正九清湯腩 (常安樓)

營業中

休息中

今天晚上又係外賣加送嘅日子，經過油麻地見到呢間餐廳主打清湯腩，有湯粉麵飯～亦都有紅油抄手、餃子等等，價錢亦都唔貴😜一於叫個清湯牛三寶飯，加$6升級做崩沙腩~😋侍應態度非常良好，等咗一陣已經拎返屋企牛三寶有崩沙腩、牛筋同牛肚，侍應仲好貼心用咗額外一個碗裝起，份量仲要唔少添！崩沙腩爽口不硬，肉質鮮甜，牛筋彈牙 ～牛肚完全沒有腥味，非常好吃！本來仲想試吓正九牛肉羹，不過啱啱個師傅冇返工，留待下次再試下🤗

日日返工都唔知食d咩lunch好，今日同事同我講佢上次去左油麻地試過呢間*正九清湯腩*好正！於是就決定去試下。同事極力推介我試清湯崩沙腩河，於是我就叫左黎試，d牛腩食落好新鮮，陣陣肉味，湯底好清甜，搞到我忍唔住飲咗大半碗湯同事就點咗排骨擔擔麵。初時我見佢d湯底好淺色，以為會冇乜味，點知湯底夠味之餘，仲好香花生味，又可以揀辣唔辣，好貼心仲有d排骨，炸到岩岩好，厚薄適中，仲好香脆😋😋另外我地仲點左紅油抄手及炸魚皮。2份小食份量都唔細，紅油抄手d皮好滑，魚皮亦好香脆，仲要係整到好薄，口感一流！下午茶仲送飲品！埋單都係$149好抵食😋😋😋見佢觀塘有分店，下次可以同埋屋企人再食！人客都幾多，好彩咁岩有位坐，唔駛等好耐☺️

同朋友去油麻地果欄買水果，出咗地鐵站，見到呢間餐廳，門口餐牌寫住以新鮮牛腩、牛骨秘方炮製，朋友話好耐冇食牛腩，好想食。🤤差不多5點鐘，我哋早少少食晚餐啦，一坐低，店員好勤快，好快幫我哋落咗單，下午茶時段仲送飲品。朋友叫咗：🐮清湯牛三寶撈粗，飲熱奶茶$70個牛三寶撈粗好快就到，份量都好足，有牛腩、牛筋、牛肚，我見到都想食😆，朋友即刻話一齊食啦，不同部位都炆得好腍，而且冇牛騷味😋。我就點咗：🐥醉雞飯，飲熱檸水$53 （+$5 轉雞髀🍗）切雞浸得好嫩滑，淋上花雕酒汁，雞髀啖啖肉，好正；仲點咗碟腐乳通菜$19，都幾大碟，幾抵食，食完大滿足。然後去果欄掃貨😆🍓🫐🥭🍍。

正九清湯腩 (油麻地)油麻地文明里11-13號常安樓地下1號舖今日假期諗住油麻地果欄入貨。順便去食個lunch 一出地鐵站就見到正九記清湯腩因為好耐無食過牛腩就試左呢間。今次2個人叫左清湯牛腩及牛筋河，腐乳通菜同魚皮。本身見到牛肉羹想試，因為好少見到其他餐廳有，可惜店家話未有住🙈啲野食黎到，牛腩啲紋路好靚，好有層次，有別於其他食牛腩的地方。牛腩食落肉質鮮美唔黐牙，抵讃👍👍牛筋腍滑而不黏牙，食落好似食緊啫喱咁，好有驚喜。魚皮新鮮脆口，腐乳通菜個醬整得好用心，完全冇一粒一粒。食到中間發現原來舖頭啲碗碟都有個雞公logo😆整體黎講，食物質素好好，平價就食到有水準又大碗嘅清湯腩👍

行完街經過油麻地，見到之前食過嘅「正九清湯腩」，決定買份外賣。食物質素同觀塘店一樣好😍。🥢淨清湯牛腩 $118湯頭看似清澈其實牛味香濃，鹹度唔算高，亦唔會令人口渴。所以我哋食完牛腩後用咗湯汁嚟煮麵。牛腩份量不少，肥瘦均勻。牛腩煮得軟腍，但筋膜部份依然保持口感。🥢炸魚皮魚皮薄身香脆，一啲油膉味都冇。食物好味之餘價錢相宜，值得一試👍🏻。📍正九清湯腩 (油麻地)油麻地文明里11-13號常安樓地下1號舖

