正記菜館

營業中

休息中

同friend 食飯打冷真係我地嘅首選，又唔駛等位，又唔驚俾人吹，嘢食又啱口味。但4個人叫唔到好多野，淨係叫左4個餸都食到好飽。加上飲埋啤酒，盡興而歸。環境就因為係閣樓，樓底好矮，較嘈。我地叫左炸大腸，因為真係好想食，好彩佢地個個都食，超正，非常脆口，香，加埋菠蘿同辣油，送酒一流，不過我係唔飲嘅。蠔仔粥，超多蠔仔，無沙，一定要有冬菜同蔥鹵水鵝片，例牌都食唔曬，多汁，點辣椒醋，唔會膩得黎又可一食再食加蠔餅，因為好鍾意食蠔，蠔餅都好食，但較普通

以前正記好好食，好有人情味，現在野食差左勁多，好難食，好難頂！希望d人慎入！首先，一入到去，以為住左個好位，冷氣超好超涼！但是叫食物果時就出事了。我好有禮貌咁問姨姨，黃金蝦今日幾錢？之後佢好大聲話：你叫就叫，洗嘜理幾錢！ 態度差到.......我心諗你咁講姐系請我食定唔洗我比？唔洗理價錢照叫？咁我都算喇！見你係長輩唔好嘈，我又想食黃金蝦，照叫。點知出到黎，隻隻蝦都好多黑色一點點；叫個九吐魚，頂你！真系廚師好浪費食物，又一敗作，食落口一d都唔鮮美，不再是入口即融......，懷疑個師傅未等油滾就掉入去煮，整得比以前差左超多。 西x花熟到煮到老，咁樣拎出黎......咁食，我新手煮都好食過你。真是超差，大家去前，三思！！！

上星期同朋友行開元朗，想搵小炒食，於是上open rice搵。見呢間近近地又都幾多人讚，就入去試下....叫我最喜歡食嘅椒鹽鮮魷+生炒骨，點知鮮魷un到爆，仲要勁大舊，要博鬥完一番先至食到。叫得生炒骨都係想食香脆，但黎到就林晒，味道亦唔出色 我真係唔會再幫襯....

幾個月沒有來食了 發現菜單換新的發現已加價了 又貴了😂不是常常食 偶爾一餐也算擺來到的時候還有枱 這家挻火爆及有名氣過一會兒已經沒有空的枱了🤨🤨很多人也在霸枱等親友來🤣~~~~~~~~~~~~~~~~~~~~·鑊仔豬肚雞 HKD$93·菠蘿咕嚕肉 HKD$85·蒜香蜜汁牛柳粒 HKD$93·杬菜肉鬆四季豆 HKD$85~~~~~~~~~~~~~~~~~~~~味道與以前食開的棒棒味道但食物不可以攤涼 因為會變得不好食不知道下一次去食會否有冇改變呢🤔要趁熱把食物食光光才對哦

平時好少係元朗覓食，聽過有人推薦呢間打冷，就去試一試。門面都係同一般食潮州菜嘅餐廳差不多，枱同櫈都屬於簡單少少，舒適度會差少少。由於得兩個人，唔算點咗好多樣菜。椒鹽鮮魷椒鹽唔太夠鹹香，鮮魷味道普通，整體味道偏淡。潮州鮮蠔仔餅 蠔餅超級足料，成座小山咁。啲蠔仔都算唔錯，唔會太細粒，形狀飽滿。 炸粉唔算太厚，但有少少油膩。 金銀蛋浸時蔬 時蔬味道算新鮮，都夠鮮甜。 另外都叫咗枝jolly shandy，打冷又點少得飲下啤酒呢。總覺得打冷再加啤酒感覺爽好多，雖然呢款無咩酒精成分haha。

同男朋友山長水遠入元朗睇下白泥既日落🌄，睇完好靚既日落之後就出番元朗市中心，食呢間我地次次入元朗都一定會食既小炒館位置好易記，就係B仔總店附近，附近仲有幾間小炒，但一直都係食開呢間又覺得唔錯，所以都係繼續食呢間。呢間小炒館就無酒牌既，要買啤酒既各位就可以去番舖頭出面大街，有間專買啤酒既舖頭仔買，仲可以用冰桶裝住！間舖都算幾大架，有2層同兩個舖位，所以從來都未試過要等位我地最中意既就係炸蠔餅$65，平得黎又份量好多，重點係好味不過今次唔知點解食到少少殻碎，有點點扣分，但因為太好味，所以都係瘋狂食唔停！因為蠔比較膩，所以我地叫左飯送蠔餅🤗之後就再叫左道小炒，蒜香蜜汁牛柳粒$90甜甜香香既蜜汁脆皮蕃薯，好有口感得黎又香口，牛柳都好入味，好嫩滑再加埋炸蒜，簡直簡到爆另外仲有士多啤梨牛柳粒都係一款我好中意既小菜，所以每次都會好猶疑叫士多啤梨牛柳粒定蒜香蜜汁牛柳粒呢度既野食又大碟又好味，所以想叫多碟招牌打冷都唔得，完全食唔落，太飽！

星期五想揾個地方吹下水傾耐啲，咁就搵咗打冷店，入去前仲問阿姐有冇限時！佢話冇⋯唔使諗即刻進店！畢竟地踎打冷店，環境不算十分乾淨，衞生一般般啦！但店員姐姐服務幾好已勝過一切！我們幾個人叫咗幾碟食物⋯蠔餅👍🏻、滷水拼盤（超多）、炸大腸、蒜蓉炒時菜、避風塘茄子、當然唔少得啤啤佢🍻🍻想吹吹水打冷小炒都唔錯！

