正好燒鵝茶餐廳

營業中

休息中

4 pm 左右在黃金海岸商場, 食下午茶 , 因為午飯都未食，所以想多吃一點。😁朋友住在附近， 經常幫襯，雖然這間餐廳打正旗號食燒鵝，朋友說餐廳的燒味也好吃，不過他極力推介這個酸菜魚。 所以最後揀了這個酸菜魚套餐，魚算多也很滑，還有一些扁平的粗米線， 煙煙韌韌，味道做得很好，另外包一碗白飯，所以分量很足夠。加埋凍飲，都是70多元，真的很抵食👍 朋友說他們的水煮牛肉套餐，也很出色，下次有機會都要試下。另外叫咗份一般茶餐廳嘅西多士下午茶餐加紅豆冰，味道都不錯。

蒸排骨要成半個鐘？！放工懶得返去煮就打算食埋先，是但食間茶記。見門口無人等入到就寫咗張飛話叫我等位，我係第一個。1點50分左右到，等咗唔係好耐就入得，但個姐姐同我講係張四人檯問我介唔介意搭檯後面張飛係兩位。我都考慮左幾秒，佢話會幫我係中間間板（到食完都無幫我地間板），我都無奈地答應。坐低即落單，2點落單，去到2:15左右搭檯嘅姨姨叔叔話我個個咁耐佢地都食緊，睇唔過眼幫我催單。收銀姐姐話蒸緊，係即蒸嘅（雖然單牌都有寫即炒即蒸），唯有再等等。去到30分叔叔姨姨都話咁耐，再幫我催⋯問完又話蒸緊，其實排骨要蒸咁耐咩？？！！到我話要取消佢又即刻出到比我！！我食個飯都唔洗十分鐘！又唔係特別好食，普通正常家常便飯！下次都係自己煮算！！！

本人在午餐時段叫了他們所謂“即炒即蒸小菜套餐”，等了廿五分鐘，本人联络侍應，問可否跟進order,他們沒有回應，視而不見，聽而不聞。再過多十分鐘，終於來了碟小炒，牛肉冰冷，本人找侍應投訴，她說載餸的碗是熱，我問她，我係食裡面啲餸，而不是碗，通常小炒是用碟盛載，很少用飯碗，此間餐廳，真是食物，服務態度超級垃圾。

咁岩入黃金海岸找朋友，於是在黃金海岸找一間餐廳食下野，最後揀左呢間食個下午茶餐。職員的服務有點兒HEA，入到餐廳自己搵位，問佢咩叫桂花切雞又唔識介紹，即係切雞。1.常餐（火腿牛乳炒滑蛋、牛油厚多士、义燒湯火粉）（$52）普通的茶餐，不太特別。2.桂香切雞飯（$62）呢間餐廳主打的燒味。切雞都幾滑，但雞味不太重，都係一般。

早餐冇通粉係常事凍啡冇冰笑料入單40分鐘後才上食物服務员態度愛理不理，早餐餐牌上配搭不能更改一成不變而且食物質素低劣，外賣出單快過堂食上菜簡直浪費環境氣氛軟件配套不足不及普通茶檔要求！

燒味好昧，雞和燒肉推👍一碟份量夠細食的2人坐位舒服，價格比一般茶仔貴DD，一分錢 一分貨。已經變了常客，外賣也不失堂食質素。食飽可以行埋沙灘，假日多人但平日真的好正。

大部分服務員 態度極差問佢攞沙律醬竟然話 冇之後又話收你十蚊order三杯嘢飲打四個價錢做得辛苦唔好向客人發脾氣老年嘅男經理態度差唔稀罕做生意咁; 仲有個 服務員摸住個口罩先去送餐極度唔衛生

昨晚同老公去黃金海岸睇完日落，就嚟咗呢度食嘢，點解會揀呢間，因為見佢地方闊落好坐，價錢其實偏貴，不過老公話想試吓佢哋啲燒鵝，所以入去試吓，我真係後悔冇影低相俾大家睇吓，佢啲嘢真係好唔掂。首先，我哋叫咗碟燒鵝飯，要求要鵝胸，來到碟飯啲鵝分量唔多，兼且有一半係皮加骨，得大概四、五舊好似手指咁闊嘅胸肉，飯份量正常。價錢$75就已經唔抵，份量連大家樂餐廳都好過佢，食咗好耐先來另一個order.我哋另一個order係虎皮椒炒牛肉絲客飯，來到仲經典，佢個客飯包一杯飲品，我叫咗凍檸茶，杯茶淡過水，碟餸size 係一碟手掌咁大嘅橢圓形碟，裏面全部都係紅色、綠色辣椒，仲好辣，得幾條牛柳絲，菇同蔥都係得兩條，成碟餸已經好細碟，但好似辣椒係主角，大部分都係辣椒。於是我問個女侍應，佢都好好禮貌，但解釋話因為呢碟餸叫做虎皮椒炒牛柳絲，所以虎皮椒係咁多份量，但啲牛柳絲走得幾條，價錢仲$91，我覺得個份量連茶餐都不如，似酒樓嗰啲菜芥前菜咁少，勁運動中伏，我下次都唔會再來幫襯。

