正宗水上人蒸氣鍋專門店

一家人吃貨時間⋯⋯新鮮海鮮食材，飲清淡橋麥茶，不錯選擇，地址容易找到，講番食材，龍蝦，蚌，海蝦，鮑魚，扇貝，三色蜆「冇乜沙因為已經吐了一段時間沙，膏蟹仔，最後甜上點是黑糖糕（好味不太甜…查看更多

因為前幾日係某某意義的紀念日，琴日補祝！食佢最愛的海鮮！可能疫情唔坐唔到半數，所以好好坐，兩人都會坐四人卡位，好鬆動。出面有好多醬料任拎，飲品就要錢。但飲品都唔平，一罐汽水都要16蚊！我地咁岩唔好彩一開始蒸十幾分鐘就壞機，不過職員好快就即黎同我地換個新。服務好好全程唔洗自己郁，幫你放幫你夾，有禮貌。夾嘅時候亦都會講解下，因為有d海鮮係已調汁一齊蒸。成晚得兩個職員，但每台夠鐘蒸好一樣會響因為有得set時間，職員都會盡量九秒九過到黎同你夾。服務真的不錯。全部海鮮都好鮮甜，龍蝦蟹蜆份量都岩岩好！仲有甜品同生果，食海鮮黎講五百零一個價錢還算合理，以今時今日市價黎講而已。如果做下優惠應該會好多人幫襯。今次我都因為紀念日先比自己食成近六百蚊的晚餐咋。最底仲有個粥底，幾精華吸晒，不過都好飽食完一碗已經食唔落曬左！我本身唔算細食，所以份量都不算少。提提大家，不過佢要逐樣蒸真係需時，最好早啲食，因為起碼都要食你至少個半鐘！…查看更多

最近有朋友轉到工，咁開心嘅事，當然係要去慶祝一下啦。講咗好耐要食呢個海鮮塔，所以就嚟咗呢間試吓佢，都真係幾唔錯架。我哋嗌左個套餐，裏面有好多唔同嘅嘢食。今次就等我介紹下呢個大大細細的蜆肉。真係非常之鮮甜，用呢個蒸氣嘅方法，慢慢蒸熟佢之後，根本完全唔需要點任何嘅醬料，無論大定係細，邊一隻品種，都非常之好食。令我好值得一提嘅就係呢隻蟹，真係好多蟹膏，超級好食。而且隻蟹都好多肉㗎，食得非常之滿足，非常之肥美又鮮甜，非常之值得推介。證明仲有好貼心咁樣將唔同嘅部位都剪咗出嚟，方便我哋食。最後當然食蒸氣火鍋，唔捨得試嘅就係佢嘅粥啦。個中吸收晒之前所有正過嘅海鮮嘅精髓，超級鮮甜，再加左啲南瓜同埋豬骨，健康又有益。…查看更多

專門過黎食海鮮大餐!今次試左個冰菜，真系好特別，口感唔錯好爽脆，仲有呢個海鮮南瓜豬骨粥都幾好，海鮮噶精華啊煮成粥，真系好鮮好好味啊！有好多海鮮可以揀，而且都好新鮮好高質素！…查看更多

一班同事放工後聚會，揀咗旺角呢間粥底蒸海鮮火鍋，我哋一共叫咗6種海鮮，海鮮雖然新鮮甜美但價錢貴海鮮種類唔多，蒸完海鮮個粥底好鮮甜但份量唔夠分，如果用呢個價錢埋單我相信有其他更好既選擇…查看更多

幾年前黎食過，覺得好正，有冰菜，用料新鮮，價格合理，幾年後，價格由最低的$398跳上$498，連加一茶介$600一位，加價25%,5個人食咗$3000，但又叫你一個星期內再黎食，會有1200回贈，這個回贈沒有消費下限，黎食$1200比返$1200，要食多餐，溝淡佢先覺得抵返，感覺係抬高個價，比回贈，博再黎撑場，當日星期五所見，生意一般,坐三分一，作為消費者，覺得真心減價吸客好D，有D取巧，仲貴過洒店自助餐，唔抵！講返食物，海鮮算新鮮，貝殼類算甜，有龍蝦，有蟹，算是豐富，本身鲍魚唔錯，嫩口嘅，但又無情情整咗一D綠色的topping响上面，有D貝類又加芝士，好地地的鮮味就比呢D整色整水蓋過本身的海鲜味。海鮮處理尚可，乾淨嘅，但隻蟹冇拍過，又唔比夾，好有牙力先掂，有D唔夠細心，得果幾枱客都咁……為咗個回贈又要再去，其實有點難為呢，所以唔好有第一次………查看更多