呢晚喺油麻地，要買外賣番屋企開餐，經過呢度，見到係食清湯腩，咁我咁鍾意食牛腩😆，又未食過呢間小店，又見到似乎幾啱口胃，咁都唔使諗啦，一於決定入去買嚟開餐😆叫咗 $74嘅「清湯牛三寶撈伊麵」，$51嘅「口水雞」同埋 $41嘅「淨菜肉雲吞」😋-「清湯牛三寶撈伊麵」：牛腩、牛筋、牛肚都好好牛味🐂，特別係牛腩， 炆煮得好腍😋；伊麵 已經好耐冇食，有少少彈牙兼煙韌，好味😋-「口水雞」：味道濃郁，唔算好辣，食落非常開胃😋-「淨菜肉雲吞」：豬肉肥瘦適中，撈埋蔬菜整雲吞，簡單得嚟幾鮮味幾好食😋仲有，份量都幾多，街坊價錢，抵食🤩

之前去過正九清湯腩觀塘店食過，啲牛腩係幾好味，經過油麻地見佢開左分店，一於再支持下，但都食唔到我想試下既罕有美食。咖哩牛腩飯牛腩好腍，咖喱好香唔太辣，餸飯一流。牛腩份量都幾多，有成十舊八舊。👍👍個飯仲跟左碗湯，幾清甜。口水雞🐔同麻辣白肉🐷雞肉嫩滑，白肉就半肥瘦，兩個汁都有少少辣但好香口。我想試既係牛肉羹，出面粉麵店好少見到有得叫。師傅用傳統做法，牛肉用牛頸脊和大腿內側做，呢兩個部位既牛比較少，所以呢個羹係限量。今次黎都賣唒😭，下次要早啲黎。

位於油麻地的清湯腩店，觀塘有家總店的，專門吃清湯牛腩、特色牛肉羹、崩沙腩粉麵等，還有飯類。餐廳鄰近地鐵站，燈光光猛，環境簡潔，蠻容易找到的。淨食：淨菜肉雲吞每粒菜肉雲吞都是脹鼓鼓的，薄薄的雲吞皮包裹著菜肉餡料，菜肉份量平均，入面的菜餡是菜粒，爽口感高。湯粉：清湯牛三寶米粉（牛腩／牛筋／牛肚）牛的份量多。牛腩炆得軟腍且入味，有肥有瘦，牛筋大顆，每顆都富有韌勁又爽口。牛肚彈牙韌口。整體口感豐富，湯底帶牛香，牛肉味濃郁，米粉都把湯汁精華吸收了。湯粉：紫菜三寶丸上海麵（墨丸／魚蛋／牛丸）原本是牛丸，墨丸及白魚蛋，不過轉了兩款魚丸，墨丸及白魚蛋，紫菜味道最突出，湯都變成紫菜湯。上海麵條很幼細。

天氣忽然凍，來一碗熱騰騰的清湯腩就好perfect!在油麻地文明里見到正九清湯腩，外賣2麵1小食回到家還是暖笠笠的。.清湯腩碗河粉是最佳拍擋，牛腩煮的腍身又入味，又可以選擇肥瘦，牛肉味香濃，是傳統的好滋味！湯底清清地又甘香，好滿足。.正香牛𦟌擔擔麵很很不錯，牛𦟌筋肉平均，有口感，加入擔擔麵的醬汁/配料更滋味呢。.二個人share一份醉雞剛剛好，雞肉夠醉，入味又嫩滑，如果喜歡也可以把醉雞汁飲完，滋潤又暖身呢！

🔸正九清湯腩🔸📍油麻地文明里11-13號常安樓地下1號舖今日經過油麻地嗰陣 好想食正宗嘅魚蛋 就比呢間吸引咗入去 呢間嘅店舖人流好旺 就算而家疫情 禁咗晚市堂食 仍然見到好多人買外賣！呢度主打清湯腩 亦都有河粉麵、魚蛋、小食等選擇食物即叫即出 唔使等太耐 價錢亦唔貴 選擇種類非常繁多！我叫咗個淨魚蛋 加$6可以叫兩粒牛丸魚蛋好爽口彈牙 白雪雪但係大大粒 魚蛋好有魚肉味 一睇就知新鮮 魚片好厚 一啲都唔吝嗇 牛丸都好入味 實淨硬身 食落去味道真係唔錯🙈再叫多咗個腐乳通菜 通菜好入味 爽口淋身 腐乳同通菜好夾 $19真係好抵食！

牛腩飯一直都係我其中一樣最愛因為係我嘅童年回憶成日同屋企人去屋企附近嘅大排檔食不過而家出咗嚟社會做嘢都好少去咁岩經過油麻地買完生果見到呢一間正九清湯腩間鋪同一隻食開嘅牛腩麵檔好唔同好似一間新式茶餐廳見到價錢又唔係好貴又幾多人就去試吓食咗佢哋嘅牛三寶飯有牛筋牛肚同牛腩牛筋有3條好滑好有骨膠原而牛肚亦都好乾淨彈牙得黎，幾好味主角牛腩因為都注重返健康叫咗佢俾啲瘦啲嘅我幾好夠瘦無咩根，牛味chung清湯都真係幾清蘿蔔好甜索埋d 湯正！開茶餐廳當然要試埋嗰啲奶茶咖啡咁就要杯凍鴛鴦一次過試晒佢茶底夠濃而且亦都飲得出咖啡嘅香味唔錯奶夠香滑正！