而家越來越少香港大排檔了，難得到了元朗，找到一間好食嘅大排檔今次我係帶上海來嘅朋友黎食，我哋五個大人一個小朋友食，埋單都係八百幾蚊，超抵而且夠火候、野味十足。推介俾大家

今日同一班朋友去咗元朗正記食晚飯，有一段時間無食過，估唔到啲質素差得咁緊要，真係好難食！唔知係咪廚房換咗班底，以前星期五晚都會坐滿人，依家剩返好多吉位，原來係有原因。先講招牌蜜汁牛柳粒，真係唔想放入口，同以前爭好遠，薯仔硬又唔入味，牛柳粒韌到以為食緊擦膠。第二碟鹹魚蓮藕餅，唔講嘅話以為自己食緊煎肉餅，如果佢係叫煎肉餅的話，我會接受到，事關真係完全無鹹魚味，蓮藕我都唔係幾食得到。然後到椒鹽豆腐，唔似新鮮炸起炒起，感覺似翻炸，豆腐唔滑，皮唔脆。小炒王，簡直係垃圾，史上最難食嘅一碟餸，濕身濕到個底勁多汁同油，而且仲要係辣嘅，不知所謂，索性叫辣油浸腰果韭菜算啦！西蘭花炒豬頸肉同蠔仔粥就叫做正常啲，食得落口嘅！算係清泉食物！我諗短期內都唔會再幫襯

講到元朗數一數二的大排檔怎樣不可以去正記呢這間餐廳我由細食到大 而且店員叔叔很有趣 也很熱情今天點了3個小菜羊腩煲/脆皮乳鴿/豉椒炒聖子這個天氣食羊腩煲就最好不過喇還附送了生菜呢在外國來的朋友也覺得這間餐廳值得推介呢

同阿媽講咗好耐話要食大排檔一直都冇食今次見到難得差唔多做節🤠所以終於帶媽黎呢間元朗正記大排檔到品嚐小菜😽一去到就要等位不過好彩我收工咁夜🤞🏻所以就算等位都唔會等太耐👻大概等左5分鐘至10分鐘就有位街嘅左右都係有佢自己嘅鋪頭樓上樓下所以就算要等位都唔使擔心🤝不過裏面嘅衛生條件同環境都會一般般我哋入去一去到就叫咗個蝦醬肉餅煲仔飯蒜蓉抄菜心炒蜆椒鹽九肚魚豪仔煎餅😽😽不過唔知係咪因為太多人嘅關係所以都要等15分鐘左右先有第一道餸第一道餸係豪仔煎餅俾我感覺同想像之中有啲出入之前喺出面食都會有啲口感但係呢一個一食入口就好似融化左同有好多油的感覺本人對於呢度餸菜一開頭抱得太大期望所以有啲失望🙍🏼其次係個椒鹽九肚魚呢個都值得一讚佢呢個九肚魚出面個炸粉好薄好薄而且裏面真係食落滑脫脫有夠鬆軟真係好好食跟住係個炒蜆都係啲蜆榖多過肉但係佢個蒜蓉菜心真係好出色抄得由於個煲仔飯食晒所有嘢先黎所以那那林食完就算👻

今次尼到食打冷，之前聽人介紹話覺得唔錯，我地今次都無失望呀6-70蚊一碟，但係個份量其實都幾大幾多特別鍾意佢個炒蜆， 好香好入味，亦都唔會話好咸，對我尼講係岩岩好！

做冬前幾日， 屋企人一齊帶埋亞公嚟到正記大排檔食晚餐，因為屋企係潮州人所以都想食打冷嘅菜式。叫咗豪仔粥，咸到不得了，好似飲汁咁。另外有個椒鹽鮮尤，又係超鹹，食完一舊要即刻飲水個種。仲叫咗一碟沙拉骨，沙拉骨都OK正正常常。仲叫咗紅燒豆腐， 因為老人家冇乜啊特登叫比去食。滷水我片都算中規中矩不過不失。總括嚟講， 成餐飯都好鹹，喊到你都唔想食，最後我返屋企再煮個麵食，應該唔會再有第二次。印象中中學時候嘅正記並唔係咁差，點解而家變成咁

今晚二人晚餐，去到要等，但有得座住等，都ok既，等左一陣就可以入座。見到羊腩煲好似好好味好香，望見隔離枱食。見到就想食，但又怕食唔灑，所以最後，都係叫小菜就算了。叫左3個餸。有我喜歡的炒蜆，還有超正鵝片👍🏻。鵝片真係要推介一下，配住個鵝醋汁食，真係食到停唔到口。還有叫左個菜，舖內招牌相到有介紹雙蝦炒韮菜~一於試下啦。哩個餸又真係幾好味喎，送飯一流，正！下次可以叫朋友一試。小菜打冷黎講，哩間都屬於好味。係有時人多，要等。

以前食過幾次正記,一大班人食大排檔就最岩今日重返舊地….感覺一般🧐首先侍應叔叔態度差，係咁催落單到落單個陣又話慢慢黎唔洗急咁究竟係邊個急呢？？跟住佢拎錯左飲品，同佢講竟然話：「是但啦」有得是但架咩，咁唔比錢得唔得…🤨其次野食既味道好淡煲仔飯雖然有飯焦又唔會太燶但係就算落哂全部豉油都食唔到味嗌左個肥牛煲同椒鹽九肚魚都係無咩味~~食到有少少懷疑自己味覺係咪有事😨最後嗌既豉椒炒蜆終於去返大排檔應該有既調味今次感覺好差，以前都唔係咁既愈做愈差，應該唔會再返來了。