店員會同食客計住時咁蒸d海鮮，確保海鮮蒸出尼係恰到好處，再一件件分比食客。加上地點又方便，係可以一食再食嘅餐廳。蜆同花蛤無沙，新鮮。貴妃螃加左牛油同粉絲，好好味聖子海蝦瀨尿蝦。 紅棗糕&蜂巢糕2樣都好好味，我食左蜂巢糕先，食落好香甜，質地好特別，唔錯唔錯。紅棗糕ok去食既朋友仔建議食左紅棗糕先，因為蜂巢糕較甜。螺絲啫喱很出色既甜品雖然食落口有點硬，但作為現代年輕人，叫黎影相打卡都抵。下次一定繼續來，帶上全家人。…查看更多

第二次尼呢間餐廳食蒸海鮮大餐，水準保持，食材新鮮，海鮮鮮甜，環境又企理，服務又周到，店員會同食客計住時咁蒸d海鮮，確保海鮮蒸出尼係恰到好處，再一件件分比食客。加上地點又方便，係可以一食再食嘅餐廳。蜆同花蛤 - 無沙，新鮮。貴妃螃 - 加左牛油同粉絲，好好味聖子海蝦瀨尿蝦 - 好鮮甜！！店員仲會幫食客起埋殻，岩晒我呢d唔識碌殻嘅懶人龍蝦 - 唔洗多講，當然係好鮮好味。冰菜 - 人生第一次食冰菜就係喺呢間餐廳，好爽脆，好味海鮮南瓜豬骨粥 - 將之前所有海鮮嘅精華加米，豬骨同南瓜煮成粥，唔洗形容都知有幾好味！甜品好飽好滿足嘅一餐，希望好快會再尼第三次…查看更多

和朋友經過尖沙咀，想去吃火鍋，剛好經過這家，又看到openrice很多like，就進去試試。坐下看餐單時，看到兩人套餐最便宜的是498，覺得很便宜，就點了！後來我朋友才提醒我，是$498一個人，我才恍然大悟！海鮮拿來時覺得$498的價錢，好像太少了，不過心想應該新鮮，也就算了。侍應逐一幫我們放入鍋內蒸，不用自己動手，但他們態度麻麻。海鮮不過不失，蟹和鮑魚不錯，但蜆和龍蝦就一般。食完海鮮，最後有紅棗糕、粥和西瓜。我們又叫左啤酒和汽水，埋單，千二，單上寫著茶介每人$56。驚訝了一下，這茶介也太貴了吧！而且吃這一點海洋加上這樣的服務，我不如拿600去酒店吃自助餐，這個月Cafe KOOL的自助餐也才$484！突然覺得自己又笨了一回！…查看更多

父親大人最鐘意食海鮮，鯉魚門果d 海鮮太油太咸，靈機一觸不如試下蒸海鮮，一位位咁比錢，又唔洗驚比人呃秤，食得舒服安心蒸汽火鍋通常都用草帽做蓋，原來係可以吸收蒸汽，防止倒汗水跌落鍋內影響食材鮮味我地簡左$498一位既套餐：1. 貝類，馬刀貝，韓國芒蜆staff 一開始放珍珠米落鍋底，再放南瓜粒同豬骨，上面再放蒸盤同海鮮，夠鐘staff 就幫我地開草帽。蜆原汁原味，馬刀貝大大隻，肉質飽滿，唔洗點醬汁已經好好味！食完後，staff 幫我地將蒸盤傾斜，令淨低既蜆汁精華落到下面既粥，一路食已經一路好期待個粥2.芝士貴妃蚌加芝士比較新穎，但食落有d 失望，芝士吊唔起蚌既鮮甜味3. 黃金汁蟶子黃金汁，即係燈籠椒汁，好味呀！終於試到唔係蒜蓉蒸既蟶子！而且味道好夾3. 翡翠汁蒸鮑魚staff 話翡翠汁即係菠菜汁，不過我食到似香草味，anyway 都係好味既，鮑魚唔會過熟，口感好，不過有d d 腥4. 龍蝦一人半隻龍蝦，size 唔算大，但好在口感結實啖啖肉，有鮮味5.肉蟹令人驚艷既肉蟹，蟹肉味好濃，又滑又juicy, 鮮甜味最出係肉蟹，所以擺係蒸海鮮既最後一道😜6. 蟲草蒸雞d 雞蒸到連雞胸都滑！調味都唔錯，加上沾到岩岩肉蟹既湯汁，好味！7. 芥蘭蒸完既芥蘭好爽口，發現店家好有心思，芥蘭寒涼，所以擺埋d 薑係上面，完全感受到佢地既用心，加分👍🏻👍🏻8. 紅棗糕&蜂巢糕2 樣都好好味，我食左蜂巢糕先，食落好香甜，質地好特別，唔錯唔錯。紅棗糕ok去食既朋友仔建議食左紅棗糕先，因為蜂巢糕較甜9. 南瓜豬骨粥重頭戲黎啦煲左個幾鐘既粥好綿好滑，重點係超級超級鮮美，每一口都有海鮮既精華！我食到最重既係肉蟹既味，雖然好飽，都忍唔住食左一碗粥😌😌😌10.西瓜食到依到，我已經棄權了🤣老公話ok 甜店家用料新鮮，調味新穎有心思，staff 服務都非常好好細心，會問洗唔洗抖抖再蒸下一樣，照顧你既需要，抵讚👍🏻👍🏻加上父親大人食到眉開眼笑，身為女兒既我份外覺得滿足…查看更多