最近相約姊妹共聚，我和姊妹經過油麻地文明里，她帶我去「正九清湯腩」，食店人流很旺，被它的食物所吸引，現在晚巿禁堂食，打算進入外賣覓食。店中環境舒適，乾淨整潔，氣氛輕鬆，空間感很好，感覺舒服開揚。餐牌上設有多款菜式選擇，美食當前無法抵擋，放縱一下自己，美味的食物，我都很鐘意，價錢很相宜。我選擇了4款食物，包括有口水雞，凈菜肉雲吞，炸排骨及炸魚皮，外賣回家慢慢食。口水雞口水雞份量十足，鮮嫩有彈性，脂肪很少，食落不會太過油膩，十分香滑，香氣四溢，味道可口。凈菜肉雲吞凈菜肉雲吞份量多，賣相相當吸引，肉質鮮嫰爽滑，紮實彈牙，多吃都不妨，滿載的味道清新，別有一番風味。炸排骨單單看樣子已經令人唾涎，炸排骨口感非常香脆，彈牙有咬口，肉質鮮嫰爽滑，入口美味，剛好恰到好處，齒頰留香，饞嘴的我很想Encore。炸魚皮炸魚皮咬落脆卜卜，一口咬下去，香脆有彈性，非常爽口，口感層次豐富，細膩美味，讓人一試難忘。正九清湯腩（油麻地）地址：油麻地文明里11-13號常安樓地下1號舖

疫情下晚晚煮, 煮到頭都大埋. 今晚都係買外賣算, 諗起附近開左間幾大間既清湯腩, 裝修新淨光猛好似唔錯!清湯牛腩飯 $58好耐冇食清湯腩啦! 加$6就可以轉崩沙腩, 梗係轉啦!  一打開比湯浸住唔覺眼, 一不落去, 份量估唔到咁多, 好多舊呀崩沙腩有軟筋膜口感爽脆,  肉軟腍,有肉香 口感煙煙韌韌, 清湯香甜唔油膩, 正!  仲有白蘿蔔都係好野, 冇渣又甜。 醉雞飯 $53醉雞加$5就可以轉脾, 皮香肉滑就最夾花雕, 酒香突出, 入味之餘又有雞味, 好食。另外加碟油菜 $19, 都唔馬虎, 加左D腩汁又好味D。碗崩沙腩又多又高質, 覺得好抵~ 醉雞都好食, 150蚊有找, 快靚正好似好過自己煮~~

疫情愈來愈嚴峻，每天數以萬計香港人染疫，簡直失控，在這日日新高，人人自危的境況下，當然是少去堂食，多買外賣為妙。就像這一天，我外出回家，路過這間正店在觀塘首先開業，現時在油麻地開了分店的「正九清湯腩」，見店外宣傳海報上寫著的「正九牛肉羹」看來相當吸引，便決定外賣一個「正九牛肉羹」（$48/大，外賣+$2），再加一份「淨菜肉雲吞」（$39，外賣+$2）回家做午餐。看店舖介紹，這兒的招牌特色「正九牛肉羹」原來是福建晉江當地常見的菜式，用的是牛頸脊和大腿內側的部位，先把牛肉剁成蓉，再把蕃薯粉和鹽加到牛肉裡，一邊搓一邊加水，沒有添加味精或硼沙，功夫著實不少，所以每天只會限量供應。這「正九牛肉羹」份量不少，一條條大小不一，約如大拇指般大小的牛肉條，一看便知是人手搓成，肉質軟腍得來又有足夠的彈性，全部浸泡在比雲吞湯濃稠一點的牛腩茨汁調成的湯羹中，吃時把牛肉條以牙籤拮著放到店舖另行送上的陳醋裡，味道更好。除了多達二十餘條的牛肉條外，這牛肉羹內還有兩大塊蘿蔔、大量薑絲和蔥花，讓這牛肉羹的材料更加豐富。「淨菜肉雲吞」也不差，大大粒的菜肉雲吞，足有七八粒之多，全都飽滿鼓脹，不但餡料豐富，肉多菜多，而且味道

睇住開幕終於lunch試吓，都有d期望，唉⋯試完之後覺得好普通⋯先談奶茶，嘴啖奶茶味，天呀！個杯有一陣消毒味溝熱奶茶，真心有d似中毒，麵和牛肚、湯底、同一間普通雲吞店差唔多，無乜特別⋯渴底好清似雲吞湯底、牛肚就係牛肚、麵質一般，所以就係麻麻，自己又中伏，切勿再相信門面牌說咩牛腩專家店鋪。$48元不算平，又沒有令口感深刻yum yum 。