禮拜二同同事行完山🤭係黃金海岸附近搵下有咩岩食食返個下午茶，補充一下體力見倒有間港式茶餐廳，裝潢讓人好舒適可能係因為平日下晏四點半左右人客都比較少，亦唔需要等位特別提提，佢係自助方式去拎水，碗碟等經過討論後，我覺得都係常餐比較豐富特別係我好想試下佢既牛乳炒滑蛋常餐$52, 另加凍檸茶$3牛乳炒滑蛋愛蛋之人必定鍾意！！香滑既牛奶配上蛋香味，讚份量亦合理喔~ 反而對我來說好飽🤣價錢合理，性價比高，推薦

正好燒鵝茶餐廳打正旗號食燒味嘅茶仔，可能黃金海岸始終系遊客區，茶餐廳嚟講環境算唔錯啊，坐位寬闊舒適，今日唔係假日，食客寥寥可數，都係街坊客為主D燒味掛曬出嚟，整整齊齊，望落都幾吸引，叫咗個茶仔比較少有嘅乳豬飯，承惠$76單價貴咗啲，不過就包埋例湯/飲品算系咁乳豬肉嫩脆薄點醬再加白砂糖有埋小菜拌碟，米飯🍚質地麻麻地，個例湯正常，冇味精的那種賣相就係碟頭飯囉，如果你用茶餐廳嘅期望入嚟食，個人覺得還不錯

落咗好幾日雨，終於見到陽光，可以帶埋亞女去遠啲，踩下單車🚴，晒下太陽🌞。嚟到黃金海岸，先坐低食個lunch，食飽再去放電😅！去茶餐廳，我通常都係同侍應講：「一個常餐，配凍朱古力吖，唔該！」今次也不例外😜，今次常餐係叉燒通粉、火腿沙滑蛋配牛油多士，唔錯，叉燒好味，唔會好硬好老，滑蛋的確好滑，不過今次杯凍朱古力就特別啲，亞女竟然唔係咁鍾意，因為朱古力味好濃，有啲苦味，似谷古，我就覺得幾好😙，今次無人同我爭住飲🤣。老公就叫咗個燒鵝肉炒飯，炒得幾乾身，味道亦都ok la，不過整體價錢頗貴😅

早前試過早餐，除咗杯奶茶係正常之外，食物份量少，選擇少，味道一般，成碗沙爹牛肉米得3片牛肉，仲要好多筋咬唔開嘅，9成牛肉都吞唔到落肚。覺得好伏。老公話餐廳賣點係燒鵝，燒鵝可能好啲。終於有日買黎試吓加餸，一個例牌燒鵝連油雞，成盒嘢拎上手已經輕瓢瓢，番到屋企打開火都黎埋。連埋盒$150 件數少，全部骨多過肉。燒鵝表皮係有少少荔枝柴香，但肉冇香味，同棋哥果啲質素相差好遠。一定一定唔會再有下次幫襯。要數商場裏面，其他所有餐廳都會有再幫襯嘅機會，呢間一定無。

下午茶時段叫西多，冇麵包；要叉燒飯多飯唔俾，我理解嘅；要雞髀餐跟紅豆冰，冇紅豆冰，轉凍檸樂，可樂冇，轉普通飲品，唔肯扣差價；出餐20分鐘，茶餐廳？態度惡劣，不知所謂，別無選擇，幫襯前請三思。

而家疫情關係，我明白食市好難做生意。外賣自取返到屋企打開盒餸，真係好嬲。燒鵝油雞飯，都係俾翼我。俾d骨同白飯我另外嗌左個椒鹽豬扒，濃到又黑又硬。拎到返屋企其實真係唔想再拎返去，但真仰太過份。打電話返去仲要態度惡劣。呢間野又貴無下次。

今天下午來這間茶餐廳吃下午茶。坐坐吓突然間有人將冷氣機較到好熱。所以我通知伙記叫他們可否較冷一點。怎知道他們竟然鬥氣將冷氣調到更熱一點。我想講這間茶餐廳的食物已經好麻麻，然後服務態度簡直嚇死人！所以唔怪得之客人越來越少！我真係好奇怪佢哋點解要咁樣對待客人，我自問都好有禮貌！現在天氣那麼熱，我諗我以後都唔會再去幫襯！