象拔蚌細心為客人切好、食得很方便clam 🤭好大隻好新鮮個粥底吸收哂海鮮既鮮味， 味道鮮鮮甜甜，再自己加上菜譜，蔥等。來豐富自己口感。蒸糕點，個人口味我比較喜歡黑糖糕，甜甜很有口感。螺絲啫喱很出色既甜品雖然食落口有點硬，但作為現代年輕人，叫黎影相打卡都抵小菠蘿有點甜，有小朋友的點點， 他們應該都很喜歡點黎影相呃like 是切必須的…查看更多

放工後的星期五晚，心血來潮想食蒸蒸海鮮窩，就諗起正宗水上人氣鍋專門店，因為之前食過旺角分店，覺得d海鮮好新鮮，所以今次試下尖沙咀店！即刻打去book, 好彩有位。我地點左個$498/人套餐，套餐有好多唔同既海鮮，樣樣都好新鮮，果然無黎錯！最值得推薦：貴妃蚌：真係好彈牙，好鮮甜！鮑魚：配埋佢特有醬汁，令佢更鮮味！龍蝦：有好多膏！好好味！總括來說，所以海鮮都好新鮮，服務又好貼心，仲要如果響Facebook 分享或微信分享每人可減$30！真係物超所值！…查看更多

同朋友兩個人去食，套餐價每人要$498，仲未計飲品同加一服務費。諗住呢間咁出名，又收得咁貴，質素應該有返咁上下保證，但結果係我諗多咗。其實我都食過另外兩間粥底火鍋，價錢比呢間平，亦都比呢間好食好多。先講講服務，唔知係咪因為要招呼啲大客仔，我兩個人去食佢就唔係好理我地，叫幾次都無人理。再講講啲食材，又唔係特別新鮮，d蜆仲有沙係入面，最後食果個粥都不及我之前食既2間粥底火鍋，好失望。如果比得呢個價，去鍋心/聚滿坊食仲好，唔會再幫襯！…查看更多

同朋友飯聚， 打開openrice搜尋有乜好介紹句號 添孫之下朋友喜歡吃蒸鍋 搜尋一輪結果選擇了這一間。訂坐時到達，客人不多。坐下睇吓餐牌。比較點菜還是套餐，最后選了套餐。侍應會上菜同處理，下窩，分享等。原意ok但個人較喜歡自行處理。瞬間食完到粥，味道可以的。埋單每人超過$600。…查看更多

建議大家不要在網上預約，為慶祝朋友生日我預先已訂了四位來食蒸氣火鍋，在晚飯前大概4小時職員突然打電話給我說原先我預訂了七點的定位不能安排最快要八點才可能有枱，都算我再追問職員是否八點肯定有枱？(｡ì _ í｡)他們告訴我八點來到還要等不知道要等多久那麼乾脆叫我不要來好吧！突然臨時臨急還要星期五晚上突如其來的轉變可讓客人怎樣安排朋友的生日呢？！最過分是那職員在電話中的態度，簡單來說是叫你當晚不要來，什麼是叫你遲1小時來還要等不知道要等多久！劣質嘅服務劣質嘅管理劣質嘅系統寫食評那麼久今次是最不高興的訂枱…查看更多