵餅好大陣花生油味，肉絲好似煲個湯嘅湯渣咁冇肉味。最後全部嘢飲都淡如水～ 叫檸檬茶檸檬水最穩陣。同事們都由滿心期待變做滿心失望。可能你要有吉士先去挑戰無吉士。